يوميات رام

لا

صبآحكم سُكر .

و رجعنا لتحدثيات رام + البارت مو طويل بس بعتمد
هالطول في كل بارتاتي ..

و عيد أضحى سعيد لكم جميعًا و كل عام و أنتم الخير بذاته ..
قراءة ممتعة ..

ـ

رام طلع برى الفندق و حاول يلتقط انفاسه و يده اللي صفعت حارب للحين ترجف بقوة و انتفض لما سمع صوت

حارب من وراه ..

حارب : رام ..

رام التفت له وهو عاقد حواجبه : نعم ؟

حارب قرب اكثر وسحب يد رام بقوة لين دفه قريب منه : ارجع فوق نتكلم ..

رام : م ابي اسمع شي ..

حارب : بس انا بتكلم ..

رام وهو يحاول يفلت يده من حارب همس عن الناس تنتبه : بعد عني حارب بعد ..

حارب سحب رام اكثر : راح تدخل و راح تسمعني ..

رام م قدر يقاومه اكثر و دخل الفندق مرة ثانية معاه ..

اول م دخلوا التفت رام لحارب و دموعه متحجره في عيونه : شتبي تقول ؟

حارب غمض عيونه ثواني بعدها فتحها بحدة : انت شتبيني اقول ؟

رام انصدم من نظره حارب : انت قلت لي بتتكلم ..

حارب : تبيني ابرر ؟ انت اكثر واحد عارف عدل اني سكت م قلت لك اني رايح لرسلان

بسبب طفوليتك هذي ..

رام انتفض : حبيبي مقضي الليل عند شخص كان حبيبه و

حارب بصوت شوي عالي : كاان أنت قلتها بنفسك الحين ..

رام بلع ريقه : دامه كان دام م صار شي ليش كذبت عليَ ؟

حارب : م كذبت بس انا مو مجبور اعطي شرح موجز انا وين رايح ووين جاي

او مع مين ..

رام فتح عيونه باوسعها شقاعد يصير الحين !

حارب م نطق بأي شي ثاني و اكتفى انه يطالع في رام اللي تحرك من جنبه بيطلع ..

حارب بدون م يلتفت لرام : لا تطلع ..

رام وقف عند الباب : م بضل هنا ..

حارب : وقف تخليني امل يا رامي ..

رام دق قلبه والتفت له : ايش ؟