لا اعتذر على الاخطاء الاملائية
________________
ضنيت في بُعدي حميتك اثرني بالهجر شانِف
يَصبو قلبي في كفوفك والله ماصديت عايف
__
في اللحظة اللي ضن فيها ان قصتهم انتهت
و انه قادر يسامح ويعفي
رجع الثاني وأذاه بشكل اعنف .. رجع يألمه تحت مسمى "الحُب "
المسمى اللي قلب حياته رأس على عقِب .. اللي استنزف مشاعره بالتدريج ليدحرها بظلمات فؤاده
بداها في جسده يتسبب برميه مثل قمامة قذرة امام باب بيته
وتبعها بنفسيته اللي تحطمت بالتدريج ..
ويوم ورى الثاني تزيد المشاكل مدمرته اكثر
من طالب مات بسبب الحُب لحادث اخوه بسبب الغيرة
والان يُردي من خذاه بحضنه بلا مقابل
ليجعله جثة هامدة في احد غُرف الحالات الطارئة ...
جالس بالممر يفصله عنه جدار وبضع امتار
يذكر اخر حوار دار بينهم .. طلبه يبتعد عن حياته و اسلوبه السيء بحقه
كان مُدرك تمامًا انه جرحه ، همس برجاء تغطي الدموع ملامحه والالم يعتصر قلبه : تكفى لاتموت ... طلبتك
والله ما ابتعد ولا ابعدك
يشد ذراعه على جسمه بأرتجاف مغطي وجهه بذراعه الاخرى
باكي بشكوى للجالس بقربه: والله اني احبه .. قسم بالله ابعدته لاجل مايتأذى ،
مابغيت يصيبه مكروه .. ساعده راسيل تكفى
طلبتك سو شي خلهم يرجعونه
تشتد قبضة راسيل عاجز عن مواساته .. ماقد ربت على كتف من بكى قدامه
يصر اسنانه بغضب بنية حرق من اذى ذي الصغيرة : بيصحى .. لين يصحى مابتاخذين حقه ؟
يشهق فارس ببكاء متخيل فقده : واذا ماصحى !
: الله يرحمه
قالها راسيل بزلة لسان يغطي بعدها فمه بندم : آسف
وقف ساحب فارس ( همس ) معه ، يستند راس الصغيرة على صدره ليعلو بكائها
يضمها راسيل بردائه الطويل مخبيها عن عيون الموجودين بمحاولة لاخفاء ضعفها : لاتبكين .. بيكون بخير
تتمتم ببكاء مكتوم : ابي صقر
يومئ بموافقه مطلع هاتفه يتصل على صقر
يرد بعد ثواني ليفز من مكانه بقلق على اخته طالع من سكن الثانوية
متجه بأقصى سرعة للمشفى
و في مكان ثاني ..تحديدًا عند مدخل المشفى
يدخل بهرولة باحث بعيونه عن سلطان ... طالع بلباس البيت وشعره مربوط بعشوائية تكسو وجهه اثار النوم متبوعة بخوف وجزع طغى بملامحه
يمشي بسرعة لمكتب الاستقبال بيسأل الموضف , يقاطعه قدوم سلطان يناديه : يابو فهد
يوقف سائل بسرعه : وين ولدي !! وش صارله !
يُجيب سلطان بمحاولة لتمهيد الخبر : لاتخاف مابه الا العافية ، تعال زايد ينتظرك
أنت تقرأ
همسة ألم
Romanceبنت بمدرسة عيال... رومنسي مدرسي اكشن انتقام كوميديا ((بنت تدخل مدرسة عيال عشان تنتقم من شخص يحبها..؟ ))
