فضلت قدر بصة لأكرم اكتر من 10 دقائق، فاتحة عنيها من كتر الاستغراب..
اكرم: قدر؟ هتفضلى بصالى كدة كتير؟؟
قدر: متخيلتش انك تبقى بتحبنى يعنى، انا افتركتك بتاعملنى زى ما نكون صحاب زى ما انا بعاملك
اكرم: انا كنت بحاول اخليكى تحبينى زى ما بحبك
قدر: انا كمان بحبك
فرح اكرم،
قدر: بس زى اخويا .. انا شايفة ان الحب ده احلى من الحب التانى بكتير
راحت فرحة اكرم: زى اخوكى! تمام
فضلت قدر تبص حوالها فى توتر و رجعت بصت لأكرم تانى و ضحكتله: آيس كريم المانجا لو سمحت
اكرم: روحى كلى انتى، انا ماليش نفس
قدر: لالا مفيش هروب، هتيجى ناكل آيس كريم المانجا دلوقتى. يلا
مسكت ايده و شدته ورااها..
فى الشركة..
ادهم دخل مكتب قدر ملاقهاش، طلع يدور عليها ف لقى نورهان صاحبتها،
ادهم: انتى مش قاعدة فى مكتبك ليه؟
نورهان: اصل يا فندم .. ااا اُسكوت مش انا تعبت من كتر الشغل من اول اليوم قولت اخرج اشم شوية هواء فالنتيجة يعنى نفسية الواحد اكيد مهمة عشان يقدر يقوم بشغله بٳتقان و حب و..
قاطها ادهم: باااس كفاااية هو انا فتحت راديو!
نورهان: مانا ببرر لحضرتك انا مش على مكتبى ليه
ادهم: يا ستى مش عايز اعرف،انا آسف انى سألت
نورهان: لا يا فندم العفو. انا اللى آسفة
ادهم: ما علينا، فين قدر؟
نورهان: هى مش على مكتبها؟
ادهم: اكيد لو على مكتبها مكونتش سألتك
نورهان قالت لنفسها بصوت واطى: اه صح! يخربيت الغباء اللى انا فيه ده
ادهم: ايه؟؟
نورهان: ولا حاجة يا فندم بقول معرفش .. يااه راحت فين البت دى!
ادهم: انتى بتسألينى انا! ما تتصلى بيها يا ماما
نورهان: العفو يا فندم. هو انا اطول ابقى مامت حضرتك
ادهم: بت متعلقيش على كل حاجة اقولها
نورهان: آسفة يا فندم
ادهم: اتصلى يلا بقدر
نورهان: حاضر يا فندم
اتصلت بقدر،
-انتى فين يا بنتى؟
-انا اجازة لحد الظهر، استاذ على عارف
