مكالمة غيرت حياتي

وبدأت احس بأنه الهواء الذي اتنفسه

طبعا بالبداية اسفة على الانقطاع
عن قرائي بس والله ما بعدني عنكم
غير الظروف والمرض الله يبعدة عنكم
واسفة لان عفتكم بنص الطريق ومكملت الاحداث
لكن هسة راح ارجع اكتبلكم باقي القصة

♡♡♡♡♡♡♡♡♡♡♡♡♡♡♡♡♡♡♡♡♡
وبعد مرور ايام
بدأ العام الدراسي الجديد
وأول يوم الي بالجامعة وكنت كولش خايفة من هذا اليوم لان ما اعرف احد هناك ولا اعرف احد بالخط مال الكلية ..

واتصلت ب (ماهر)
علياء :- الووو

ماهر:- الووو هلوو حبي

علياء :- شلونك حبيبي

ماهر :- لحمد لله زين اشبيج شو احسج ضايجة

علياء :- اي والله كولش لان باجر اول يوم دوام واتمنيتك وياي بالكلية ونداوم سوة ليش راح اداوم وحدي وخايفة حيل

ماهر :- حبي اني وياج كل دقيقة راح اخابرج لتضوجين وهاي شنسوي اذا الله كاتبلنة كل واحد يداوم بمكان .

علياء :- اوووه الله كريم زين لعد خلي اروح انام باجر الخط يجي من الصبح احبك واموت عليك

ماهر :- واني هم احبج يلة قلب تصبحين على خير
علياء :- اجمعين قلب
•••••••••••••••••••••••••••••••••••••••

وكعدت ساعة 6 الصبح
بدلت وحظرت اموري وظليت انتظر الخط حتى يجي
واجة الخط وصعدت وتعرفت على البنات الي بي
وجانت اكو بنية اسمهة شذى حلوة كولش وداوم بنفس كليتي بس هي اكبر مني بسنتين حبيتهة لان جانت بسيطة ومجاملة .
ونزلت من الخط وية شذى ودخلنة للكلية وعرفتني شذى على صديقاتهة وعلى الكلية ودلتني بالقسم مالتي .
وكالتلي اشتحتاجين اني موجودة وانطتني اوقات المحاضرات مالتهة وراحت .

وبعدهة اني رحت شفت اسمي بيا قاعة وتعرفت على سارة وحوراء وظلينة سوة .

طبعا ماهر حبيبي ما تركني ابد على طول الوقت هو يتصل ويدزلي مسجات .

بس اني اول ما دخلت للقسم والقاعة دخل الاستاذ وانطانة اول محاضرة وتعودت شوية شوية .

وانتهى الدوام وظليت انتظر شذى حتى نرجع للخط
طبعا .
احب اوصفلكم ( شذى ):-

بنت حنطاوية البشرة
عينيها عسلية تشبه عين القطة
شعرها ناعم ولونه بني فاتح
طولها متوسط
من عائلة محترمة والدها مدير مدرسة
ووالدتها متوفية
ولديها اخت معنا في الجامعة متزوجة .

○○○○○○○○○○○○○○○○○○○○○○○○

وبعد ما اجتي شذى وطبينة للخط
طبعا الخط مالتي كولش ونسة ويضحكون
البنات الموجودات عبالك عائلة وحدة
وابو الخط رجال متوسط العمر ابو عادل لديه قصر نظر طبعا ابو عادل فدشي مضحك هوواي بس يونس وجان بس يدور اكل يعني همة على بطنة
ههههههه .

ورجعت للبيت ميتة تعب اتغديت وصعدت لغرفتي
اتصلت بماهر حبيبي وراهة نمت .

لان وراية مراجعة للمحاضرات وتحضير ملابس الدوام مال باجر .