إختيار إجباري { هدير و أمير } ( الجزء الاول )‏.

( 14 )

الحلقه { 14 }

هدير : خالو انا فكرت امبارح فى كام حاجه كدا وكنت عاوزه اخد رأيك

فتحى : خير فى ايه ؟

هدير : انا كنت عاوزه اخود كورسات انجليزى انا كنت قولت لماما وقالتلى اروح

فتحى : هى دى محتاجه تاخدى رئيى روحى طبعا احسن حاجه فكرتى فيها

لعلمك الايام اللى جايه اهم حاجه اللغه والكمبيوتر لازم تكونى تعرفى الاتنين كويس

هدير : انا مش بعرف كمبيوتر ماما كانت دائما تقولى دا فيه حاجات وحشه

فتحى : بصى يا هدير مش الكمبيوتر بس اللى فيه حاجات وحشه كل حاجه فى الدنيا فيها الحلو وفيها الوحش واحنا بقى ربنا خلق لنا العقل واللى نقدر نفرق بيه بين الوحش والحلو والصح والغلط

صح ولا لا ؟

هدير : صح طبعا بس انا لما كنت بقول كدا لماما كانت تقولى لا اى حاجه فيها غلط منقربش منها

فتحى : معلش هى كانت بتخاف عليكى

المهم هتاخدى كورسات الانجليزى دى امته وفين ؟

هدير : فى المعهد اللى فى كوبري القبه وكمان زى ما حضرتك بتقول ممكن اخد فيه كمبيوتر كمان

فتحى : خلاص روحى بس استنى لما نشوف البلد راحه على فين ونشوف اللى فى التحرير دول نويين على ايه ؟

هدير : ربنا يستر انا باسمع ان الثوره دى وراها ناس محرضه وعاوزه تخلينا زى العراق كدا

فتحى : لا احنا مش زى حد مستحيل نكون زى العراق وبعدين متقوليش الكلام ده قصاد محمد وأمير لحسن انتى عارفه هههههه

هدير : لا انا مش بتكلم مع حد حضرتك عارف

( ولما وصلو قريب من المستشفى الامن وقفهم )

رجل الامن : على فين ؟

فتحى : انا رايح المستشفى

رجل الامن : ممنوع والله عشان التأمين

هدير : انا بشتغل فى المستشفى ممرضه والكارنيه اهو

رجل الامن : ( اخد الكارنيه شافو ورجعوهلها تانى) ممنوع الدخول بالعربيه عشان الوزارة

هدير : خلاص يا خالو انا هكمل مشى مش مشكله

فتحى : ( نزل من العرببيه ) اصل دى بنت اختى وخايف عليها طب فتش العربيه والرخص كمان اها

راجل الامن : افتش ايه باين ان حضرتك محترم والله بس عندنا تعليمات ان محدش يدخل المحيط ده بالعربيات خلى الانسه تنزل واتفضل وصلها مشى

هدير : متقلقش يا خالو المسافه قصيره هروح انا سلام بقى ( ونزلت من العربيه واخدة شنطتها )