يوميات رام

أوراق

سلام جميليني أخباركم ؟

رجعت احدث مثل م وعدتكم + البارت مو دسم لأني راجعه بعد انقطاع مُرهق

للتفكير لذا عذراً ..

+ مو من عادتي مثل م تعرفون انشر لأحد بس رواية ( مرآتي المزيفة )

لـ جميلي : kinzo1kun

تستحق انكم تطلعوا عليها و تقرأوها حروفه جميلة و تفاعلوا معه ..

قراءة ممتعة ..

ـ

حارب قرب منهم : رامي ..

رام بعد عن أسامة و دموعه اللي كانت متجمعة بدت تطايح ..

أسامة : كنت مسافر .. ع العموم الحمدلله ع السلامة .. أنا بمشي الحين ..

ركب أسامة و مشى بدون أي واحد فيهم يرد عليه ، الاثنين كانوا مشغولين

يطالعون في بعض ..

رام زيادة اللي فيه من شاف حارب بدى جسمه ينتفض ويرجف بقوة ، مع أنه ميت

من شوقه له مع أنه واقف قباله بس مو قادر يحرك رجله مو قادر يقرب منه ،

عيون حارب مو جايه تعبر عن أي شي ، فهم غلط ! أكيد فهم غلط و مع ذلك

كل م فتح فمه بينطق بشي تنبلع الحروف .

حارب قرب من رام لين شبه لصق فيه : تعبان ؟ ليش وجهك كذا ليش تصيح ؟

رام بدت تطلع شهقاته رفع يده يفرك عيونه خلاص يبي بس يطيح يختفي ، اليوم

مو له هاليوم اسوء يوم مّر عليه في حياته كلها ..

حارب : قال لي طارق أنك نايم في البيت..

رام بسرعة بعد يده عن عيونه : م..مو كذا ..

حارب : اللي هو ؟

رام رفع يده و تمسك بكّم قميص حارب : ك..كنّا نصور للتقر..

غمض عيونه رام بسبب سخونه جسمه و م قدر يكمّل كلامه ..

حارب : شكلك تعبان ، تعال ادخلك غرفتك و بكرة نتكلم ..

رام هز رأسه بأيه ، سنده حارب عليه و وصلوا لين باب الشقة و رن الجرس..

طارق على طول نط و فتح الباب و فتح عيونه بأوسعها لما شافهم ..