مكالمة غيرت حياتي

انهاء خطوبة ماهر وعلياء

وقبل لا يجي ماهر طبعاً هو ماشايفني لاشهر هوواي اني كوولش اتغيرت حضرت نفسي بدلت وخليت شي خفيف لان هو ميحب المكياج يگولي انتي حلوة بدونهم وللبست گلابية لون تركوازي
وطبعاً ميدري بية اني گاصة شعري وصابغتة حبيت اسويهة مفاجئة

واستقبلت حبيبي واشوف الصدمة والانبهار على وجهة وبتسامة خفيفة وسلمت عليه وهو يريد ياكلني بعيونة طبعاًبابة موجودجان لذلك ما گدر يعلق على شي بس نظراتة الية من فوگ ليجوة ولمعة عينة جانت تذبحني

ورة ما طلع بابة طبعاً ماهر ابتسامتة ابد ما راحت
واتفاجئ ويگولي لج شنو هلجمال حبي هاي شطالعة شلون لايگلج لون لشعر والگصة فدشي ما ادري شحجي بس اباوع عليج واگول اشوكت تجين يمي

ابتسمت وگتلة يعني عجبك اللون طبعاً اني صبغتة اسود بنفسجي واني بيضة وضارب على وجهي
گالي طبعاً عاجبني كووولش حلو

وظلينة نسولف وجنت كوولش مشتاقتلة وگالي اعتذر لان ماجنت اگدر اجيج لان الوضع بالبيت فد نوب كئيب وامي مريضة حيل ورة وفات اخوية وما اگدر اعوفهم لان تعرفين الوضع انتي
كتلة لا براحتك حبيبي بس اني حييل اشتاقيتلك وخفت خاف نبتعد اكثر من هيج

وخلص اليوم وجان لازم يروح ودعتة وگتلة بعد لطول هيج گال حسب ظروفي حبي
ورجعت ورة ما راح ماهر للروتين العادي لان عندي دوام ثاني يوم
وقربت الامتحانات النهائية ولازم ابدي احضر روحي
ما بقالي بس سنة واخلص الكلية وزواجنة ما معروف بعد اشوكت لان الظروف اتغيرت هوواي .

وجانت هاي لسنة بالنسبة الية احلى سنة بالجامعة صح صارت هوواي اشياء بيهة وتغيرات

يعني عمتي اخت بابا توفت ومريت بحالة نفسية صعبة لان جنت كوولش احبهة وقريبة من عندي واخو خطيبي توفى هم وتغيرات ماهر الي مامعروفة وشكي بي انه عندة علاقة بالجامعة مالتة
او بالخط وياه بس مرات جنت اگول مستحيل لان هو حيييل يحبني
ومرت الايام وراحت وصارت هوواي تغيرات
قررنا انه نتزوج بعد التخرج وبوقتهة يكون دايرة سنة اخوه بفترة طويلة

واني هم بديت اجمع من مصروفي واشتري اشياء لغرفتي لان جنت كلما احجي وية ماهر يگولي هذا الي عندي ومو ذات اهمية جنت اضوج كووولش احسة ممهتم انه اني عروس واحب اشتري الي يعجبني فا جنت من نتعارك على هل موضوع اسكت وراهة وارضى بالامر الواقع لان احبة وما اريد اخسرة وهو حب حياتي واگول هسة يعوضني ورة الزواج

فا گمت اجمع واشتري الي اريدة اخذت فرشة عرس وبطانية حلوة عجبتني وتحفيات للغرفة وبردات وهوواي شغلات للغرفة لان جنت متشوقة احط كولشي على ذوقي

وعزمونة اهل ماهر بالسنوية مال اخوه ورحنة وهنا اول مرة اشوف غرفتي والاخشاب جانت حلوة وعجبتني بس مو مثل ما جنت اريد بس مدام هو عاجبتة هاهي لگيتة مشتري فراش وثلاجة وزولية ونواعم بس الغرفة ناقصهة هوواي شغلات انصدمت منة لمن حجيت وياه گتلة شنو هاهي هيج الغرفة جان ايگول اي حبي بس يرادلهة ترتيب طبعاً هو هنا جان ميعرف انه اني مشترية غراض للغرفة لان جنت اريد اعرف اذا اكولة عاجبني هيج ناخذ اشحيجاوب اتفاجئ منة يكول علياء حبي كولشي يجي بعدين
واهلي ظاميلي شغلات وراح احطهن