مكالمة غيرت حياتي

عنوان الجزء

وبدات امتحانتي النهائية وملتهية بالدراسة واتفقنة اني وماهر منتخابر يومية لان دراسة واحنة نريد ننجح وكذا وبالصدفة اشتاقيتلة هووواي وبعد ما اتحمل ما اسمع صوتة فا گلت خلي اتصل اكيد هو هم مشتاقلي
طبعاً ماجنت اتوقع راح الگة تلفون ماهر مشغول بهيج ساعة متأخرة
طبعاً هو كل ظنة انه اني ماراح اتصل بي بهل فترة لان دراسة واني طلبت منة انه انقلل اتصالاتنة بس رب لعالمين راد ينبهني
وتصلت واني لگيت التلفون مشغول ظل تقريبا اكثر من ساعة وتخبلت النوم طار من عيني والقلق بدا والشك هاي ويامن ديحجي
ورة ما طبعاً خلص مكالمتة اني رجعت اتصلت والتلفون رن وفتح خط علية .
الووو هلو حبي هاي اشعندج گاعدة لحد الان

شنو اشعندج گاعدة عود اشتاقيتلك بس حضرتك اظاهر ملتهي وية غيري منو الي جنت تحجي وياهة الحد اللن وبهل وقت فهمني شنو انت دتخوني لو شنو الفلم
لج هذا صديقي يشرحلي المادة مال امتحان

هاااا وهاي اني المفروض اصدگ لو شنو

ابكيفج لتصدگين مو دا احلفلج بابا ماكو غيرج بحياتي

اهاا اروح انام والله كريم بعدين نتفاهم

شنو ح تروحين

اي وانت ابكيفك اتريد اتنام اتريد تبقى تكمل مكالمتك براحتك
وهاي اني عبالي من كل عقلي انت مدتتصل بية لان دتدرس واني مصدكة على العموم باااي وتصبح على خير

الوو......
وسديت التلفون بس اني للصبح ما نايمة وبالامتحان ثاني يوم زفتت لان تفكيري مشوش وبدا الشك بماهر يكبر يوم عن يوم الى ان خلصت الامتحانات
وبدات العطلة ومرة وحدة بس رحت لبيت ماهر لان بابا ميقبل انروح ويظل هو يتصل بية لو يجي كل شهر يبقى يوم ويروح
بس تصرفاتة كولهة تغيرت مو ماهر الي حبيتة وصارت بيناتنة مشاكل هوواي لاسباب جانت المفروض كل خطيب يوفرهة لخطيبتة
مرات جنت اطلعلة حجج واتعذرلة ومرات لا جان تصير مشكلة ونظل منتحاجة لايام

ومن يجي جان علية اتظل تجي اتصالات غامضة بس ما جنت اشك بي لان جان ينطيني تلفونة من جنت اتصور انه جان يمسح كولشي قبل لا يجيني للبيت
ومشت ايام وراحت ايام وخلصت العطلة وبدا الدوام وما بقى على نهاية الجامعة غير سنة وحدة
ومثل كل سنة احلى شي هو بداية الدوام جنت انسى كل همومي من اداوم واشوف صديقاتي
وبدا ماهر يحضر بغرفتنة لانه ورة التخرج نتزوج
وبدا يشتري حاجة حاجة واني جنت اضوج لان جان يشتري بدون ما ياخذ رأيي هل الحاجة هاي راح تعجبني لو لا
وجان يگولي بعد اشتريت قابل ارجعهة

ووصى على غرفة نوم هم بكيفة اني جنت اريد اخذهة على ذوقي بس اتفاجأت هو مكمل كولشي واجة بس ينطني خبر طبعاً اتعاركنة مثل كل مرة وراهة اني گتلة بكيفك
ومرت الايام وبدات تصير الحياة والخطوبة مملة والمشاكل بدات تزيد بحيث كرهت الخطوبة لان جان يريد يفرض كولشي علية
وقربت امتحاناات نصف السنة وهنا ماهر فاجئني وگالي علياء راح يجيبون الغرفة مالتنة ورة امتحانات نصف السنة وترة بس انكمل الامتحانات نعقد محكمة

گتلة منو يكول بابا يقبل هو گال قبل الزواج بفترة نعقد محمكة
وراهة بدات الامتحانات وظلينة نتخابر بس بالليل وماهر مومثل قبل اتغير هوواي وياي گلت يجوز هاي لان مخطوبين وميريد يبينلي انه هو رومانسي وشي حتى لا استغل حبنة لذلك هو يريد يفرض كلمتة وهيج عصبي وبخيل على كولشي يعجبني يجوز ديلملم نفسة
المهم اخر يوم امتحانات نصف السنة تخابرنةوجاان كولشي تمام
وعلى الاساس يخابرون اهل ماهر اهلي ويعزموهم حتى يتفقوو على عقد المحكمة

وهنا صارت الصدمة الكبرى اتفاجئ ثاني يوم الصبح باأتصال من ماهر وهو يگولي علياء البقية بحياتج اتوفى اخوية وهو يبجي اني اتخبلت وغلطت عليه وكتلة انت شنو تحجي

وعطت وركضت على اهلي كتلهم ما اعرف هذا ماهر اشديسولف
بابا ركض على التلفون واتصل بماهر وطلع الخبر الي گالة صحيح
رأساً بدلنة وطلعنة لبيت ماهر بس جانت صدمة كبيرة ممتوقعيهة
طبعا حالت ماهر صعبة وبقينة اني وماما يمهم للثالث لان عيب
وجنت اريد اكون بجانب ماهر وطبعا ماعفتة ولا لحظة
حتى بالليل جنت اظل يمة لحد ما ينام يظل يسولف على اخوه ويبجي
لو يظل ساكت ودموعة تجري واني حالتي كوولش ادهورت عليه ما اتحمل اشوفة بهل حالة وتمرضت

وقبل لا نرجع حلفتة ياكل لان جان ميقبل ياكل كتلة لخاطري هم اخوك ميقبل تاذي نفسك وحباب من اتصل عليك طمني
عاد رجعنة اني وماما بس قلبي بقى يمة طبعاً اتصالاتة قلت كوولش وجنت مراعية وضعة وحتى جنت اخاف اتصل بي بغير وقت او بالليل لان اكول خاف يريد يبقى وحدة او خاف هسة يگول هاي بطرانة جنت اتصل اسال علية واحجي شوية وياه مرات يظل يبجي مرات يظل بس ساكت وراهة اگولة روح حبيبي اخاف متگدر تسولف وظلينة فترة طويلة على هل وضع وحتى جية علية مايجي كظيت هل فترة بالدوام لان خلصت العطلة والتهيت وية البنات بس اني قلبي يمة

ورة فترة اني طبعاً جنت حزنانة على حماية وذبيت الاسود ورة ما طلع الاربعين مالتة وبما انه ماهر ظل فترة ماكو حسيت صار بيناتنة سد كوولش كبير
ومرة اتصل بية وكتلة شنو انت ما ناوي تجي تشوفني جان يكول اني مشتاقلج هوواي واريد اجي اشوفج صار كم شهر ما شايفج واحس ابتعدنة هوواي
كتلة هلا بيك اشوكت ما تريد تجي حبيبي اني هم اشتاقيتلك هوواي