الحلقه { 30 }
غادة : هدير
هدير عاوزاكى ؟
هدير : مادام غادة خير ؟
غادة : ممكن اعرف انتى عاوزه منى ايه ؟
هدير : انا ولا حاجه وهعوز من حضرتك ايه ؟
غادة : انا هقولك حاجه تحطيها حلقه فى ودنك جوزى وولادى ابعدى عنهم مفهوم
هدير : انا مقربتش منهم عشان ابعد عنهم اصلا
غادة : اقسم بالله لو جيتى نحيت ولادى ولا سمير لهاجى هنا و قدام كل اللى فى المستشفى وهقول انك منسوبه لأبوكى فى قضية اثبات نسب وهفضحك
هدير: ( [ افتكرت كلام حامد ]<< اللى يعملك بأدب عمليه بأدب اكتر واللى يقل أدبه خليكى اوطى منه عشان لما يحس انه داخل حاره سد يتكبس ويسكت >> )
طب وليه نستنى لما اقرب من ولادك وجوزك افضحينى دلوقتى يلا عالى صوتك وقولى يا ناس يا هووو هدير بنت المخرج الكبير سمير عبد الكريم اتنسبتله بقضيه اثبات نسب
وقتها مش هيبقى فضيحه ليه لعلمك بالعكس
وقتها قدام الناس هكون ضحيه اب عديم المسؤليه وام اضحك عليها بس كمان هكون انا استافدة عارفه ايه
الناس كلها هتعرف ان انا بنت جوزك وكمان اخواتى هيعرفه ووقتها بقى هاجى اقعد على قلبك فى الشقه مع ابويا واخواتى
يلا مستنيه ايه ما تفضحى ؟
غادة : ( باصت لها من فوق لتحت ) انا ماشيه وزى ما قولتلك اوعى تقربى من سمير
هدير : والله انته ابن حلال لسه جايبين فى سيرتك
غادة : ايه ده انته ايه جابك هنا ؟
سمير : انتى ايه جابك هنا
هدير : بقولكم ايه انتو الاتنين قدام بعض كدا انا هنا بشتغل وفى مكان مينفعش حد فيه يغلط
الهانم جايه تقولى ابعد عنك وعن ولادها انا في حالى اهو انتو اللى بتجونى وقدامك اهو يا مدام هو اللى جالى
سمير : انا جاى اطمن عليكى عشان زعلتك
هدير : ابعدو عنى ارجوكم وانا مش عاوزه اعرفكم اصلا انا ابويا مات خلاص خليك فاكر ابويا مات اه وعلى فكره انا جبت موبيل جديد يعنى انا مش مستنيه منك حاجه ( وسابتهم وقفين وداخلت تشوف شغلها )
سمير : ليه كدا يا غادة ؟
غادة : بحمى بيتى وولادى ، انته ايه جابك ؟
سمير : خلاص الكلام مالوش لازمه تعالى نمشى
غادة : سمير انا
سمير : قولنا خلاص الموضوع خلص ويلا بقى
غادة : ماشى يا سمير ماشى
أنت تقرأ
إختيار إجباري { هدير و أمير } ( الجزء الاول ).
Romanceانهارده نبدء اول حلقات قصتى الجديده " إختيار إجبارى " قصتى بتتكلم عن ازاى احنا كتير بنختار اختيارات وبنكون مجبورين عليها وبيتهيقلنا ان احنا اللى اختارنا ولاكن للاسف احنا مجبورين ان نختار اشياء غير مرغوب فيها عشان الاختيار التانى بيكون م...
