الحلقه { 24 }
حامد : اها ماشى
اوديكى فين اوديكى فين
هدير : ودينى الهرم
حامد : بعيد اوى دا عقبال ما نروح ونقعد شويه هتكون الساعه 4 مش هنلحق
هدير : طب ودينى البرج
حامد : نعمل ايه فى البرج
هدير : نتفرج على الدنيا من فوق
حامد : لالا مش حلو
هدير : طب نروح القلعه
حامد : لا برضو قلعه هنعمل فيها ايه ؟ لا مش حلوه
هدير : طيب تعالى نركب مركب فى النيل
حامد : نيل انتى ليه كل افكارك قديمه كدا ؟
هدير : خلاص انا غلطانه قول انته
حامد : ماشى تعالى معايا
هدير : هنروح فين ؟
حامد : هههههه هنروح القناطر
**** ( بقلم هند محمد @isis Mohamed ) ****
أميره : وبعدين ؟
سميه : وبعدين كالت ياختى الباقى من الفطار وشريت الشاى واخدت محمد ونزلت
أميره : ومدخلتش عملت معاكى حاجه فى المطبخ ؟
سميه : عمليه فى بطنها ولامدت اديها دى حتى كبايت الشاى سابتها على التربيزه ونزلت
أميره : بصى انتى من انهارده اوضت محمد متنضفيهاش سبيها كدا هى اللى تنضفها وكمان الاكل هى اللى تدخل تغرف لنفسها ولمحمد
واحكمى عليها الطبق اللى تاكل فيه تغسلو انتى مش خدامة ابوها
سميه : لما يجى الموكوس هقولو صح انا مش خدامتها
أميره : هى أيه فين ؟
أيه : نزلت تدور على فستان وتجيب شويت حاجات كدا نقصاها
أميره : وهدير فين ؟
سميه : نزلت مع حامد يتفسحه
أميره : من اول يوم خطوبه كدا ياسميه تخليها تنزل معاها ؟ اخص عليكى
سميه : اعمل ايه فى اخوكى الخايب واقولو لابلاش عشان امه متتكلمش وتقول دا مصدقو اتخطبت والكلام ده انتى عارفه يقولى
خلى البنت تفرح وبطلى نكد يا كائيبه شفتى المرار اللى عايشه فيه ؟
أميره : دا لولا ابو شادى امبارح
سميه : اه والله مانا بقول وسامى كمان مالو كان قاعد ياختى كدا ليه ؟
أميره : اهو شفتى الاقعده دى نفس القعده بتاعت لما راح يخطب زينه
سميه : بلانيله الواحد بيشوف الرجاله كدا تاخد حقها تالت ومتلت وتجيب حق عيالها لاكن دول مبيعملوش رجاله غير علينا احنا
أنت تقرأ
إختيار إجباري { هدير و أمير } ( الجزء الاول ).
Romanceانهارده نبدء اول حلقات قصتى الجديده " إختيار إجبارى " قصتى بتتكلم عن ازاى احنا كتير بنختار اختيارات وبنكون مجبورين عليها وبيتهيقلنا ان احنا اللى اختارنا ولاكن للاسف احنا مجبورين ان نختار اشياء غير مرغوب فيها عشان الاختيار التانى بيكون م...
