يوميات رام

اختطاف !

سلام جميليني ..

بارت خفيف لعيونكم إللي طلبوا بارت الليلة ..

+ نوهت في بداية الرواية أن البارتات تتراوح بين قصير

و متوسط و طويل لذا إللي يحسبون عدد الصفحات و يعاتبون

إذا البارت أقصر من اللي قبله حابه أقول أني عطيت ملاحظة

من قبل ، بارت طويل يعني أيام طويلة م تتحدث فيها الرواية ..

+ شككراً كبيرة لكل من كتب حرف في البارت الماضي عن

جد أسعدني تفاعلكم إللي يفتح النفس ..

قراءة ممتعة ..

ـ

مطلق دق قلبه و رفع رأسه لعبدالرحمن : نعم !

عبدالرحمن كتف يدينه : وش إللي نعم ؟ م فهمت بعد ؟

مطلق عقد حواجبه : قل لي كم الثمن إللي تبيه من استشارتك

لجواد و بعطيك إياه ..
عبدالرحمن : افهم من كذا أنك بتتجاهل إللي قلته ؟

مطلق و م كأنه يسمعه : كم بالعادة تآخذ ؟ 500 ؟ ألف ؟

عبدالرحمن حس أنه غامر بكلامه من شوي : و لا شي ..

مطلق : قل لا تذلني فيهم بعدين ..

عبدالرحمن : هو فيه بعدين ؟

مطلق أنصدم : وشو ؟

عبدالرحمن : طول الأسبوع ذا م كلمتك و نظراً لإستهبال

مجد أو مدري شنو أسبابه جيت لهنا اليوم .. راح أوصي مجد

م يكرر مزحه الثقيل عليك و م يحتاج يكلمك أساساً ..

مطلق ابتسم على جنب : يعني كذا السالفة يا أنجر بكذبك

معاك يا تقفل الباب في وجهي ؟

عبدالرحمن عقد حواجبه : كذب ؟

مطلق بعد أكثر عن عبدالرحمن : أبيك أنت .. تتوقعني

بفز من هالكلمة و بنط في حضنك و أقول أخيراً جا لي

العوض بدّال مؤيد بس هالمرة غير من رجال ناضج و فاهم

و عارف كل حرف ينطقه شلون يأثر بمزاجي ..

عبدالرحمن رجع كتف يدينه : ما شاء الله بديت تنقي كلام مضبوط