ادهم ساايق العربية بسرعة، و إيهاب بيحاول يهديه علشان لو مهديش كدة عصيبته ممكن تخليهم يعملوا حادثة بالعربية،
إيهاب (و صوته فيه خوف): ادهم هدّى السرعة
أدهم: ..
إيهاب: ادهم؟
ادهم: ..
زعّق ايهاب: ادهم!!
وقّف ادهم العربية، و قال: انزل يا إيهاب
إيهاب: ادهم انت لازم تهدى
زعقله ادهم: انزل!
ايهاب: مش نازل. مش هسيبك غير لما تهدى
ادهم: انا هادى اهه و كويس. انزل
ايهاب: واضح. واضح اوى، ماشاءالله على هدوءك
بصله ادهم، بعد كدة بص امامه تانى و مردِّش عليه.
ايهاب: اسمع، مافيش حاجة هتتحل بعصبيتك دى
ادهم: مفيش حاجة هتتحل اصلاً
ايهاب: لا كل حاجة هتتحل و هتبقى كويسة، بس بالوقت اللى انت كرهته ده
ادهم: مفيش حاجة هتبقى كويسة يا ايهاب خلاص، هى مبسوطة مع خطيبها القديم براحتها بقى
ايهاب: انت بتقنع نفسك بالغلط ليه كدة على طوول! بص، بلاش كلام دلوقتى. نبقى نتكلم لما تهدى
ادهم: ايه اهدى! انا مبشدش ف شعرى على فكرة
ايهاب: لا مانتَ شوية و هتشد ف شعرك فعلاً. يلا روَّح على بيتكو
ادهم: لا هوصلك الاول
ايهاب: لا ملكش دعوة بيا، انا هروَّح مواصلات
ادهم كان هيرُد عليه، بس ايهاب قاطعه: مافيش نقااش، انت هتروَّح بيتك و ملكش دعوة بيا
ادهم: ماشى
اكرم وصّل قدر. و هى نازلة من العربية نورهان كانت نازلة علشان تطلع معااها،
قدر وقفتها قبل ما تطلع معااها: انتى رايحة فين؟
نورهان: طالعة معاكى
قدر: لا روَّحى
نورهان: قدر!
قدر: روَّحى
مشيت قدر طلعت عمارة بيتها.
اكرم (لنورهان): سيبيها دلوقتى، هى متضايقة
نورهان: ..
اكرم: اركبى
راحت ركبت مع اكرم علشان يوصلها
قدر لما طلعت البيت متكلمتش، دخلت غرفتها و لما شافتها علا جريت عليها،
علا: مشوفتيش اللى حصل النهارده
قدر: مش عايزة اعرف
علا: ايه الرخامة دى! انا مستنياكى من الصبح علشان احكيلك
قدر: يا علا ياا علا يااا علا مش عايزة اعرف
علا: ايه اللى حصل؟
قدر: انا مش قادرة احكى حاجة يا علا
علا: يلا بقى
قدر: ما قولت مش قادرة احكى
علا: ورحمة ابوكى لانتى حاكية
علا: يلا بقى
-حكيتلها قدر على كل اللى حصل
علا: نورهان جابت اكرم منين اساساً
قدر: معرفش
علا: طب هتعملى ايه؟
قدر: هغير هدومى و هنام
علا: طيب ماشى. نامى و ارتااحى
تانى يوم، الصبح. مامت قدر راحت تصحيها من النوم،
سلوى: قدر يلا قومى
قدر: مش رايحة يا ماما الشغل النهارده
سلوى: مالك فيه ايه؟
قدر: مش قادرة اقوم
سلةى: طيب اتصلى بمديرك قوليله طب
قامت قدر و مسكت الموبايل: طيب مااشى
عند ادهم، هو نازل عشان يفطر مع اهله فلقى باباه بيتكلم فالموبايل: -ليه؟ مالك؟
-اه طيب ماشى، ألف سلامة عليكى يا بنتى
-يلا، مع السلامة
ادهم: مين تعبان؟
على: قدر السكرتيرة بتاعتى، تعبانة مش هتقدر تيجى الشغل النهارده
سكت ادهم شوية بعد كدة رد: سلامتها. انا النهارده رايح الموول
على: لا تعالى الشركة الاول علشان فيه اجتماع
ادهم: يعنى اروح الشركة بعد كدة اروح الموول!
على: و ايه المشكلة؟ هو انت بتروح مواصلات!
ادهم: طيب ماشى
