يوميات رام

هدوء

سلام جميليني ..

شخباركم و أخيراً رجعت أنزل بارتات يوميات رام : )

و تراها بنفس النسق لا يآخذكم الأكشن في الروايات الثانية

و تحسونها روتينية بزيادة ههههههههه

و قراءة ممتعة و أطمع لتفاعلكم الجميل ..

ـ

نفخ الشموع و طالع فيهم و ابتسم .

عبدالرحمن : شكراً تعبتوا نفسكم ..

مجد : لا وش سوينا أحنّا ؟ كنت بشتري كيكة من برى بس

تبيخلها مطلق .

مطلق التفت له : م كنت بشتريها أنت قلتي اشترها و أنا كفاية فلوس

الهدية فلست فيني ..

عبدالرحمن وبدأ يقطع الكيكة : الكيك المنزلي ألذ و أحبه ..

مطلق ابتسم له : حطيت كل طاقاتي في الطبخ فيها ..

مجد : مندي هو أو كبسة ؟ حتى الكيكة نفسها خليط جاهز ..

مطلق : كل تبن لو لا نفسي الزين في الطبخ كان أحترقت ..

عبدالرحمن طالعهم : شفيكم تعاندون بعض قوموا تضاربوا ..

مجد طلع كيس من تحت الطاولة : م راح نتهاوش .. و تفضل بابا

كل عام و أنت بخير ..

عبدالرحمن فتحها و ابتسم : شريته ..

مجد : ايه قلت لك اللاب توب اللي تستخدمه ماتوا الناس اللي

يستعملونه .. هذا ماك كل أجهزتك الحين مرتبطة ببعض ..

مطلق شهق : أمااا شاري له ذاا ؟ بفلوس مين ؟

مجد : بفلوسي طبعاً كنت أجمع من فترة ع شان اشتريه ..

مطلق : على كذا م راح أعطيك هديتي ..

عبدالرحمن : الهدية بمعناها المعنوي مش المادي ..

مطلق : لااا بالنسبة لي كل ما كانت مادية أكبر دّل ع أهمية

الشخص عندك م راح أعطيك .

عبدالرحمن خزه : عطني مطلقوه يلا ..

مجد : توك تقول فلست من الهدية يعني غالية يلا اشوفها بعد..