حبيبي خليجي

9

في الكليه..
جوري _ بنات وهذا الي صار البارحه بيت ابو كريم بس الصراحه طالعه روحي لان جذبت على ماما ومحجيتله على المشروع واحمد ..
عسل _ اففف انتي لوما اخوانج جان شبيه ترة عادي بالعكس يساعدج مو زين ..
رزن _ اي ويعني شبيه وثانيا هذا اذا اجه وسواهة صدك يجوز بس حجي يعني ميجي ..
جوري_ صدك تحجن يجوز صدك ميجي اففف ماادري بس هو عينه جانت عليه وبس يتبسم فديته يجنن ..
عسل _ هي خفي علينه يا خبله انتي من الاول طباكات ادور هسه هذا يجيج بعد شيخلصنه ..
رزن _ بنات هذا مهند جاي يمنه ..
جوري_ اففف شقد غثه محلهة مالي خلقه ..
عسل _ انجبي الولد حباب وبس يساعدنه اصلا تذكر بالثالث لوما ساعدنه جان احنه محملين ماده ..
جوري_ كافي تذكرين بأمجاده على الاساس تحجين عن اينشتاين ..
مهند _ سلام بنات ...شلونج جوري ..
رزن _عليكم السلام (رفعت حاجبه واتباوعتلي )..
جوري_(ابتسامه مجماله مبينه عابتلي ) عليكم السلام..وغلست مجاوبته ..
عسل_ شلونك مهند اشو ماكوا بس عيني بارده عليك الاساتذه كله تحجي بيك وبمشروعك ..
مهند _ اي والله تعرفين يعني ابويه صاحب شركات وعنده مشاريع هواي لهذا اخذت منه..
رزن _(بصوت منخفض) ترة يسمعج ..
جوري_ ادري بي حسبالك راح اتزوجه علمود فلوسه عقليات ..
عسل _ (كافي الولد راح ينتبه جوري على الاقل جاملي وحاجي )..
جوري_ما وبكيفي ..
عسل _(استغفر الله منج خبله) مهند صدك غيث يريد يسألك بماده لان تعرف شغل وكليه مديلحك هو هناك تعال نروحله ...
جوري_ اي واخيرا خلصت منه ..
رزن _هههه يالخبله يحبج ليش متنطي مجال ..
جوري_ واني مااحبه مو فارس احلامي ليش اعلقه بي وانطي مجال ..
واني احجي شفت احمد ...
جوري_ لج رزن ...رزن تباوعي هناك منو...
رزن _ منو..منو... وين
جوري_ لج عمى قريب من كراج الاساتذه جاي للكليه.
رزن _ زرقاء اليمامه خفي علينه ..
جوري_لج عابت هناك ..
رزن _ شفته واخيرا لج هذا حلووووووو صااااااك يجنن بس شطوله ولج هاي ركبتج تنكسر وانتي رافع راسج ..
جوري_ شقتلج مزة موو .. وترة عادي اكو كعب يعني يايوم اجيت للكليه بدونه ..
رزن _ ههههه لج امشي خلي نروح يم الدراجات مال القاعات عاد يشوفج ..
جوري_ امشي يلا بس شكلي حلو شالي وملابسي..
رزن _ تجنين حبيبتي بس عدلي كحلتج شويه سالت من الحر .
جوري_ صدك هسه اعدله ...
رحنه للدراجات بعد التعديلات ..
اول مدخل انتبهلي ...واجاني ..
احمد _ سلام عليكم ..
جوري_رزن _ عليكم السلام ..
احمد _ بعتذر اجيت فوكت المحاضرات ..
جوري_ لا عادي اهلا وسهلا بيك واسفه جبتك للجامعه و تعبتك ..
رزن _(نحن هناا عرفينا )..
جوري _ صدك رزن صديقتي ..احمد الي حجيتلج عنه..
احمد_ حياج اختي .. اظاهر اخباري وصلت عندكم ..
جوري_(خرب هسه يكول كاعده وتحجيلهم عني ويشوف نفسه )..لا بس حاجني صديقاتي على المشروع وكتلهن انته تريد تساعدني وبس ..
احمد _ تراني بمزح معاج وعلى المشروع هذا جبته لج ...
(اعطاني memory card ) ..
جوري_ تسلم زحمتك هواي ..
احمد _ مافي اي زحمه حنه نبي خدمه محرزه بس جوري ماتعطي حق احد اني برد بكره واخذ منج انتي فتحي واطلعي على المشروع ..
(انا واثق انها مراح تفهم شيء من المشروع لان كله بالرموز والكميات الي حنه نفهمة بس ابيج انتي الي تطلبين اشرحه لج تراني مب سهل )..
جوري_ اي ان شاء الله باجر اجيبه الك ..
احمد _ انا بستأذن برد للبيت ..
رزن _(بصوت منخفض تكلمني عمى حاجي جاي من بيت خاله لهنا وغريب وميندل كلليه تشرب شيء عزمي بالكليه وكله لخاطرج اجه اظل اعلم بيج )..
جوري_(لج استحي واذا احد شافني يذبوحني اخواني) ..
رزن _ اي مو عائله انتوا قصابين مو محامين  ..دولي اني احاجي..احمد تعال وين رايح شنو رايك تجي ويانه هم نعرفك على الكليه ونعزمك على الغداء انتهى هم غريب وبلدنه شنو تكول علينه بخلاء ..
احمد _  لا انتوا على الراس بس اخاف ازعجكم (يتباوعلي)..
جوري_ لا بالعكس ماكو اي ازعاج ..
رزن _ لعد انتوا انتظروا اخابر رامي زوجي يجي ويانه و جوري انتي خابري عسل وغيث ..
جوري_ اوكي ..
راحت رزن تستقبل رامي بالكراج ( اكيد لازم تستقبله بالاحضان حب حب عيني  كالعاده ورة نص ساعه ياله تشرف )..
اتصلت بعسل وكتله على مكانه وبقيت بس اني واحمد..
جوري _(شنو هالسكته احس روحي بصحراء خالي اسئل سؤال ) شلون اجيت (غبائي اكيد بسيارة شنو هالسؤال )اقصد شلون اندليت المكان ..
احمد _ ولد خالي كريم وصلني لهني وانا كلت لولد خااي ييبني لهني عندي شغل عند العماده وبعدين ييتج ..
جوري_ هااا زين شلون راح ترجع منو يوصلك ..
احمد _ اممم بتصل عليه لاني للحين محفظت الطريق عشان برد معاه ..
جوري_(شنو ناوي يجي هواي لهنا )اهاا ..عجبتك الكلية ..
احمد _ بصراحه الي فيه حلوين بس كبناء يامعتنه احلى ..
جوري_(معقوله ديذب حجي لو اني استهبل ) اي اكيد طبعا بعد دبي ..
احمد _ شأخبار الدراسه زينه ان شاء الله ..
جوري_امم زينه الحمد الله ..
اتت عسل وغيث ..
عسل ،غيث _ السلام عليكم ..
احمد _ عليكم السلام .
جوري_ عسل اختي وصديقتي زوجه غيث هم صديقنه واخونه همة ويايه بنفس القسم ... احمد مهندس معمار من دبي و هو الي جابلي مشروع التخرج ..
غيث_ اهلا وسهلا بيك نورت العراق ..
عسل _ اهلا وسهلا بيك نورت (بصوت منخفض لج جوري هذا صدك صاااك اويلي )..
جوري _ انجبي لج اخاف يسمعنه مووكتلج هههههه...
هاي اجت رزن ورامي ..
ذهبنا الى المطعم جلس كلا من غيث ورامي واحمد ونحن امامهم ..
تحدثنا وضحكنا كثيرا ...
احمد _ تسلمون على الغدا الزين ونرده لكم ان شاء الله ..
غيث_ بالعافيه عود نجي لدبي وعزمنا هناك ..
احمد _ على الراس حياكم متى مااجيتوا انته وزوجتك..
رامي_ هو اني ابو العزيمه حضرتك شنو ياغيث احنه نريد عزيمه دبي ..
احمد _ هههه (بانت غمازته ) وانتوا هم حياكم ميتى ما يتوا عدنه انته وزوجتك هم بنشيلكم على خشومنه..
جوري_(بطفوليه ) لعد واني شنو بس انتوا ...
احمد _ انتي بتمين هنيك ممتردين بعد ...
قرصتني عسل ورفعت حاجبه رزن تظلين بدبي شعندج هاا شعندج ..
جوري_ انجبن انبجن معليجن (اففف معقوله عجبته ويريد يزوجني لا مستحيل هيه كم مرة شفته )..
احمد _ انا بروح الحين برد بكرة عشان اخذ memory card اوكي (موجه كلامه لي )..
جوري_ اوكي ..
احمد _ يلا مع السلامه ..
ذهب احمد وعادي البنات استلمني ..
عسل _لج جوري عينه منج شفتي طول الغدا شلون يتباوعلج ..
جوري_ اممم ماادري اخاف تتوهمين يجوز عينه على الهمبركر الي كبالي ..
رزن _ هههه شو انلصمي انتي متعرفين شلون يتباوعن الرياجيل ..
جوري_ يلا بنات وصل وسام اني اروح للبيت سي يوو..
في البيت في لليل ...
جوري ...
خلي افتح المشروع واشوفه شلون وانسخه ..يي حلو المشروع بناء شركه بس شكله كلش حلو ...بعد ساعه ...افففففف هئ هئ شنو هاي مداافتهم شيء شنو هاي كله بالرموز لا وفوكاه الكميات ماموجوده زين شلون اشتغل عليه ...خلي اعوفه وياجر احاجي بلكي يقبل يشرحلياه ..
في الصباح ...
لبست بنطرون جينز وعليه قميص بصلي طويل يصل الى الركبه وعليه جاكيت جينز وشال لففته لفه تركيه (همزين عمر يوصلني لان وسام ميقبل اسوي هاي اللفه )..
جوري_ عمر خلصت يلا تعال وصلني اني طالعه برة(كالعاده لازم عمر يتأخر السلطان سليمان حضرته اففف )..
طلعت بره وشفت احمد باالباب واكف متأنق ولابس بنطرون جينز وتشيرت طالع يجنن بس شكله بالدشداشه احلى احبه اكثر هسه اني شنو عاد طلعت حبيبته ..
احمد _ صباح الخير ..
جوري_ صباح النور ..
احمد _ بشوفج في اليامعه الساعه 10لان عندي شغل ..
جوري _ على راحتك اني اروح باي (يالله يجنن يجنن انجبي واثقلي جوري)..
ركبت السيارة..وذهبت الى الجامعه ..
رزن _ صباحوا جكمات ..
عسل _ محد جكمه غيرج انتي وبطنج ..
جوري_ ههههه اصلا كيوت طالعه ويه الفستان بس يرادلج عوده وتسريحين بالغنم ..
رزن _ ولن ولجن اني حامل احترمني عاد كدام ابني..
جوري_ اسفين عيني جكوم ...صدك اليوم يجيني احمد الساعه 10 بس الصراحه ماافتهمت شيء من المشروع بالكي يشرحه اليه ..
عسل _ معقوله يقبل جاي يتونس لو يقري بيج ..
جوري_ ماادري والله اني اطلب منه واشوف ..
بعد اول محاضرة خرجت الى خارج القاعه وتفاجئت بوجود احمد امامي ..
جوري _ احمد اجيت هلا بيك ..
احمد _ اي ييت الحين توني واصل شلونج ..
جوري_ الحمد الله .. فد لحظه ..بحثت في حيقبتي ..
تفضل هذا الميموري كارد ..
احمد _ ليش متستعيله اظاهر ماتبين تشوفيني ..
جوري_ لا مو قصدي بس كلت اخاف تريد وبصراحه اريد اطلب منك طلب اذا توافق بكيفك ..
احمد _ امري جوري ..
جوري_ بصراحه المشروع كلش حلوو بس التفاصيل ماافتهمتهن كلهن رموز ..
احمد _(هههه نجحت خطتي ) اممم ماعرف يعني اني شويه مشغول ..
جوري_ لا عادي بكيفك يعني مو شرط ..
احمد _ بمزح معاج اكيد بقبل ومن الحين نبدي اذا تبين ..
جوري_ صدك تحجي (فرحانه واخيرا قبل وترش ترش)..
احمد _ اي من صجي يلا نبدي ..
جوري _ زين اني عندي ريست ساعتين وبعده محاضرة نبدي هسه بس اصيح لعسل و رزن يدلنك بالمكتبه عمااجيب الابتوب ..
احمد _ اوكي بس ليش انتوا مكتبتكم مافيه لابتوبات خاصه لكل واحد فيكم ..
جوري_(هههههه هسه زين ميطردونه منه لان يريدون ينظفون بطران انته زين من يستقبلونه  ) لا لابتوبي احسن ..
احمد _ على راحتج ..
ناديت عسل ورزن لتذهب مع احمد الى المكتبه ..
عسل _ وهاي المكتبه وصلنه ..
احمد _ هني المكتبه وين الكتب عيل ..
رزن _ الكتب بالطابق الثاني بس استعارة يرادله دوخه ساعتين ..
احمد _ افا شدعوة كله كتاب حنه في دبي عدنه كله طاولات ولابتوبات وبيكون هندج كارد مخزون فيه ايميلج و ادخلي للابتوب بيكون خاص فيج بعد مافي حد يكدر بعدج يأخذه منه معلومات لا من خلاله تكدرين تستعيرين كتاب بظرف دقيقتين ..
رزن _(اوووف انته مشايف شيء خلينه عايشين احنه بالقهر )
عسل _ اي طبعا هناك دبي مو العراق ..
جوري ...
دخلت الى المكتبه كان احمد وعسل ورزن كاعدين ويحجون من وصلت ...
البنات احنه نسأذن راح نكعد نقرأ كبالكم غير ماده..(فديتهن ذوواقات صديقاتي ويعرفني من الاشاره )..
احمد _ على راحتكم بنات ..الحين نبدي ...
جوري _ ماشي ...
بدأ يشرح لي الفكره الاوليه وبعد ذالك التفاصيل البدائيه بكل خطوة (اويلي شلون شكله حلو من يشرح لا وفوكاه يحرك بأدي ومتفاعل ياربي اريد اركز عيونه مااكدر بس اتباوع عليهن لج جوري وين صفنتي ركزي )..
احمد_جوري انتي معاي وين صافنه ..
جوري _(عزة شقد فشله هسه يكول صافنه عليه لعد.جنت اسوي اني )اي وياك ..
احمد _ انزين شكنت بكول عن كميه الستيل الي استخدمناه ..
جوري_ شنو كميه الستيل كلت انو هواي ..
احمد _لا والله كلت اني هواي ههههه وبس جذي ..عيل المن كنت اشرح ..
جوري_(خرب هسه يكول غبيه ومتفتهم شيء ) لا وياك بس دخت الصراحه شنو رايك نكمل باجر ..
احمد _ على راحتج بس ابي اعطيج رقمي عشان اذا صار شيء غيرنه موعد دراسه او عندج محاصرة اومااكدر ايي بتصل عليج ..
جوري_هاا رقمي ( يالله خايفه هاي اول مره احد يطلب رقمي وماارزله لو اركعه بالدفتر اففف انطيه اياه هو اني بس علمود الدراسه ماكوا شيء ثاني )..
احمد _ اخاف متقبلين كيفج مابضغط عليج ..
جوري _ لا تفضل هذا رقمي ..
احمد _ عيل اني اروح وبتصلج من فوني ..
جوري _ اوكي يلا باي ..
راح احمد وانتقلت الى الطاوله عسل و رزن ..
عسل _ انطاج رقمه ..
جوري_ عزة بعينج شلون شفتينه ..
رزن _ زرقاء اليمامه بعد شتريدين  هسه كليلنه حاجاج شيء ...
جوري_ هئ هئ اسكتن اتفشلت ظليت صافنه على حركاته وجهة وهو يشرح وماركز وياه انتبه هو وسئلني سؤال على الماده ومعرف اجاوبه هسه يكول غبيه ..
عسل _ عابت فشلتينه هو ادري حلو وظلينه اني ورزن بس نتباوعلكم بس ثقلي شويه هسه يكول ذابه روحه ...
جوري_ اي افتهمت كافي ضميري مأنبني لان انطيته مجال واخذ رقمي ..
رزن _ شبيه ضميرج يأنبج شمسويه انتي كل الي دسوي انه يقريج وبس مجاي تكليله احبك ..
جوري_ اي بس مو مكلت الامي لسا على لقائاتنه باحمد وانو ديدرسني ..
عسل _ شو داسكتي لخاطر الله حسبي مهند وديدرسج ...
جوري_ هههههه تشبيه قاتل وين مهند واحمد ..

Bano.. Bano

مرت الايام وكل يوم يجيني احمد للكليه يدرسني وتعودت عليه وبصراحه عجبني بالاكثر وحبيته مو لان شكله حلو وبس بس شخصيته قويه ومرحه بنفس الوقت غير انه من يشوفني ضجت من الدراسه يذب نكات ويضحكني حبيته بشكل وطبعا جنت مااقبل يتصل عليه لان خفت اعترف بحبي اله من خلال مكالمتنه خفت انه ميحبني خفت انه اكون مجرد واجب يسوي وبس ....جانت هاي مخاوفي وهاي الي افكر بي ...
ومضى اسبوعين على دراستنه والمشروع راح يخلص بس بيوم صار شيء متوقعته ....
____________________________________ يسلموا على الفوت فديتكم شجعتوني ...
ياريت يعجبكم هذا البارت ...
مبقى بس بارت واحد وتنتهي القصه ...
احبكم ～(^з^)-♡