مكالمة غيرت حياتي

عنوان الجزء

طبعاًبعد مرور شهرين واخو ماهر ما بطل وساطة لماهر حتى نرجع وجنت كوولش قافلة وبعد ما ود قنعتني ارفع خط عليه واشوف شيريد قررت اجاوبة واشوف شنو ح يگول

وفتحت خط عليه بس ما حجيت اي شي واسمعة وهو يعتذر مني واني غلطان وانتي ليش هيج قلبج قاسي ومتصورتج هيج هو هذا حبج الية وعلياء جاوبي حقج تكرهيني بس اني هم حقي ازعل وهيج اسوي وياج لان اذيتيني بكلامج وجرحتيني ومن هل سوالف وظل تقريباً نص ساعة يحجي واني ما اجاوب واخر شي گال هاهي بكيفج انتي اظاهر مقررة تنهين كولشي ومتريدينة نرجع على راحتج بس حبيت اگولج اني احبج واسف لان غلطت بحقج

وراهة گتلة خلصت كلامك تسلم .
واخيراًحجيتي ليش هيج تسوين بية مشتاق لصوتج هوواي .

رجاءاً ماهر انت مو كملت حجيك وردت افتح خط عليك عوفني افكر يلة مع السلامة وسديت الخط
طبعاًجنت كوولش قاسية وياه لان كوولش جنت متأذية منة لان هوواي سوة بية اشياء خلال فترة الخطوبة صار انسان ثانيغير ماهر الي عرفتة اتغير جذرياً
وظليت افكر شلون وانهي كولشي لو ارجع لو شسوي وهوما بطل يدزلي مسجات ولا اتصال واتردد بفتح خط عليه اگول لا خلي يحس بالذنب احسن
ورة ايام رجعنة سوة بس حلف بعد ميعيد هذا الشي ابد واتفقنى على عقد المحكمة خلال هل الشهر من يجوون علينة يحجون وية بابا
وراهة نروح اني وماما حتى اعقد بمحافظتهم لان با اعتبار هاي اخر سنة وح يقرب موعد زواجي .

مرت الايام واتصل ماهر وگالي راح نجي عليكم يوم الخميس اني واهلي حتى نتفق على العقد مال محكمة وبعض الشغلات گتلة اله كريم بس حباب بدون مشاكل گال ميخالف
وها علياء اگولج علمود فلوس التجهيز شلون واشگد يكفيج گتلة قصدك مال ملابس التجهيز غير
اي مال ملابس اشگد انطيج يعني حتى تكملين شغلاتج
گتلة 750هو المتعارف عليه واختي هم هيج من اتزوجت انطوهة جهزت شتوي وصيفي ومكياج وكولشي
هاا خوش مو هوواي .
هي الملابس هيج اذا تحب نطلع سوة انجهز حتى تشوف وتعرف عليمن هل لهواي هاي وحباب بدون شلعان قلب
لا الله كريم .
اي عفية لتحطني بموقف صعب اووك رتب امورك يالة تفتح الموضوع وتنطي فلوس التجهيز لامي اوووك .
اوووك .
واجى يوم الخميس وامي محضرة كولشي وبيبي ام امي موجودة هم
واجوي بيت ماهر عادي واتغدينة وراهة فاتحوا بابا بموضوع العقد
وبابا ما قبل گال بعد وقت قبل الزواج بااسبوع
عاد ابو ماهر قنعة گالة ميلحگون ومن هل سوالف وهي معاملة طويلة ومن هل حجي يالة اقتنع وحددنا اسبوع الجاي يجي ماهر يكمل اوراقي منا حتى نروح نعقد يمهم
وراهة رادوا يروحون يزورون الكاظم وتحضروا
اشو ام ماهر قبل لا تروح طلعت جنطة بيهة ملابس نوم وقطعة قماش ومصلاية وقران وجادر مال صلاة وفلوس وكالت لامي هذا الجهاز مال علياء واعذرونة من التاخير
المهم خليناهن على صفحة وهمة طلعوا طبعاًاني مطمئنة انه كولشي حسب الاتفاق اني وماهر