Revenge ni Beki (Complete)

Chapter Six - Pretend

Chapter Six – Pretend

Spencer's POV

Kakalabas ko lang ng kwarto ko. Pagkalabas na pagkalabas ko palang rinig na rinig ko na agad sina Mom at Dad na nagtatalo, lagi nalang silang ganyan kaya minsan hindi ko nalang sila pinapansin eh. Hinayaan ko lang silang magaway at dire-diretsyo akong pumunta sa kusina para kumaha ng tubig sa loob ng ref.

Pagbukas ko ng red ay agad kong kinuha ang isang pitsel na may lamang tubig at linagyan ng tubig ang hawak hawak kong baso. Nang matapos na akong uminom ay agad akong umakyat sa taas pero napatigil ako ng biglang nagsalita si Mom sa akin.

"Hoy Spencer! Ano nakuha mo na ba si Taylor? Girlfriend mo ba sya!?" sigaw sa akin ni Mom, tumango naman ako kahit naririndi na ako sa kanilang dalawa.

"Nako subukan mong hindi mapasayo yang Taylor na yan at baka Makita mo ang kalalagyan mo!! Kailangan natin sila!" sigaw nya ulit at nagpatuloy na ako sa pag-akyat.

Gusto nilang maging Girlfriend ko si Taylor para may makuha silang pera. Ganyan talaga ang Mom and Dad ko, ang gusto lang nila ay pera. Minsan nga naiisip ko na lumayas nalang ako dito para mawala na ako sa bahay na'tong puro sigawan. Maganda, Malaki at magarbo ang bahay namin pero puro gulo, ingay, sigawan naman ang maririnig mo dito kapag pumasok ka. Ewan ko ba sa mga magulang ko kung bakit sila araw araw nag-aaway. Napapaisip ako kung lumaki ba talaga silang mayayaman? Ugaling skwater kasi silang dalawa.

Pagpasok ko sa kwarto ko ay agad akong humiga sa kama ako at natulog na. Marami-rami rin kasi ang ginawa ko kanina sa school kaya napagod ako at nabeastmode ang utak ko sa kakaisip kung anong bagong batas ba ang pwede kong ipatupad. Kailangan daw bagong bago ang batas ko, yung batas na hindi pa nababatas sa ibang school. Pinagawa ako ng bago batas, batas sa school, sa mga nangbu-bully at sa mga estudyanteng hindi marunong sumunod sa batas.

Nagising ako bigla dahil sa narinig kong isang napakalakas na tunog, pagdilat ng dalawa kong mata nakita ko ang phone ko na nasa tabi ng mukha ko na tumutunog. Kinuha koi to at tinignan kung ano baa ng tumutunog..ang alarm ko lang pala. Ang bilis naman ng oras, 4:00am na agad. Parang kanina lang natulog ako tapos ngayon papasok na ako.

Tumayo ako at humarap muna sa salamin. Ngumiti ako at pagkatapos non ay kumuha ako ng towel at pumasok na sa loob ng CR.

Paglabas na paglabas ko ng CR ay tumunog nanaman ang phone ko. Alam na alam ko ang tunog ng alarm ko kaya hindi ito alarm, isa tong tawag. Kinuha ko ito at sinagot ang tumatawag. Si Taylor ang tumawag kaya sigurado may ipapagawa nanaman ito.

"Hey Spencer."

"Hey beautiful."

"Puntahan mo ang bahay nila at sunduin mo sya, ite-text ko sayo ang address ng bahay nila kaya bilisan mo." Sabi nya at ibinaba nya na.

Nagulat ako sa sinabi nya. Ihahatid ko yon sa school? Paano ko yon mahahatid eh mamaya ko na sasabihin ang mga batas na ginawa ko, sasabihin ko ang mga batas na ginawa ko mamayang pasukan. Di bale gagawa nalang ako ng paraan para mapaaga pa rin ang pagpasok ko.