يوميات رام

إعادة

اقتربنا من النهاية ..

عاتبني تقبيلًا ف الكلامُ لا يُثمر..

ـ

فتح عيونه ع السقف و أخذ نفس شوي شوي و حط يده على قلبه ..

الأسبوع الثاني ..

10 أيام من سافر حارب .. لا إتصال و لا رسالة و لا أي شي يدل

على ليش سافر ..

نفض الغبار عن نفسيته و جلس و ضرب وجهه بخفة ..

اليوم بيرجعون من السفر ، يحتاج يوم كامل و جواد في وجهه و يفضفض له ..

ـ

كان يجر الشنطة وهو وراه ويحاول يوصل له بس ذاك يزيد من سرعته

لين فتح باب المطار و طلع ..

مسفر بصوت عالي : جواااد لحظة ..

جواد وهو يميل وجهه لراعي السيارة اللي قباله : كريم ؟ محمد ؟

محمد : ايه ..

فتح الباب اللي ورى و نزل يساعد جواد في شنطته و حطها له

و قرب منه مسفر وحط شنطته بعد ..

مسفر وهو يآخذ نفس : شفيك تركض ؟

جواد : بشوف رام ..

مسفر : ما هو بطاير شفيك ؟

جواد : قلت لك قلبي ناقزني .. شفت رسالته اللي البارحة في القروب ؟

مسفر : ايه بس اهدى أنت ..

جواد فتح باب السيارة : اركب يلا ..

ـ

مطلق كان يطالع في طارق اللي عيونه على رام وهم جالسين في

الصالة قباله ..

مطلق : طيب قل لنا السالفة و بعدين قلها لما يجون ..

رام : الحين بيوصلون ..

طارق : كلمك حارب يعني ؟

رام م رد عليه ..

مطلق : طيب اكلت شي اليوم ؟ شوف وجهك أصفر .

طارق : طلبت لنا غداء من المطعم ..

مطلق : الله وش ؟ مندي ؟ كبسة ؟

طارق : سمك ..