مكالمة غيرت حياتي

انتظار علياءلأتصال ماهر

وبعد طول انتظار اجة الليل وبديت اعد دقيقة دقيقة انتظر اتصال ماهر .

والمفاجئة يرن تليفون بابا والمتصل ماهر
طبعا قلبي حسيتة راح يوكف وبدأت تساولاتي

انطيت التليفون لبابا
علياء :- بابا هذا ماهر ديتصل بيك

الاب :- اي بابا انطيني التليفون

الاب :- الووو ياهلا ب ماهر

ماهر :- شلونك عمي شخبارك امورك اسف لان خاف دا اتصل بوقت غير مناسب

الاب :- لا عمي باي وقت تتصل والدك شلونة مشتاقيلة صحتة شلونهة

ماهر :- والله لحمد لله شوية احسن عمي ولو زحمة عليك ردت اخذ رأيك بموضوع

الاب :- اي ابني اتفضل كول

ماهر :- والله عمي اني طلعلي بالقبول معهد ادارة
وهسة جبت ورقة قبول من كلية القانون مسائي ورقة قبول من تربية حاسبات وحبيت اخذ رأيك ياهو الافضل ولبيهة مستقبل اقدم عليهة

الاب :- والله يا ابني طبعا الافضل من حيث المستقبل هو القانون لان بي مجالات واسعة بالمجتمع ومابيهة شي اذا مسائي طبعا هم الة تعيين وهي افضل من الكليات الاهلية واحسن من تربية حاسبات الك لان تعيينهة شوية غثيث والله يوفقك بعد

ماهر :- تسلم عمي صارت زحمة عليك وسلملي على الولد
الاب :- الله يسلمك وسلملنة على والدك والاهل الله وياك .
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
اوووووووف قلبي راد يوكف لحمد لله مابي شي
وفرحت حيل من سمعت خطة هيج خطوة .

خلي اتصل بي بلكت يرفع التليفون
واتصلت لاكثر من مرة ومجاوب كان ينطي رفض
وبدأ قلبي يوجعني والافكار اشكال والوان

وبعد طول انتظار وقلق اتصل ماهر
مكالمة واردة (ماهر )●○•°●○••°●○•°●••°○●

علياء :- الووو هلو ماهر ( طبعا لاحبيبي ولاشي لان اني ضايجة وزعلانة من تصرفاتة وياي )

ماهر :- هلوو علياء شلونج اكيد ضايجة مني مو فكرتي بحجيي

علياء :- يا حجي وانت جنت تحجي صدوك لو تشاقة
ماهر :- شوفي علياء اني طريقي صعب ووضعي يختلف عن الباقين اني هوواي تبهذلت بحياتي ومسؤولية البيت كولهة فوك راسي لان والدي مريض وما اعرف شوكت راح يصير زين وعمامي ميحبون الخير النة وعلى طول مشاكل وية اهلي فااني صاير كولشي بالبيت واخاف تتعذبين وياي ومااريد اشوفج متعذبة انتي مدللة ابيت اهلج ما اريد اشلع قلبج بحياتي التعبانة طريقي صعب .

علياء :- ههه شنو انت هسة جاي تحجي هذا الحجي بعد ما حبيتك واتعلقت بيك هسة يالة تذكرت هذا كولة ليش ما حجيتة من البداية ليش من اتأكدت اني اتعلقت بيك وما اكدر بلاياك يالة حجيت
المهم اني قابلة احسن ما تنتهي هاي العلاقة وحياتي من وراك تنتهي وكولشي يتغير بمرور الزمن اشمدريك اذا على الجامعة اني سمعت بيك راح اتروح مسائي ويارب تتوفق بس اترجاك مو كلشي يصير انت تقرر بكيفك تنهي كولشي احنة مدا نلعب ترة ومشاعري وقلبي مو لعبة وقت متريد تنهي كولشي تنهي مو صح وانت وعدتني انه ماراح اتأذيني بيوم ابد

ماهر :- اي صح وعدتج بس اني فكرت وكلت ليش اظم عليهة خلي اصارهة بكل شي عن حياتي ووضعي لان بعد مابيهة مجال وكلت انه تنتهي هسة احسن من ما تمر سنين وتصير علينة صعبة

علياء :- شنو انت صاير تفكر وتقرر وحدك وبنيابة عني واذا اني احب اشاركك بكل شي عادي انسولف واحد للثاني على الي مأذي ولي مضايقة مو صح

ماهر :- اي صح .. احبج علياء هووووواي لوتدرين اشكد ريحتيني واصلا من اسولف وياج انسة هموم الدنيا كولهة

علياء :- اني هم احبك واموت عليك بس توعدني بعد ماكو هاي القرارات الي توكف القلب هاا

ماهر :- ان شاء الله بعدج زعلانة مني وضايجة

علياء :- الصراحة شوية ..اووف بس اشكد اذيتني

ماهر :- يلة ولاتزعلين حبي يلة اني اروح تصبحين على خير
علياء :- اجمعين حبي ..
وسديت التليفون بس لحمد لله هل مرة مرتاحة وماكو شي بيناتنة واتفاجئ ورة لحظات يتصل ماهر
مكالمة واردة (ماهر)●○••●○•°●○•°°●○••°
وفتحت الخط ولكيت ماهر حاطلي هاي الاغنية

((حلو حبك_هيثم يوسف))

حلو حبك اليه حلو خوفك عليه
والاحلى مابيك انك حبيبي وتحس بيه
حبيـــــــــــــــــــــــــــــــبي

احسك وين متروح اظل ساكن ابكلبك
عشت وياك فد روح تحبني وانا احبك
اسولف بيك الايام واظم سرك عليه
حبيـــــــــــــــــــــــــــــــــبي

حلو حبك اليه حلو خوفك عليه
حلو حبك اليه حلو خوفك عليه
حبيــــــــــــــــــــــــــــــبي

اغمض عيني والكاك واشوفك روحي انت
حبيبي وانا وياك احس كلشي ملكته
عليه تخاف مني الله شكد تحبني
عليه تخاف مني الله شكد تحبني
حبيــــــــــــــــــــــــــــــبي

حلو حبك اليه وحلو خوفك عليه
والاحلى مابيك انك حبيبي وتحس بيه
حبيــــــــــــــــــــــــــــــبي

..........................................................
وراهة سديت تليفون ونمت بس مشاعري جانت غير شي احبة واموووت عليه ما اعرف اشسوة بقلبي .