يوميات رام

النهاية

-

المحطة الأخيرة .
تفآعلو حلوياتي ..
-

جيتك مقيدني هوآي لسجونك ..

احبسني بين " ألفك " و حنية الكآف !

-

غطى وجهه أول ما شافهم قربو منه و بعدها ضحك وهو

يحرك يده ع شعره ..

طارق وهو يقلد نبرته : قال لي شد حيلك ، واضح حيل انك

شديت حيلك يا كلب ..

رام تحرك شوي و صار ورى جواد : والله مدري شصار

انا ترى فكرت بالمادة بس هو قال لي و لا تآكل هم ..

جواد ابتسم : و لا يهمك رامو اهم شي انت مستانس ..

مسفر سحب رام من ورى جواد : ع تبن وناسته و اصعب

مادة بعد يا انك ترفع الضغط ..

رام : هذا انا جيت اليوم وانا مو مذاكر كويس

ع شان ادعمكم نفسيًا ..

طارق : دعموك بسي

مطلق رفس طارق : هيييه م توصل لهالدرجة ..

طارق التفت لأحمد وكش شعره : حبيبي بجلس

جنبك ..

مسفر : ع اساس م تجلس جنبه دايم ..

رام رفع جواله يرسل وهم يدخلون قاعة

الاختبار : حبيبي دخلت القاعة ..

حارب اللي كان في اجتماع في الشركة حس

بإهتزاز جواله و سحبه بهدوء و قرا الرسالة

و رد عليه : بآخذك بعد الاختبار لا ترجع

مع عيال عمك ..

-

حط الأكياس ع الطاولة و كان حاط السماعه و يكلمه

و بدا يرتب الأغراض في دواليب المطبخ ..

دخلت عليه و التفت لها وباس راسها : صح النوم يا الغالية ..

أم رسلان ابتسمت له : فيني خمول كل ما فتحت عيوني

رجعت نمت من جديد ..