حبيبي خليجي

4

رجعيت للبيت وكالعاده ماكو شيء جديد ...
كعدت المغرب لان نمت العصر كله من التعب ..نزلت اشرب مي ..اندكت الباب ..
جوري ..جوري ..( ماما تصيحلي ) شوفي منو بالباب ماكوا احد يفتحه واخوتج طالعين ...
اي ماما راح افتحه (استغفر الله حتى واحد ميتهنة بالماي ) ...اي اي جايه جايه (كسرتوا الباب هو هيجي يدكون )
السلام عليكم خاله شلونج (مريه غريبه) ..
وعليكم السلام خاله اهلا وسهلا منو رايده ..
اسفه خاله بس عندكم بنيه بالاعدادية ..
هاا ( هاي شبيه المرة مطفية ) لا خالة ماعدنه اخاف خطأتي بالعنوان.
لا اني متأكده كلولي بنيه بالاعدادية انتي مو بالاعداديه.
(على حظي المصخم كل الي يشوفني يكول متوسطه لو اعداديه حتى قسم متجيني عبالهم صغيرة ) لا خالة اني مو بالاعدادية اني بالكلية وماعدنه بنيه ثانيه بس اني بالبيت ادرس .
خاله انتي متأكده همة دزوني على هذا البيت.
(انطيج جنسيتي لو اجيب القران احلف عليه ) خاله متأكده ماكوا احد بس اني ...
هاا يلا لعد بنتي مع السلامه ...
مع السلامه ..(انتبهت لروحي ) عزة اني شلابسه طبعا جنت لابسه تراك ربع ردن وناثرة كفشتي وشعري من نوع ويفيغ يعني بي تموجات قليله وناثرته ..اكيد المرية اخترعت ..
طبعا سولفت الي صار لماما وكالت هاي اكيد امتيهة ..
واكيد حجيت بكروب فلتانات السالفه وكام يضحكن علبه يكللي طفله ومتكبرين ...هئ هئ شأسوي مثلا بس اني عاجبني طولي فديتني اجنن ..
Bano.. Bano

مرة الاسابيع والايام ومصار شيء وبدت فترة الامتحانات النهائية ...
عسل _ جوري انتي لازم تحاجين مهند يعني ترة مطفين بال design كلش ..
جوري _ اووف ياربي ...ميخالف ححجي وياه بس تعالن وياي لان مالي خلق نور تظل بس اطلع حجي ..
رحنه لمهند اني وعسل ورزن وطبعا اكيد وافق على تدريسنه و الحمدالله نور ماسكتت كلما نكعد ندرس تجي ويانه خاف مهند يحجي حجايه لو يتباوعلي ...
وهو هم ميكعد راحه من يشوفني صافنه لو دااحل بس اني يسألني ونور تشعوط من مكانه وصديقاتي التحف يضحكن ...
Bano... Bano

قبل اسبوع من عطلة ماقبل الامحانات ..
رجعت للبيت وجان البيت وضعه غريب ...يعني ه. البيت صحيح نظيف كالعادة بس هالمرة زياده عن اللزوم ..لا والمشكله ماكوا احد كله طالعه ماعدا امي و رسل ومتأنقات وكاعدات ..
سلام عليكم ..
ماما ورسل ...عليكم السلام ..
شنو اكو جوا غريب بالموضوع ..
ماما (ابتسامة واسعه ) ..روحي بدلي وتعالي نسولفلج ..
شكو خير ياطير شنو هل الابتسامه ترة مااروح اكل للبابا على شيء قبل متطوني فلوس اي مصلحتي بالاول ...
رسل ..شوف هاي البطرانه همج بس على الفلوس منريد شيء توصلي بس روحي بدلي وتعاي ..
ماما _اجو خطابة عليج ..
شنوو خطابة شعجب اخاف متيهين هههه.
رسل _ غير تنجب وتسكت دروحي بدلي وتعالي ..
صدك بدلت بسرعه ودزيت رساله على كروب فلتانات خطبة تايم ..وسديت النت ونزلت ..

Bano... Bano
طبعا ادري بيهن هسه يموتن قهر يريدن يعرفن شكووا بس خليهن يستون ..
نزلت للجوه سئلت ماما منو .. وشنو مخلص ..وشيشتغل.. وشنو اسمهة..
ماما_ تذكرين قبل شهر من اجت مرة وفحتيله الباب وحسباله انتي بالاعدادية .
(قبل شهر ياست الحبايب شتذكر هو اني البارحه مااتذكر شأكلت ) اي اتذكر كملي .
ماما_ اي عجبتي المرة واليوم اجت تخطبج الابنه ..
لا والله كفشتي بيه فائده انعجبت اخاف بتراكي ههههههه..
رسل _ غير تصم حلكه وتكست ام لسان وتسمع الحجي .
انلصمنه ست رسل كملي ماما ..
ماما_ هو مامكمل سادس اعدادي بس عنده شركه مال زجاج ..
قاطعت امي قبل لا تكمل لا اسمه ولا عمرهة ولا شكله ...
(قلت واني كمت من على الكرسي ) انهي الموضوع من يمج مااقبل بي ..
رسل _ لا والله ومن ومآخذ رايج نسئل بالاول ابوج وبعدين يسألج ونشوف تقبلين لولا .
شوفي رسل بكل الاحوال الموضوع يتعلق بيه وبحياتي واني اشوف الشخص مو مناسب وادري ب بابا مراح يوافق مثلي فعلى شنو تحجي لبابا وتكله ماكوا داعي ..
ماما_ لا شنو ماكو داعي راح اكل لابوج .
بكيفج ماما بس اني كتلج قرار بابا من هسه ...
واني امشي اريد اصعد فوك صاحتلي رسل ..
جوري ...جوري تعالي ..
شكو ..اكو شيء ..
رسل _ ليش رفضتي قبل لا تعرفين المعلومات الكامله ...
جوري _ انتي من كل عقلج اولا مامخلص سادس وهذا اهم شيء عندي انو عنده شهاده حتى نكدر نتفاهم .
رسل _ واذا مامخلص سادس يعني مو كلمن ماعدن شهاده ماعنده عقل اكو هواي ماعندهم شهاده بس عقلهم يوزن بلد ومتزوجين ومتفاهمين ..
جوري _ ذوله غيري موواني لتنسين اني مهندسه باجر من يسئلون اطفالي بالمدرسه ابوك شنو يشتغل والله عنده شركه مال زجاج والام مهندسه ...مترهم حبي اني مو عن شيء الله يرزقه الولد بنت حلال بس اني مترهم .
رسل _ هذا خشمج اليابس و شوفه روحج بدليه ترة انتي مو احسن من غيرج وتاليه توكعين بواحد حتى شغل ماعنده.
جوري _ اولا اني مشايفه روحي بس المواصفات الي املكه يعني الحمد الله زينه واني اريد احد اتفاهم وياه ومن حقي احلم بشيء زين لو وحد اني .. وثانيا اني مرتاحه بيت اهلي ماعندي مشكله ابقه يمهم لحد مالكه شخص الزين .
رسل _هاي القصص اكلت دماغج اكيد ومن عنده بعد متعرفين شتحجين .
جوري _ رسول حبي اريد اروحي اني يكفي عندي اب مدلعني وابقى يمه طول عمري وماعندي مشكله (حرارة حتى حرارة مال راشدي اسطر راسه كانوا كاعده على كلبه يعني اني بيت اهلي هية شنو ) .

Bano.. Bano
صعدت فوك بغرفتي واسمع صوت رسل تحجي ويه ماما وتقنعه تقنع بابا ... غلست وصعدت ادري بابا مستحيل يوافق هو يشوفني صغيره لسا ويريدني اكمل ماجستير فواثقه من قراره يعني احجي وحدج ست رسل من الصبح لليل ..
سمعت صوت ذو النون يبجي بالغرفه فوك (الاخت عايفه ابنه وملتهيه بيه شوكت تخلص مني ..الا اكعد على كلبج ) طبيت اله وشلته حبيب عمتوا نوني عمري ...
رسل ..رسل (اني اصيح ) تعالي ذو النون يبجي ..اخاف جوعان ..
رسل _ اي جايه هاي جان نايم وهستوه كعد ..

اريد اطلع من الغرفه مالته صاحتلي .
رسل _ جوري ..اني اسفه ..بصراحه اني اريدلج الحياه السعيده بس اشوف اخوتج شقد صعبين واريدلج رجال زين لهذا اريدج تنتبهين لقرارتج .
جوري_ لا عادي مصار شيء بس ارجع واكول اني صحيح عندي اخوه صعبين بس اهم شيء ابني حياتي الجديده على شيء اني مقتنعه بي حتى اكدر استمر بيه .يلا اني اروح باجر عندي امتحان ..
Bano.. Bano
طبعا كعدت قريت وخلصت الامتحان وكملت وفتحت النت والكه 100رساله بكروب فلتانات ...
دزيت ..
هههههههه قريتن الامتحان اشو صعب ..
رزن _ طاح حظج لج صارلي اربع ساعات ماكبله الفون شكو شصار ..
عسل _ جوري اكلي تبن وين جنتي شنو خطوبه تايم وفوكاه كاعد تقره ..هئ هئ ..مال قتل ..
حجيت كلشي لصديقاتي طبعا وبدأ التحقيق وسئلن اسئلة اني مسئلته لامي المهم انتهى الموضوع لان بابا ماوافق على العريس(ههههههه وانتصرت وانتصرت وهاي يرادله هزة ) ..
وانتهت المرحلة الثالثة ... ونجحنه ثلاثتنه الحمد الله .
وابتدأت العطله ...