قدر: مكنتش اعرف انه يهمه مبقاش زعلانة منه للدرجة دى. مكنتش اعرف انى فارقة معاه اساسا
نورهان: هااا؟
علا: ماتحكى اللى حصل، الله
قدر: طلبلى اكل و اكلنا....
قاطعتها علا: اكلتوا ايه؟
نورهان: همك على بطنك انتى على طوول كدة!
علا: انا عايزة اعرف
قدر: يوووو .. سوشى
نورهان و علا: نعم!
قدر: سوشى
علا: وانت من امتى بتاكلى السوشى
قدر: وانا من امتى اكالتوا اساسا؟
نورهان: ده طعمه استغفر الله العظيم بجد
قدر: مانا غرقته المايونيز الحراق اللى معاه ده لدرجة انى محستش بطعمه
نورهان و علا ضحكوا عليها
نورهان: طب كملى كملى و بعدين؟
قدر: وبعدين اعدنا نتكلم و بس
قدر: كان كل ما موضوع يخلص يفتح موضوع تانى .. لكاك اوى الصراحة
نورهان: انا اتوقع الكتير و القليل من ادهم ده بس متوقعش انه يعمل معاكى كدة
علا: ما علينا، المهم تكون انبسطت
قدر: اه انبسط الحمدلله
نورهان و علا: الحمدلله
تانى يوم، الصبح .. عند قدر فى البيت
قدر دخلت عند مامتها المطبخ: صباح الخير
سلوى: صباح الفل يا حبيبتى، يلا تعالى حطى معايا الفطار ناكل كلنا مع بعض
قدر: لا يا ماما انا هفطر فى الشغل .. فين علا؟
سلوى: نزلت قبل ما تصحى، هى مقالتلكيش رايحة فين؟
قدر: هقولى ازاى يا ماما وانا نايمة!
قدر: على العموم انا داخلة ألبس و نازلة، لما علا تيجى ابقى خليها تتصل بيا
سلوى: ماشى
عند اكرم فى بيته..
لابس و نازل، قبل ما ينزل عدى على مامته (نوال)
اكرم: صباح الخير يا ست الكل
نوال: صباح الخير يا حبيبى، تعالى كُل يلا
قعد اكرم و بدأ يأكل..
نوال: بقولك ايه
اكرم: قولى يا حبيبتى
نوال: مش ناوى انت و قدر تتجوزوا بقى؟
