ايهاب: وانت مالك ياعم، ما تتخطب ولا تتجوز! انت ماالك؟!
ادهم: وانا مالى ازاى يعنى! يعنى تبقى مخطوبة لواحد و تخرج مع واحد تاانى !! ده مش معناه غير حاجة واحدة، ان دى واحدة بايظة و ماشية على حل شعرها و خطيبها بقرون، و انا حمااار ان اديت لواحدة زى دى وش .. بس كدة!!!
ايهاب: انت خرجت معاها كام مرة اساسا يا ادهم ولما خرجتوا كان هدف الخروجة ايه؟؟
ادهم كان هيرد، بس ايهاب كمّل كلامه: اول مرة خرجتوا كان عشان تصالحها لما كنت السبب فى انك تتعب، المرة التانية روحتوا تفطروا و هى اصلا كانت كدة كدة هتفطر بيك او من غيرك. انتو مخرجتوش على اساس انكم اتنين حبيّبة خرجتوا مدير و موظفة و بس. فكر بالعقل قبل ما تتكلم يا ادهم ونبى.
ادهم: انت معايا ولا معاها!
ايهاب: مع الحق يا عم! انا ليا اخت ف سنها، و مسمحش ان اختى تتظلم زى ما انت بتظلم قدر كدة
ادهم: انا مبظلمش حد، انا بتكلم بالعقل
ايهاب: بالعقل! ليه انت بتتكلم بعقل حمار؟!
ادهم: وليه الغلط ده
ايهاب: متعصبنيش و تقولى ليه الغلط ده
سكت ادهم شوية،
ادهم: طب اعمل ايه؟
بصله ايهاب: مش هقولك تعمل ايه يا ادهم
ادهم: الله! ليه يا عم؟!
ايهاب: اعمل اللى بيقولقهولك ضميرك
ايهاب: عارف ان معندكش ضمير اصلا بس دوور شوية هتلاقيه
ادهم: مش عارف من غيرك كنت هكره نفسى ازاى بصراحة
ايهاب: العفو يا حبيبى
تانى يوم، فى بيت قدر..
قدر و علا و سلوى و اخوات قدر قاعدين بيفطروا، من ساعة ما قعدت قدر متكلمتش ولا كلمة لعلا،
بصتلها علا شوية و قررت تكلمها: لسة زعلانة منىِ؟
قدر:...
علا: رددى يا قدر ونبى
قدر لسلوى: فى جبنة تانى؟؟
سلوى: لا يا روحى فى علا بتكلمك هنا، تنفع؟
بصت قدر لطبقها: لا مينفعش
لما سمعت علا ردد قدر دخلت الغرفة وهى مضايقة
سلوى: عجبك اللى عملتيه ده؟
قدر: اللى عملته ده ميجيش حاجة جنب اللى عملته هى ماشى يا ماما؟ و متدخليش بينى و بين صحبتى لو سمحتى
ردت سلوى عليها وهى بتقوم: يا ستى انا مالى، اولعى انتى وهى
دخلت قدر الغرفة لقت علا بتعيط، زعلت عليها و كانت هتروح تطبطب عليها بس معملتش كدة،
