مكالمة غيرت حياتي

بارت ٢٤

وأخيراً حبيبي راح اشوفة اووووف اشگد مشتاقة اشوف ملامحة
بابا:-خلي اركن السيارة هذا ماهر شافنة خلي ااشرلة
ماهر:-السلام عليكم شلونك عمي شخبارك
بابا:-وعليكم السلام ماهر نقذتنة والله تيهنا البيت مالتكم
شلون صدفة انت صرت گدامنة
ماهر:-لحمدلله اكيد تعبانين من الطريق
لعد ح اطلع بالسيارة گدامك عمي اني وانت وراية
بابا:-ان شاء الله

اووووف ياقلبي احسك ح تنشلع من مكانك اباوع عليه وارجع ادنگ راسي خاف احد ينتبه علية وشلون مرتبكة
ووصلنة لبيت ماهر
ام ماهر:-ياهلا وكل الهلا نورتونة بشوفتكم ام ايمن وابو ايمن والله مامصدگين بجيتكم
بابا:-وبيج اكثر ام ماهر
ماما :-الله يخليج ام ماهر
طبعاً سلمنة على الموجودين كولهم
اخوت ماهر الي همة ذوالنون اصغر من ماهر بسنة
وحسان واختة بان واخوه الصغير حيدر
اما ماهر فااحسة اختفى مااعرف وين راح واني قلبي بدأ يدگ سريع
وبدأت الافكار هذا وين راح شنو ما عجبتة لو شنو خاف انصدم من شافني او ممتوقعني هيج ردت اموووت .
ورة فترة حضروا الغداء وما احس غير ماهر يطب يسلم
ماهر :-السلام عليكم خالة شلونج حمد لله على سلامتكم خوما تعبكم الطريق
ماما :-الله يسلمك خالة لا والله بس الجو شوية حار وتيهنة
وبدأ ماهر يسلم علينة بس جان يتيه بأسمي اني وود ههههههه
يمة فديت الحب مالتي
اتمنيت اطفر من مكاني واحضنة وابوووووووسة
ما جنت متخيلة راح يجي يوم ونلتقي اني وياه
طبعا حبيبي جان لابس قميص اسود ومنقط باابيض وبنطرون اسود
طالع گمر ...
ورة ما كملنة الغداء گمت اني والبنات للمطبخ انساعد ام ماهر لا اخت ماهر صغيرة ومتگدر وحدهة .
وگفت اغسل المواعين وما احس غير ايد صارت يمي وهنا بدأ قلبي يدگ عشرة عشرة ههههههههه
ماهر :-هلو ولج شلونج ما توقعت هيج
طبعاًهاي شنو هنا اهلة كولهم يعرفون بعلاقتنة ماعدا اهلي بس ود تعرف
وبدأ هو حبيبي ميقصر گام كل شوية مطلع حجة لانه اختي الكبيرة موجودة
وام ماهر ما قصرت اخذتهة وياهة يم امي
ام ماهر :-تعالي داليا خلي ناخذ الچاي يم ام ايمن خطية ظلت وحدهة علما البنات يكملن المطبخ
علياء:-(هاااي شلون فرصة اووف منك ماهر راح تفضحنى والله )
ماهر :- اي شلونج ليش مكتيلي راح تجون
علياء:- ههههه اريد اسويلكياهة مفاجئة ؟شلونهة مو تخبل
ماهر :-احلى مفاجئة بس صدمتيني لج اتگولين مو حلوة اني
علياء:-هههه اي وشطلعت معصعصة مو
ماهر:-اتخبلين
علياء:-امممم خجلتني
اكولك مو تفضحنى حباب سوي كولشي عادي تدري بداليا متعرف
ماهر :-وشلون يعني اني اريد اسولف وياج اظل هيج بالبوگات
بالليل اني اسويلي حجة حتى نگعد نسولف
علياء:-ميخالف اووك
بعدما كملنة بالمطبخ ارتاحينة والعصر طلعنة انزور اخذنة بابا وماهر طبعاً ويانة
بس ماهر اتخبل من شاف لبسي من طلعت وظل بس يخوزر بية
شلون لابسة تنورة ضيقة وتيشيرت ومصبغة اظافري ورجلية مبينة
كل شوية واجة مشى من يمي .
آخر شي زهگ واجة مشى وراية وگالي
ماهر:- اگولج ما لگيتي اعرض من هاي التنورة تجين لابستهة
وشنو هاي رجليج خررررب راح اتخبليني ومصبغتهن فوگ القهر
امشي امشي بسيطة .
طبعاًاني ميتة ضحك (اوووووويلي احب الي يغار علية لك اموووت عليك ) طبعاً هاي بقلبي احجي لا اشوفة مشتعل نار
وزرنة وراهة طلعنة للسوگ وفترينة واني عنودية ما قبلت اللبس شي عريض هههههه .بس هو حياتي يريد فرصة حتى يحجي وياي وماكو متصير