مكالمة غيرت حياتي

اعتراف ماهر بأعجابه وحبه لعلياء

وبعد ما كعدت من النوم لكيت المكالمات الفائتة
ظليت افكر اتصل لو لا لو ادز رسالة شلون .
بعدين كعدت قريت شوية وراهة ما احس غير الهاتف يرن ●○•●○••□○••●○•
ماهر يتصل بك .
وافتحت خط
علياء :- الووو هلو ماهر شلونك.
ماهر :- هلوو علياء شلونج .
علياء:-اسفة لعدم ردي على اتصالاتك بس والله جنت نايمة اسفة مرة ثانية.
ماهر :- لا عادي بس عبالي بيج شي
شلونج شخبارج لصراحة اشتاقيت لصوتج هوواي
علياء:- اشكرك .....aloo alaa
ماهر:- علياء عندي موضوع وياج .
علياء :- اي اتفضل شتريد .
ماهر :- بس اسمعيني للاخير .
علياء :- اوووك خير ان شاء الله .
ماهر :- علياء لصراحة وبدون لف ودوران اني حيل معجب بيج ولصراحة اكثر اتعلقت بيج من اول يوم سمعت صوتج بي ما اعرف اشسويتيلي خليتيني اتمنى ما اسد التلفون بس اريد اسمع صوتج واطلع حجج حتى اخابرج ادري هسة اتكوليلي اني ما افكر بالحب ولا الغرام بس اني اكولج اخذي وقتج بالجواب على هذا الموضوع ....... aloo alaa
علياء:- (الصراحة استغربت حيل لان جان كولش جريئ وياي ) .بس شنو الي يخليك تنعجب وتحب وحدة انت ما شايفهة ابد يعني اتحبني وتعجب بية على صوتي ميصير هيج شي انت تعرف عني غير اشياء بسيطة واني هم واحنة اقارب واني ما احب انزل سمعت اهلي والعالم اتظل تحجي علية بنت شامل جانت عدهة علاقة وية ابن نادر وتاليهة اظل علك بحلوك الناس مو واحتمال اصلا منتشاوف لان اصلا انت بمحافظة واني بمحافظة واحنة منزوركم غير بالسنة مرة اتوقع مو صح فا الافضل متفكر بهيج شي لان صعب .
ماهر :- انتي ليش هيج اتصعبين الامور وبعدين اعرف احنة اقارب يعني اني هل من المعقول اغش بنت اقاربي بعلاقة وانهيهة؟طبعا لا واني اذا بديت وياج بحب فااكيد حيكون نهايتة زواج ومستحيل اجرحج واكيد من راح احجي وياج راح اعرفج انتي شنو مو صح......aloo alaa
علياء :- الصراحة هم اني كولش اخاف من علاقات الحب لا اني كولش حساسة وما اتحمل احد يجرحني ولي افكر ارتبط بي مااريدة ولو ليوم واحد يبجيني ولا يفكر ينزل دمعة وحدة من عيني لان مااتحمل لذلك اني ما افكر احب لان من اقل احجاية اني ازعل حتى بالبيت وية اهلي هذا طبعي والكل يعرفني فا انت تكدر متأذيني بيوم او طول فترة حبنا لو فكرت اقبل عرضك هذا .
ماهر:- اي اوعدج بهذا الشي وبمرور الايام اثبتلج انتي بس اقبلي .
علياء :- الله كريم افكر بالموضوع اني هسة ملتهية بالامتحانات وموضوعك اجة بوقت كولش حرج حتى ما عندي وقت افكر بي بدون زعل لان تفكيري كولة هسة بالمعدل والنجاح اوووك بس اوعدك افكر بالموضوع ..........aloo alaa