حبيبي خليجي

7

كانت اغنية حسام الرسام ..
راح اكتب احبك جوة جفن العين حتى لو نمت متروح من بالي ..
اول مااغمض من يجيني النوم تظل كلمة احبك صايرة كبالي ..
اول عيني متغمض تجيني للحلم تركض ابوس واحضن بكيفي ..
اموتك غير اذا ترفض ..احبك حيل احبك مااريد انساك واحب جروحي جيف من عندك جروحي ...
روحي مااكلك شو بعيدة الروح انت اقرب الية حتى من روحي ...
اول عيني متغمض تجيني للحلم تركض ..ابوس واحضن بكيفي ...اموت غير اذا ترفض ..
عسل _ شوفي لج جوري شلون يتباوع رامي لرزن هههه.
جوري_ شلون يتباوعله اريد اعرف ..
عسل _ بعدج صغيره هههههه لج ركزي على مقطع ابوس واحضن بكيفي ويتباوعله ويضحك ..
جوري_لتحسسيني كأنو هبله اريد افتهم ...
رامي _قبل يدي رزن وراسها (العائله الكريمه كله كاعده شحده يبوس غير مكان هههه).
بعد نص ساعه ...
جوري_ لج رزن شوكت يطلع اشو عجبته الكعده والموووح امووووح شنو شبع نريد نركص كافي خلي طلع..
رزن _ ضحكت ..رامي البنات يريدون يأخذون راحتهم..
رامي _ سمعتج ست جوري اي شبع مرتي واني حر انتي شكو ..
جوري_ عزة ان شاء الله سمعني (اختبأت خلف عسل)بعد لو اموت مااراوي وجهي شقد فشله ..
خرج رامي واتمننا الحفله على اتم وجه (رقص وردح للصبح اصلا ونسه من العمر ) ..
بعد اسبوعين ...
كروب فلتانات ..
رزن _ بنات يلا بسرعه تعالن لبيتنه ..
عسل _ خير ولج شكو شصار ..
جوري_ خير يالخبله شنو طبكن فيوزاتج ...
رزن _ كلتلجن تعالن بسرعه لو تلحكن لو لا ..
عسل _ جاين هسه خير ان شاء الله ..

رحنه لبيت رزن ...
جوري_ هلو رزونه شكو شصار خير خوما متعركه ويه رامي ...
رزن _ ادخلي ومن تطي عسل اكللجن ..
اجت عسل ...
جوري_ يلا رزن هاي عسل وصلت شكو خوفتينه...
رزن _ بنات اكو خبر جديد صار لازم تعرفنه بصراحه مااعرف شلون اوصله بس لازم تستعدن اله ..
عسل _ لج موتينه شكووو كولي ...
رزن _ الخميس  عررررسي ..
جوري _(قفزت من مكاني ) لا والله صدك تحجين شوكت قررتوا وليش مكتولي ..
عسل _ مستحيل راح تزوجين قبل الدوام مبقاله بس اسبوع واحد ..
رزن _ انجبي ست جوري ليش ماكتلج مو كتلج هسه ردت اسويه مفاجئه شفتوني شلون ..
عسل _ والله طلعتي مو سهلة راح تزوجين ونخلص منج واني حسبالي اتزوج قبلج يلا مبرروك حبي ..
جوري_ عاااا محد كلي اريد اجهز روحي ..
رزن _ الله يبارك بيج عسول وهاي الي تبجي محسستني كأنوا عرسه مو عرسي ههههه ..
جوري_ لج صدك عسل ليش متزوجين مو كافي خطوبه صارج من الثاني مخطوبه وهسه احنه راح نتخرج ..
عسل _ اسكتن بابا كل يوم يتعارك وياي يريدنه نزوج ميحب اطول الخطوبه و اني اذبه براس غيث اكله مامجهز اموره واروح اكل لغيث بابا ميقبل نزوج هسه لن بصراحه مااريد اتزوج واني مامخلصه كليه حسه مسؤليه واني مالي خلق ..
رزن _ لا ترة مضخمه الامور انتي عسل يعني عادي وانتي تكعدين بيت وحدج مو مثلي يعني تكدرين تأكلين تنظفين بكيفج ..
عسل _ ماادري اصلا هو بقالنه بس هاي السنه خلي تخلص ويصير خير ..
جوري_ هئ هئ واني اريد ازوج هم شنو هاي ...