الحلقه { 15 }
هدير : طب يا خالو هفكر وهقولك بس سبنى كام يوم كدا
فتحى : والله هزعل يا هدير ليه انتى مش عوزانى اطمن عليكى ؟
هدير : يا خالو انا مأختش اقعد عند حد وبعدين انته خايف من كلام الناس
ممكن برضو الناس تتكلم عليا انا ومحمد
سميه : محمد اخوكى فى الرضاعة هيتكلمو عليكم ازاى بقى وبعدين انا مش بسيب البيت ولو نزلت بروح السوق ولا بجيب عيش لاكن على طول فى البيت وانتى شغلك الصبح
هدير : انا اول مره اعرف ان محمد اخويا من الرضاعه
سميه : نوال كانت بتنزل الشغل وانتى كنتى عيله لسه كام شهر مكانش يهون عليا اديكى لبن فى البزازه كنت برضعك انا
يعنى انا امك فهمه ولا لا
هدير : فهمه ووالله انا بحبك اوى يا طنط بس
فتحى : بس تانى بس
هدير هى كلمه هتيجى عندى يعنى هتيجى عندى انتهى
هدير : خلاص اللى تشوفو بس الشقه هقفلها مش هديها لحد ماشى؟
فتحى : طب اديها لأمير بدل ما يجيب شقه ويدفع كتير
هدير : لا معلش نقفلها احسن عشان حتى العفش هنحطو فين واكيد أمير هيجيب عفش جديد
سميه : نوزع العفش علينا مفيهاش حاجه
هدير : لا معلش دى شقتى مش هديها لحد ولو على الايجار هدفعه انا دا 50 جنيه بس
فتحى : خلاص اتفقنا روحى دلوقتى جيبى حاجتك من هناك وتعالى
هدير : طب خليها يوم الاحد بلاش انهارده
فتحى : ليه يا بنتى ؟
هدير : عشان انهارده الخميس وبكرا الجمعه عندى نبطشيه من 6 المغرب لتانى يوم 6 الصبح
فتحى : 12 ساعه شغل ؟ ليه كدا دا تعب اوى
هدير : ما يا خالو هو كل الممرضات كدا هو انا لوحدى ، وبعدين بامشى 6 بوصل البيت على 6 وروبع ارتاح شويه وارجع تانى من من 3 العصر لحد 9 بليل
فتحى : وبتروحى فى الضلمه كده ؟
هدير : النظام الجديد كده
وباخد بقى الاحد والاتنين اجازه
فتحى : ماشى ماجتش من يومين بس يوم الاحد تيجى عندى
هدير : حاضر يا خالو اتفقنا ، انا هروح بقى لحسن مش قادره وعاوزه انام
سميه : ادخلى نامى أيه مش هنا محدش هيزعجك
هدير : عوزه اغير
فتحى : دماغك نشفه خلاص روحى زى ما تحبى
**** ( بقلم هند محمد @isis Mohamed ) ****
أنت تقرأ
إختيار إجباري { هدير و أمير } ( الجزء الاول ).
Romanceانهارده نبدء اول حلقات قصتى الجديده " إختيار إجبارى " قصتى بتتكلم عن ازاى احنا كتير بنختار اختيارات وبنكون مجبورين عليها وبيتهيقلنا ان احنا اللى اختارنا ولاكن للاسف احنا مجبورين ان نختار اشياء غير مرغوب فيها عشان الاختيار التانى بيكون م...
