مكالمة غيرت حياتي

المشية

واجة اليوم المنتظر طبعاً خابرني ماهر وگالي علياء احنة يوم الخميس نجيكم الي هو باجر كتلة خوش اني راح اگول لاهلي
ورحت لماما وگتلهة ورتبنة كولشي اني هم رتبت نفسي بس قلبي حييل يوجعني وقلقة اريد هذا اليوم يعدي على خير ونخلص
واجة الخميس وماما حبيبتي رتبت كولشي من الصبح واني طبعاً جانت عندي عطلة ماقبل امتحانات الكورس
ومحجيت لاي احد انه ماهر راح يجي لاي وحدة من صديقاتي گلت خاف يصير شي
وطبعاً بابا انطى خبر لعمامي على انه العصر يجوون علمود موضوعنة
واندگ الباب بيت ماهر اجوي واني بدا قلبي عشرة عشرة دگاتة طبت ام ماهر وابوه وماهر وصديق ماهر طبعاً اتغدوا وكملوا غدا وشربوا الچاي وابو ماهر ساكت للعصر وبابا ينتظر ابو ماهر يفتح الموضوع وماكو وماهر على نار واني هم لحد ما دزيتلة رسالة وگتلة ها بشر يمعود گال ماكو ابوية شو مديحجي واجوي عمامي وابو ماهر ماكو لاحس ولا خبر واني انتهيت
لحد ما جنت دا اسوي عشا واجاني ماهر من باب المطبخ وسلم علية
هلو حبي لج هاي شنو اشطالعة اتخبلين
اني رتبكت وكتلة تسلم حبي انت شلونك
حبابة روحي صيحيلي امي اريد احجي وياهة
كتلة اووك وبهل اثناء اجة بابا وشافني احجي وياه حسيت عيونة طلعت وگلت عزززة هاي شلون لان بابا ميتفاهم
صار العشا وتعشوا واني وماهر صايرين بركان گلت هذا ابوه غلس على الموضوع ونسى
لحد ما ام ماهر صاحت لابو وحاجتة
عاد وراهة فاتح ابوي وعمي بالموضوع وهل سوالف الروتينية
طبعاً ماهر بالشارع واگف هو وصديقة واني گاعدة بالهول اتفرج تلفزيون عاد طب عمي على امي وگاللهة قرينة لفاتحة وگامت ام ماهر واختي الجبيرة هلهلو واني گلت اااااااااي واخيراً خلصنة
ما احس غير تلفوني يرن وحبيبي يتصل
هلو حبي وزوجتي وعمري كولة بالخير علينة حبيبتي واخيراً خلصنة ردت اموت والله
تسلم ياروح علياء الخير الي يصيبنة اني وياك يا اغلى مابالكون احبك
يلة اروح اطب لان اني مهزوم برة من سمعت الهلاهل عرفت قروا الفاتحة احبچ
اني هم اموت عليك ياعمري باااي
وهذا جان احلى واطول يوم بحياتي لان تعبت حيييل وبدا مشوار الخطوبة عاد حددنة الاسبوع الجاي اروح اعقد بمحافظتهم وهناك اسوي المهر طبعاً خواتي ما راح يحضرون لان امتحانات واختي الجبيرة حامل ومتكدر
فا رحنة اني وماما وود وبابا وطبعاً ما جنت اتخيل راح هذا اليوم يكون يوم بي مغامرات وعراقيل لان حسيتة راح يكون اسعد يوم بحياتي
لهناك وصار نقاش على الذهب وعلى البدلة وانصدمت بردة فعل ام ماهر لان جان ماهر مواعدني باشياء غير الي امة گالت عليهة
وكل شوية تكولي ترة اني هذا الي عندي على كدة اشتريلج
وماهر يباوع علينة ويشوفني فد نوب صرت
من رجعنة للبيت حاجاني ودمعت عيونة حبيبتي لخاطري مشي لامور واني كولشي تريدين اجيبلج بس سايري امي
گتلة بس احنة ماتفقنة هيج اشو كولشي عكس الاتفاق شنو القضية ماهر
هاي لخاطرك حتى لتكول ما وكفت وياي
وطبعاً طول الطريق واحنة نشتري باقي الذهب والبدلة عبالك اعداء ام ماهر وجهة مگلوب وتمشي هي وياه واني وامي وحد لحد ما وصلنة نشتري البدلة وهنا اخذت بدلة على گد لفلوس الي محددتهة ام ماهر واخذت تنورة وقميص وردت جنطة وحذاء طبعاً ام ماهر اعترضت بس ماهر گال اخذي لحذاء وبعدين عود اخذلج جنطة
هزيتلة راسي بكيفك
ويم ابو الذهب ردنة نتعارك لوما عمتة ادخلت نوعاما وعدى اليوم على خير
رحنة ثاني يوم للصالون طبعاً لعبت بخلقتي لعب لو اني حاطة المكياج احسن
وراهة اجة ماهر وهمة ماعزمين بس خالاتهم وعمتهم يعني جانوا كوولش قليلين والحفلة صغيرة ومختصرة كولش ما اعرف ليش
وكملت الحفلة وطلعنة اخذنة صور
طبعاً ماهر بالسيارة ميگعد راحة بس يتحارش بية ويهمس بأذاني انطينيبووسة واني اگولة لا آخر شي فتحلي اغنية حسام الرسام .