يوميات رام

أنا رام

:

ملاحظات :

1- الرواية منحرفة +18 هذا تنويه أولي : )

2- البارتات متفاوت حجمها بين طويل قصير ووسط .

3- راح أكتبها بشكل عادي بس بعض الأحيان يكون المتكلم هو رام .

4- الرواية كوميدية و عبارة عن يوميات ف بتشوفون أسلوب مختلف مني مو نفس باقي الروايات ..

5- تعريف الشخصيات راح تشوفونه مع تقدم البارتات ..

ــ

معاكم رامي أو رام أي شي .. أسمي منقسم بين جديني جدتي اللي

تبي أسمي رامي لأنه عاجبها و جدي يبي يسميني رام نسبة لرام الله

كلمة جدتي هي اللي رست في سجلاتي و كلمة جدي هي اللي رست

في المحيط اللي حولي ..

الابن الأوسط بين بنتين أكبر مني و بنتين أصغر .. أبوي الأوسط

بعد بين أخوانه الثلاثة ..

كنّا عايشين جميع في بيت جدي بالرياض كان بيت متواضع بس ضم

الأخوان الأربعة وعايلاتهم .. الوضع تغير مع كبر العيال و مستلزمات

الحياة و كل واحد شاف له شغل في مكان بعيد وراح له ..

عمي الكبير تاجر أقمشة و استقر في جدة و عمي الثاني دكتور

و شاف في نجران مكان مناسب له خاصة أنهم عرضوا عليه إدارة

المستشفى بعد وراح استقر هناك أبوي مهندس كهربائي و تعين

في فرع الشركة السعودية للكهرباء بالاحساء و آخر أعمامي أستاذ

وبرفسور جامعي في حايل ..

من جميل الصدف أني أنولد بنفس العام مع عيال أعمامي عام

1997 كان العام الأكثر سعادة لجدي رزق الله عياله جميع بالصبيان

بعد ما كانت العايلة كلها بنات ..

على مدار 7 شهور جينا كلنا تؤام من عمي الكبير و واحد لكل عم

ثاني ..

شلتي كانت عيال عمي من كنا في المهاد سوا لين الروضة و المدرسة.