مكالمة غيرت حياتي

تحسس ماهر من علياء وقرار انهاء علاقته بها

طبعا بعد ما غلق ماهر التليفون كولش ضجت ونقهرت عليه وحسيت بي كولش ضايج لذلك مالحيت عليه وراسا نهيت المكالمة بس بابا لمن عرف بقبولي طلع كولش ضاج من الكلية اي انقبلت بيهة يكول مابيهة مستقبل الج واني كولش جنت حابتهة
وهو جان رايدني اطلع تربية حتى اصير مثلة مدرسة انكليزي .

على العموم هو كولشي بالمقسوم ورب العالمين الي كاتبلنيا علينة نرضى بي ونحمد الله ونشكرة .

اهلي الباقين فرحوا بالقبول مالتي وهذا الي رفع معنوياتي وبديت احضر للكلية واتخيل نفسي اول يوم بيهة اكيد حلوو الاحساس لمن واحد يعرف مصيرة ومستقبلة وين واني الصراحة جنت حابة هاي الكلية لان كالولي من تتخرجين منهة تكدرين تتعينين بالمصارف او الشركات على قسم الحاسبة واني اموووت على هذا الاختصاص .

طبعا بعد مرور ساعات الى ان صارت ساعة 12 بالليل اني كاعدة انتظر مكالمة ماهر او وين صار لان اتصل بي وميرد على اتصالي وكررت الاتصال اكثر من مرة وظل بالي عليه لان من خابرني جان صوتة ووضعة ما عاجبني اووووف ماهر وين صرت حبي ليش مترد !!!

طبعا بعد مرور ساعتين تقريبا اتصل ماهر
مكالمة واردة ((ماهر))●○•°●○•°●○•°●○•°

علياء :- الووو حبي
ماهر :- الووو هلو علياء
علياء :-(طبعا صوتة ما عجبني وجان كولش امبين عليه ضايج )
هاااا حبي وينك ظل بالي عليك اشبيك جاوبني بيك شي ادري انت ليش ضايج حبي كولشي رب العالمين كاتبلنيا هااي انكول لحمد لله على كل حال

ماهر :- علياء مابي مستقبل تعرفين شنو
ادري لحمد لله تلى كل حال بس تعاي فهميني وين اروح شتعين.
انتي اتقبلين بواحد خريج معهد وانتي مكملة كلية اهلج اذا اتقدملج يقبلون بي

علياء :- اوكف اوكف شنو هل حجي شنو معهد شنو كلية حبيبي ليش اني من حبيتك انت شنو واني شنو مو اثنينة طلاب لو لا وبعدين شو هذا الحجي جديد هاي شبيك ماهر وبعدين اهلي اذا تقدمتلي راح ياخذون رأيي بالموضوع .

فهذا الحجي انساه مال معهد وكلية لان عيب
ثانيا اكو هوواي جامعات انفتحت اكو اهلي واكو مسائي تكدر اتقدم وتنقبل وداوم عادي يعني اني اشوف مابيهة شي .

ماهر :- علياء اترجاج لتواسيني واتمنى متزعلين مني لهنا وخلي كولمن يروح بطريقة حتى ليش نتعذب بعدين .

علياء :- شنو ...شنو بهل بساطة عندك اتريد تنهي كولشي انت متستحتي بلة علمود شي تافه تنهي حبنا ابد ما راح اسامحك يلة حبي اني اعوفك ترتاح وتفكر زين احسن لان انت هسة ضايج ومقهور ومدتعرف اشتحجي .

باااي ..

ماهر :- الله كريم انتي هم فكري بحجيي باااي
ولتزعلين مني

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤