ﻧﺴﺮﻳﻦ ﻃﺒﻌﺎ" ﻣﺎ ﺍﺳﺘﻐﺮﺑﺖ ﻓﻲ ﺭﺩﺓ ﻓﻌﻞ ﺧﺎﻟﺪﺓ .. ﻻﻧﻬﺎ ﻛﺘﻴﺮ ﺑﺘﻘﻮﻝ ﻟﻴﻬﺎ ﺍﻧﺎ
ﺍﺻﻼ ﻣﺎﺑﻌﺮﺱ .. ﺍﻧﺎ ﻋﺎﻳﺰﺓ ﺍﺭﺑﻲ ﺍﻭﻻﺩﻱ ﻭﺧﻼﺹ ..
ﻧﺴﺮﻳﻦ ﺑﺪﺕ ﺗﺘﻼﻳﻖ .. ﻭﻗﺎﻟﺖ ﻟﻴﻬﺎ ﻳﺎﺧﺎﻟﺪﺓ ﻣﻤﻜﻦ ﻧﺘﻨﺎﻗﺶ ؟ ..
ﻗﺎﻟﺖ ﻟﻴﻬﺎ ﻧﺘﻨﺎﻗﺶ ﻓﻲ ﺷﻨﻮ ﻳﺎﻧﺴﺮﻳﻦ .. ﺍﻭﻝ ﺣﺎﺟﺔ ﻓﻲ ﺍﺳﺒﺎﺏ ﻛﺘﻴﺮﺓ ..
ﺑﺘﺨﻠﻴﻨﻲ ﺍﻧﺎ ﺍﺑﻌﺪ ﻣﻦ ﻗﺼﺔ ﺍﻟﺰﻭﺍﺝ ﺩﻱ .. ﻭﻫﺴﻲ ﺍﻻﻥ ﺑﻘﻰ ﺍﺻﺮﺍﺭﻱ ﺍﻛﺘﺮ .. ﺍﻧﻲ
ﺍﺭﻓﺾ ﺍﻱ ﻋﺮﺽ ﻳﺘﻘﺪﻡ ﻟﻲ ..
ﺍﻭﻻ ﻳﺎ ﻳﺎﻧﺴﺮﻳﻦ ﺍﻧﺎ ﺗﻌﺒﺖ ﻣﻦ ﻗﺼﺔ ﺍﻧﻮ ﻳﻜﻮﻥ ﻋﻨﺪﻱ ﺭﺍﺟﻞ ﻭﻳﺴﺘﻌﺒﺪﻧﻲ .. ﺯﻱ
ﻣﺎﻛﺎﻥ ﻋﺒﺪﻭ ﻣﺎﺳﺢ ﺑﻲ ﺍﻟﻮﺍﻃﺔ .. ﺑﻌﺪ ﻣﺎ ﻛﺎﻥ ﺍﻃﻴﺐ ﻣﺨﻠﻮﻕ .. ﻫﺴﻲ ﺑﻘﺖ
ﻋﻨﺪﻱ ﻓﻮﺑﻴﺎ ﻣﻦ ﺍﻟﺮﺟﺎﻝ .. ﻭﺑﻘﻴﺖ ﺑﺨﺎﻑ ﻣﻦ ﻣﺠﺮﺩ ﺳﻴﺮﺓ ﺍﻟﺮﺍﺟﻞ .. ﻭﻫﺴﻲ
ﻳﺎﺩﻭﺏ ﺍﻧﺎ ﺣﺴﻴﺖ ﺑﺎﻟﺤﺮﻳﺔ .. ﻭﺍﺗﻨﻔﺴﺖ ﺍﻟﺼﻌﺪﺍﺀ .. ﺍﺟﻲ ﺗﺎﻧﻲ ﺍﺗﺠﻜﻦ ؟؟
ﺍﻟﺤﺎﺟﺔ ﺍﻟﺘﺎﻧﻴﺔ .. ﺍﻧﺎ ﻣﺎﻋﺎﻳﺰﺓ ﺍﻭﻻﺩﻱ ﻳﺠﻴﻬﻢ ﺭﺍﺟﻞ ﻏﻴﺮ ﺍﺑﻮﻫﻢ .. ﻭﻳﻌﻴﺸﻮ ﻓﻲ
ﺣﺎﻟﺔ ﻧﻔﺴﻴﺔ ﻭﻋﺪﻡ ﺍﺳﺘﻘﺮﺍﺭ .. ﺍﺣﺴﻦ ﻳﻘﻮﻣﻮ ﻳﻠﻘﻮ ﺍﺑﻮﻫﻢ ﻣﺎﺕ .. ﻭﺍﻧﺎ ﻭﺍﻗﻔﺔ
ﻋﻠﻴﻬﻢ ﺑﻲ ﻧﻔﺴﻲ .. ﺑﺲ ﻣﺎﻳﻠﻘﻮ ﺍﺑﻮﻫﻢ ﻣﻴﺖ ﻭﺍﻣﻬﻢ ﺟﺎﺑﺖ ﺭﺍﺟﻞ ﻓﻲ ﻣﻜﺎﻧﻪ ..
ﺍﺗﺨﻴﻠﻲ .. ﻣﺼﻴﺮﻫﻢ ﻭ ﻧﻔﺴﻴﺎﺗﻬﻢ ﺑﺘﻜﻮﻥ ﻛﻴﻒ ؟
ﺍﻟﺤﺎﺟﺔ ﺍﻟﺘﺎﻟﺘﺔ ﺑﺎﻟﻨﺴﺒﺔ ﻟﻲ ﺧﺪﺭ .. ﺍﻧﺎ ﺧﺪﺭ ﻋﺮﻓﺘﻮ ﻋﻦ ﻃﺮﻳﻖ ﻫﻨﺪ .. ﻭﻫﻨﺪ ﺍﻱ
ﺻﺢ ﺑﺎﻋﺘﻮ .. ﻭﺍﺧﺘﻠﻔﺖ ﻣﻌﺎﻫﻮ .. ﺑﺲ ﺍﻧﺎ ﻣﺎﺑﻘﺪﺭ ﺍﺗﺨﻴﻞ ﻧﻔﺴﻲ ﺍﻧﻲ ﻋﺎﻳﺸﺔ ﻣﻊ
ﺣﺒﻴﺐ ﺍﻻﻧﺴﺎﻧﺔ ﺍﻟﻜﺎﻧﺖ ﺯﻱ ﺍﺧﺘﻲ .. ﺣﺘﻰ ﻟﻮ ﻫﻲ ﺍﺗﻐﻴﺮﺕ ﻭﻛﺸﻔﺖ ﻋﻨﻬﺎ ﺍﺳﻮﺃ
ﻣﺎ ﺗﺘﺨﻴﻠﻲ .. ﻻﻧﻬﺎ ﻟﺴﻊ ﻋﺎﻳﺰﺍﻫﻮ ﻳﺎ ﻧﺴﺮﻳﻦ ﻭﺑﺤﻜﻲ ﻟﻴﻚ ..
ﺭﺍﺑﻌﺎ" ﺧﺪﺭ ﻟﻮ ﺍﺗﻘﺪﻡ ﻟﻲ ..ﻣﺎ ﺡ ﻳﺘﻘﺪﻡ ﻟﻲ ﺭﻏﺒﺔ ﻓﻴﻨﻲ ﺍﻧﺎ .. ﺡ ﻳﺘﻘﺪﻡ ﻟﻲ ﺷﻔﻘﺔ
ﻋﻠﻰ ﻭﻋﻠﻰ ﻋﻴﺎﻟﻲ . ﻭﻳﻠﻤﻨﺎ ﻣﻦ ﺍﻟﻬﻤﻠﺔ .. ﻭﻳﻀﺤﻲ ﺑﻲ ﻧﻔﺴﻮ ﻭﺳﻌﺎﺩﺗﻮ ..
ﻋﺸﺎﻥ ﻳﻌﻄﻒ ﻋﻠﻲ ﻭﻋﻠﻰ ﺍﻭﻻﺩﻱ .. ﻟﻴﻪ ﻳﻌﻨﻲ ﺯﻭﻝ ﺷﺎﺏ ﻭﻣﺎ ﻣﺘﺰﻭﺝ .. ﻳﺘﺒﺎﻻ
ﺑﻲ ﻭﺍﺣﺪﺓ ﺭﺟﻠﻬﺎ ﻣﺘﻮﻓﻰ ﻭﻋﻨﺪﻫﺎ ﻃﻔﻠﻴﻦ؟؟ ..
ﻋﺸﺎﻥ ﺷﻨﻮ؟؟ .. ﻋﺸﺎﻥ ﻳﺤﺴﻦ ﻓﻴﻨﻲ ؟؟
ﺍﻧﺎ ﻭﺍﻟﻠﻪ ﺍﻫﻮﻥ ﻟﻲ ﺍﻟﻤﻮﺕ ﻣﻦ ﺍﺣﺲ .. ﺍﻧﻮ ﺍﻧﺎ ﻣﻊ ﺭﺍﺟﻞ ﻣﺎ ﺑﺤﺒﻨﻲ ﻟﻲ ﺫﺍﺗﻲ ..
ﺍﻧﺎ ﺑﺘﻤﻨﻰ ﺭﺍﺟﻞ ﻳﺘﻘﺪﻡ ﻟﻲ ﺭﻏﺒﺔ ﻓﻴﻨﻲ ﺍﻧﺎ .. ﺑﺪﻭﻥ ﺩﻭﺍﻓﻊ ﺗﺎﻧﻴﺔ ..
ﺩﻩ ﻛﻠﺔ ﺧﻠﻴﻬﻮ ﺟﻨﺒﺔ .. ﺗﻌﺎﻟﻲ ﺍﺣﻜﻲ ﻟﻴﻚ ﺍﻟﺤﺼﻞ ﺑﻴﻨﻲ ﻭﺑﻴﻦ ﻫﻨﺪ ..
ﻫﻨﺪ ﻃﺒﻌﺎ ﻳﺎﻧﺴﺮﻳﻦ ﻣﺘﺨﻴﻠﺔ ﺍﻧﻮ ﺍﻧﺎ ﻋﻨﺪﻱ ﻋﻼﻗﺔ ﺑﻲ ﺧﺪﺭ ..
ﻭﺍﻧﻮ ﺍﻧﺎ ﺑﻌﺪ ﺭﺍﺟﻠﻲ ﻣﺎﺕ .. ﺗﺎﻧﻲ ﻣﺎﻓﻲ ﺣﺎﺟﺔ ﺑﺘﻘﻴﻒ ﻓﻲ ﻃﺮﻳﻘﻲ .. ﻭﻃﻮﺍﻟﻲ ﺡ
ﺍﺗﺰﻭﺝ ﺧﺪﺭ .. ﻭﺍﻻﺗﻬﺎﻡ ﺩﻩ ﻇﺎﻫﺮ ﻓﻲ ﻛﻼﻣﻬﺎ ..
ﻭﻣﺎ ﺩﺍﻳﺮ ﻟﻴﻬﻮ ﺩﺭﺱ ﻋﺼﺮ .. ﺗﺘﺨﻴﻠﻲ ﺟﺎﺗﻨﻲ ﻫﻨﺎ ﻭﺑﺘﺴﺄﻝ ﻣﻦ ﻣﺼﺪﺭ ﺍﻟﻘﺮﻭﺵ
ﺍﻻﻧﺎ ﻋﺎﻳﺸﺔ ﺑﻴﻬﺎ ﺍﻭﻻﺩﻱ .. ﻭﻛﺖ ﺍﺑﻴﺖ ﺍﻗﻮﻝ ﻟﻴﻬﺎ .. ﻗﺎﻟﺖ ﻟﻲ ﺍﻧﺎ ﻋﺎﺭﻓﺔ ﺍﻧﻮ ﺩﻩ
ﺧﺪﺭ .. ﻭﺍﻧﺎ ﻃﺒﻌﺎ" ﺍﺗﻀﺎﻳﻘﺖ ﻣﻨﻬﺎ ﺷﺪﻳﺪ ﻭﻣﻦ ﺧﺒﺜﻬﺎ ﺍﻟﻤﺎﻋﺎﻳﺰﺓ ﺗﺨﻠﻴﻬﻮ
.. ﻭﻃﺮﺩﻫﺎ ﻣﻦ ﺑﻴﺘﻲ ﻃﺮﺩﻩ ﻟﺬﻳﺬﺓ ..
ﺑﻌﺪ ﻳﻮﻣﻴﻦ ﻣﻦ ﺍﻟﻄﺮﺩﺓ .. ﺟﺎﺗﻨﻲ ﺍﻣﻬﺎ ﻫﻨﺎ ﻓﻲ ﺍﻟﺒﻴﺖ .. ﻭﻗﺎﻟﺖ ﻟﻲ ﻫﻨﺪ ﻋﻴﺎﻧﺔ
ﺷﺪﻳﺪ .. ﻭﻗﺎﻟﺖ ﻳﻨﺎﺩﻭ ﻟﻴﻬﺎ ﺧﺎﻟﺪﺓ ..
ﻗﻠﺖ ﻟﻴﻬﺎ ﺍﻧﺎ ﻣﺎﺑﻘﺪﺭ ﺍﻃﻠﻊ ﻳﺎﺧﺎﻟﺔ . ﻗﺎﻟﺖ ﻟﻲ ﻣﻤﻜﻦ ﻧﺪﺭﺟﻬﺎ ﻧﺠﻴﺒﻬﺎ ﻟﻴﻚ؟؟
ﻗﻠﺖ ﻟﻴﻬﺎ ﺟﻴﺒﻴﻬﺎ ﻳﺎﺧﺎﻟﺘﻲ ﻣﺎﻓﻲ ﻣﺸﻜﻠﺔ ..
ﻣﺸﺖ ﺟﺎﺑﺘﻬﺎ ﻟﻲ ﻣﺪﺭﺟﺎﻫﺎ .. ﻭﻣﺎﺷﺔ ﺑﺎﻟﺠﻼﻟﺔ ﺗﺠﺮﺟﺮ ﻓﻲ ﺭﺟﻠﻴﻨﻬﺎ ..
ﻣﺎﻋﺎﺭﻓﺎﻫﺎ ﻟﻮ ﺑﺘﺴﺘﻬﺒﻞ ﻭﻻ ﺟﺎﺩﺓ .. ﺍﺻﻼ ﺑﻘﻴﺖ ﻣﺎﺑﺜﻖ ﻓﻴﻬﺎ ..
ﺍﻫﺎ ﺍﻣﻬﺎ ﻗﻌﺪﺗﻬﺎ ﻣﻌﺎﻱ ﻭﻃﻠﻌﺖ ..
ﻗﺎﻣﺖ ﻫﻨﺪ ﻗﺎﻟﺖ ﻟﻲ .. ﻳﺎﺧﺎﻟﺪﺓ ﺍﻧﺎ ﻭﺍﻗﻌﺔ ﻓﻲ ﻋﺮﺿﻚ ... ﺍﻧﺎ ﻋﺎﻳﺰﺓ ﺍﺭﺟﻊ ﻟﻲ
ﺧﺪﺭ .. ﺍﻧﺎ ﺑﻤﻮﺕ ﻟﻮ ﻣﺎﺭﺟﻌﺖ ﻟﻲ ﺧﺪﺭ .. ﻳﺎ ﺧﺎﻟﺪﺓ ﺍﻧﺖ ﻋﻼﻗﺘﻚ ﻛﻮﻳﺴﺔ ﺑﻲ ﺧﺪﺭ
.. ﻋﻠﻴﻚ ﺍﻟﻠﻪ ﺗﺘﻮﺳﻄﻲ ﻟﻲ .. ﺑﺲ ﻳﺪﻳﻨﻲ ﻓﺮﺻﺔ ﺍﺗﻜﻠﻢ ﻣﻌﺎﻫﻮ .. ﻳﺎ ﺧﺎﻟﺪﺓ ﻋﻠﻴﻚ
ﺍﻟﻠﻪ ﻋﻠﻴﻚ ﺍﻟﻠﻪ .. ﻭﻗﻌﺪﺕ ﺗﺒﻜﻲ ..
ﺍﺗﺨﻴﻠﻲ !!!
ﺍﻧﺎ ﻗﻤﺖ ﺳﻜﺘﻬﺎ .. ﻭﻃﺒﻄﺒﺖ ﻋﻠﻰ ﻛﺘﻔﻬﺎ .. ﻭﻣﺴﺤﺖ ﻟﻴﻬﺎ ﺩﻣﻮﻋﻬﺎ .. ﻭﺣﻨﻴﺖ ﻋﻠﻴﻬﺎ
ﻓﻌﻼ .. ﺑﻌﺪ ﻛﻞ ﺣﺎﺟﺎﺗﻬﺎ ﺍﻻﻧﺖ ﻋﺎﺭﻓﺎﻫﺎ .. ﻭﺍﻟﻤﺎﻋﺎﺭﻓﺎﻫﺎ .. ﻭﻗﻠﺖ ﻟﻴﻬﺎ ﺍﻥ ﺷﺎﺀ
ﺍﻟﻠﻪ ﻳﺎﻫﻨﺪﻭﻳﺔ .. ﺍﻥ ﺷﺎﺀ ﺍﻟﻠﻪ ﺍﻧﺎ ﺍﻭﻝ ﻛﻼﻡ ﻟﻲ ﻣﻊ ﺧﺪﺭ ﻟﻤﻦ ﺍﻗﺎﺑﻠﻮ .. ﺡ ﺃﻛﻠﻤﻮ
ﻟﻴﻚ ﻭﺍﺣﺎﻭﻝ ﺍﻗﻨﻌﻮ ..
ﺍﻫﺎ ﻳﺎ ﻧﺴﺮﻳﻦ ﻋﻠﻴﻚ ﺍﻟﻠﻪ ﺑﻌﺪ ﻛﺪﺍ .. ﺑﻘﺪﺭ ﺍﻓﻜﺮ ﻣﺠﺮﺩ ﺗﻔﻜﻴﺮ ﻓﻲ ﺧﺪﺭ؟؟ ..
ﺍﻣﺎ ﻟﻮ ﺳﺄﻟﺘﻴﻨﻲ ﺍﻧﺎ ﻋﻦ ﺭﺍﻱ ﺍﻟﺨﺎﺹ ﻓﻲ ﺧﺪﺭ .. ﻭﺍﻟﻠﻪ ﺧﺪﺭ ﺍﻱ ﻭﺍﺣﺪﻩ ﺗﺘﻤﻨﺎﻫﻮ
ﻣﻦ ﻛﻞ ﺍﻟﻨﻮﺍﺣﻲ .. ﻭﺍﻧﺎ ﻭﺍﻟﻠﻪ ﻣﻌﺠﺒﺔ ﺑﻲ ﺷﺨﺼﻴﺘﻮ ﻣﻦ ﻗﺒﻞ ﺍﺗﺰﻭﺝ ﺭﺍﺟﻠﻲ ..
ﻭﻓﻲ ﻛﻞ ﺻﻼﺓ ﺑﺴﺄﻝ ﺍﻟﻠﻪ ﺭﺑﻨﺎ ﻳﺪﻳﻬﻮ ﺑﺖ ﺍﻟﺤﻼﻝ .. ﻭﻳﻮﻓﻘﻮ .. ﻭﻳﺒﻌﺪ ﻋﻨﻮ ﺍﻭﻻﺩ
ﺍﻟﺤﺮﺍﻡ ﻭﺑﻨﺎﺕ ﺍﻟﺤﺮﺍﻡ ..
ﻟﻜﻦ ﺣﺘﻰ ﻟﻮ ﺍﻧﺎ ﺑﺘﻤﻨﺎﻫﻮ .. ﺩﻩ ﻣﺎﺑﺪﻳﻨﻲ ﺍﻟﺤﻖ ﺍﻧﻲ ﺍﻓﻜﺮ ﻣﺠﺮﺩ ﺗﻔﻜﻴﺮ ﻓﻲ
ﺍﻻﺭﺗﺒﺎﻁ ﺑﻴﻬﻮ ..
ﺍﻟﻈﺮﻭﻑ ﻛﻠﻬﺎ ﻭﺍﻗﻔﺔ ﺿﺪﻱ ﻳﺎ ﻧﺴﺮﻳﻦ .. ﺑﻌﺪﻳﻦ ﺩﻩ ﻛﻠﻮ ﺧﻠﻴﻬﻮ ..
ﺧﺪﺭ ﺩﻩ ﻣﺎﺣﺼﻞ ﻳﻮﻡ ﻧﻈﺮ ﻟﻲ ﻧﻈﺮﺓ ﻭﺍﺣﺪﺓ ﻏﻴﺮ ﺍﻧﻲ ﺍﺧﺘﻮ .. ﻭﺩﻩ ﺍﻛﺒﺮ ﺷﺮﻑ
ﻟﻲ .. ﺑﺲ ﻓﺠﺄﺓ ﻛﺪﺍ ﻳﺠﻲ ﻳﻘﻮﻝ ﻋﺎﻳﺰﻧﻲ ؟ .. ﺍﻧﺘﻲ ﺑﺘﺒﺎﻟﻐﻲ؟
ﻧﺴﺮﻳﻦ ﻃﺒﻌﺎ ﺧﺎﺗﺔ ﻳﺪﻫﺎ ﻓﻮﻕ ﺧﺸﻤﻬﺎ .. ﻭﻣﺘﻤﺤﻨﺔ .. ﻭﻟﻘﺖ ﻛﻼﻡ ﺧﺎﻟﺪﺓ ﻛﻠﻮ
ﻣﻨﻄﻘﻲ ﻭﻣﻘﻨﻊ ..
ﻟﻜﻦ ﻃﺒﻌﺎ ﻧﺴﺮﻳﻦ ﻻﻳﻮﻗﺔ ﻭﺭﺍﺳﻬﺎ ﻗﻮﻱ ..
ﻗﺎﻟﺖ ﻟﻴﻬﺎ ﻳﺎﺧﺎﻟﺪﺓ .. ﻓﻲ ﻧﻘﺎﻁ ﻣﻌﻴﻨﺔ ﺍﻧﺘﻲ ﻗﻠﺘﻴﻬﺎ .. ﺍﻧﺎ ﻣﺎﻣﻮﺍﻓﻘﺔ ﻋﻠﻴﻬﺎ ..
ﺍﻭﻝ ﺣﺎﺟﺔ ﻣﺎﻛﻞ ﺍﻟﺮﺟﺎﻝ ﺑﺴﺘﻌﺒﺪﻭ ﺍﻟﺤﺮﻳﻢ ﻭﻳﻈﻠﻤﻮﻫﻦ .. ﺍﻧﺎ ﻳﻬﻮ ﺩﻩ ﺭﺍﺟﻠﻲ ..
ﻭﺍﻟﻠﻪ ﻣﺎﺣﺼﻞ ﻳﻮﻡ ﺣﺴﻴﺘﻮ ﻏﻴﺮ ﺍﻧﻮ ﺣﺒﻴﺐ ﻗﻠﺒﻲ .. ﻭﻣﺎﺣﺼﻞ ﻳﻮﻡ ﻏﻠﻂ ﻋﻠﻲ ﺑﻲ
ﻛﻠﻤﺔ .. ﺑﺎﻟﻌﻜﺲ ﺍﻧﺎ ﺍﻟﺒﻐﻠﻂ ﻋﻠﻴﻬﻮ .. ﻭﻫﻮ ﺑﺴﺎﻣﺤﻨﻲ ..
ﻓﺎﻧﺘﻲ ﻣﺎ ﺗﺤﻜﻤﻲ ﻋﻠﻰ ﺍﻟﺮﺟﺎﻝ ﻛﻠﻬﻢ ﺑﻲ ﺭﺍﺟﻠﻚ ﺍﻟﻤﺮﺣﻮﻡ ..
ﺑﻌﺪﻳﻦ ﻳﺎﺧﺎﻟﺪﺓ ﺍﻧﺘﻲ ﺑﺘﻌﺮﻓﻲ ﺧﺪﺭ ﺻﺎﺡ .. ﻟﻜﻦ ﺍﻧﺎ ﺑﻌﺮﻓﻮ ﺍﻛﺘﺮ ﻣﻨﻚ .. ﻭﺍﻟﻠﻪ ﺍﻧﺎ
ﻛﻨﺖ ﺑﺘﻤﻨﻰ ﺧﺪﺭ .. ﻭﻋﻤﻠﺖ ﺍﻟﺴﺒﻌﺔ ﻭﺫﻣﺘﻬﺎ .. ﻋﺸﺎﻥ ﺍﺗﺤﺼﻞ ﻋﻠﻴﻬﻮ .. ﻟﻜﻦ
ﻟﻘﻴﺘﻮ ﻣﺎﺑﺤﺒﻨﻲ .. ﻭﺧﻠﻴﺘﻮ ﻭﻓﻀﻠﺖ ﻳﻜﻮﻥ ﺍﺧﻮﻱ .. ﻭﺍﻟﺤﻤﺪ ﻟﻠﻪ ﺭﺑﻨﺎ ﻧﺰﻉ ﺣﺒﻮ ﻣﻦ
ﺟﻮﺍﻱ .. ﻭﺑﻘﻲ ﺑﺎﻟﻨﺴﺒﺔ ﺍﺧﻮ .. ﺯﻱ ﻣﺎﻫﻮ ﻗﺎﻝ ..
ﺑﺎﻟﻨﺴﺒﺔ ﻟﻲ ﻛﻼﻣﻚ .. ﺑﺘﺎﻉ ﺍﻧﻚ ﺡ ﺗﺘﻜﻠﻤﻲ ﻣﻊ ﺧﺪﺭ .. ﻳﺮﺟﻊ ﻟﻲ ﻫﻨﺪ ﺍﻟﻤﻔﻌﻮﺿﺔ
.. ﺍﻧﺘﻲ ﻋﺎﻳﺰﺓ ﺗﻨﺘﻘﻤﻲ ﻣﻦ ﺧﺪﺭ ﻭﻻ ﺭﺍﻳﻚ ﺷﻨﻮ؟ ..
ﺍﻧﺘﻲ ﻣﺎﻋﺎﺭﻓﺔ ﻫﻨﺪ ﺷﻨﻮ؟ .. ﺍﻧﺘﻲ ﺩﺍﻳﺮﺓ ﺗﻌﺬﺑﻲ ﺍﻟﺰﻭﻝ ﺍﻟﻮﻗﻒ ﻣﻌﺎﻙ ﻱ
ﺧﺎﻟﺪﺓ؟؟ .. ﻫﺴﻲ ﺍﻧﺘﻲ ﻟﻮ ﺧﺪﺭ ﻗﺎﻝ ﻋﺎﻳﺰ ﻫﻨﺪ ﺍﻧﺘﻲ ﺑﺘﻮﺍﻓﻘﻴﻬﻮ؟؟؟
ﺣﺮﺍﻡ ﻋﻠﻴﻚ ﻳﺎ ﺧﺎﻟﺪﺓ .. ﻛﻴﻒ ﺗﻘﺒﻠﻲ ﺍﻟﺜﻌﻠﺒﺔ ﺩﻱ ﺗﻜﻮﻥ ﻣﺮﺍﺓ ﺧﺪﺭ ﺍﺧﻮﻱ؟؟ ..
ﻭﺍﻟﻠﻪ ﺩﻱ ﺍﻛﺘﺮ ﻧﻘﻄﺔ ﺻﺪﻣﺘﻨﻲ ﻣﻨﻚ ﻓﻲ ﻛﻼﻣﻚ ﺩﻩ ﻛﻠﻮ ..
ﻭﺍﻗﻮﻝ ﻟﻴﻚ ﺣﺎﺟﺔ .. ﻫﻲ ﺟﺎﺗﻚ ﻭﻗﺎﻟﺖ ﻟﻴﻚ ﺍﻟﻜﻼﻡ ﺩﻩ .. ﻋﺸﺎﻥ ﺗﻘﺘﻞ ﻟﻴﻚ ﺍﻟﺪﺵ
ﻓﻲ ﻳﺪﻙ .. ﻭﻟﻮ ﻋﻨﺪﻙ ﺍﻱ ﻧﻴﺔ ﺍﺭﺗﺒﺎﻁ ﺑﻲ ﺧﺪﺭ .. ﺗﻜﻮﻥ ﺍﻟﻨﻴﺔ ﺫﺍﺗﻬﺎ ﺣﺮﻗﺖ ﺑﻲ
ﻗﺸﺔ ﻛﺒﺮﻳﺘﻪ .. ﻫﻨﺪ ﺧﺒﻴﺜﺔ ﻳﺎ ﺧﺎﻟﺪﺓ .. ﻭﺍﻧﺘﻲ ﻋﺎﺭﻓﺎﻫﺎ .. ﺍﻧﺘﻲ ﻫﺴﻲ ﻣﺎﻋﺎﺭﻓﺔ
ﺍﻧﻬﺎ ﻗﺎﻟﺖ ﻟﻴﻚ ﻋﺸﺎﻥ ﻛﺪﺍ؟؟
ﺧﺎﻟﺪﺓ ﻗﺎﻟﺖ ﻟﻴﻬﺎ .. ﻋﺎﺍﺍﺍﺍﺍﺍﺍﺭﻓﺔ ﻗﺼﺪﻫﺎ ﻳﺎﻧﺴﺮﻳﻦ ..ﻭﻋﺎﺍﺍﺍﺍﺍﺍﺭﻓﺔ ﻧﻴﺘﻬﺎ .. ﺑﺲ
ﺍﻋﻤﻞ ﺷﻨﻮ؟؟ ﺍﺳﺘﻨﺠﺪﺕ ﺑﻲ .. ﻭﺟﺎﺗﻨﻲ ﻓﻲ ﺑﻴﺘﻲ .. ﻭﻗﻌﺪﺕ ﺗﺒﻜﻲ ﻟﻲ .. ﻭﺍﻧﺎ
ﺍﻟﻌﻠﻲ ﺑﻌﻤﻠﻮ .. ﺑﻘﻮﻝ ﻟﻴﻬﻮ ﺍﻟﺰﻭﻟﺔ ﺩﻱ ﻗﺎﻟﺖ ﻣﺘﺄﺳﻔﺔ ﻭﺑﺘﻌﺘﺬﺭ .. ﻭﻧﻔﺴﻬﺎ ﺗﺮﺟﻊ
ﻟﻴﻚ ﻭﺍﺷﻮﻓﻮ ﺑﻘﻮﻝ ﺷﻨﻮ ؟؟
ﻟﻜﻦ ﺗﺘﺨﻴﻠﻲ ﺍﻧﺎ ﺗﺎﻧﻲ ﺑﻘﺪﺭ ﺍﻭﺍﻓﻖ ﺑﻴﻬﻮ ﺑﻌﺪ ﻛﺪﺍ؟؟ .. ﻣﺴﺘﺤﻴﻞ ..
ﻧﺴﺮﻳﻦ ﻗﺎﻟﺖ ﻟﻴﻬﺎ ﺑﺮﺿﻮ ﻓﻲ ﻛﻼﻡ ﻟﻔﺖ ﻧﻈﺮﻱ ﻓﻲ ﻛﻼﻣﻚ .. ﺍﻧﺘﻲ ﻗﺒﻞ ﺷﻮﻳﺔ
ﻗﻠﺘﻲ ﻟﻲ ﻟﻮ ﺧﺪﺭ ﺍﺗﻜﻔﻞ ﺑﻲ ﺍﻭﻻﺩﻱ ﻋﺸﺎﻥ ﻫﺪﻑ .. ﺍﻟﻴﺒﻌﺪ ﻣﻨﻬﻢ .. ﺗﺎﻧﻲ ﺗﺠﻲ
ﺗﻘﻮﻟﻲ ﻟﻲ ﻟﻮ ﺟﺎﻳﻴﻨﻲ ﺷﻔﻘﺔ ؟؟ ﻭﻣﺎ ﺟﺎﻱ ﻋﺸﺎﻥ ﺷﺨﺼﻴﺘﻲ !! .. ﺩﻱ ﺷﻨﻮ
ﺍﻟﻠﺤﺒﻄﺔ ﺩﻱ ...
ﺍﻧﺘﻲ ﻳﺎ ﺧﺎﻟﺪﺓ ﻣﺮﺗﺒﻜﺔ .. ﻭﻣﺎﻋﺎﺭﻓﺔ ﺗﺴﺘﻘﺮﻱ ﻋﻠﻰ ﺭﺍﻱ .. ﻭﻛﻼﻣﻚ ﻣﺘﻨﺎﻗﺾ ..
ﺍﻗﻌﺪﻱ ﻣﻊ ﺭﻭﺣﻚ .. ﻭﻗﺮﺭﻱ ﺑﻲ ﻓﻬﻢ .. ﻭﺑﻲ ﺭﻭﺍﻗﺔ ..
ﻗﺎﻟﺖ ﻟﻴﻬﺎ ﺍﻧﺘﻲ ﻗﺎﻳﻠﺔ ﺍﻧﺎ ﻣﺎﻓﻜﺮﺕ ﻳﺎﻧﺴﺮﻳﻦ ؟؟ .. ﻓﻜﺮﺕ ﻟﻮ ﺧﺪﺭ ﺟﺎ ﺍﺗﻘﺪﻡ ﻟﻲ ..
ﻣﻮﻗﻔﻲ ﻳﻜﻮﻥ ﺷﻨﻮ؟ .. ﻟﻘﻴﺖ ﻛﻞ ﺍﻟﻤﻌﻄﻴﺎﺕ ﺑﺘﻘﻮﻝ ﻻ ﻻ ﻻ ..
ﻃﺒﻌﺎ ﻧﺴﺮﻳﻦ ﺍﺣﺘﺎﺭﺕ ﺣﻴﺮﺓ ﺷﺪﻳﺪﺓ .. ﻭﺑﻘﺖ ﻣﺎﻋﺎﺭﻓﺔ ﺗﻌﻤﻞ ﺷﻨﻮ؟ ﻭﺧﺎﻳﻔﺔ
ﺗﻤﺸﻲ ﺗﺤﻜﻲ ﻟﻲ ﺧﺪﺭ .. ﻭﺧﺪﺭ ﻳﺸﺎﻛﻬﺎ ﻳﻘﻮﻝ ﻟﻴﻬﺎ ﺍﻧﺘﻲ ﻟﻴﻪ ﺍﺳﺘﻌﺠﻠﺘﻲ
ﻭﺳﺄﻟﺘﻴﻬﺎ ..
ﺍﻟﻤﻬﻢ ﻗﻨﻌﺖ ﻛﻠﻮ ﻛﻠﻮ ﻣﻦ ﻗﺼﺔ ﺍﻧﻮ ﺧﺎﻟﺪﺓ ﺗﻜﻮﻥ ﻟﻲ ﺧﺪﺭ .. ﻭﺍﻟﻤﻮﺿﻮﻉ ﺩﻩ
ﻣﺮﻕ ﻣﻦ ﺭﺍﺳﻬﺎ .. ﻭﺩﻋﺘﻬﺎ ﻭﻗﺎﻟﺖ ﻟﻴﻬﺎ ﻓﺘﻚ ﺑﻲ ﻋﺎﻓﻴﺔ ﻟﻜﻦ ﻳﺎ ﺧﺎﻟﺪﺓ .. ﻟﻜﻦ ﺍﻧﺎ
ﻣﺎﻋﺎﻓﻴﺔ ﻟﻴﻚ ﻟﻮ ﺧﻠﻴﺘﻲ ﺧﺪﺭ ﻳﻘﻊ ﻓﻲ ﻫﻨﺪ ﺗﺎﻧﻲ .. ﻗﺎﻟﺖ ﻟﻴﻬﺎ ﻭﺍﻟﻠﻪ ﺍﻟﻘﺴﻤﺔ
ﻣﺎﻣﻌﺮﻭﻓﺔ ﻳﺎ ﻧﺴﺮﻳﻦ ..
ﺍﻟﻘﺴﻤﺔ ﻻﻓﻲ ﻳﺪﻱ ﻭﻻﻓﻲ ﻳﺪﻙ .. ﺑﺲ ﻋﻠﻴﻚ ﺍﻟﻠﻪ ﻣﺎﺗﻨﺲ ﺗﺠﻴﻨﻲ ﻳﻮﻡ ﺍﻟﺘﻼﺗﺎ ﺍﻧﺎ
ﺑﻄﻠﻊ .. ﻗﺎﻟﺖ ﻟﻴﻬﺎ ﺍﻟﺪﺍﻳﺮ ﻳﺠﻴﻚ ﻏﻴﺮﻱ ﻣﻨﻮ؟
ﺧﺎﻟﺪﺓ ﻗﺎﻟﺖ ﻟﻴﻬﺎ ﺗﻌﺎﻟﻲ ﺗﻌﺎﻟﻲ .. ﻳﺎﻧﺴﺮﻳﻦ ﺍﻟﻨﺤﻜﻲ ﻟﻴﻚ ﺣﻈﻲ ﺍﻟﻤﻨﻴﻞ .. ﺟﺎﺗﻬﺎ
ﺭﺍﺟﻌﺔ ﻗﺎﻟﺖ ﻟﻴﻬﺎ ﻓﻲ ﺷﻨﻮ ﻳﺎﺧﺎﻟﺪﺓ .. ؟؟
ﻗﺎﻟﺖ ﻟﻴﻬﺎ ﻧﺴﻴﺖ ﺍﻗﻮﻝ ﻟﻴﻚ .. ﻗﺒﻞ ﻛﻢ ﻳﻮﻡ ﺍﺗﺼﻠﻮ ﻋﻠﻲ ﻧﺎﺱ ﺍﻟﺸﺮﻃﺔ .. ﻭﻗﺎﻟﻮ
ﻛﺎﻧﻮ ﺷﻐﺎﻟﻴﻦ ﺗﺤﻘﻴﻘﺎﺕ ﻭﺗﺤﺮﻳﺎﺕ .. ﻓﻲ ﺿﺮﺑﺔ ﻋﺒﺪﻭ ﺍﻟﻜﺎﻧﺖ ﺳﺒﺐ ﻓﻲ ﻣﻮﺗﻪ ..
ﻭﻓﻲ ﺍﻟﻨﻬﺎﻳﺔ .. ﺍﺗﻮﺻﻠﻮ ﻟﻲ ﺍﻧﻮ ﺍﻟﻘﺘﻠﻮ ﻭﺍﺣﺪ ﺍﺳﻤﻮ ﻳﺎﺳﺮ ﺍﻟﺪﻛﻤﺔ .. ﻳﺎﻫﻮ ﺫﺍﺗﻮ
ﺍﻟﻜﺎﻥ ﺑﻬﻀﺮﺏ ﺑﻴﻬﻮ .. ﺍﻫﺎ ﻗﺎﻟﻮ ﻗﺒﻀﻮﻫﻮ ﻭﺑﺤﻘﻘﻮ ﻣﻌﺎﻫﻮ .. ﻭﺧﺎﺗﻨﻮﻓﻲ ﺣﺮﺍﺳﺔ
ﻣﻨﻔﺮﺩ .. ﺑﺎﻟﻠﻴﻞ ﺑﻘﻰ ﻳﻀﺮﺏ ﺭﺍﺳﻮ ﺑﺎﻟﺤﻴﻄﺔ ﻻﻣﻦ ﻣﺎﺕ ..
ﻭﻗﺎﻟﻮ ﺩﻱ ﻣﻦ ﺍﺛﺎﺭ ﺍﻻﺩﻣﺎﻥ .. ﺍﻟﺰﻭﻝ ﺍﻟﻤﺪﻣﻦ ﻟﻤﻦ ﻳﻔﻘﺪ ﺍﻟﻤﺨﺪﺭﺍﺕ ﻓﺠﺄﺓ ﻛﺪﺍ ..
ﺑﺘﻌﺐ ﺷﺪﻳﺪ .. ﻭﻣﻤﻜﻦ ﻳﻨﺘﺤﺮ ﻋﺸﺎﻥ ﻳﺮﺗﺎﺡ ﻣﻦ ﺍﻟﻌﺬﺍﺏ ..
ﻗﺎﻟﺖ ﻟﻴﻬﺎ ﻃﻴﺐ ﻣﺎﻳﻤﻮﺕ ﻛﺎﻥ ﻣﻴﺖ ﻣﺎﻟﻮ .. ﻗﺎﻟﺖ ﻟﻴﻬﺎ ﺍﻧﺎ ﻛﻨﺖ ﻃﻤﻌﺎﻧﺔ ﻓﻲ ﺍﻧﻲ
ﺍﻋﻔﻮ ﻋﻨﻮ ﻭﺍﻃﺎﻟﺐ ﺑﻲ ﺩﻳﺔ .. ﺗﻜﻮﻥ ﻟﻲ ﺍﻭﻻﺩﻱ .. ﻟﻜﻦ ﺍﻟﻠﻪ ﻏﺎﻟﺐ ..
ﻧﺴﺮﻳﻦ ﻗﺎﻟﺖ ﻟﻴﻬﺎ ﺍﻟﺤﻤﺪ ﻟﻠﻪ ﺍﻟﻤﺎﺕ .. ﻗﺎﻟﻮ ﻣﺎﻝ ﺍﻟﺪﻳﺔ ﻛﻌﺐ .. ﺑﻤﺮﺽ ﻟﻴﻚ
ﺍﻭﻻﺩﻙ ﺳﺎﻱ .. ﺍﻫﺎ ﺍﻧﺎ ﺑﻤﺸﻲ ﻳﺎﺧﺎﻟﺪﺓ .. ﻣﻊ ﺍﻟﺴﻼﻣﺔ ﻭﻭﺩﻋﺘﻬﺎ ..
ﻭﻣﺸﺖ ﺑﺲ ﻓﻀﻠﺖ ﺳﺎﻛﺘﺔ .. ﻣﺎﺣﻜﺖ ﺑﺎﻟﺤﺎﺻﻞ ﻻ ﻟﻲ ﺭﺍﺟﻼ ﻭﻻ ﻟﻲ ﺧﺪﺭ ..
ﻋﻤﻠﺖ ﺭﺍﻳﺤﺔ ﺯﻱ ﺍﻟﻜﺄﻧﻪ ﻣﺎﻓﻲ ﺷﻲ ..
.. ﻃﻴﺐ .. ﻭﻧﺤﻦ ﺫﺍﺗﻮ ﻣﺸﻴﻨﺎ ﻣﻦ ﺑﻴﺖ ﻧﺎﺱ ﺧﺎﻟﺪﺓ ..
ﺑﻬﻨﺎﻙ ﺑﺪﺃﺕ ﺍﻟﺘﺠﻬﻴﺰﺍﺕ ﻟﺰﻭﺍﺝ ﻟﺒﻨﻰ ﺑﺖ ﺣﺴﻴﺐ ﺍﻟﻠﻪ .... ﻟﺒﻨﻰ ﺑﺖ ﻏﺎﻟﻴﺔ ﺍﻧﺴﺎﻧﺔ
ﻋﻠﻰ ﻗﺪﺭ ﻣﻦ ﺍﻟﺠﻤﺎﻝ .. ﻭﻫﻲ ﺷﻘﻴﻘﺔ ﺧﺪﺭ ﺍﻻﺻﻐﺮ ﻣﻨﻮ ﻃﻮﺍﻟﻲ .. ﻭﻛﺎﻧﺖ
ﺑﺘﺪﺭﺱ ﻓﻲ ﺟﺎﻣﻌﺔ ﺍﻣﺪﺭﻣﺎﻥ ﺍﻻﺳﻼﻣﻴﺔ .. ﻭﻣﺎ ﺍﺗﻮﻓﻘﺖ ﻓﻴﻬﺎ .. ﺧﻠﺖ ﺍﻟﺪﺭﺍﺳﺔ
ﻭﻗﻌﺪﺕ ﻓﻲ ﺍﻟﺒﻴﺖ ﺗﺴﺎﻋﺪ ﺍﻟﻮﺍﻟﺪﺓ .. ﺍﺧﻴﺮﺍ ﺍﺗﻘﺪﻡ ﻟﻴﻬﺎ ﻭﺍﺣﺪ ﺑﻘﺮﺏ ﻟﻲ ﺍﻣﻬﺎ ..
ﻭﺣﺪﺩﻭ ﺍﻟﺰﻭﺍﺝ ﺧﻼﺹ ﻭﺍﻻﻣﻮﺭ ﻣﺎﺷﺔ ﻋﻠﻰ ﻗﺪﻡ ﻭﺳﺎﻕ .. ﺍﻫﺎ ﺑﻌﺪ ﻳﻮﻣﻴﻦ ﻳﻮﻡ
ﺟﺎﺕ ﻧﺴﺮﻳﻦ ﺑﻴﺖ ﻧﺎﺱ ﺧﺪﺭ .. ﻋﻠﻰ ﺣﺴﺐ ﺍﻟﺨﻄﺔ ﺍﻟﻘﺎﻻ ﻋﺒﺪﺍﻟﻤﺠﻴﺪ ..
ﻭﻗﺎﻟﺖ ﻟﻲ ﺍﻡ ﺧﺪﺭ .. ﺍﻧﺎ ﻃﺎﻟﺒﺔ ﻣﻨﻚ ﻣﺸﻮﺍﺭ ﻳﺎ ﺧﺎﻟﺘﻲ ﻭﻓﻴﻬﻮ ﻟﻴﻚ ﺍﺟﺮ ﻭﻧﻴﺔ
ﻃﻴﺒﺔ .. ﻋﻨﺪﻱ ﺻﺎﺣﺒﺘﻲ .. ﻭﺧﺪﺭ ﺑﻌﺮﻓﻬﺎ ﻣﻌﺮﻓﺔ ﺷﺪﻳﺪ .. ﻭﺑﻌﺰﻫﺎ .. ﺭﺍﺟﻠﻪ
ﺍﺗﻮﻓﻰ ﻭﺑﻜﺮﺓ ﺑﺘﻄﻊ ﻣﻦ ﺑﻴﺖ ﺍﻟﺤﺒﺲ .. ﻭﻣﺴﻜﻴﻨﺔ ﺍﻟﻠﻪ ﻭﺍﻟﺮﺳﻮﻝ ﻣﺎﻣﻌﺎﻫﺎ ﺯﻭﻝ
.. ﺗﻤﺸﻲ ﻣﻌﺎﻱ ﺍﻧﺘﻲ ﻭﻟﺒﻨﻰ . ﻭﻧﺤﻤﺪﻝ ﻟﻴﻬﺎ ﺍﻟﺴﻼﻣﺔ ﻭﺍﻧﺘﻦ ﺗﻌﺰﻧﻬﺎ .. ﻭﻧﻘﻌﺪ
ﻣﻌﺎﻫﺎ ﺷﻮﻳﺔ .. ﻭﻧﺨﻔﻒ ﻋﻠﻴﻬﺎ .. ﻭﻧﺪﻋﻴﻬﺎ ﺗﺠﻲ ﻟﻲ ﻋﺮﺱ ﻟﺒﻨﻰ ﻻﻧﻲ ﺍﻧﺎ ﻛﻠﻤﺘﻬﺎ
ﻗﻠﺖ ﻟﻴﻬﺎ ﺑﺠﻮﻙ ﻓﻲ ﺍﻟﺒﻴﺖ ﻳﺪﻋﻮﻙ .. ﻋﻠﻴﻚ ﺍﻟﻠﻪ ﻳﺎﺧﺎﻟﺘﻲ ﻏﺎﻟﻴﺔ ﻣﺎﺗﻜﺴﻔﻴﻨﻲ ..
ﻗﺎﻟﺖ ﻟﻬﺎ ﺑﺲ ﺍﻧﺘﻲ ﺷﺎﻳﻔﺔ ﺍﻟﻤﺸﺎﻏﻴﻞ ﺍﻟﻔﻲ ﺍﻟﺒﻴﺖ ﻳﺎﻧﺴﺮﻳﻦ .. ﻗﺎﻟﺖ ﻟﻴﻬﺎ ﻛﻠﻬﺎ
ﺳﺎﻋﺘﻴﻦ ﻳﺎﺧﺎﻟﺘﻲ ﻣﺎﺑﺘﻜﻠﻒ ﺣﺎﺟﺔ ﻭﺍﻧﺎ ﺑﻠﺰﻡ ﺧﺪﺭ ﻳﻮﺩﻳﻨﺎ ﺑﺎﻟﻌﺮﺑﻴﺔ ﻭﻳﺠﻴﺒﻨﺎ ..
ﻏﺎﻟﻴﺔ ﺍﻡ ﺧﺪﺭ ﻗﺎﻟﺖ ﻟﻴﻬﺎ ﺧﻴﺮ ﺍﻥ ﺷﺎﺀ ﺍﻟﻠﻪ ﻭﺍﻟﻠﻪ ﺑﺲ ﺍﻧﺘﻲ ﻋﺰﻳﺰﺓ ﻋﻠﻲ ﻭﻣﺎﺑﺮﺩ
ﻟﻴﻚ ﻃﻠﺐ .. ﺧﻼﺹ ﻣﺘﻴﻦ ؟ ﻗﺎﻟﺖ ﺑﺎﻛﺮ ﺩﻱ .. ﻗﺎﻟﺖ ﻟﻴﻬﺎ ﺧﻴﺮ ﺑﺲ ﻧﻤﺸﻲ ﺑﻌﺪ
ﺍﻟﻔﻄﻮﺭ ﻧﺠﻲ ﻧﻤﺸﻲ ﻟﻴﻬﺎ ﻭﻧﺮﺟﻊ ﻗﺒﻞ ﺻﻼﺓ ﺍﻟﻀﻬﺮ ..
ﻗﺎﻟﺖ ﻟﻴﻬﺎ ﺍﺗﻔﻘﻨﺎ .. ﺑﺎﻛﺮ ﺍﻟﺼﺒﺎﺡ ﻧﺴﺮﻳﻦ ﻗﺎﻟﺖ ﻟﻲ ﻋﺒﺪ ﺍﻟﻤﺠﻴﺪ ﺍﺭﺡ ﻭﺻﻠﻨﻲ ﻟﻲ
ﻧﺎﺱ ﺧﺎﻟﺘﻲ ﻏﺎﻟﻴﺔ .. ﻣﺎﺷﺔ ﻣﻌﺎﻫﻢ ﺍﻟﻠﻴﻠﺔ ﻟﻲ ﺧﺎﻟﺪﺓ .. ﻭﺗﺠﻲ ﺍﻧﺖ ﺗﺎﺧﺪﻧﻲ
ﺍﻟﻤﺴﺎﺀ .. ﺑﻌﺪ ﻣﺎﺗﺮﺟﻊ ﻣﻦ ﺍﻟﺸﻐﻞ .. ﻗﺎﻝ ﻟﻴﻬﺎ ﻣﻦ ﻋﻴﻮﻧﻲ ﻳﺎ ﺣﺐ ..
ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﻮﻓﻘﻚ ﻓﻲ ﻣﺴﺎﻋﻴﻚ ﻭﺍﻟﻠﻪ ﺧﺪﺭ ﻳﺴﺘﺎﻫﻞ ﺧﺎﻟﺪﺓ .. ﺍﻥ ﺷﺎﺀ
ﺍﻟﻠﻪ ﺭﺑﻨﺎ ﻳﻮﻓﻖ ﺑﻴﻨﻬﻢ ﺑﺎﻟﺨﻴﺮ ﻳﺎﺭﺏ ﺍﻟﻌﺎﻟﻤﻴﻦ .. ﻭﺧﺎﻟﺘﻚ ﻏﺎﻟﻴﺔ ﺭﺑﻨﺎ ﻳﺨﺖ ﻓﻮﻕ
ﻗﻠﺒﻬﺎ ﺗﻠﺠﺔ ﻭﺗﻮﺍﻓﻖ ..
ﺑﻲ ﻗﻠﺒﻬﺎ ﻗﺎﻟﺖ ﻟﻴﻬﻮ ﻳﺎﺣﻠﻴﻠﻚ ﺍﻧﺖ ﻳﺎ ﺍﻟﻤﺎﺟﺎﻳﺐ ﺧﺒﺮ .. ﺍﻧﺎ ﻣﺎ ﺧﺎﻳﻔﺔ ﻣﻦ ﺧﺎﻟﺘﻲ
ﻏﺎﻟﻴﺔ .. ﺍﻧﺎ ﺣﺎﻳﻔﺔ ﻣﻦ ﺳﺖ ﺍﻟﺸﻲ ﺫﺍﺍﺍﺗﻮ .. ﻏﺎﻳﺘﻮ ﺭﺑﻨﺎ ﻳﺠﻴﺐ ﺍﻟﻌﻮﺍﻗﺐ ﺳﻠﻴﻤﺔ ..
ﺍﺗﺼﻠﺖ ﻋﻠﻲ ﺧﺎﻟﺪﺓ ﻗﺎﻟﺖ ﻟﻴﻬﺎ ﺣﻀﺮﻱ ﺷﻌﻮﺭﻙ .. ﺍﻡ ﺧﺪﺭ ﻭﺍﺧﺘﻮ ﺟﺎﻳﻴﻦ ﻣﻌﺎﻱ ..
ﻳﻌﺰﻭﻙ ﻓﻲ ﺭﺍﺟﻠﻚ ﻭﻳﺤﻤﺪﻭ ﻟﻴﻚ ﺍﻟﺴﻼﻣﺔ ﺑﻲ ﺗﻤﺎﻣﺔ ﺍﻟﺤﺒﺲ ..
ﻗﺎﻟﺖ ﻟﻴﻬﺎ ﺣﺒﺎﺑﻜﻢ ﻋﺸﺮﺓ ﺍﺗﻔﻀﻠﻮ ﻃﻮﺍﻟﻲ .. ﻣﺘﻴﻦ ﺑﺘﺠﻮ؟؟
ﻗﺎﻟﺖ ﻟﻴﻬﺎ ﺯﻱ ﺍﻟﺴﺎﻋﺔ 11 ﺍﻭ ﺣﺪﺍﺷﺮ ﻭﻧﺺ ﺑﻨﻜﻮﻥ ﻋﻨﺪﻙ .. ﻳﻌﻨﻲ ﺩﺍﻳﺮﻳﻦ ﺍﻭﻝ
ﺣﺎﺟﺔ ﻧﻔﻄﺮ ﻣﻌﺎﻫﻢ ﻻﻧﻬﻢ ﻋﺎﺯﻣﻨﻲ ﻓﻄﻮﺭ ﻭﺑﻨﺠﻲ ﻋﻠﻴﻚ ..
ﻗﺎﻟﺖ ﻟﻴﻬﺎ ﻳﺎﺭﻱ ﻟﻮ ﺟﻴﺘﻮ ﻓﻄﺮﺗﻮ ﻣﻌﺎﻱ .. ﻟﻜﻦ ﻣﻌﻠﻴﺶ ﻣﺎﺩﺍﻡ ﻋﺎﺯﻣﻨﻚ ﻳﺒﻘﻰ ﻣﻦ
ﺣﻘﻬﻢ .. ﻳﻼ ﺍﻧﺎ ﻓﻲ ﺍﻧﺘﻈﺎﺭﻛﻢ ﺗﺸﺮﺑﻮ ﻣﻌﺎﻱ ﺍﻟﺸﺎﻱ ﻭﺍﻟﻘﻬﻮﺓ
ﻭﺧﺎﻟﺪﺓ ﺑﻘﺖ ﻣﻘﻠﻘﺔ ﻣﻦ ﻳﻜﻮﻥ ﺍﻟﺰﻳﺎﺭﺓ ﺩﻱ ﻋﻨﺪﻫﺎ ﻫﺪﻑ ﺗﺎﻧﻲ ﻭﻛﺎﻧﺖ ﺣﺎﺳﺔ
ﺭﺑﻤﺎ ﺧﺪﺭ ﻳﻜﻮﻥ ﻣﺮﺳﻞ ﺍﻣﻮ ﻋﺸﺎﻥ ﺗﺘﻜﻠﻢ ﻣﻌﺎﻱ ﻳﺎﺭﺏ ؟
ﻣﺎﻋﺎﺭﻓﺔ ﻏﺎﻳﺘﻮ ﺍﺣﺴﻦ ﻣﺎ ﺍﺳﺒﻖ ﺍﻟﺤﻮﺍﺩﺙ .. ﻟﻜﻦ ﻛﺎﻥ ﺍﺗﻜﻠﻤﺖ ﻣﻌﺎﻱ ﺍﺻﻠﻮ
ﻣﺎﺑﺪﻳﻬﺎ ﻛﻼﻡ ﺗﻌﺘﻤﺪ ﻋﻠﻴﻬﻮ .. ﻃﻮﺍﻟﻲ ﺑﺸﻴﻞ ﻟﻴﻬﺎ ﺍﻟﻜﻼﻡ ﻣﻦ ﺭﺍﺳﻬﺎ ..
ﺍﻫﺎ ﻟﻤﺎﻥ ﻭﺻﻞ ﻋﺒﺪ ﺍﻟﻤﺠﻴﺪ ﻟﺒﻴﺖ ﻧﺎﺱ ﻏﺎﻟﻴﺔ .. ﻟﻘﻰ ﺧﺪﺭ ﻗﺎﻋﺪ ﻗﺎﻝ ﻟﻴﻬﻮ ﻟﻴﻪ
ﻣﺎﻃﻠﻌﺖ ﻋﻠﻰ ﺍﻟﺸﻐﻞ؟ .. ﻗﺎﻝ ﻟﻴﻬﻮ ﺍﻧﺎ ﻣﻮﺩﻳﻬﻢ ﺑﻴﺖ ﻧﺎﺱ ﺧﺎﻟﺪﺓ .. ﻭﺍﻧﺖ
ﻣﺎﺑﺘﻤﺸﻲ ﺍﻻ ﺗﻔﻄﺮ ﻣﻌﺎﻱ .. ﻭﺗﻄﻠﻊ ﺍﺻﻠﻲ ﺍﻟﻠﻴﻠﺔ ﺑﺮﺍﻱ ..
ﻗﻌﺪ ﻓﻄﺮ ﻣﻌﺎﻫﻮ .. ﻭﻃﻠﻊ ﻋﺒﺪ ﺍﻟﻤﺠﻴﺪ .. ﻭﺍﻟﺤﺮﻳﻢ ﺍﻟﺘﻼﺗﺔ ﻃﻠﻌﻦ ﺭﻛﺒﻦ ﻣﻊ ﺧﺪﺭ
ﻓﻲ ﻋﺮﺑﻴﺘﻮ .. ﻭﻃﻠﻌﻮ ﻋﻠﻰ ﻧﺎﺱ ﺧﺎﻟﺪﺓ .. ﺧﺪﺭ ﻣﺎﺷﻲ ﻓﻲ ﺍﻟﺸﺎﺭﻉ ﺳﺎﻛﺖ ﺳﺎﻱ
.. ﺯﻱ ﺍﻟﻤﺒﻨﺞ .. ﻭﺟﺴﻤﻮ ﺑﺎﺭﺩ ﻭﻗﻠﺒﻮ ﺩﻩ ﺷﻐﺎﻝ ﺯﻱ ﺍﻟﻄﺎﺣﻮﻧﺔ .. ﻻﻣﻦ ﺣﺎﺳﻲ
ﺍﻧﻮ ﻣﺎﻃﺒﻴﻌﻲ .. ﻳﺎﺭﺑﻲ ﺩﻩ ﻣﻦ ﺷﻨﻮ؟ ﻭﺗﺎﻧﻲ ﻳﻘﻮﻝ ﻳﺎﺭﺑﻲ ﺑﻼﻗﻴﻬﺎ؟؟
ﺑﺸﻮﻓﻬﺎ؟؟ .. ﺍﻥ ﺷﺎﺀ ﺍﻟﻠﻪ ﻟﻤﺤﺔ ﺑﺲ .. ﻗﺎﻝ ﻳﺎﺯﻭﻝ ﻣﺎ ﻣﺸﻜﻠﺔ .. ﺑﻘﻮﻝ ﺩﺍﻳﺮ
ﺍﺷﻮﻑ ﺧﻠﻮﺩﻱ ﺍﻟﺼﻐﻴﺮ ﻭﺍﺑﺮﺍﺭ .. ﻭﺑﺎﻟﺘﺎﻛﻴﺪ ﺡ ﺍﺷﻮﻓﻬﺎ ..
ﻭﻃﺒﻌﺎ ﻳﺎﺟﻤﺎﻋﺔ ﺍﻧﺎ ﻣﺘﺎﻛﺪ ﻟﻮ ﺧﺎﻟﺪﺓ ﺷﺎﻓﺘﻮ .. ﻃﻮﺍﻟﻲ ﺡ ﺗﻨﺎﺩﻳﻬﻮ ﺗﻘﻮﻝ ﻟﻴﻬﻮ
ﻭﺻﻴﺔ ﻫﻨﺪﻭﻳﺔ .. ﻭﺑﻲ ﻛﺪﺍ ﺑﻜﻮﻥ ﺍﻱ ﺷﻲ ﺍﻧﺘﻬﻰ .. ﻭﺍﻟﻤﻮﺿﻮﻉ ﻧﻔﺲ ﺑﻲ
ﺑﺴﺎﻃﺔ ..
ﻛﺪﻱ ﻧﺼﻞ ﻧﺸﻮﻑ ﺍﻟﺒﺤﺼﻞ ﺷﻨﻮ ﻏﺎﻳﺘﻮ ..
ﺍﻟﻰ ﺍﻟﻠﻘﺎﺀ
أنت تقرأ
الأصابع الشريفة.. طارق اللبيب
Poesíaكل ما يمر الأيام .. و السنين تتوالى .. بتدي الانسان دروس و عبر في الحياة كل قصة تحصل قدام عينيك .. بتعلمك قوانين في الحياة ... كل شيء في الدنيا كأنه بتكلم ... البحر و النجوم و الرمال و الجبال و الشوارع و الحيطان و كل شي .. كانه يقول .. بالله الب...
