حبيبي خليجي

5

كروب فلتانات ...
رزن _ جوري شنو قلج مهند من اجه باركلج على نجاحج ..
جوري _ بصراحه راد اله شويه يعترفلي بس اجت نور نقذتني ..
عسل _ عزة ولج ليش تكولين نور نقذتني بس لا سمعت شيء ..
جوري _ لا مااتوقع بس ظلت واكفه الصوج بيج عفتني ورحتن حضراتجن متتفطن الي من يوكف يمي تذكرن حبابيجن كل وحده راحت لمكان وحده راحت لغيوثي والثانيه مصدكت اجه رامي عافتني وشردت ... لن انسى هذا الموقف ..
رزن _ هسه عوفينه منه كولي شنو حاجاج..
عسل _ اي بالتفصيل الدقيق...
جوري _ اجي يمي وقف قبالي يبتعد عني بثلاث خطوات وهو بدء يتكلم السلام عليكم هلو جوري شلونج مبروك على النجاح هاي كله بسببي ..واني اتبسمت وجاوبته ..اي طبعا بس لتنسه انته درستنه بالدزاين بس البقيه اني من ورة ذكائي نجحت بيهن ...هو تبسم ..وجاوب ..
رزن _ اكلج شنو هذا مسلسل هندي دتحجين احجي بسرعه مو مليت..
جوري _ ههههه غير عسل تريد بالتفصيل ..
عسل _ بطلت عيني احجي بسرعه ..
جوري _ اي كلي المهم اريد اكلج شيء جوري اني ادري انتي متنطين لمجال الاحد... 
(طبعا غير حضراتكم ماعدكم غير ضحك على البنات ).
وادري كل الي حاجاوج بالكليه رفضتيهم واني بصراحه .......
Bano.. Bano

(ياربي اخاف يعترفلي هذا شأسوي اربد اشرد ياربي انقذني من هذا الموقف )
....قاطعته نور ...
هلو مهند شلونك سمعت ناجح وتقيمك عالي بشكل ماشاء الله مبرووك الف مبروك يوم تخرجك من الاوائل وتعينك ..
(واني الي واكفه هنا شنو لابسه طئيه الاخفى عمه متشوفين )
..كملت ست نور ..
هاي جوري انتي هنا منتبهتلج مبروك عود على النجاح ..جاوبته ..
ياا هاي نور مشفتج الله يبارك بيج ..وعود انتي هم مبروك .
مهند _ الله يبارك بيج نور تسلمين ..وتباوعلي وصفن.

(استغفر الله وهذا تاليه اشو صفن خلي اشرد بما انو نور لزكت ورب العالمين استجاب دعائي ونقذني من هذا الموقف ).
جوري _ يلا اني عن اذنكم اجه اخويه ولازم اروح لان تأخرت .
مهند _ بس جوري مكملت حجي .
نور _ اخاف تريدون تكملون حجيطم عادي تره مهند جوري متضم عليه شيء احجي قدامي .
جوري _( لا والله من شوكت صرنه هيجي شنو انتي)لا ماكو داعي اني تأخرت باي..
وخلصت من مهند ونور اللزكه وشردت منهم ورجعت الجن ...
عسل _ هذا كله صار واحنه مندري ..
رزن _ بس جوري خطية الولد فشلتي خلي عندج احساس ورومانسيه شويه الولد رايدج ..
جوري _ رزن عوبه اسكتي وخليج برامي عوفيني بحالي اني اريد واحد خليجي بابا انتوا مدتفتهمون ..
عسل _ انتي والله عايشه بأحلام ورديه وين تلكين واح
خليجي وحضرتج عايشة بالعراق والمصيبه كل سفراتكم للشمال والايران وسوريا قبل الاحداث يعني وين يشوفج هذا الخليجي ..
جوري _ ما معليه الكاه يعني الكاه ...لج راح نروح عمرة واشوفه هناك ..
رزن _ لا بربج رايحه تعمرين وتذكرين الله لو ادورين واحد خليجي انجبي واسكتي وافقي على مهند لتأخذه هاي اللزكه نور وادور عضعضي بالاصابع ندم .
جوري_ استغفر الله مو قصدي انو ادور خليجي بس شنو ذنبي احب حجيهم وهيجي شياكتهم من يلبسون الدشداشه شايفتهم شلون حلوين وخاصه لو طويل فدشيء وهاي نور خلي تأخذه شأسوي بمهند عاد كاتله روحي عليه.
عسل _ جوري عمري شيلي من بالج فكرت الخليجي راح تتخرجين وتكعدين بالبيت ياخليجي يابطيخ هو حتى تعينات ماكو ..
جوري _ كافي سبيتني عود افكر بالموضوع ..
يلا بنات اني اروح باي عسل ورزن اشوفكم باجر ..
رزن _ قصدج نتراسل باجر باي كبدي ..
عسل _ باي قلبي ..
جوري _ احس روحي بمشرحه وحده كبد وحده قلب دروحن يلا ..
عسل _ ههههه احبجن كوميات.
Bano.. Bano
انهيت حديثي مع صديقاتي وانا افكر ربما كلام صديقاتي صحيح ربما علي ان اترك فكره فارس احلامي وافكر بالواقع الذي اعيشه ولكن كيف ..يارب انت الذي تعلم بداخلي فيسر امري واهدني الى الطريق الصحيح..
مرت الايام عادي بدون حدوث شيء جديد...
ماما _ جوري ..جوري ..تعالي نزلي اجو بيت عمج سليم .
جوري_ اففف والله مالب خلكهم غثة ..اي ماما نازله.
رسل _ تعالي هاي شلون حتنزلين ..
جوري _ شنو على رجليه غير انزل ..
رسل _ لج غبيه شوفي شلابسه .
جوري_ هاا شنو لابسه تراك برموده قصير اسلم على مرت عمي وبنته ومرة ابنه مريم خلي تشوفني وتموت قهر لو تستغفر ربه ميت مره وبعدين ارجع لبس الشال والعباة الاسلاميه وادخل للاستقبال اسلم على عمب واولاده ..انطيتج تقرير كامل وتوقيعي بعد تريدين شيء..
رسل _ ههههه لا سلامتج روحي الله يهديج ام لسان على الاقل شيلي شعرج ..
جوري _ لا خلي هيجي يجنن فوك ماشسورته وطالعه اخبل ..
نزلت للاسفل سلمت على  زوجة عمي وبنته سما و مريم ...
ماما_ جوري وين رايحه تعالي كعدي يمنه..
جوري_ اي ماما بس اصعد البس عباتي الاسلامية وحجابي حتى اسلم على عمو ..
زوجه عمي _ لا مااجو ويانه بس مازن وصلنه وراح نريد نشوفكم (بأبتسامه وتتباوع الامي ) تعالي كعدي حبيبتي جوريتي صاريه تجنين شنو هل النزاكه .
جوري _( اي همزين مااشوف مازن بره شقد دمه ثقيل ..) تسلمين عمه ..عن اذنكم لعد دقيقه وارجع..