حبيبي خليجي

2

كروب فلتانات..
عسل _ وينج جوري شنو رئيس الوزراء ومدنحصله من يومين اندك عليج شو ماكو ..
رزن _ اي عفيه جوري حتى متدرين بالاخبار الجديده..
جوري _ اي شكو شصار ..
عسل _ دكولي شصار وياج شنو سويتي على مازن .
جوري _ امممم شوفن شنو صار (حجيت الهن كلشي وشلون حجيت ويه رسل وقنعت عمر وشلون كلت لوسام وحجيت ويه بابا )..
رزن _ عفيه عليج عمري خوش سويتي خلي ولي شلون يفكر يأذيج اموته اذا وصل يمج فديتج عمري انتي جوريتي .
عسل _ هذا كله الي صار حتى مكلفتي نفسج تخابرينه لو تستشيرينه اني زعلت ..
جوري _ حبيبي عسول والله حقج بس الي صار بسرعه وادري لازم اخابركم وشيء بس وعد مااضم عليكم شيء .
عسل _ اي طبعا فنج تضمين غير نموتج حبي اهم شيء انتي ترتاحين وتخلصين من هل العقد مازن .
جوري _ اي شنو الاخبار الجديده.
عسل _ الاخبار كله عند رزن العوبه انخطبت وانتي ظليتي حديقة.
عسل _صدوووك رزونه انخطبت وخلصنه منهة واخيرا افتكينه من من وحده سوالفيلي الي صار بسرعه ..
رزن _ شنو افتكينه كاعده على كلبجن اوكي سمعي.
قبل يومين...
رزن_ هلو رامي (بالفون ).
رامي _ هلو رزونتي وينج حبيبي اتصل عليج ماكوا وشنو صوتج متغير.
رزن _ افف رامي حبيبي والله ضايجه وطالعه روحي على جوري صديقتي .
رامي _ ليش شبيه هاي القزمه .
رزن _ هي لتحجي على صديقتي المهم هيه انخطبت.
رامي _ اي عيني منحجي على صديقاتج خط احمر ..وشنو حبيبتي زعلانه تريد تنخطب هم باجر اجيج اخطبج اذا تريدين بس لوما اخاف من اخوج يرفضني ..
رزن _ لا حبي مو هيجي هيه متحب الي جاي يخطبه ومتطيقه ويصير ابن عمهة ومااعرف اخبارهة غلقت الموبايل من الصبح ومردت علينه .
رامي _ الله يهديه ..هسه عوفينه من جوري خليني بيج يارزونتي انتي حبيبتي وكل دنيتي ..
رزن _ فدوة اروحلك رامي انته كل حياتي.
رامي _ زين انتي شدسوين ليش لسا كاعده كومي بدلي وفتحي الباب.
رزن _ هاا شكو شبيه الباب ..
رامي _ شبيه الباب خرب حظي راح اخطب وحده مطفية ..لج كومي اني واكف باالباب اني وامي وخواتي نريد نخطبج ..
رزن _ الله عليك صدك تحجي .........(اخخخخ)....
رامي _ رزن ..رزن وين رحتي هاي شبيج تصيحين ..
رزن _ هااا ماكوا شيء وكعت من الجربايه اريد انزل حتى ابدل بعد مااعرف شأسوي ..
رامي _ هههههه على كيفيج حبيبتي لتتعورين بس خلي احد يفتح الباب ..
رزن _ يلا حبيبي باي راح اخلي رواء (اختي الكبيرة)تفتح الباب.(اقفلت الخط)..
رزن _ رواء ...رواء ..تعالي بسرعه وينج (طبعا بصراخ ).
رواء _ شكو تصيحين سبيتينه سبايه ..
رزن _ لج هذا رامي جايب اهله حتى يخطبوني واكف باالباب ..
رواء _ ادري وفتح الباب وهسه همة بالاستقبال ..
رزن _(بصدمه) تدرين ...لج عوبه ليش مكتيلي اذا تدرين.
رواء _ اي عيني ناس عايشه بالرومانسيات وناس حتى برساله محد معبرهة ..البارحه رامي خابرني وكلي يريد يسويلج مفاجئ على جيه اهلة حتى يخطبوج واني جهزت كلشي من الصبح الحلويات وشيء حتى اشترالج فستان وانطاني الصبح ..
رزن _ حبيبي فدوووووووة رامي شقد احببببه مسويلي مفاجئ وحضرتج ليش مكتيلي كل هذا الي صار.
رواء _ لج متسمعين كتلج مفاجئ ويله روحي بدالي الفستان بالكنتور مالتي وبسرعه نزالي الناس منظرين يشوفون ست الحسن .
رزن _ رايحه وهذا حبيبي احبه كلش
عيني عليه مساهرة بس كلبي يرمش ..
بدلت واني اغني طبعا الفستان فدشيء تحفه قصير وكله مرصع بالكرستال ولونه وردي يجنن حبيبي ذواق ..نزلت يم اهل حبيبي ..وطبعا حجوا بالتفاصيل ودق الفون مالتي وهمة يحجون..
( ياغثه هذا هسه محلهة اريد اعرف شنو راح يكولون).
رواء_ رزن تعالي فونج ديدق .
رزن _ اي سمعته ..عن اذنكم.. منو هذا الغثه محلهة..
رواء_ هذا رامي تدرين اكله تكول عنك غثه .
رزن _صدكتي ولي منا حبيبي خلي احاجي ..الو.
رامي_ شلونج عمري فديت هل الصوت ... يلا طلعليلي .
رزن_ حبيبي شنو هل المفاجأت كله من ورايه ..وشنو اطلعلك.
رامي_ اني واكف بالباب اريد اخذ اهلي بس اجيت قبل الموعد حتى اشوفج ..
رزن _ بس اخاف احد يشوفنه ...انتظر دقيقة البس حجابي واجيك.
رامي_ منتظرج بسرعه ...
لبست حجابي ورحت بسرعه للباب فتحته ماكوا احد ...رامي ...رامي وينك شنو رحت ..
رامي _ وين اروح واعوفج عوبه هاج هاي ...
رزن_ شنو ورد يجنن حبيبي فدوة اروحلك واروح للرومانسية مالتك ..
رامي_ شعندي غيرج ياقلبي شلونه الفستان .
رزن _ يجنن حبيبي اكيد مو ذوقك حلووو ...رامي بس اخاف محمد يعراض على الخطبه ..
رامي _ لا مراح يعارض واصلا الاسبوع الجاي المهر مالتنه ..
رزن _ شنو ...شبسرعه وثانيا يجوز اهلي ميقبلون شنو مهر بسرعه.
رامي _ ليش وين الاكين مثلي طبيب وحلو اسمر وابو عضلات .
رزن_ لتشوف نفسك استاذ رامي ليش اني هم اجنن مهندسه ومنو كدي ..
رامي _ عيني اموت على المهندسات اذا مثلج ( قرص خدي).
رزن _ ولك وخر ليشوفك احد يلا اني اروح ..
رامي _ يلا صيحي الاهلي حتى نروح لعد ..
رزن _ يعني جاي علمود اهلك ..
رامي _ اصلا مااريدهم خلي يأخذوهم اهلج بس انتي تعالي وياي ..
رزن _ (بخجل) يلا باي اروح اصيح الاهلك ..
Bano... Bano
دخلت وقد كان اهل رامي قد انتهوا من حديثهم مع امي ..
رزن _ رواء روحي كليلهم رامي اجه عليهم استحي اكل الامه اخاف تكول جانت تحجي وياه ..
رواء _ على الاساس محد يدري ..رايحه ابتليت بيج وبرامي اني شوكت اخلص منج وتزوجين...
رزن _ روحي وكافي تدردمين ..
راحل اهل رامي ...
ماما _ رزن تعالي دااحجي وياج ..
رواء ورزن _ اي ماما اجينه .
ماما_ اني صحت رزن انتي شكو..
رواء_ غير اخته واكبر منهة لازم اعرف كلشي .
رزن _ (بصوت منخفض غير حشريه قصدج).
رواء_(انجبي لا اكل لماما منو جابلج الفستان ).
رزن _ لا حبابه سكتت اي ماما شعندي غير رواء .
ماما_ الله يخليجن حبيباتي ...سمعي رزونه اكيد عرفتي ليش جاين بيت ابو رامي وطبعا هو قبل منكي خبر الاخوج محمد وطالب ايده منج ومحمد استشارنه وحاجه ابوج وابوج ماعنده مانع لان محمد يكول خوش رجال وهو صديقه العمر بالنسبه اله واحنه موافقين انتي شنو رايج ..
رزن _(عزززة هذا كله صار واني ماادري اني الك رامي اذا مطلعته من عيونك تكلي اخوج ميقبل اتقدم ومعيشني بمأساة) اي ماما موافقة ..
رواء_(لج على الاقل اثقلي هسه يكولون ذابه روحه خجلي كدام امي بصوت منخفض).
رزن_ انجبي انتي بس لتخلين عينج عليه ..
ماما_ بما انو هذا قرارج فراح نردلهم خبر حتى نحدد بقية التفاصيل ..
رواء _ اني الج اخلي عيني عليج على الاساس براد بيت الي متقدمله كله رامي ..
ماما_ لو بس اعرف شدتحجن ..سمعتيني رزن ..
رزن _(اني الج رواء بعدين ..) اي ماما اي سمعت وموافقة ...
هذا الي صار ..
جوري_ ياااا عمري والله احلى مفاجئ وشوكت راح تعقدون ..
رزن_ الاسبوع الجاي المهر والزواج قبل الدوام ..
عسل _ صدك تحجين شنو هالسرعه بعدكم عيني مولازم تتعرفين عليه ههههههههه.
جوري_ ههههههه لج عسل بعد شتتعرف صارله سنتين وياه بس صدك رزونه يعني حتداومين وانتي مزوجه ..
رزن _ اي حبي كبرت راح اداوم واني مزوجه راموش حبيبي يعني لازم تحترمني ..
عسل _ اي احترمج شلونج انتي زينه طيري منا ..
جوري_ اذا الاسبوع الجاي المهر لازم نختار فساتين ونشتري اشيائات وشيء وين نلحك ..
رزن_ هي هي ست جوري تره مهري هذا خلي شويه عندج ذوق كون اني احضر مو انتي ..
عسل _ اي افتهمنه ست رزن بس احنه صديقاتج لازم نطلع احلى منج وخلي جوري تتأنق بلكي تخطبه وحده.
جوري_ لا واللع شنو انتي على الاساس كاعده على كلبج اصلا ميهمني شلت فكره الزواج كله من بالي.
رزن_ لا صدك جوري بعدج تريدين خليجي ..
جوري_ الصراحه جنت اتنمى بس اظاهر اني عايشه ابحلام لهذا شلت الفكره الزواج والخليجي من بالي كله اصلا شنو سنغل اكو احلا منه عاتي عاتي ..
عسل _ يلا بنات سي يوو اروح احضر نفسي منهسه مساجات وكريمات ..
رزن _ ولجن راح تخبلني المفروض تجن تساعدني مو تحضرن روحجن ...عاااا...اكرهجن ..
جوري_ ههههه واحنه نحبج يلا باي ..
رزن _ الله يأخذجن باي ..
Bano.. Bano
كنا كل يوم نذهب الى بيت رزن الاختيار الملابس والمكياج المناسب والزينه وغيرها من التفاصيل وقبل يوم من يوم المهر ..
رزن _ بنات خايفه بشكل باجر حيشوفني بشكل هذا (طبعا جانت تأخذ بروفه ملابس وتسريحه ومكياج) شلون راح يطب يمي اففف بطني كام توجعني من التوتر ..
عسل _ اي ياعمري انتي اني هم تذكرن من عقدنه اني وغيث شلون صرت بس عادي يعني تصير بعدين تتعودين عليه وتملين منه ..
جوري_ هههههه لا دخيلج لتسوين نفس سالفه عسل من طيحت العصير على غيث بالمهر عود تريد تشربه..
رزن _ اي اي ههههه لا والاحلى من يريد يبوسه درات وجهة صارت بأذنه والناس كله تضحك عليهم ..
عسل_ انجبن مو مال نصيحه اصلا هو مستعجل ردت اخذ اخلي العصير بالصينيه اجه باسني (بخجل ) كافي لتضحكن لا بالتعلاقة ...( تركض ورانه)
جوري _ ههههههه لا لا عسوله فدوة اروحلج لا ..
رزن _ اخخخ بطني من الضحك ولجن تعالن لتركضن كافي ..
يوم المهر ...
جوري_ لبست فستان قصير مرصع بالكرستال ومنفوش الاسفل لونه وردي فاتح وكعب عالي اكيد خليت مكياج وسرحت شعري طلعت اخبل شنو اني ..اما عسل فلبست فستان و طويل ومفتوح من الظهر لونه نيلي ومفتوح من الامام لحد الركبه عيني كله مفتوح بس تجنن طالعة وسرحت شعره وخلتله اكسسورات واما صاحبه الحفله رزن فكأنوا اميرة طالعة لابسه فستان قصير ومنفوش لونه فيروزي ومفتوح من الصدر ومرصع بالكرستال كله ومفتوح من الظهر جانت ملاك طبعا رقصنه وفرحنه وصار وقت الي يدخل بي رامي لبسنه حجاباتنه وقفنه يمهة...
رزن _ بنات خايفه بشكل ...
عسل _ اهدئ عمري مو اول مرة تشوفي وثانيا شبيج ترجفين اهدئ..
دخل رامي جان بكل اناقه والطالع فدشيء بالقاط ..
جوري_ لج رزن رامي طالع فدشيء ..
رزن _ (ابتسمت) ادري هذا حبيبي يجنن ..
دخل رامي ووقبل رأس رزن وكعد بصفهة ..
رامي_(بصوت منخفض) لج شنو طالعه تجني حبيبتي شنو هل الجمال شنو هالجسم وين جان مظموم كله الي ..
رزن _(بخجل) حبيبي تسلم وانت هم طالع حلوو..
جوري_(تهمس لعسل ) غير يرفعون صوتهم اريد اسمع شيكلله ..
عسل _ يعني شيكلله طالعه حلوة تجنين ..
جوري_ اريد اسمع اخاف يريد يحرف رزن اخاف عليه.
عسل _ هههه اسكتي ام الانحراف عاد هيه قاصرة ..
بداو يأكلون بعض ..
جوري_(بصوت عالي ) ديري بالج لتوكعين الكيكه على القاط ...
رزن _ (بعين غضب )انجبن واسكتن ..
عسل _ لتأكل الكيكه رامي كله بقينه شويه ..
وفتحنا الاغاني وكانت اغنيه حسام ..