الحلقه { 23 }
سميه : سبنى فى حالى يا فتحى
اسكت انا مبقوقه منك
فتحى : ليه انا عملتلك ايه ؟
سميه : عملت ايه هو انته عملت حاجه دا لولا أبو شادى كان حامد هيتجوز بشنطة هدومه هى دى النصيحه اللى قولتهالك الصبح
فتحى : ما اصل
سميه : بس بس بس بلا اصل بلا فصل انته راجل طيب وخايب
انا مش عارفه يا ربى حظى زفت فى جوزى و فى عيالى
فتحى : متشكر انا هسيبك وانام
سميه : ايه الجديد يا خويا مانته على طول نايم انته بتعمل ايه غير انك تنام ؟
فتحى : اه بصى انا هنام هو شكلو حضر هسيبك مع عفاريتك
سميه : عفاريتى متخلنيش اقوم اخليها ليله سودا
فتحى : خلاص تصبحى على خير
سميه : اللهى يجيلك شلل روباعى ياللى النيه عليكى
دانتى يومك اسود معايا
**** ( بقلم هند محمد @isis Mohamed ) ****
بسمه : اكل مامتك حلو اوى
محمد : اه هى طباخه شطره اوى يا ريت تتعلمى منها
بسمه : انشاء الله بس يعنى فى حد يجيب لعروسه وعريس قولقاس وبطاطس بالدمعه وطبق عدس و لوبيا وعصير برتقال بالجزر ؟
محمد : ههههههههه معلش بقى مكنتش عامله حسبها
بسمه : ماشى كلو نعمه من ربنا والرز ناشف هى جايبه قعر الحله ولا ايه ؟
محمد : حلو مقرمش
بسمه : امممم فعلا طب انا كالت
محمد : مش هتغسلى ايديكى
بسمه : اغسل ايه انا كالت بالمعلقه بس انا فعلا محتاجه الحمام
محمد : طب تعالى معايا
( بسمه اخدت قميص نوم من الشنطه ومحمد فتح الباب وبسمه داخلت الحمام ومحمد اخد الاكل داخلو المطبخ وهو خارج من المطبخ لقى سميه فى وشه )
سميه : بتعمل ايه ؟
محمد : بداخل الاكل المطبخ
سميه : والبلوى فين ؟
محمد : ماما متحرجنيش من فضلك
سميه : احرجك دانا هوريك ايام سودا
بسمه : ( لابسه بابى دول حملات وفوق الركبه ) انتى لسه صحيه يا ماما
سميه : هااااااااا انتى ايه اللى انتى لبسه ده
بسمه : بابى دول
سميه : مش سقعانه ؟
بسمه : لا الجو حر اوى
أنت تقرأ
إختيار إجباري { هدير و أمير } ( الجزء الاول ).
Romanceانهارده نبدء اول حلقات قصتى الجديده " إختيار إجبارى " قصتى بتتكلم عن ازاى احنا كتير بنختار اختيارات وبنكون مجبورين عليها وبيتهيقلنا ان احنا اللى اختارنا ولاكن للاسف احنا مجبورين ان نختار اشياء غير مرغوب فيها عشان الاختيار التانى بيكون م...
