حبيبي خليجي

8

صباح يوم عادي الى الجامعه ..
جوري_ عمر ..عمر تأخرت يلا تعال وصلني المحاضرة راح تبدي (الاخ نايم واني راح اترزل من الصبح على اول محاضرة لان متأخرة)..
عمر _ اي ..اي يلا جاي نزل انتي كعدي بالسيارة وهسه اجي فتحت السيارة ..
جوري_ يلا مو تتأخر (اني شنو الي جابرني اتحملكم اوووف ياربي لو مسويه خط مثل بقيه البشر يخافون عليه البطرانين حسبالهم ملكه ديانا عدهم كلي جوري العب لنفس)...

(طبعا امشي واحجي لان طلعت روحي.. طلعت للشارع واريد اركب السيارة جانت اكو سيارة قريبه من سيارة عمر بحيث مااكدر افتح باب السيارة حتى اصعد )...
جوري_ اففف ناقصني اني من الصبح فوك عمر اجاني هذا (حجيت وياه من وراه شباك السيارة ) لو سمحت اخي ممكن توخر السيارة اريد اصعد بسيارتنه مابيه مجال .....
(ماكوا رد )..
اشو هذا معبرني ولا داير وجهة ميتباوعلي هو هذا اليوم باين من اوله لا ولابس من الصبح غترة وعقال مال اكتله بي ...
(اريد ادك على شباك السيارة سمعت باب بيتنه تنفتح ) عزة اجه عمر خلي اشرد اوكف يم الباب هسه حسباله احجي وياه ...
عمر _ ماصعدتي لسا بالسيارة وتكولين اني ااخرج ...
جوري_ لتفرح هذا الاخ واكف مقابيل باب السيارة من الجهة الثانيه مكدرت اصعد وحاجيته مرد ..
عمر_ شنو كلتي حجي وياه وشعندج تحجين ويه رجال غريب ...
جوري_ منو كال حجيت وياه اصلا انته تسمع بالمكلوب كتلك احجي وياه انته انته مو اني (اني هم خبله ويامن احجي ويا عمر هسه تجيني مشكله من الصبح يكلي شلون تحجين وياه رجال غريب عبالك بالاول ابتدائي مو راح اتخرج من الكليه )..
عمر_ لو سمحت اخي ممكن تدني السيارة نريد نطلع (دق على الشباك السيارة )..
احمد _ (نزل شباك السيارة ) اسف بعتذر مامنتبه كنت خال الهيت فون بأذوني الحين بغير مكان السيارة وبعتذر مرة ثانيه ...
جوري_(يالله شنو هال جمال هذا بشر واني الخبله قلدت عليه طلع صاك وفوكاه يحجي خليجي ياربي اريد اكد يكرصني اني بحلم )بقيت مثل الهبله صافنه عليه ...هو اهم
انتبهلي وصفن شويه وغير مكان السيارة ..واجتني صيحه من عمر صحتني ...
عمري_جووووري وين عقلج صارلي ساعه اكلج امشي صعدي اوصلج ..
جوري_ هااا ...اي ...شنو .صاعده (علس الكاسيت عندي من الصدمه )..
وصلت للجامعة متأخرة دكيت باب القاعه واستذنت ادخل طبعا الاستاذ مفوت هالفرصه..
ليش ملابسه زي ...
جوري_ استاذ لابسه زي اني ..
الاستاذ _ ليش البنفسجي من ضمن الزي وماادري..
جوري_ (استهبل ) لا استاذ بس الفستان بي ابيض وهو الزي ابيض ...
الاستاذ_(ادخلي وبعد للتأخرين هذا اخر انذار الج )..
جوري_اوكي استاذ( لو ترزلني من الصبح لليل مااهتم الي يشوف الكمر الصبح يهتم لحجك البايخ )..
جلست مع عسل ورزن ..
عسل _ ليش تأخرتي عجبتج اظاهر رزاله الصبح ..
جوري_ بنات ولجن اسكتن شفت واحد من الصبح صاك يجنننن فدوة وفوكاه حجي خليحي اتوقع اماراتي ..
رزن_ (بصوت عالي) الله عليج...
الاستاذ_ بنات صوتكم ..جوري فوك ماامتأخرة وملابسه الزي الج عين تحجين ..
جوري_ اسفه استاذ بس جنت اسئله ياسؤال وصلنه ..
عسل _(بصوت نمنخفض) ههههه جوري اليوم شبعتي رزايل اظاهر حلمانه بالخليجي ..
جوري_لا ولجن عابت ...قاطعني الاستاذ ...
جوري _عسل _ رزن طلعن برة ...
طلعنه بكل ثقه مطرودين من المحاضرة هههههه..
عسل _ من وره تخيلات ست جوري انطردنه..
رزن _ اي همزين خلي اروح اكل ورهة تسولفنه جوري شصار من الصبح..
عسل _ راح اطكين انتي من الاكل رزن ..
جوري_ بنات اني عازمتكم يلا وبالطريق اسولفلكم ..
عسل _ اكيد اليوم صاير شيء جوري تعزمنه ..
سولفت الي صار لرزن وعسل ...
عسل _ شقد حلوو من الصبح شفتي هيجي جمال بس ولج اخاف اجكم وانتي تشوفي حلوو ..
جوري_ ولي عابت انتي الجكمه وحظج كعد اصلا يخبل واني الخبله صرت هبله بقيت صافنه عليه وهو انتبه هسه شيكول بنات العراق مللطلطات ..
رزن _ اذا مثل ماوصفتي هههه اصير مللطله واعوف رامي ههههه ..
جوري_ ولن ثنينجن تزوجتن وخلصت منجن بقيت اني.
عسل _ هاي اذا شفتي مره ثانيه ..
جوري_ اي صدك هيه صدفه ..وراح اغنيله صدفه ومن بين كل الناس علقني ...يارة ... هههه
انتهى الدوام بمحاضرات عاديه ورجعت للبيت ...
صعدت لغرفتي اريد انام (اففف غير انام صارلي ساعة بس اتقلب افف هسه هذا الخبل لزك ابدماغي شيطلعه هو اصلا عادي شكله يعني جوري عقلي واهدئ عادي عادي مو مو ...لا مو عادي هئ هئ اريد اشوفه )..
العصر ... خرجت الى الحديقة ...
جوري_ الحلو كاعد وحده (على امي)..
ماما_ هله حبيبتي بنيتي شلونه الدوام ...
جوري_ اممم عادي مصار شيء جديد (بس انطردت من المحاضره هههه ) يعني كله اني اول شيء احضر وافتهم تعرفيني ذكيه اسم الله عليج ..
ماما_ اي عفيه جوريتي زين حبيبتي كومي بدلي وتعالي وياي هاي بيت ام كريم الي كبالنه خطيه تعبانه كلش والجوراين راحوله وفشله احنه كبالهم مرحنه )...
جوري_يااا خطيه عنده العافيه بس ماما مالي خلق مااروح (الي خلق كعدت نسوان الشارع جنهن باب الحارة يكعدن ويخطبن واكره هيجي شغله لا والاحلى كل وحده تذبلي حجايتين هاي لسا منخطبتي وطبيتي بالعشرين ومااعرف شنو اروح افتح فيس احسن الي)..
ماما_ بكيفج على راحتج بس حسبالي تجين وياي تشوفين تارة(بنت ام كريم مرحله ثانيه علوم ) خطيه حتى تسأل عليج ..
جوري_ ماما عندي امتحان لوما مهم جان رحت وياج..
ماما _ على راحتج حبيبتي اني اروح اشوف وسام يجي وياي خطيه هاي ام احمد تريد تعرفه على احمد هسوه جاي من دبي وميعرف احد وتعرفين بيت ام كريم بس كريم عندهم وجبير ماله خلق الطالعات ...