الحلقه { 19 }
سميه : خلينا فى المهم هتلبسى ايه يوم قرايت الفتحه ؟
هدير : مش عارفه خالو هو انا ممكن اطلب طلب كدا
فتحى : اه طبعا عوزه ايه ؟
هدير : ميحصلش خطوبه غير بعد الاربعين بتاع ماما
وكمان مافيش جواز غير بعد سنه على الاقل عشان كلام الناس محدش يتكلم علينا
سميه : هو انتى كلامك صح بس سنه دا هو جاهز وعندو شقه يادوب هنجهز العفش ولو اتجوزته فى شقتك هو اللى هيفرشها ام حامد قالت لأميره كدا
هدير : لا مفيش جواز غير بعد سنه
فتحى : خلاص احسن برضو حتى تتعرفه على بعض اكتر وتخدو على بعض احنا هنستعجل ليه
والخطوبه خلاص نستنى فاضل حوالى 15 يوم على الاربعين هانت
سميه : طب حتى يجى بس يتكلم
هدير : لااستنى بعد الاربعين
سميه : خلاص اللى تحبيه
**** ( بقلم هند محمد @isis Mohamed ) ****
أم حامد : خلاص يا أميره ماشى نستنى
بس طيب حتى طب يتقبلو كدا يتكلمه سوى
أميره : بصى يا أم حامد هدير مش زى البنات اللى بتعقد وتتكلم وتخرج وتروح وتيجى نوال الله يرحمها كانت قفله عليها ولو هدير كانت عاوزه تنزل تشترى حاجه كانت نوال رجليها على رجلها او حد من العيال أمير او أيه اومحمد كانو بيروحو معاها
أم حامد : الله انا قولت حاجه انا بس عشان يخدو على بعض
أميره : فاضل 15 يوم على الاربعين نستنى وبعد قرايت الفتحه يبقو يقعدو زى ما يحبه
أم حامد : طيب ماشى نستنى
هدخل اقول لحامد بقى
أميره : طب كملى الينسون ؟
أم حامد : مانا شربت اكتر من نصفه اهو مره تانيه بقى السلام عليكم
( وبعد مامشيت )
سامى : هى هدير لو حصل ناصيب مع حامد هتتجوز فين ؟
أميره : معرفش بس اعتقد فوق
سامى : معرفتيش تقنعيها تسيب الشقه لأمير
أميره : سامى انا البت اللى اسمها زينه دى مش نزلالى من زور وانته عارف
تقوم عاوز تجبهالى وتسكن فى نفس البيت معايا لا انا مش عوزها
سامى : هنجيب شقه بكام اقل شقه مش اقل من 130 الف جنيه وكمان صغيره وفى مناطق جديده مفيهاش خدمات ولا مرافق
أميره : على رئيى فرحه ماليش فيه انا مش عاوزه زينه تسكن معايا مش حبها يا اخونا
سامى : وحبه حامد ؟
أنت تقرأ
إختيار إجباري { هدير و أمير } ( الجزء الاول ).
Romanceانهارده نبدء اول حلقات قصتى الجديده " إختيار إجبارى " قصتى بتتكلم عن ازاى احنا كتير بنختار اختيارات وبنكون مجبورين عليها وبيتهيقلنا ان احنا اللى اختارنا ولاكن للاسف احنا مجبورين ان نختار اشياء غير مرغوب فيها عشان الاختيار التانى بيكون م...
