حبيبي خليجي

و حبيبي الخليجي

وفي الاسبوع الثالث من الدراسة مع احمد ...

جوري_ بنات تدرن بعد بس اليوم و يخلص المشروع ..
رزن _ ماحجه شيء احمد ..
جوري_ لا ولاشيء بس يعني حجي عادي وضحك وبس يعني بعد مااشوفه اففففف هئ هئ تعودت عليه ..
عسل _ لج جوري كمتي تحبي من صدك ..
جوري _ لا لج مو حب حب بس يعني احسه كلش قريب مني وتعويد لا اكثر ولا اقل (مااريد اعترف بالشيء الي دااحس بي اتجاه احمد صحيح احبه واعشقه هم مو بس احبه بس يجوز هو ميحبني مااريد احد يشفق عليه )..
رزن _ علينه اشو حتى متكدرين تفارقي يوم ...
عسل _ هو اليوم يجي ..
جوري_ اي يجي دزيتله مسج كتله تعال عليه ساعه 12لان عندي محاضرات الصبح ..
رزن _ بس الاساتذه كلش فرحانين بمشروعج حتى يمكن تحصلين محنه عليه ..
عسل _ اي ولج سمعت استاذ علي يحاجي رئيس القسم يكله على مشروعج وانو يريدون ينفذوا ..
جوري_ الله عليجن شقد حلووا كله هذا بسبب احمد لوما تعرفت عليه وانطاني المشروع ..
رزن _ اوووف يالحب اوووف يلا حبي امشي نروح ناكل صارت الساعه 11وراج دراسه كومه انتي ..
جوري_ اي عمري بس شنو متبقن وياي ..
عسل _ لا اني اروح انتن اتغدن ورايه شغل كومه لسا ممعزله البيت وهذا غيث عازم اهله على العشه ولسا ممحضره شيء ..
جوري_ هههههه والله ايام صارت عسل ام بيت وادور عشوات وتنظيف لج حتى بعد وكت على العشاء ..
عسل _ اووووف ياجوري شجابني للضيم مو جنت مدللة عمري ورايه اروح للسوك اشتري مسواك ..
جوري_ ههههه الله يساعدج ياخيه شوكت تحلبين البقرة لعد ..
عسل _ انجبي لج اشو كيفتي انتي يلا سي يوو بنات..
رزن _ سي يووو حبي اني هم بس اكل واطلع ..
جوري_ وانتي هم شكووا طالعه ..
رزن _ لج والله تعبانه تعرفين حمل وشهر الخامس متعب بشكل ..
بعد ساعه ...
رزن _ يلا حبي روحي انتي للمكتبه لو للمصطبه تكعدين اني اروح ..
جوري _ لا اروح للمكتبه عمري على راحتج وديري بالج على حبيبي ابنج ختيبي ..
رزن _ هههههه ماشيء يلا مع السلامه ..
جلست في المكتبه ولم يأتي ...
بهل الاثناء اجه مهند ...
مهند _ هلو جوري شلونج ...
جوري _ (اففف محله تجي هسه) الحمد الله زينه اسف بس مستعجله اريد اروح للمكتبه ..
مهند _ لا معندي شيء على راحتج بس عندي سؤال..
جوري_ تفضل ..
مهند _عن مشروعج كلش زين والاساتذه ميدحون بي شنو من وين جبتي يكولون اكو مثله بدبي صحيح ..
جوري_ اي صحيح هو مو منا من دبي المشروع جبته عندك بعد شيء اريد اروح ...
مهند _ اي عندي بعد سؤال منو هذا الي يكعد وياج صارله اسبوعين ويشرحلج اتوقع بالابتوب ..
جوري _ (اللهم طولج ياروح ) هذا ابن عمتي (يعني شأكله ابن عمت جوارينه ) وهو الي يساعدني بالمشروع وهو اصلا الي جابليه وكافي تدخل رجاء اني اريد اروح ...
تركته وذهبت الى المكتبه ..
جوري _ افففف صارت الساعه 1ومااجه اخاف صاير شيء بي معقوله تيه مستحيل صارله ثلاث اسابيع يروح ويجي اففف زين شلون الكليه فرغت على حظي اليوم ماكوا محاضرات الظهر ...
زين اخلي اتصل ....
اففف موبايله يدك وميشيله وشلون هسه صارت الساعه 1ونص خلي اطلع بره شأسوي ..
انتظرت على المصطبه...
اففف ماكوا احد ..
يالله صارت الساعه 2وماكوا احد شأسوي راح اطلع
الكليه فارغه عزة ولا احد اكو مامنتبه خلي اخابر عمر وسام يجيني ...
جوري _ رزن الوا ..
رزن _ هلو حبي خلصتي عيني من الحب مالتج ..
جوري _ لج ياحب يابطيخ رزن لحكيلي الكليه فارغه وماكوا احد بيه وهذا احمد الغبي مأجه اليوم وظليت انتظره من 12لسا هئ هئ لج خايفه ...
رزن _ عمري شعندج بقيتي جان طلعتي ..
جوري _ ماادري حسبالي يجي وظليت اتصل عليه ميرد خفت عليه لج رزن راح اظل احجي وياج لحد مااوصل لباب الكليه عاد الكه وسام كبالي ..
رزن _ اوكي حبي اني وياج لتخافين ...