يوميات رام

أحبه

سلام جميليني شخباركم ؟

أخبار اختباراتكم ؟ هانت م باقي شي ربي يوفقكم ..

صراحة بعد ماراثون البارتات قبل كم يوم جاني عجز أني

أكتب وكسل هههههههه و للحين فيني بس ع شانكم قدرت

أكتب هالبارت .. متوسط الطول تقريباً و يعتبر خفيف : )

قراء ممتعة ..

ـــ

وقفوا اثنينهم عند باب العمارة ..

طارق : أنت م كنت في الشقة ؟

رام : لا .. قهرني جواد وطلعت ع أساس بروح لحارب

بس غيرت رأيي دمي ثاير وخايف عليه..

طارق : أنا كنت عند أحمد بس حاسس أن مصيبة بتصير لذا رجعت ..

رام : قال لي جواد م راح يتكلم معاه بس أعرفه ضعيف و بيسأله

و بينهار عنده ..

طارق : آآخ هالمطلق لو أنه هنا ..

رام : مطلق بيوقف مع أخوه ..

طارق : مجرب مطلق شعور الانفصال لذا يمكن يساعدنا..

رام : تبيني أقول له أخوك كلب وخان جواد ! لا طبعاً..

طارق وهو يمشي : يلا ندخل و نشوف شصار عليهم ..

رام وهو يركب المصعد : هذا إذا مسفر في الشقة اصلاً ..

وقفوا عند باب الشقة وفتح طارق الباب و دخلوا ..

دخلوا الصالة و كان التلفزيون عليه الاستديو التحليلي للمبارة

و مسفر منسدح ورأسه على رجول جواد و يتابعون ..

طارق همس لرام : م كلمه واضح ..

رام : لعنه عليك يا مسفر يا كلب ..

جلسوا و ألتفت لهم مسفر : شرجعكم أنتوا ؟

طارق : لا والله ؟ بيتك هو م نرجع ؟

مسفر : أعوذ بالله وش قلت لك أنا ..

رام طالع في جواد وباين من عيونه تعبانة : جوجو تعال أبيك

شوي ..

جواد : فيك شي ؟

رام خزه منو اللي فينا فيه شي ..