مكالمة غيرت حياتي

عنوان الجزء

اجة يوم الخميس وطبعاً اتحضرت لكولشي واهلي هم وصلوا اهل ماهر ساعة ب11الصبح طبعاً احنة محضرين الغداء وهل سوالف
علما صارت صلاة الظهر وصلوا وتغدوا احنة گاعدين بالهول اني وامي وام ماهر وهي فتحت الموضوع وگالت على الوقت بس اني الوقت جان ميناسبني وجان يصدف زيارة موسى الكاظم والرجبية فا ااخرت الموعد ورة الزيارة الرجبية ويصدف يوم الاثنين واتفقنا على اليوم والتاريخ بقى اتفاقنة على الصالون ومنين اطلع

طبعاً ام ماهر من سمعت باسعار الصالون گامت تحجي وعصبت
وتعالي هناك يمنة وين اكو هيج اسعار اشو لعبت بية طوبة اني اتخبلت وظلت تحجي اني سبعة ما اسوي لان بعدني حزينة وما اعرف شنو اني هم عفتهم ورحت صبيت چاي واجيت جبتة اشو هي دفعت صينية الجاي وما اعرف اشصار بيهة لان گتلهة اريد سبعة ولو بسيطة لعد شلون ولان گتلهة سعر البدلة 150الف والصالون 300اشو استلمتني تخوزر وما عرف شنو ظلت متقبل تشرب الچاي واني اروح احاچي ابوچ وابو ماهر احسن گتلهة بكيفج ورحت طبيت لغرفة امي ابجي

لهناك وصاح بابا علياء ام علياء شو تعالن ورحنة للاستقبال لگيت ام ماهر ساحبة عمو وماهر وتسولف وياهم وعصبية وخلي نروح وما اعرف شنو وماهر معصب ويباوع علية ويخزر بية

عاد بابا حجة وياهم وگالللهم الله بالخير ابو ماهر وحجية ام ماهر
شبيكم متشنجين
البنية بنتكم ومثل ما تسوون لبنتكم هي هم ماكو فرق عنهة
اني سمعت الحجية ام ماهر مختلفة على الصالون والبدلة
ياحجية ياخذكم ماهر هسة وياج ام علياء وعلياء واي صالون يعجبكم طبي انتي حجية وتفقي حتى بلي يعجبج ليش هل زعل والمعارك من اولهة وهي تدرين عروس وبنفسهة تسوي كولشي
واما على طلعتهة بيوم العرس اني اريدهة تطلع من بيتي وهذا شرط
تجوون بزفة اهلكم وعمامكم تشرفونة وتطلع لبنية منا من بيت ابوهة گدام الناس والعالم مو سكتة

ابو ماهر تدلل حجي كلامك صحيح وان شاء الله ما نقصر وماكو زعل
يلة وليدي ماهر اخذ امك ومرتك وام علياء ورحوا

اني هم بدلت وطلعت بس احس روحي تريد تطفر ماهر معصب وما يحجي وياي وامة گوة صاعدة وامي ويانة عاد مانا دلتهم بكم صالون نزلت ام ماهر لصالون وشافت الاسعار وسكتت واسعار البدلات هم ما حجت لان شافت كل الي سالوهم نفس الشي عاد اختاريت بدلة شلون ما جان بس ردت تفض واخلص واتفقوا وية الصالون على اليوم

ورجعنة وانطت ام ماهر لفلوس لامي وانطتهة فلوس ميش الشعر والحفافة على صفحة لان ام الصالون رادت هوواي 750وماقبلت كالتلهة احنة نروح انميش بغير مكان المهم خلصنة من هل معضلة وراهة رادوا يروحون فا ردت اسلم عليهة دفعتني وگلتلي ما اريد سلامج وطلعت

سمعهة عمي ما قبل عليهة لان صار الحجي گدام ابوية وامي
گاللهة ام ماهر خلي لبنية تسلم عليج وبوسيهة بعد كم يوم تصير بنيتج هي بوستني من ورة خشمهة وطلعت وماهر يباوع علية ويخزر بية