الحلقه { 12 }
أميره : ازاى يعملو كدا نطمن على العيال ازاى دلوقتى
فتحى : انا هنزل اشوف بابا
نوال : استر يا رب
أميره : طب يا هدير مشوفتهوش وانتى خارجه من المستشفى ؟
هدير : لاوالله ياخالتو انا حتى كنت خارجه انا وعزه مع بعض وكان معنا كام واحده كدا قولنا نخرج سوى لحد المترو
وكان فى ظباط جيش فى الشارع ورجاله كتير صاحيه كل واحد قاعد تحت بيته
سميه : هيكون راح فين بس
( بعد حوالى 3 ساعات قلق وتوتر )
نوال : بابا انته كنت فين دا كلو
عزيز : ليه مالك قلقانين كدا ليه ؟
نوال : الشوارع ملينا حرميه ومجرمين وانته خارج ومحدش عارف روحت فين وتقولى قلقانين ليه ؟
فرحه : كنت فين يا جدو حرام عليك دا انا جالى الضغط خوف عليك
عزيز : انتى عندك دم اصلا عشان يجيلك ضغط
المهم خودو حد يقوم يقلى الطعميه دى ويعمل فول
وانتى يافرحه نادى خالك وابوكى عشان يفطرو جبتلكم عيش سخن اهو
أميره : بابا انته كنت فين ؟
( طلع فتحى وسامى وداخلو الشقه )
سامى : شوفت مش قولتلك انا شايفو جاى
فتحى : بابا انته كنت فين ؟
عزيز : هكون فين يعنى ورحت اجيب هدير زى ماقولتلك
روحت المستشفى اجيب هدير لقتها خارجه مع حوالى 6 بنات فضلت ماشى وراهم وهما ماخدوش بالهم منى لحد ما ركبو المترو
هدير : طب ما جتش ومشينا سوى ليه ؟
عزيز : اتكسفت بقى من البنات قولت اسبكم بنات تتسلو
انا بقى خات الاتوبيس وروحت على التحرير ؟
أميره : تحرير وايه وداك ؟
عزيز : قولت اشوف هناك فيه ايه فضلت شويه كدا وبعدين جوعت روحت بقى جبت عيش وفول وطعميه وجيت نفطر سوى
فتحى : هو ده وقت فطار
سامى : وهو مين له نفس ياكل
عزيز : يعنى هنصوم
قومى يابت منك ليها اعملو اكل سهرانين طول الليل انا جعان
هدير : انا يا جدو مش قادره اعمل حاجه انا كمان طول الليل واقفه على رجلى
سميه : كان فى مصابين كتير ؟
هدير : اه ياطنط و70 % خرطوش فى الجسم والوش والعنين
أنت تقرأ
إختيار إجباري { هدير و أمير } ( الجزء الاول ).
Romanceانهارده نبدء اول حلقات قصتى الجديده " إختيار إجبارى " قصتى بتتكلم عن ازاى احنا كتير بنختار اختيارات وبنكون مجبورين عليها وبيتهيقلنا ان احنا اللى اختارنا ولاكن للاسف احنا مجبورين ان نختار اشياء غير مرغوب فيها عشان الاختيار التانى بيكون م...
