Bossy Boss (Completed)

Chapter One

Hi! If you have time, kindly visit my youtube channel and subscribe na rin po. Watch niyo na rin po ang mga videos do'n. Thank you!

https://www.youtube.com/watch?v=SdN2OZJDWC8 or simple search Fiona Queen.

Unedited--means maraming typos and wrong grammar.

"OKAY. Expect me there in thirty minutes." wika ni Freya Martinez sa kaibigang si Jade. Kakalabas lang ni Freya sa Ross Restaurant ng tumawag ito sa kanya. Nagpapasama kasi si Jade sa kanya na pumunta sa YB Jewelry ang pinakasikat na Jewelry Store sa buong bansa. Bibili kasi si Jade ng pangre-regalo sa boyfriend nito para sa second year anniversary ng mga ito. Dahil wala naman ibang gagawin si Freya sa araw na iyon ay pumayag siyang samahan ang kaibigan.

"Okay. Drive safely, Freya." paalala pa ni Jade bago ito nagpaalam. Nangingiting iiling-iling naman si Freya habang inilalagay ang kanyang cellphone sa loob ng kanyang bag.

Okay. Drive safely, Freya, ulit niya sa isip sa sinabi ni Jade. Hanggang ngayon ay wala pa ring tiwala ang kaibigang si Jade sa driving skills niya. Ayaw na ayaw pa nga nitong sumakay sa kotse niya sa tuwing siya ang driver. Mas gusto pa nga daw nitong mag-commute na lang kaysa sumakay sa kotse niya. Kaskasero daw kasi siya masyado sa pagmamaneho. Para daw siyang lasing kapag hawak ang manibela ng kotse niya. Para din daw siyang hinahabol ng sampung halimaw sa bilis ng pagpapatakbo ng kotse niya. Overtake daw kasi siya ng overtake. Pinagtatakahan nga ni Jade ay kung paano siya nakakuha ng lisensiya sa paraan daw ng pagmamaneho niya.

Hindi lang ang kaibigan ang walang tiwala sa driving skills ni Freya. Pati ang mga magulang at nakakatandang kapatid ay walang tiwala sa kanya kapag hawak na niya ang manibela. Mayroon kasing masamang karanasan si Freya sa pagmamaneho ng sasakyan.

Iiling na napangiti si Freya ng maalala niya noong minsang isinakay niya ang kaibigang si Jade sa kotse ng minsang coding ang sasakyan nito. Grabe kasi ang kapit ni Jade sa upuan nito kahit nakaseat-belt na ang kaibigan. Panay din ang usal nito ng dasal habang ito'y nakapikit.

"Lord iligtas mo po kami sa kapahamakan. Marami pa po akong gustong gawin sa buhay. Gusto ko pa pong tuparin ang mga pangarap ko. Gusto ko pa pong magkaroon ng sariling pamilya." naalala niyang dasal ni Jade habang ito'y nakapikit minsang isinakay niya ito sa kanyang kotse.

Napailing na lang si Freya na kinuha ang remote control key ng kotse niya sa loob ng bag. Pinindot niya ang unlock button. Tumunog iyon, tanda ng pagbukas. Binuksan ni Freya ang pinto sa driver seat. Initsa lang niya ang hawak na bag sa may passenger seat saka siya sumakay. Then, Freya started the engine. Iminaniobra niya paatras ang kotse niya ng hindi sinasadyang nasagi ng likod ng kotse niya ang katabing mamahaling kotse na nakaparada sa tabi niya. Napakagat siya ng labi wala sa oras. Masyado kasing masikip ang parking space dahil sa dami ng nakapark ro'n.Tumunog pa ang alarm ng kotseng nabangga.

"Oopps, sorry Mr. Lamborghini." hingi ng paunmanhin ni Freya sa pobreng kotse. Ibinaba niya ang windshield ng kotse niya. Saka sinilip ang mamahaling sasakyan na nabangga. Inimpeksiyon din ni Freya kung malaki ba ang naging damages ng Lamborghini. Freya sigh with relief nang makitang maliit lang na gasgas ang tinamo ng mamahaling kotse ng masagi niya iyon. Nagpalinga-linga din si Freya sa paligid ng parking lot kung may ibang tao do'n na nakasaksi sa nangyari. Napangiti siya ng wala siyang makitang ibang tao ro'n. Ang ibig sabihin niyon kasi ay walang saksi sa nagyari. Makakatakas at makakalusot siya ng walang aberya.

Freya flipped her hair and smile sweetly. "I'm sorry again, Mr. Lamborghini. But I gotta go 'na. Mala-late na kasi ako sa usapan namin ng kaibigan ko. She expected me there in thirty minutes, eh." maarteng wika niya. Sa huling pagkakataon ay pinasadahan muli ni Freya ang Lamborghini bago niya pinaandar ang kotse paalis sa lugar na iyon.