الأصابع الشريفة.. طارق اللبيب

الحــلقة الثاني عشر

ﺧﺪﺭ ﺍﻭﻝ ﻣﺎﻗﻔﻞ ﺍﻟﺘﻠﻔﻮﻥ .. ﻃﻮﺍﻟﻲ ﺍﺗﻮﺟﻪ ﻋﻠﻰ ﺍﻟﻤﺴﺘﺸﻔﻰ .. ﺍﻟﻤﻬﻨﺪﺱ
ﻳﻮﺳﻒ ﻣﻌﺮﻓﺔ ﻣﻊ ﺧﺪﺭ ﻣﻦ ﺯﻣﻦ ﻃﻮﻳﻞ .. ﻭﺧﺪﺭ ﻛﺎﻥ ﺑﺜﻖ ﻓﻴﻬﻮ ﺟﺪﺍ" .. ﺍﻱ ﻧﻌﻢ
ﺍﺗﻔﺎﺟﺄ ﻭﺍﻧﺼﺪﻡ ﺑﻲ ﻣﻮﻗﻔﻪ .. ﻟﻜﻦ ﺧﺪﺭ ﺷﺎﻳﻒ ﺍﻟﻮﺍﺟﺐ ﺍﻧﻮ ﻳﻘﻴﻒ ﻣﻌﺎﻫﻮ ﻓﻲ
ﺍﻟﻤﺤﻨﺔ ﺩﻱ .. ﻣﺸﻰ ﻟﻴﻬﻮ ﻓﻲ ﺍﻟﻤﺴﺘﺸﻔﻰ .. ﻭﻗﺎﺑﻞ ﺯﻭﺟﺘﻪ ﺍﺳﻤﻬﺎ ﺳﻬﺎﻡ ..
ﻗﺎﻟﺖ ﻟﻴﻬﻮ ﺍﻟﺤﺼﻞ ﺷﻨﻮ ﻓﻲ ﺍﻟﺸﻐﻞ ﻳﺎ ﺧﺪﺭ ؟
ﻳﻮﺳﻒ ﺩﻩ ﻣﻦ ﺟﺎ ﺍﻣﺒﺎﺭﺡ ﻣﻨﻚ .. ﻳﺸﺮﺏ ﻭﻣﺎﻳﺮﻭﻯ ﻭﻣﺎﺑﻲ ﺍﻻﻛﻞ .. ﻭﻛﻞ ﻣﺮﺓ
ﻳﻘﻮﻝ ﻭﺍﻟﻠﻪ ﺩﻱ ﻣﺸﻜﻠﺔ ﻛﺒﻴﺮﺓ .. ﻗﺪﺭ ﻣﺎ ﺣﺎﻭﻟﺘﻪ ﻳﻮﺭﻳﻨﻲ ﺍﻟﺤﺎﺻﻞ ﺷﻨﻮ .. ﺭﻓﺾ ..
ﻣﻤﻜﻦ ﺗﺤﻜﻲ ﻟﻲ ﺍﻟﺤﺎﺻﻞ . ؟
ﻗﺎﻝ ﻟﻴﻬﺎ ﻣﺎﻣﻤﻜﻦ ﺍﺣﻜﻲ ﻟﻴﻚ .. ﺍﻟﺤﺎﺻﻞ ﺍﺳﻒ ﻭﺍﻟﻠﻪ ..
ﺣﺎﺟﺔ ﺩﺳﺎﻫﺎ ﻋﻠﻴﻚ ﺭﺍﺟﻠﻚ .. ﺍﻛﻠﻤﻚ ﺑﻴﻬﺎ ﺍﻧﺎ؟ .. ﻣﻔﺘﻜﺮﺍﻧﻲ ﺷﻨﻮ؟
ﺍﻧﺎ ﺍﻗﺮﺏ ﻟﻴﻚ ﻣﻨﻮ؟ .. ﻭﻻ ﺍﻧﺎ ﺑﺘﺎﻉ ﻗﻮﺍﻳﻞ .. ﺧﻠﻴﻬﻮ ﻳﺸﻴﻞ ﺣﻴﻠﻮ ﻭﺍﺳﺄﻟﻴﻬﻮ ﻓﻲ
ﺷﻨﻮ؟ ﺍﻧﺎ ﻣﺎﺑﻘﻮﻝ ﻟﻴﻚ ..
ﻗﺎﻟﺖ ﻟﻴﻬﻮ ﻏﺎﻳﺘﻮ ﻟﺪﺍﺣﺘﻚ ﺩﻱ ﺍﺻﻠﻚ ﻣﺎﺑﺘﺨﻠﻴﻬﺎ .. ﻗﻌﺪ ﻳﻀﺤﻚ ﻭﻣﺸﻰ .. ﺩﺧﻞ
ﻋﻠﻰ ﻳﻮﺳﻒ .. ﻟﻘﺎﻫﻮ ﺗﻌﺒﺎﻥ ﺟﺪﺍ .. ﻭﻭﺿﻌﻮ ﻣﺎﻣﻄﻤﻦ .. ﻗﺎﻝ ﻟﻴﻬﻮ ﻣﺎﻟﻚ
ﻳﺎﻳﻮﺳﻒ .. ﺍﻟﺤﺎﺻﻞ ﺷﻨﻮ؟ .. ﻗﺎﻝ ﻟﻴﻬﻮ ﺧﻠﻴﻬﺎ ﻋﻠﻰ ﺍﻟﻠﻪ ﺍﻟﺤﻤﺪ ﻟﻠﻪ .. ﺑﺼﺮﺍﺣﺔ
ﺍﻟﻤﻮﺿﻮﻉ ﺍﺛﺮ ﻓﻴﻨﻲ ﺷﺪﻳﺪ ..
ﺧﺪﺭ ﻗﺎﻝ ﻟﻴﻬﻮ ﺷﻮﻑ .. ﺍﻧﺖ ﻓﻲ ﺍﻻﻭﻝ ﺭﺑﻤﺎ ﻳﻜﻮﻥ ﻟﻘﻴﺖ ﺍﻻﺳﻤﻨﺘﻲ ﺭﺧﻴﺺ .
ﻭﻗﻠﺖ ﺗﻮﻓﺮ ﻟﻴﻚ ﻗﺮﺷﻴﻦ ﻣﻦ ﺍﻟﺒﻴﻌﺔ .. ﺍﻧﺖ ﻋﺎﺭﻑ ﺍﻧﻮ ﻛﺪﺍ ﺣﺮﺍﻡ؟
ﻗﺎﻝ ﻟﻴﻬﻮ ﻭﺍﻟﻠﻪ ﺑﺲ ﺍﻧﺎ ﻣﺎﺭﻛﺰﺕ .. ﻟﻜﻦ ﻭﺍﻟﻠﻪ ﻛﺴﺒﺖ ﻣﻦ ﺍﻟﻤﻮﺿﻮﻉ ﻗﺮﺵ .. ﺍﻧﺎ
ﺳﺎﺳﺎ" ﺍﻟﻤﻔﺮﻭﺽ ﺍﺳﺘﻠﻢ ﺍﻟﻤﻮﺍﺩ ﻓﻲ ﺍﻟﻤﻮﻗﻊ .. ﻭﻣﺎ ﺍﻣﺸﻲ ﺍﺷﺘﺮﻱ ﺑﺮﺍﻱ ..
ﻟﻜﻦ ﺍﻧﺎ ﻭﺍﻟﻠﻪ ﺷﻐﺎﻝ ﻣﻌﺎﻙ ﺷﻐﻞ ﺍﺧﻮﺍﻥ ﻭﺍﺻﺤﺎﺏ .. ﻭﺷﺎﻳﻔﻚ ﺍﻧﺖ ﻣﺎﺣﺎﻳﻖ ﻓﻲ
ﺍﻟﺸﻐﻞ ﺍﻟﻜﺘﻴﺮ ﺩﻩ ..
ﻭﺍﻟﻐﻠﻂ ﻣﻦ ﺍﻟﺘﺎﺟﺮ ﺍﻟﺒﺎﻉ ﻟﻲ .. ﻻﻧﻲ ﻭﺍﺛﻖ ﻓﻴﻬﻮ .. ﻭﻣﺎ ﺍﻛﺘﺸﻔﺖ ﺍﻻ ﺑﻌﺪ ﺍﻟﻌﻤﺎﻝ
ﻣﺎ ﺻﺒﻮ .. ﺑﻌﺪﺍﻙ ﺷﻔﺖ ﺍﻟﻜﺴﻴﺮ ﺑﻌﺪ ﻛﺪﻩ ﺧﺴﺎﺭﺓ ..
ﺧﺪﺭ ﻗﺎﻝ ﻟﻴﻬﻮ ﺍﻫﺎ ﺷﻮﻑ ﺍﻟﺨﺴﺎﺭﺓ ﺍﻟﻬﺴﻲ .. ﻣﻮﺵ ﻛﺎﻥ ﺍﺣﺴﻦ ﻣﻦ ﺍﻻﻭﻝ ..
ﺍﻧﺖ ﺯﻭﻝ ﻣﻬﻨﺪﺱ ﻣﺎﻙ ﻋﺎﺭﻑ ﺧﻄﻮﺭﺓ ﺍﻟﻤﺴﺄﻟﺔ ﺩﻱ ..
ﻳﺎﺧﻲ ﺩﻱ ﺍﻧﺎ ﺳﻤﻌﺖ ﻗﺎﻟﻮ ﻣﻤﻜﻦ ﺍﻟﺤﻜﺎﻳﺔ ﺩﻱ ﺗﺘﺤﻮﻝ ﻟﻲ ﻗﻀﻴﺔ ﺟﻨﺎﺋﻴﺔ .
ﻗﺎﻝ ﻟﻴﻬﻮ ﻭﺍﻟﻠﻪ ﺻﺮﺍﺣﺔ ﺣﻘﻴﻘﺔ .. ﺍﻣﻜﻦ ﺍﻧﺎ ﻣﺎ ﺍﺩﻳﺖ ﺍﻟﻤﺴﺄﻟﺔ ﺣﺠﻤﻬﺎ ﺩﻩ .
ﺧﺪﺭ ﻗﺎﻝ ﻟﻴﻬﻮ ﺧﻼﺹ ﻳﺎﺯﻭﻝ .. ﺍﻟﺤﺼﻞ ﺣﺼﻞ .. ﻭﺍﻧﺎ ﺯﺍﺗﻲ ﻋﻠﻲ ﻣﻦ ﺍﻟﻤﺴﺆﻭﻟﻴﺔ
ﺩﻱ .. ﻗﺎﻝ ﻟﻴﻬﻮ ﻛﻴﻒ ﺍﻧﺖ ﺫﻧﺒﻜﻚ ﺷﻨﻮ؟
ﻗﺎﻟﻴﻬﻮ ﺍﻧﺎ ﺍﻟﻤﻔﺮﻭﺽ ﺍﻛﻮﻥ ﻣﻌﺎﻙ ﻭﺍﺗﺎﻛﺪ ﻣﻦ ﻛﻞ ﺷﻲ ﻗﺒﻞ ﺑﺪﺍﻳﺔ ﺍﻟﻌﻤﻞ ..
ﺍﻟﻤﻬﻢ ﻳﺎ ﻳﻮﺳﻒ ﺍﻧﺎ ﻫﺪﻣﺖ ﺍﻟﻤﺒﻨﻰ .. ﻭﻣﺎﻛﻠﻔﻨﻲ ﻛﺘﻴﺮ ﺍﻟﻬﺪﻡ .. ﻻﻧﻮ ﺍﻟﻌﻤﺎﻝ
ﺍﺷﺘﻐﻠﻮ ﻣﻌﺎﻱ ﻧﻔﻴﺮ ﺍﻟﻠﻪ ﻳﺪﻳﻬﻢ ﺍﻟﻌﺎﻓﻴﺔ .. ﻭﺣﺘﻰ ﺑﺘﺎﻉ ﺍﻟﻠﻮﺩﺭ ﻟﻤﻦ ﺳﻤﻊ
ﺑﺎﻟﻘﺼﺔ .. ﺍﺷﺘﻐﻞ ﻟﻲ ﺑﻨﺺ ﺍﻟﺘﻜﻠﻔﺔ ..
ﻭﻋﻨﺪﻱ ﻗﻄﻌﺔ 1600 ﻣﺘﺮ ﻓﻲ ﺳﻮﺑﺎ ﺡ ﺍﺑﻴﻌﺎ .. ﻭﻛﻢ ﺣﺎﺟﺔ ﻛﺪﺍ .. ﻭﺍﺑﺪﺍ ﻓﻲ
ﺍﻟﺸﻌﻞ ﻣﻦ ﺍﻻﺳﺒﻮﻉ ﺍﻟﺠﺎﻱ ﻭﺍﻟﻔﺎﺭﻏﺔ ﻳﻤﻼﻫﺎ ﺍﻟﻠﻪ ..
ﺍﻧﺖ ﺷﻴﻞ ﺣﻴﻠﻚ .. ﻭﻗﻮﻡ ﻧﺤﻦ ﻣﺤﺘﺎﺟﻴﻦ ﻟﻴﻚ .. ﻳﻮﺳﻒ ﻗﻌﺪ ﻳﻌﺎﻳﻦ ﻟﻲ ﺧﺪﺭ
ﻭﻋﻴﻮﻧﻮ ﺍﺗﻤﻠﻦ .. ﻭﻫﻨﺎ ﻗﺎﻝ ﺍﻟﻠﺒﻴﺐ ..
ﻣﻌﺎﺩﻥ ﺍﻟﻨﺎﺱ ﺑﺘﻈﻬﺮ ﻳﻮﻡ ﺣﺼﻮﻝ ﺍﻟﺤﺎﺻﻠﻪ ..
ﺗﺘﺠﻼ ﺍﻟﻤﻮﺍﻗﻒ .. ﻭﺗﺒﻘﻰ ﺑﻴﻨﻬﻢ ﻓﺎﺻﻠﻪ ..
ﺗﻠﻘﻰ ﺭﺟﺎﻝ ﺩﻫﺐ .. ﻓﻮﻕ ﺍﻟﻮﺟﻊ ﻣﺘﻮﺍﺻﻠﻪ ..
ﺗﻠﻘﻰ ﺟﻤﻮﻉ ﺗﻴﻮﺱ ﻣﻦ ﺍﻟﺜﺒﺎﺕ ﻣﺘﻨﺎﺻﻠﻪ ..
..
ﺣﻘﻴﻘﺔ ﻳﺎﺟﻤﺎﻋﺔ ﺍﻟﺮﺟﺎﻝ ﻣﻮﺍﻗﻒ ﺑﺎﻟﺠﺪ .. ﻭﺍﻟﺰﻭﻝ ﺍﻟﺰﻱ ﺧﺪﺭ ﺩﻩ ﺍﻟﻤﻔﺮﻭﺽ
ﻗﺼﺘﻮ ﺗﺘﺤﻜﻲ ﻭﺍﻟﻨﺎﺱ ﻳﺘﺎﺑﻌﻮﻫﺎ .. ﻭﺍﻣﺔ ﻣﺤﻤﺪ ﺑﻲ ﺧﻴﺮﺍ ..
ﺑﺎﻟﻤﻨﺎﺳﺒﺔ ﺩﻱ ﻳﺎﺟﻤﺎﻋﺔ .. ﺷﺨﺼﻴﺔ ﺧﺪﺭ ﺩﻱ ﻣﺎﺧﻴﺎﻟﻴﺔ .. ﻳﺎﻣﺎ ﺑﻠﺪﻧﺎ ﻣﻼﻧﺔ ﺑﻲ
ﻧﺎﺱ ﺯﻱ ﺧﺪﺭ .. ﻭﺍﻗﻮﻯ ﻣﻮﺍﻗﻒ ﻣﻦ ﺧﺪﺭ .. ﻭﺣﻮﺍﺀ ﻭﺍﻟﺪﻩ .. ﻳﻌﻨﻲ ﺍﻧﺖ ﻟﻮ ﻣﺎ
ﻋﻨﺪﻙ ﻣﻮﺍﻗﻒ .. ﻣﺎﺗﻘﻮﻝ ﺯﻱ ﺩﻩ ﻣﺎﻓﻲ .. ﺯﻳﻮ ﻓﻲ ﻟﻜﻦ ﻗﻮﻝ ﺍﻧﺖ ﻣﺎﻻﻗﻴﺖ ..
ﺍﻟﻤﻬﻢ .. ﻧﺮﺟﻊ ﻟﻠﻘﺼﺔ ..
ﺧﺪﺭ ﺭﺟﻊ ﺍﻟﺒﻴﺖ .. ﻭﺑﻘﻰ ﺷﻐﺎﻝ ﻓﻲ ﺗﻠﻔﻮﻧﺎﺕ ﻋﺸﺎﻥ ﻳﺒﻊ ﺍﻟﻘﻄﻌﺔ .. ﻳﻌﻨﻲ
ﺍﻟﻜﺎﺵ ﺍﻟﻌﻨﺪﻭ ﺑﺴﻴﻂ .. ﻣﺎﺑﻜﻤﻞ ﻟﻴﻬﻮ ﺍﻟﺸﻐﻞ .. ﻟﻜﻦ ﻋﻨﺪﻭ ﻛﻢ ﺣﺎﺟﺔ ﺭﺑﻤﺎ ﺗﻮﻓﻲ
ﺟﺰﺀ ﻛﺒﻴﺮ ﻣﻦ ﺍﻟﺸﻐﻞ ..
ﻭﻣﺎﻋﺎﺭﻑ ﻓﻬﻤﻮ ﺷﻨﻮ؟ ﻻﻧﻮ ﺣﺘﻰ ﻟﻮ ﺍﺩﻳﻦ ﻣﺎﺣﻴﻘﺪﺭ ﻳﻜﻤﻞ ﺍﻟﺒﻴﺖ ﻛﻠﻪ .
ﺍﻫﺎ ﺗﺎﻧﻲ ﻳﻮﻡ ﻣﻦ ﺍﻟﻜﻼﻡ ﺩﻩ .. ﻭﻛﺎﻥ ﺍﻟﺸﻐﻞ ﻭﺍﻗﻒ ﺗﻤﺎﻣﺎ" .. ﻭﻧﺎﺱ ﺍﻟﺨﺪﺭ ﻛﺎﻧﻮ
ﻣﺎﻓﻲ ..
ﺟﺎ ﺍﺑﺮﺍﻫﻴﻢ ﺻﺎﺣﺐ ﺍﻟﻌﻤﻞ ﺭﺍﻛﺐ ﺍﻟﻼﻧﺪﻛﺮﻭﺯ ﺍﺧﺮ ﻣﻮﺩﻳﻞ .. ﻭﻳﺘﺠﺪﻉ .. ﺟﺎﺀ ﻟﻘﻰ
ﺍﻟﻤﺒﻨﻲ ﺭﺍﻗﺪ ﺍﺭﺿﺎ" .. ﻃﺒﻌﺎ" ﺍﺳﺘﻐﺮﺏ ﺟﺪﺍ .. ﻭﻣﺎ ﻛﺎﻥ ﻣﺘﺨﻴﻞ ﺍﻧﻮ ﺧﺪﺭ ﺡ ﻳﻬﺪﻡ
ﺍﻟﻤﺒﻨﻰ ..
ﻃﻮﺍﻟﻲ ﺿﺮﺏ ﻟﻲ ﺧﺪﺭ .. ﻗﺎﻝ ﻟﻴﻬﻮ ﻳﺎﺧﺪﺭ ﺍﻧﺖ ﻫﺪﻣﺖ ﺍﻟﻤﺒﻨﻰ 28 ؟ ﻗﺎﻝ ﻟﻴﻬﻮ
ﺍﻳﻮﺓ ﻫﺪﻣﺘﻮ .. ﻛﻴﻒ ﻳﻌﻨﻲ ﺍﺳﻠﻤﻚ ﺷﻐﻞ ﻣﻐﺸﻮﺵ؟ ﺍﻧﺎ ﻛﻠﻤﻚ
ﻗﻠﺖ ﻟﻴﻚ ﻣﺴﺘﺤﻴﻞ ﺍﻟﺒﻴﺖ ﺩﻩ ﺗﺴﻜﻦ ﻓﻴﻬﻮ ﺍﺳﺮﺓ ﻭﺍﺭﻭﺍﺡ ﺑﻲ ﺣﺎﻟﺘﻮ ﺩﻱ .. ﺍﻧﺘﻲ
ﻗﺎﻳﻠﻨﻲ ﺑﻬﻈﺮ ؟؟؟
ﻗﺎﻝ ﻟﻴﻬﻮ ﻳﺎﺧﺪﺭ ﺑﺎﻟﻤﻨﺎﺳﺒﺔ ﺍﻧﺖ ﺍﺩﻳﺖ ﺍﻟﻤﺴﺄﻟﺔ ﺍﻛﺒﺮ ﻣﻦ ﺣﺠﻤﻬﺎ .. ﻟﻜﻦ
ﻣﺎﻣﺸﻜﻠﺔ ﺷﻴﻞ ﺷﻴﻠﺘﻚ .. ﻗﺎﻝ ﻟﻴﻬﻮ ﺍﻳﻮﺓ ﺑﺸﻴﻼ .. ﺑﺲ ﺍﻧﺎ ﺍﻧﺼﺪﻣﺖ ﻓﻴﻚ ﻳﺎ
ﺍﺑﺮﺍﻫﻴﻢ ..
ﺗﺘﺬﻛﺮ ﻳﺎ ﺍﺑﺮﺍﻫﻴﻢ ﺍﻟﻴﻮﻡ ﺍﻻﻭﻝ ﺍﻻﺗﻜﻠﻤﺖ ﻣﻌﺎﻱ ﻓﻴﻬﻮ .. ﺍﻧﺖ ﻗﻠﺖ ﻟﻲ .. ﺍﻟﻨﺎﺱ
ﻏﺸﻮﻙ .. ﻭﺍﻛﻠﻮﻙ .. ﻭﺍﻟﻨﺎﺱ ﺑﻘﺖ ﻣﺎﻋﻨﺪﻫﺎ ﺍﻣﺎﻧﺔ .. ﺑﺼﺮﺍﺣﺔ ﺍﻧﺖ ﺑﻲ ﻛﻼﻣﻚ
ﺍﻻﺧﻴﺮ ﻣﻌﺎﻱ ﻓﻲ ﺑﻴﺘﻚ .. ﻃﻠﻌﺖ ﻭﺍﺣﺪ ﻣﻦ ﺍﻟﻨﺎﺱ ﺍﻟﺒﺘﺘﻜﻠﻢ ﻋﻨﻬﻢ ﺩﻳﻞ ..
ﺍﻟﻤﻬﻢ ﺍﺑﺸﺮ .. ﺍﻧﺎ ﺑﺴﻠﻤﻚ ﺑﻴﺘﻚ ﺯﻱ ﻣﺎﻫﻮ .. ﺑﺲ ﻣﺎ ﻋﻨﺪﻱ ﻟﻴﻚ ﺯﻣﻦ ﻣﻌﻴﻦ
ﺍﺳﻠﻤﻚ ﻓﻴﻬﻮ .. ﻭﺷﻐﻞ ﻣﻌﺎﻙ ﺗﺎﻧﻲ ﻣﺎﺩﺍﻳﺮﻭ ﻳﺎ ﺍﺑﺮﺍﻫﻴﻢ ..
ﻗﺎﻝ ﻟﻴﻬﻮ ﻟﻴﻪ؟؟ ﻓﻲ ﺷﻨﻮ؟؟ ﻭﺭﻳﻨﻲ ﺍﻧﺎ ﻏﻠﻄﺎﻥ ﻓﻲ ﺣﺎﺟﺔ؟
ﻗﺎﻝ ﻟﻴﻬﻮ ﺭﺍﺟﻊ ﻛﻼﻣﻚ ﻳﺎ ﺍﺑﺮﺍﻫﻴﻢ .. ﺍﻧﺎ ﺍﺣﺐ ﺍﺗﻌﺎﻣﻞ ﻣﻊ ﻧﺎﺱ ﺻﺎﺩﻗﻴﻦ ..
ﻭﻋﻨﺪﻫﻢ ﺿﻤﺎﻳﺮ ﻣﻬﻤﺎ ﻛﺎﻥ ﻭﺿﻌﻬﻢ ﺍﻟﻤﺎﺩﻱ ..
ﻃﺒﻌﺎ ﺍﺑﺮﺍﻫﻴﻢ ﺍﻟﻜﻼﻡ ﺩﻩ ﺍﺛﺮ ﻓﻴﻬﻮ ﺷﺪﻳﺪ .. ﻻﻧﻮ ﺍﻟﻨﺎﺱ ﻛﻠﻬﺎ ﺑﺘﺘﺪﻫﻨﺲ ﻟﻴﻬﻮ ..
ﻭﺑﺠﺎﻣﻠﻮﻫﻮ .. ﻋﺸﺎﻥ ﻗﺮﻭﺷﻮ .. ﺍﺻﻼ ﻣﺎﻓﻲ ﺯﻭﻝ ﺗﻔﻬﻮ ﺑﺎﻟﻄﺮﻳﻘﺔ ﺩﻱ ﻗﺒﻞ ﻛﺪﺍ ..
ﻭﺍﺻﻼ ﺧﺪﺭ ﺯﻫﺠﺎﻥ ﻣﻨﻮ .. ﻭﺑﻄﻨﻮ ﻃﺎﻣﺔ .. ﻗﻔﻞ ﻣﻦ ﺍﻟﺘﻠﻔﻮﻥ ..
ﻓﻲ ﻭﺍﺣﺪ ﻣﻦ ﺍﻟﻌﻤﺎﻝ ﺑﺴﻤﻊ ﻓﻲ ﺍﻟﻤﻜﺎﻟﻤﺔ .. ﻗﺎﻝ ﻟﻲ ﺧﺪﺭ ﺍﻧﺖ ﻳﺎﺧﺪﺭ ﺑﻲ
ﺻﺤﻚ ؟ ﻭﺍﻟﻠﻪ ﻣﺎﺑﺘﻘﺪﺭ ﻋﻠﻰ ﺍﻟﻤﻮﺿﻮﻉ ﺩﻩ .. ﺍﻟﺸﻐﻠﺔ ﺩﻱ ﻣﻜﻠﻔﺔ ..
ﻗﺎﻝ ﻟﻴﻬﻮ ﺍﻧﺎ ﻳﺎﺳﻤﻌﺔ .. ﻋﻨﺪﻱ ﻧﻈﺮﻳﺔ ﺷﻐﺎﻝ ﺑﻴﻬﺎ .. ﻭﺍﺻﻼ ﻣﺎ ﻓﺸﻠﺖ ﻣﻌﺎﻱ ..
‏( ﺗﻤﺸﻲ ﻣﻊ ﺍﻟﻠﻪ ﺻﺢ .. ﺭﺑﻨﺎ ﻣﺎﺑﻀﻴﻌﻚ ‏)
ﻭﺍﻧﺖ ﺑﺮﺍﻙ ﺡ ﺗﺸﻮﻑ ﻛﻴﻒ ﺭﺑﻨﺎ ﺡ ﻳﻘﻴﻒ ﻣﻌﺎﻱ ..
ﺍﻫﺎ ﺑﻌﺪ ﺍﻟﻤﻜﻼﻣﺔ ﺩﻱ ﺍﺑﺮﺍﻫﻴﻢ ﻛﺎﻥ ﻣﻨﺰﻋﺞ .. ﻭﻣﺴﺘﺎﺀ .. ﻃﻮﺍﻟﻲ ﺍﺗﺼﻞ ﻋﻠﻰ
ﻋﺎﺩﻝ ﺣﺴﻴﻦ ﻓﻲ ﺍﻟﺠﺮﻳﻒ ﻣﺘﺬﻛﺮﻧﻬﻮ ﺻﺢ ؟
ﺯﻭﺟﺔ ﻋﺎﺩﻝ ﺍﻟﺸﻔﻨﺎﻫﺎ ﺍﻟﻴﻮﻡ ﺩﺍﻙ .. ﺑﺖ ﺧﺎﻟﺔ ﺍﺑﺮﺍﻫﻴﻢ ﺩﻩ ﺫﺍﺗﻮ .. ﺩﻱ ﺍﺳﺎﺳﺎ
ﺍﻟﻌﻼﻗﺔ .. ﻭﻋﺎﺩﻝ ﻫﻮ ﺍﻟﻮﺟﻪ ﺍﺑﺮﺍﻫﻴﻢ ﻋﻠﻰ ﺧﺪﺭ ..
ﺍﻟﻤﻬﻢ ﺍﺑﺮﺍﻫﻴﻢ ﺍﺗﺼﻞ ﻋﻠﻰ ﻋﺎﺩﻝ .. ﻭﻗﺎﻝ ﻟﻴﻬﻮ ﻳﺎﺧﻲ ﺯﻭﻟﻚ ﺍﻟﻮﺟﻬﺘﻨﻲ ﻟﻴﻬﻮ ﺩﻩ
ﺯﻭﻝ ﻗﻠﻴﻞ ﺍﺩﺏ .. ﻭﻣﺎﻋﻨﺪﻩ ﺍﺣﺘﺮﺍﻡ ..
ﻗﺎﻝ ﻟﻴﻬﻮ ﻣﺎﻟﻮ ﻗﺎﻝ ﺷﻨﻮ؟ .. ﺣﻜﻰ ﻟﻴﻬﻮ ﺍﻟﺤﺼﻞ .. ﻋﺎﺩﻝ ﻗﺎﻝ ﻟﻴﻬﻮ ﺧﻠﻴﻬﻮ ﻛﻼﻣﻮ
ﺍﻟﻘﺎﻟﻮ ﻟﻴﻚ .. ﻫﺴﻲ ﻫﻮ ﻫﺪﻡ ﺍﻟﺒﻴﺖ ﻭﺡ ﻳﺒﻨﻴﻬﻮ ﻋﻠﻰ ﻧﻔﻘﺘﻮ؟ ..
ﻗﺎﻝ ﻟﻴﻬﻮ ﺍﻳﻮﺓ ﻗﺎﻝ ﻛﺪﺍ؟ ﻗﺎﻝ ﻟﻴﻬﻮ ﻣﺴﺘﺤﻴﻞ ﺍﻧﺎ ﻣﺎ ﻣﺼﺪﻕ .. ﻗﺎﻝ ﻟﻴﻬﻮ ﺍﻣﺸﻲ
ﺷﻮﻑ ﺑﻲ ﻋﻴﻨﻚ .. ﺑﺎﻟﺠﺪ ﻋﺎﺩﻝ ﺍﻧﺪﻫﺶ ﻣﻦ ﺗﺼﺮﻑ ﺧﺪﺭ .. ﻭﺍﺳﺘﺎﺀ ﻣﻦ ﺗﺼﺮﻑ
ﺍﺑﺮﺍﻫﻴﻢ ..
ﺗﺎﻧﻲ ﻳﻮﻡ ﺭﻛﺐ ﻣﺸﻰ ﺍﻟﻤﻮﻗﻊ ﻋﻠﻰ ﺣﺴﺐ ﺍﻟﻮﺻﻒ .. ﻭﻟﻘﻰ ﺍﻟﻤﺒﻨﻰ ﺭﺍﻗﺪ ﻭﺍﻃﺎ
.. ﻭﻟﻘﻰ ﻓﻲ ﺷﺎﺣﻨﺔ ﺑﺘﻨﺰﻝ ﻓﻲ ﺍﻟﺴﻴﺦ ﻭﺍﻻﺳﻤﻨﺘﻲ .. ﻭﺍﻟﻤﻮﺍﺩ ﺍﻻﻭﻟﻴﺔ ..
ﻧﺎﺩﻯ ﺧﺪﺭ . . ﻭﺧﺪﺭ ﺣﺎﻳﻢ .. ﻓﻲ ﺍﻟﻤﻮﻗﻊ ﻣﺎﻓﺎﻛﺮ ﻟﻲ ﻋﺎﺩﻝ ..
ﻗﺎﻝ ﻟﻴﻬﻮ ﺗﻌﺎﻝ ﻳﺎﺧﺪﺭ .. ﺧﺪﺭ ﺟﺎﻫﻮ ﺳﻠﻢ ﻋﻠﻴﻬﻮ .
ﻗﺎﻡ ﻋﺎﺩﻝ ﺳﺄﻟﻪ ﻗﺎﻝ ﻟﻴﻬﻮ
ﺍﻟﺤﺎﺻﻞ ﺷﻨﻮ؟ ﻗﺎﻝ ﻟﻴﻬﻮ ﻭﺍﻟﻠﻪ ﻛﺎﺭﺛﺔ ﺑﺲ ﻳﺎ ﻋﺎﺩﻝ .. ﺍﻟﺤﻤﺪ ﻟﻠﻪ ﺑﺲ .. ﺍﻟﻤﺒﻨﻰ
ﺩﻩ ﺣﺼﻞ ﻓﻴﻬﻮ ﺧﻠﻞ ﻓﻨﻲ .. ﻭﺍﻃﺮﻳﻨﺎ ﻧﻬﺪﻣﻮ ..
ﻗﺎﻝ ﻟﻴﻬﻮ ﺣﻜﺎ ﻟﻲ ﺍﺑﺮﺍﻫﻴﻢ .. ﻟﻜﻦ ﺻﺮﺍﺣﺔ ﻣﺎﺻﺪﻗﺘﻮ ..
ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻋﺎﺩﻝ ﺻﺤﺒﻚ ﻣﺎﻭﻗﻒ ﻣﻌﺎﻧﺎ .. ﻭﺍﻧﺎ ﻫﺴﻲ ﻣﺎﻋﺎﺭﻑ ﺍﻗﺪﺭ
ﺍﻛﻤﻞ ﺍﻟﺸﻐﻞ ﺩﻩ ﻛﻴﻒ؟؟ .. ﻗﺪﺭ ﻣﺎﺣﺴﺒﺘﻬﺎ ﺍﺑﺖ ﺗﻠﻔﻖ .. ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺖ
ﻛﻼﻣﻚ ﺻﺢ .. ﻟﻜﻦ ﺍﻟﻤﻔﺮﻭﺽ ﺍﻟﺤﺎﺟﺔ ﺩﻱ ﻳﻘﻮﻡ ﺑﻴﻬﺎ ﺍﻟﻤﻬﻨﺪﺱ ..
ﻗﺎﻝ ﻟﻴﻬﻮ ﺑﺲ ﺍﻟﻤﻬﻨﺪﺱ ﺯﻭﻝ ﻋﻠﻰ ﻗﺪﺭ ﺣﺎﻟﻮ .. ﻭﺭﺍﺟﻞ ﻃﻴﺐ .. ﻣﺎﻋﻨﺪﻭ ﺷﻲ ..
ﻭﺍﻟﻠﻪ ﺍﻟﺰﻭﻝ ﺍﺷﺘﻐﻞ ﻳﺎﺩﻭﺏ ﻓﺘﺮﺓ ﻛﺎﻥ ﺑﺪﻭﻥ ﺷﻐﻞ ..
ﻭﺍﻧﺎ ﻧﺎﺩﻳﺘﻮ ﻋﺸﺎﻥ ﺍﺳﺎﻋﺪﻭ .. ﻻﻧﻮ ﺯﻭﻝ ﻋﺰﻳﺰ ﻋﻠﻲ .. ﺍﺑﻘﻰ ﺍﻧﺎ ﺳﺒﺐ ﻓﻲ ﺩﻣﺎﺭﻭ
ﻭﺩﺧﻮﻟﻮ ﺍﻟﺴﺠﻦ .. ﺍﻟﻐﻠﻂ ﺣﺼﻞ ﻭﺍﻟﺤﺼﻞ ﺣﺼﻞ .. ﻧﻌﻤﻞ ﺍﻟﺒﻨﻘﺪﺭ ﻋﻠﻴﻬﻮ
ﻭﺍﻟﺒﺎﻗﻲ ﻋﻠﻰ ﺍﻟﻠﻪ ..
ﻋﺎﺩﻝ ﻗﺎﻝ ﻟﻴﻬﻮ ﺍﺑﺸﺮ ﻳﺎ ﺧﺪﺭ .. ﺍﻧﺖ ﺯﻭﻝ ﻧﺎﺩﺭ ﻭﺍﻟﻠﻪ .. ﻭﻋﻠﻲ ﺍﻟﻄﻼﻕ ﺍﻟﺒﺘﻨﻘﺺ
ﻣﻨﻚ ﺍﻻ ﺍﺗﻤﻬﺎ ﻟﻴﻚ ﺍﻧﺎ .. ﻭﺍﻟﻠﻪ ﻣﻮﻗﻔﻚ ﺩﻩ ﺟﺎﺏ ﻟﻲ ﺍﻟﺸﻌﺮﺓ .. ﻳﺎﺧﻲ ﺍﻟﻠﻪ
ﻳﺤﻔﻈﻚ ..
ﺧﺪﺭ ﻗﺎﻝ ﻟﻴﻬﻮ ﺍﻟﻠﻪ ﻳﻜﺮﻣﻚ ﻳﺎﻋﺎﺩﻝ .. ﻭﺍﻟﻠﻪ ﻛﻼﻣﻚ ﺩﻩ ﺑﺎﻟﺪﻧﻴﺎ .. ﻟﻜﻦ ﺍﻥ ﺷﺎﺀ ﺍﻟﻠﻪ
ﻳﺎﺯﻭﻝ ﺭﺑﻨﺎ ﻳﺤﻠﻬﺎ .. ﺍﻧﺎ ﻫﺴﻲ ﻋﻨﺪﻱ ﻗﻄﻌﺔ ﻋﺎﺭﺿﻬﺎ ﻟﻠﺒﻴﻊ .. ﻣﻤﻜﻦ ﺗﻘﺪﻡ ﻟﻲ
ﻓﻲ ﺍﻟﺸﻌﻞ ﻛﻮﻳﺲ .. ﻧﺸﻮﻑ ﺑﻌﺪﻳﻦ ﺍﻟﺒﺤﺼﻞ ﺷﻨﻮ؟
ﻋﺎﺩﻝ ﻣﺸﻰ ﺣﻜﻰ ﻟﻲ ﺯﻭﺟﺘﻮ .. ﺍﻟﻤﻮﻗﻒ ﺍﻟﺠﺒﺎﻥ ﺍﻟﻘﺎﻡ ﺑﻴﻬﻮ ﻭﺩ ﺧﺎﻟﺘﻬﺎ .. ﻭﺣﻜﺎ
ﻟﻴﻬﺎ ﻣﻮﻗﻒ ﺧﺪﺭ .. ﻗﺎﻟﺖ ﻟﻴﻬﻮ ﻭﺍﻟﻠﻪ ﺍﻟﻮﻟﺪ ﺍﻻﺳﻤﻮ ﺧﺪﺭ ﺍﻟﺸﺎﻓﺘﻮ ﻋﻴﻨﻲ ﺩﻩ ..
ﺍﺭﺟﻞ ﻣﻨﻮ ﻣﺎﻻﻗﺎﻧﻲ .. ﻣﻊ ﺍﻻﻋﺘﺬﺍﺭ ﻟﻴﻚ ﻳﺎ ﻋﺎﺩﻝ .. ﻟﻜﻦ ﺑﺲ ﻧﻘﻮﻝ ﺳﺒﺤﺎﻥ ﺍﻟﻠﻪ
..
ﻗﺎﻟﺖ ﻟﻴﻬﻮ ﺍﻧﺎ ﺡ ﺍﺗﺼﻞ ﻋﻠﻰ ﺍﺑﺮﺍﻫﻴﻢ .. ﻭﺍﻭﺭﻳﻬﻮ ﻟﻴﻚ ﻗﻌﺮ ﺍﻟﺠﺮﺩﻝ .. ﺍﻟﺠﺒﺎﻥ ..
ﺷﺎﻟﺖ ﺍﻟﺘﻠﻔﻮﻥ .. ﻭﺍﺗﺼﻠﺖ ﻋﻠﻲ ﺍﺑﺮﺍﻫﻴﻢ ﻭﺩ ﺧﺎﻟﺘﻬﺎ . ﻭﺯﻓﺘﻮ ﻟﻴﻚ ﺯﻑ ﺑﻲ ﻓﻬﻢ
.. ﻭﻗﺎﻟﺖ ﻟﻴﻬﻮ ﺍﻧﺖ ﻭﻛﺖ ﺯﻭﻝ ﺧﻴﺒﺎﻥ .. ﺑﺘﺤﻜﻲ ﺧﻴﺎﺑﺘﻚ ﻟﻲ ﻋﺎﺩﻝ ﺭﺍﺟﻠﻲ
ﻟﻴﻪ؟؟ .. ﻋﺸﺎﻥ ﻳﻘﻮﻝ ﺍﻫﻠﻲ ﺟﺒﻨﺎﺀ ..
ﺍﻧﺖ ﻳﺎ ﺍﺑﺮﺍﻫﻴﻢ ﻃﻠﻌﺖ ﺯﻭﻝ ﺍﻱ ﻛﻼﻡ .. ﻳﻌﻨﻲ ﺩﺍﻳﺮ ﺗﺒﻴﻊ ﺑﻴﺖ ﻣﻐﺸﻮﺵ ..
ﺧﺴﺎﺭﺓ ﻳﺎ ﺍﺑﺮﺍﻫﻴﻢ .. ﺧﺴﺎﺭﺓ ﻭﺍﻟﻠﻪ ..
ﺍﻧﺎ ﻭﺍﻟﻠﻪ ﻛﺎﻥ ﺍﺣﻜﻲ ﻟﻲ ﺍﺑﻮﻱ ﻭﺧﺎﻟﺘﻲ ‏(ﺍﻟﻠﻬﻲ ﺍﻣﻮ ‏) .. ﺡ ﺍﺣﻜﻲ ﻟﻲ ﻛﻞ ﺍﻫﻠﻚ
.. ﺑﻲ ﺍﻟﻤﻮﺿﻮﻉ ﺩﻩ ﺑﻲ ﺗﻔﺎﺻﻴﻠﻮ .. ﻳﺨﺴﻲ ﻋﻠﻴﻚ ﻭﻋﻠﻰ ﻗﺮﻭﺷﻚ .. ﻭﺍﻟﻠﻪ
ﻗﺮﻭﺷﻚ ﻣﺎﺗﺘﻤﻨﻰ .. ﺍﻫﻮ ﺍﻟﻮﻟﺪ ﺍﻟﻤﺴﻜﻴﻦ .. ﻭﺭﺍﻙ ﺍﻧﻮ ﺍﺭﺟﻞ ﻣﻨﻚ .. ﻭﺧﺘﺎﻫﺎ ﻟﻴﻚ
ﻓﻲ ﺣﻨﺎﻧﻚ ..
ﺍﺻﻼ ﻳﺎﺟﻤﺎﻋﺔ ﺍﻟﻤﺮﺍﺓ ﻣﺒﺴﻮﻃﺔ ﻣﻦ ﺧﺪﺭ .. ﻣﻦ ﻳﻮﻣﻮ ﺍﻟﻘﺎﻝ ﻟﻴﻬﺎ ﺍﻟﺤﻘﻴﻘﺔ ..
ﻳﻮﻣﻮ ﺍﻟﻜﺎﻥ ﺷﻐﺎﻝ ﺑﻴﺎﺽ ﻓﻲ ﺑﻴﺖ ﻋﺎﺩﻝ .. ﻭﻣﻦ ﺍﻟﻮﻛﺖ ﺩﺍﻙ ﺧﺪﺭ ﻛﺎﺳﺮ ﻓﻴﻬﺎ
ﺿﻠﻌﺔ .. ﻭﻣﺘﻜﻴﻔﺔ ﻣﻨﻮ ﻻﻣﻦ ﻣﺸﺮﻭﻗﺔ .. ‏(ﺷﻮﻑ ﺑﺎﻟﻠﻪ ﺍﻟﺤﻘﻴﻘﺔ ﻭﻗﻮﻟﺔ ﺍﻟﺼﺪﻕ
ﺑﺘﺼﻞ ﻣﻌﺎﻙ ﻟﻐﺎﻳﺔ ﻭﻳﻦ ‏) ..
ﺍﻫﺎ ﻗﺎﻡ ﺍﺑﺮﺍﻫﻴﻢ ﻗﺎﻝ ﻟﻴﻬﺎ .. ﻛﻤﻠﺘﻲ ﻛﻼﻣﻚ؟ ﻗﺎﻟﺖ ﻟﻴﻬﻮ ﺍﻳﻮﺓ ﻛﻤﻠﺘﻮ ..
ﻗﺎﻝ ﻟﻴﻬﺎ ﺍﻭﻻ ﺍﻧﺎ ﻛﺎﻥ ﻛﺪﺍ ﻛﺪﺍ .. ﺡ ﺍﻫﺪﻡ ﺍﻟﻤﺒﻨﻰ .. ﻻﻧﻮ ﻓﻲ ﺍﻟﻨﻬﺎﻳﺔ ﺍﻟﻤﺴﺆﻭﻟﻴﺔ
ﺑﺘﻘﻊ ﻋﻠﻲ ﺍﻧﺎ .. ﻟﻜﻦ ﺍﻧﺎ ﻛﻨﺖ ﻋﺎﻳﺰ ﺍﺧﺘﺒﺮ ﺧﺪﺭ .. ﺍﺷﻮﻓﻮ ﺑﺘﺼﺮﻑ ﻛﻴﻒ .. ﻟﻜﻦ ﺍﻧﺎ
ﻭﺍﻟﻠﻪ ﻣﺎ ﺍﺧﻠﻴﻬﻮ ﻳﺪﻓﻊ ﻗﺮﺵ ﻣﻦ ﺟﻴﺒﻮ .. ﺍﺻﻼ" ﻧﺎﻭﻱ ﻋﻠﻰ ﻛﺪﺍ .. ﻗﺎﻟﺖ ﻟﻴﻬﻮ ﺍﻳﻮﺓ
ﻛﺪﺍ .. ﺍﻧﺖ ﻛﺪﺍ ﻭﺩ ﺧﺎﻟﺘﻲ ﺟﺪ ﺟﺪ .. ﻭﺍﻧﺎ ﻛﺪﺍ ﺑﻔﺘﺨﺮ ﺑﻴﻚ ﻗﺪﺍﻡ ﻋﺎﺩﻝ .. ﻭﺍﺳﻔﺔ
ﻋﻠﻰ ﺍﻟﻜﻼﻡ ﺍﻟﻘﻠﺘﻮ ﻟﻴﻚ ﻗﺒﻞ ﺷﻮﻳﺔ .. ﻗﺎﻝ ﻟﻴﻬﺎ ﺍﻧﺘﻲ ﺍﻟﺴﻠﻄﺎﻧﺔ .. ﻭﺗﻘﻮﻟﻲ
ﺍﻟﻌﺎﻳﺰﺓ ﺗﻘﻮﻟﻴﻬﻮ .. ﻭﻧﺤﻦ ﻧﻘﻮﻝ ﺳﻤﺢ .. ﻗﺎﻟﺖ ﻟﻴﻬﻮ ﺧﻼﺹ ﻋﻠﻴﻚ ﺍﻟﻠﻪ ﺍﻟﻮﻟﺪ ﺩﺍﻳﺮ
ﻳﺒﻴﻊ ﻗﻄﻌﺘﻮ ﺍﻟﻮﺣﻴﺪﺓ ﻭﺭﺍﺱ ﻣﺎﻟﻮ .. ﻭﺻﺎﺣﺒﻮ ﻗﺎﻟﻮ ﺭﺍﻗﺪ ﻣﻦ ﺍﻟﻤﺴﺘﺸﻔﻰ
ﺑﺎﻟﺼﺪﻣﺔ .. ﺍﺗﺼﻞ ﻫﺴﻲ ﻭﺭﻳﻬﻢ .. ﻋﻠﻴﻚ ﺍﻟﻠﻪ ﻳﺎ ﺍﺑﺮﺍﻫﻴﻢ ﺍﻟﻠﻪ ﻳﻔﺘﺢ ﻋﻠﻴﻚ ﺍﻧﺖ
ﺗﺴﻠﻢ ..
ﺍﺑﺮﺍﻫﻴﻢ ﺗﺎﻧﻲ ﻳﻮﻡ ﺭﻛﺐ ﻃﻮﺍﻟﻲ ﻣﺸﻰ ﻟﻲ ﺧﺪﺭ ﻓﻲ ﺍﻟﻤﻮﻗﻊ .. ﻭﻟﻘﻰ ﺍﻟﻌﻤﺎﻝ
ﺷﻐﺎﻟﻴﻦ ﻧﻀﺎﻓﺔ ﻭﺣﻔﺮ .. ﻭﻓﻲ ﻋﻤﺎﻝ ﺷﻐﺎﻟﻴﻦ ﺗﺮﺑﻴﻂ ﻓﻲ ﺍﻟﺴﻴﺦ ..
ﻭﺟﺎ ﺳﻠﻢ ﻋﻠﻰ ﺧﺪﺭ .. ﻗﺎﻝ ﻟﻴﻬﻮ .. ﻭﺍﻟﻠﻪ ﻳﺎﺧﺪﺭ ﻧﺠﺤﺖ ﻓﻲ ﺍﻻﻣﺘﺤﺎﻥ ..
ﻗﺎﻝ ﻟﻴﻬﻮ ﺍﻣﺘﺤﺎﻥ ﺷﻨﻮ؟
ﻗﺎﻝ ﻟﻴﻬﻮ ﻳﺎﺧﻲ ﺍﻧﺎ ﻣﺴﺘﺤﻴﻞ ﺍﺧﻠﻴﻚ ﺗﺘﺤﻤﻞ ﺍﻟﻐﻠﻂ ﺍﻧﺖ .. ﻭﺍﻧﺎ ﻗﺎﻋﺪ . ﺍﻧﺎ ﺡ ﺍﺩﻓﻊ
ﺗﻜﺎﻟﻴﻒ ﺍﻟﻤﺒﻨﻰ ﺩﻩ .. ﻭﺍﻟﻠﻪ ﻗﺮﺵ ﻣﺎﺗﺪﻓﻌﻮ ..
ﻭﺡ ﺍﺳﻠﻤﻚ ﻫﺴﻲ ﻗﺮﻭﺵ ﺍﻻﺯﺍﻟﺔ ﻭﺍﻟﻤﻮﺍﺩ ﺍﻟﻨﺎﺯﻟﺔ ﺩﻱ ﻭﺣﺘﻰ ﺣﻖ ﺍﻟﻌﻤﺎﻝ ﻣﻦ
ﺍﻭﻝ ﻳﻮﻡ ﺑﺪﻭ ﻓﻲ ﺍﻟﻬﺪﻡ .. ﻭﺍﻧﺖ ﺍﻭﻋﻚ ﺗﺪﻓﻊ ﻗﺮﺵ .. ﻭﻻﺗﺒﻴﻊ ﻗﻄﻌﺘﻚ .. ﻭﻻ ﺍﻱ
ﺷﻲ .. ﺧﺪﺭ ﻃﻴﺮ ﻋﻴﻮﻧﻮ ﻻﻣﻦ ﻗﻌﺪ ﻓﻲ ﺍﻟﻮﺍﻃﺔ . ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﺑﺎﻟﺠﺪ ﻳﺎ
ﺍﺑﺮﺍﻫﻴﻢ؟؟ .. ﻭﻻ ﺩﺍﻳﺮ ﺗﻬﻈﺮ ﻣﻌﺎﻱ ﺳﺎﻱ؟؟ ..
ﻗﺎﻝ ﻟﻴﻬﻮ ﻳﺎﺯﻭﻝ ﺍﻓﻮ ﺍﻧﺎ ﺍﺧﻮﻙ ﺍﺕ .. ﻳﻌﻨﻲ ﺍﻧﺖ ﺑﺘﺨﺎﻑ ﻋﻠﻰ ﺍﺭﻭﺍﺡ ﺍﻟﻨﺎﺱ ﻭﺍﻧﺎ
ﻣﺎﺑﺨﺎﻑ؟ .. ﻳﺎﺧﻲ ﺍﻧﺎ ﺗﻜﺎﻟﻴﻒ ﺍﻟﻤﺒﻨﻲ ﺩﻱ ﺑﺪﻓﻌﻬﺎ ﺗﺒﺮﻋﺎﺕ ﻟﻠﻤﻨﻈﻤﺎﺕ ﺍﻟﺨﻴﺮﻳﺔ ..
ﺍﺟﻲ ﺍﺑﺨﻞ ﺑﻴﻬﺎ ﻓﻲ ﺣﺎﺟﺔ ﺯﻱ ﺩﻱ ؟
ﺍﻟﻤﻬﻢ ﺧﺪﺭ ﻋﺮﻑ ﺍﻧﻮ .. ﺍﺑﺮﺍﻫﻴﻢ ﻓﻲ ﺯﻭﻝ ﻏﻴﺮ ﻟﻴﻬﻮ ﺭﺍﻳﻮ .. ﻻﻧﻮ ﻣﺴﺘﺤﻴﻞ ﻳﻜﻮﻥ
ﺑﻤﺘﺤﻦ ﻓﻴﻬﻮ .. ﺍﻟﻴﻮﻡ ﺍﻻﻭﻝ ﻛﺎﻥ ﺭﺍﻓﺾ ﺟﺎﺩﻱ ..
ﺧﺪﺭ ﻛﺎﻥ ﻣﻔﺘﻜﺮ ﺍﻧﻮ ﺍﻟﻐﻴﺮ ﻟﻴﻬﻮ ﺭﺍﻳﻮ ﺩﻩ ﻋﺎﺩﻝ ﺣﺴﻴﻦ .. ﺍﺻﻼ ﻣﺎ ﺧﺘﺎ ﺍﻧﻮ ﻣﻤﻜﻦ
ﺗﻜﻮﻥ ﺩﻱ ﺍﻟﻤﺮﺍﺓ ﺩﻳﻚ ..
ﺧﺪﺭ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﺑﺮﺍﻫﻴﻢ .. ﻭﺍﻟﻠﻪ ﻣﺎﻗﺼﺮﺕ ﺍﺑﺪﺍ" ﻳﺎ ﻋﺸﺎ ﺍﻟﺒﺎﻳﺘﺎﺕ .. ﺍﻥ
ﺷﺎﺀ ﺍﻟﻠﻪ ﺭﺑﻨﺎ ﻳﻜﺮﻣﻚ ﻭﻳﻌﻮﺿﻚ .. ﻭﺍﻥ ﺷﺎﺀ ﺍﻟﻠﻪ ﺑﻌﺪ ﺍﻟﻤﺒﻨﻰ ﺩﻩ .. ﺍﻧﺎ ﺫﺍﺗﻲ
ﺑﺸﻮﻑ ﻟﻲ ﺷﻐﻞ ﺟﺎﻱ ﻭﻻﺟﺎﻱ ..
ﻳﺎﺯﻭﻝ ﻃﻮﺍﻟﻲ ﺍﺑﺮﺍﻫﻴﻢ ﻃﻠﻊ ﺍﻟﺸﻴﻚ ﻣﻦ ﺟﻴﺒﻮ .. ﻭﻗﺎﻝ ﻟﻴﻬﻮ ﺍﻟﺤﺴﺎﺑﺎﺕ ﻛﻢ ﻟﻐﺎﻳﺔ
ﺍﻻﻥ؟ ﺧﺪﺭ ﻭﺭﺍﻫﻮ ﺍﻟﺠﻤﻠﺔ .. ﻧﺰﻟﻬﺎ ﻓﻲ ﺍﻟﺸﻴﻚ ﻃﻮﺍﻟﻲ ﻭﻣﺪﺍ ﻟﻴﻬﻮ ﺍﻟﺸﻴﻚ .. ﺧﺪﺭ
ﻟﻤﻦ ﺩﺍﻳﺮ ﻳﺴﺘﻠﻢ ﺍﻟﺸﻴﻚ .. ﺍﺑﺮﺍﻫﻴﻢ ﺟﺮﺍﻫﻮ ﻣﻨﻮ ﻛﺪﺍ ﺭﺍﺟﻊ ... ﻭﻗﺎﻝ ﻟﻴﻬﻮ
ﻣﺎﺑﺴﻠﻤﻚ ﺍﻻ ﺗﻮﻋﺪﻧﻲ ﺑﻲ ﺣﺎﺟﺔ ..
ﻗﺎﻝ ﻟﻴﻬﻮ ﺍﻟﻠﻬﻲ ﺷﻨﻮ؟
ﻗﺎﻝ ﻟﻴﻬﻮ ﺡ ﺗﻮﺍﺻﻞ ﺷﻐﻠﻚ ﻣﻌﺎﻱ ﺯﻱ ﻣﺎ ﺍﻧﺖ .. ﻭﺑﻲ ﻧﻔﺲ ﺍﺗﻔﺎﻗﻨﺎ ﺍﻻﻭﻝ ..
ﻭﺍﻟﻠﻪ ﺗﺎﻧﻲ ﻣﺎﻓﻲ ﺯﻭﻝ ﻳﻤﺴﻚ ﻟﻲ ﺷﻐﻞ ﻏﻴﺮﻙ .. ﻳﺎﺯﻭﻝ ﻭﺍﻟﻠﻪ ﺗﺴﺘﻔﻴﺪ
ﻭﻣﺎﺑﺘﻠﻘﻰ ﺯﻭﻝ ﺯﻱ ..
ﺧﺪﺭ ﻗﺎﻝ ﻟﻴﻬﻮ ﻭﺍﻟﻠﻪ ﻋﺎﺭﻑ ﻣﺎ ﺑﻘﻠﻰ ﺯﻭﻝ ﺯﻳﻚ .. ﻟﻜﻦ ﺍﻧﺎ ﺧﺎﻳﻒ ﺍﺩﺧﻠﻚ ﻓﻲ
ﻣﺸﻜﻠﺔ ﺗﺎﻧﻲ .. ﻟﻜﻦ ﻳﺎﺯﻭﻝ ﺍﺗﻔﻘﻨﺎ .. ﺍﻫﺎ ﺧﺪﺭ ﺍﺳﺘﻠﻢ ﺍﻟﺸﻴﻚ ﻭﻣﺸﻰ ﺻﺮﻑ
ﻟﻠﻌﻤﺎﻝ ﻗﺮﻭﺷﻬﻢ .. ﻭﺍﻟﻘﻄﻌﺔ ﺣﻘﺘﻮ ﻣﺮﻗﺖ ﻣﻦ ﺍﻟﺒﻴﻊ .. ﻭﺳﺪﺩ ﺣﻘﺎﻟﺴﻴﺦ .. ﻭﺍﺗﺼﻞ
ﻋﻠﻲ ﺍﻟﻤﻬﻨﺪﺱ ﻳﻮﺳﻒ ﻭﺑﺸﺮﻭ ﺑﺎﻟﺨﺒﺮ ..
ﻭﺩﻱ ﻳﺎﺟﻤﺎﻋﺔ ﻧﺘﻴﺠﺔ ﻃﺒﻴﻌﻴﺔ ..ﻟﻠﺼﺪﻕ ﻭﺍﻻﻣﺎﻧﺔ .. ﻣﺼﺪﺍﻗﺎ" ﻟﻘﻮﻟﻪ ﺗﻌﺎﻟﻰ . ‏( ﻣﻦ
ﻳﺘﻖ ﺍﻟﻠﻪ ﻳﺠﻌﻞ ﻟﻪ ﻣﺨﺮﺟﺎ" ﻭﻳﺮﺯﻗﻪ ﻣﻦ ﺣﻴﺚ ﻻﻳﺤﺘﺴﺐ ‏) ..
ﺍﻟﻰ ﺍﻟﻠﻘﺎﺀ