سلام جميليني ..
أعتذر ع التأخير في البارت بس أنشغلت شويتين ..
و رجعت الدوامات : ( ربي يوفقكم و يسهل عليكم يلا هانت
باقي قليل بس ..
قراءة ممتعه .. :$
ــ
رام *
وصلت شقة حارب و ضليت أرن الجرس و بيدي الثانية أتصل
مو من عادته م يرد عليّ و خاصة جواله يرن ..
ضليت نص ساعة و بعدها نزلت سألت البواب و قال لي أنه لسه
م رجع من طلعته الصباح لذا رحت للكافية اللي في الفندق
و رسلت له رسالة أني أنتظره فيه ..
الساعة صارت ساعتين و ثلاث لين رجعت أتصل عليه من جديد
وجاني صوت غريب م قط سمعته ..
: هلا ..
رام : حارب ؟
مساعد : لا .. أنا أخوه مساعد ..
قبضني قلبي فجأة و أول م طرى لي السوء : فيه شي ؟؟
جاوبني بنبرة هادية : عندنا أجتماع مفاجأ و بيطول كثير ، حارب
قال لي أعطيك خبر م يقدر يطلع من الاجتماع أو يتركهم دقيقة ..
تطمن قلبي : مشكور .. خله يتصل عليّ إذا خلص ..
مساعد : ب.. بيتصل إن شاء الله ..
سكرت الخط و قمت من مكاني ع شان أرجع الشقة ،
طول الطريق كنت أفكر فيه م شفنا بعض كثير هالفترة بسبب
شغله المكثف و يوم قال بيكلمني انشغل اكثر بعد .
رجعت الشقة و شفتهم نايمين لذا على طول من التعب رحت
أنام بعد ..
-
كان ماسك جواله اللي كانت شاشته معدومة و عيونه على
غرفة العمليات و يسمع أصوات العايلة اللي جنبه و هم
يصيحون كان قلبه يدق بقوة لو صار.. و حارب م طلع من غرفة
العمليات إلا جثة .. شلون بيقدر يعيش من بعد أخوه ..
قرب منه و بيده علبة المويه الناس اللي طلعت حارب
من السيارة عطت مساعد خبر ع اللي صار ، إنهار بسرعة
و بالعافية أقنعه انه هو اللي يسوق .
