حبيبي خليجي

6

هل حقا ابي سيغصبني على ابن عمي هل حقا سأتزوج بهذه الطريق ماذا عن احلامي ماذا عن امنياتي احتضنت نفسي وبقيت ابكي طوال الليل ..
رسل _ جوري تعالي تعشي ..
جوري _ مااريد اريد انام ولحد يكعدني او يزعجني عوفوني بحالي ..
لم انتبه الى الساعه وانا مستمره بالبكاء والتفكير حتى سمعت صوت الاذان الفجر ..استعذت من الشيطان وذهبت للصلاة ..
صليت واندعيت من رب العالمين انه يهديني للطريق الصحيح ودعيت انه بابا ميجبرني على شيء مااريده..
جوري _ يييي نسيت الفون غالقته من البارحه حتى مشفت البنات هسه اكيد يحجن عليه ..
فحت الفون وطبعا عسل ورزن مساكتات ...هاي وين جوري الخبله وين صارت ..
ارسلت رساله ..
بنات اسفه مااكدر احجي لان في حاله يرثى لها باجر اتصل بيجن ..
Bano... Bano

رسل _ماكعدت جوري لسا .
ماما _ لا لسا صارت الساعة 12الظهر وهية نايمه شنو من البارحه حتى مااكلت شيء .
رسل _ هية شقلتلج على مازن ..
ماما _ كالعاده ماقبلت هم لان تعرفيه راسه يابس وميكدرله غير ابوهة .
رسل _ زين حاجيتي عمو شقال وافق لو لا لو شنو راية.
ماما _ اي حاجيته البارحه بالليل وكال اني ماعندي مشكله مازن خوش ولد ومعيد وامكانية زينه يكدر يعيشه خوش عيشه وفوك هذا كله ابن عمهة بس لازم يأخذ راي اخوته وراي جوري كال هو الاهم لان هذا مشتقبله ..
رسل _ هااا زين.. الله يقدم بي الخير ..

جوري ..
استيقيظت الساعة 1الظهر ..
ييي نمت كل هذا افف راسي يوجعني من كثر البجي هسه اني شكو مكبره الموضوع يعني عادي ارفضه مثل غيرهة خلي اصير قويه حتى اكدر احجي مو اطكه بجيه وكلشي ميفتهمون مني ويضيع حقي خلي اكوم اكل بالاول بطني تزقزق..
جوري _ صباح الخير ..
رسل _ صباح الظهر ..
ماما _ تعالي كعدي تغدي مماكله شيء من البارحه..
جوري _ مااريد اتغده اريد جبن وكوب چاي راسي يوجعني ..
رسل _ هاي شبيه عيونج منتفخه اظاهر منايمه الليل كله .
جوري _ اي مانمت ..(سكتت وابدأت اكل ).
رسل _ تره عمتي حاجت عموا على مازن .
ماما _ اي حاجيته .
جوري _ (تركت الاكل ) اي وشكال .
ماما _ كال اني ماعندي اشكال بس بقه يأخذ رايج وراي اخوتج ..
جوري _(لم اتمالك نفسي سقطت دمعه من عيني ..مو كلت راح اصير قوية لازم يعني اتأذه لا مراح ابجي).
رسل _ اي جوري شنو رايج.
جوري _ بعدين تعرفون رأي اني صاعده للغرفه مالتي .
ماما _ بس جوري ...جوري وين رايحه .
جوري _ لا اريد سماع صوتكم اكرهكم اكرهكم ..

اتت رسل الى غرفتي كنت احتاج الى صوت يواسيني ويصبرني ويرشدني ..
رسل _ جوري شنو دتبجين ..
جوري _ هئ هئ (بدأت بالبكاء ) بابا وافق ..بابا وافق ومنتظر رأي شلون اكله مااريده مااحبه والا اطيقه رسل شأسوي.
رسل_ اهدي عمري اهدي فدوة اروحلج لتسوين بنفسج هيجي اهم شيء تهدين وبعدين كلشي اله حل شوفي عمري ابوج يحبج ومراح يغصبج على شيء انتي بنته الوحيده ومستحيل يتخلى عنج ..
جوري _ هئ هئ ماشي راح اهدي بس شأسوي ..
رسل _ شوفي عمري اكعدي ويه ابوج وكليله مااكدر ازوج هسه لان اريد اكمل دراسه ومازن اكبر مني واني وياه منتوالم كليله مااكدر اعيش وياه حاجي وفتحيله قلبج لتنسين ابوج يريد مصلحتج وراحتج .
جوري _ يعني انتي هيجي تكولين راح يستمعلي...
رسل_ طبعا عمري ولتنسين اخوتج لازم تكسبيهم وهمة اصلا من الاول ميحبون مازن فلتخافين وعمر اني احاجي اخلي يكره الساعه الي نولد بيه مازن اوثقي برب العالمين وان شاء الله تسهل امورج ..
جوري _ رسل اني احبج واموت عليج ريحتيني ياربي يريحج ..
رسل _ حياتي جورتي شعدنه غيرج يلا روحي خلي اصب الغداء لعمر اكيد جاي تعبان واحاجي ..
جوري _ اي فديتج عمري ..

Bano.. Bano
بابا _ ماشفت جوري اليوم صار العصر وينه من البارحه..
ماما _ جوري ..جوري فوك بالغرفه هسه اصيحله تنزل ..
بابا _ جوري تدري بسالفه الخطوبه ..حجيتي وياه شنو قالتلج.
ماما _ بصراحه ابو عمر جوري راسه يابس مدتحجي ويانه من بعد ما اجو بيت ابو مازن لليوم وسئلته كالت بعدين تعرفون قراري ..
بابا _ لعد اني بالليل احجي وياه صيحله خلي تنزل تكعد جوه خطيه اخاف تضوج وحده واتي هسه راح اطلع عندي شغل .
ماما _ بعيوني ابو عمر بس انته تكون راضي هذا اهم شيء ..

نزلت بعد ان نادتني امي وقد اخبرتني ان ابي سوف يتحدث معي في الليل جلست في الحديقة وانا خائفه كيفه سوف ارتب الكلمات كيف سأخبر ابي ..
وسام _ جوري ... جوري شنو دسوين ..
جوري _ اسفه وسام مسمعتك جنت خاله الهيت فون بأذني تريد شيء.
وسام _ اي اريد احجي وياج .
جوري _(بأرتباك ) هاا اي تفضل ..
وسام _ شوفي جوري صحيح اني عصبي ودوم متعاركين اني وياج ومااحجي وياج بس صدكيني كل عركي وكل عصبيتي لان اخاف عليج واريد احميج انتي اختي الوحيده انتي الملكه بالنسبه اليه جوريتي انتي اختي الصغيره .
جوري_ ادري وسام اني شعندي غيركم انته وعمر الله يخليكم اليه.
وسام _ سمعت مازن يريد يخطبج انتي شنو رايج.
جوري _ بصراحه اني ..ما...ار..يد..ه (قلتها بخوف من ردت فعله)..
وسام _ زين ليش شنو السبب .
جوري _ وسام اني مختنقه اريد اسوالفلك الي صار شوف تذكر قبل سنتين من رحنه لبيت عمي سليم من عزمونه كعادتهم يعني كمت اريد اشرب مي رحت للمطبخ مجان اكو احد بس مرة عمي ومازن وجان مازن عصبي ويصيح يكلله ماريده مااطيقه شلون اتزوجه و شلون اتقدمله اني كلت يجوز وحده امهة جايبتلهياه رجعت ومطبيت للمطبخ واسمع اسمي تكله لازم تزوجه لازم تزوج جوري عنده املاك وتعيشك عيشه ملوك ون هل الحجي وظلت تحجي عليه وهو جان يكلله راح اوفق علمودج بس اتزوج البنيه الي اريده بعد جوري ..وسام هذا حجيه اني انصدمت بي بس شأسوي شلون اكل لبابا شلون احاجي انته تعرف بابا شقد يحب عمي سليم اخاف تصير مشكله من وره راسي.
وسام _ هذا صدك يحجي هذا خبل وين لاكي مثلج ومثل عائلتنه اني اعلمه (بغضب )..
جوري _ وسام الله يخليك لتسوي شيء ومحد يريدي بالي سمعته حباب لتسوي مشكله بس اوكف وياي ماريد اتزوج مازن ..
وسام _ لتخافين جوري اني وياج ونراح تزوجين هذا الحقير لو على جثتي .
جوري _ اي فدوة اروحلك واني راح احاجي بابا واكله مااريده بأسلوب مو مباشر (كلمته على طريقة رسل بكيفيه رفض الموضوع )..

وفي الليل كلمت ابي عن قراري وعن رفضي للموضوع وكان غير مقتنع بأسباب الدراسه والجامعه ولكن موقف وسام الذي كان معي وعمر الذي يكره مازن قد جعل ابي يعدل عن رأيه ويرفض مازن وقد تخلصت من الموضوع بشكل نهائي بعد ان قال وسام لابي عن مازن وكلامه عني ..