الحلقه { 18 }
( جرس الباب رن )
أميره : يا ترى مين ؟
سميه : بس انا عارفه مين
فرحه : انا كمان عارفه
( فرحه فتحت الباب ) اهلا ازيك ياطنط
أم حامد : اهلا يا حبيبتى انتو جيتو امته ؟
فرحه : وقت ما كنتى واقفه فى البلكونه مشفتيناش واحنا جايين ؟
أم حامد : ايه لا دانا كنت نشره المخدات فى الشمس عشان يتهوو
أميره : اه احسن برضو القطن فى الكتمه بيكمكم
أم حامد : ايه ده جبتى الاستشوار ومكنة الكوى ؟
هدير : اه
أم حامد : فرجينى كدا جبتيهم نوعهم ايه اوعى تكونى جبتيهم صينى ؟
سميه : لا دول براون اصلى دول ب 450 جنيه
هدير : لا بس انا فاصلت ونزلتهم 400 بس
أم حامد : شاطره يا هدير ميتخفش عليكى
سميه : هو فى زى هدير فى ادبها وشطارتها
أم حامد : ربنا يحرسها ويرزقها بابن الحلال يارب
ماجبتيش ليه بالمره المكنه بتاعت الوش
هدير : اللى هى ايه ؟
أم حامد : اللى هى سليك ابيل دى ولا انتى بتعملى وشك بأيه ؟
هدير : ( بأندهاش من السوأل ) نعم ؟
فرحه : هدير عندها مكنه كدا بس فتله مش ملاقيط وبعدين الوسائل الطبيعيه احلى بكتير
ام حامد : فعلا الحاجات الطبيعيه احلى بكتير
بنطالونك عليه تراب يا هدير استنى انفضهولك
هدير : فين ده ؟
ام حامد : اهو ( وبسرعه أقتربت منها ونفضت لها التراب اللى مش موجود اصلا )
هدير : ( مره واحده سمعت صوت ممتها نوال بتقولها
"< انتى يا حيوانه سيبه الست تفعص وتحسس عليكى وسيباها اديها على قلبها >" )
هدير : ( بفزع بعدت عنها ) خلاص انا كدا كدا هغير
أم حامد : ماشى اه صحيح انا مش واخده بالى شعرك حلو
القصه ليقه عليكى اوى مخلياكى زى القمر
أميره : هى قمر اصلا من الاول
سميه : عجباكى يعنى يا ام حامد ؟
أم حامد : اه والله جميله ما شاء الله الله اكبر فى عينى
( وصل امير وفتح الباب هدير راحت لبست الطرحه بسرعه )
أم حامد : انا همشى بقى
أنت تقرأ
إختيار إجباري { هدير و أمير } ( الجزء الاول ).
Romanceانهارده نبدء اول حلقات قصتى الجديده " إختيار إجبارى " قصتى بتتكلم عن ازاى احنا كتير بنختار اختيارات وبنكون مجبورين عليها وبيتهيقلنا ان احنا اللى اختارنا ولاكن للاسف احنا مجبورين ان نختار اشياء غير مرغوب فيها عشان الاختيار التانى بيكون م...
