الأصابع الشريفة.. طارق اللبيب

الحــلقة التاسع عشرة

ﺧﺪﺭ ﻭﻛﺖ ﺷﺎﻓﻬﺎ ﺳﻜﺘﺖ ﻗﺎﻝ ﻟﻴﻬﺎ ﺍﻟﻮﻭﻭ .. ﻗﺎﻟﺖ ﻟﻴﻬﻮ ﻧﻌﻢ .. ﻗﺎﻻ ﻣﺎﻟﻚ ﺳﻜﺘﻲ
ﻛﺪﺍ؟ ﻛﻼﻣﻲ ﻣﺎﻋﺠﺒﻚ ﻭﻻ ﺷﻨﻮ؟ ﻗﺎﻟﺖ ﻟﻴﻬﻮ ﺑﺎﻟﻌﻜﺲ ﻛﻼﻣﻚ ﺣﻠﻮ ﺭﺑﻨﺎ ﻳﺨﻠﻴﻚ
ﺧﻼﺹ ﻳﻼ ﺍﻧﺎ ﻫﺴﻲ ﻓﻲ ﺍﻟﺠﺎﻣﻌﺔ .. ﺑﻌﺪﻳﻦ ﺑﻨﺘﻼﻗﻰ .. ﻧﺤﻦ ﻓﻲ ﺍﻧﺘﻈﺎﺭﻛﻢ ..
ﻓﺠﺄﺓ ﺍﻟﺒﺖ ﺑﻘﺖ ﺟﺎﺩﺓ .. ﻣﺎﻋﺎﺭﻑ ﻟﻴﻪ .. ﺷﻜﻠﻬﺎ ﻓﻲ ﺍﻻﻭﻝ .. ﺟﺎﻳﺔ ﺑﻲ ﻓﻬﻢ
ﻭﻫﺴﻲ ﺍﺗﺼﺪﻣﺖ .. ﻭﻻ ﺍﻟﺤﺎﺻﻞ ﺷﻨﻮ؟
ﻋﻠﻰ ﻛﻞ ﺍﻟﻤﺴﺎﺀ ﺍﻟﺤﺴﻴﺐ ﻭﻭﻟﺪﻭ ﺧﺪﺭ ﺭﻛﺒﻮ ﻣﺸﻮ ﻋﻠﻰ ﻧﺎﺱ ﻋﻤﻚ ﻣﺼﻄﻔﻰ ..
ﺧﺪﺭ ﻣﺎﺷﻲ ﻋﻠﻰ ﺍﻟﻨﺎﺱ ﺩﻳﻞ ﻭﻗﻠﺒﻮ ﻳﻀﺮﺏ ﻭﻓﺮﺣﺎﻥ ﻭﻣﻨﺘﺸﻰ ﻭﺣﺎﺳﻲ
ﺑﺎﻟﻌﺮﺑﻴﺔ ﺩﻱ ﻣﺎﺷﺔ ﻟﻲ ﻭﺭﺍ .. ﻭﻣﺸﻮﺍﺭ ﺍﻟﺼﺤﺎﻓﺔ ﺑﻘﻰ ﺑﻌﻴﺪ ﺑﻌﺪ ..
ﺍﻭﻝ ﻣﺎ ﻭﺻﻠﻮ ﺧﺪﺭ ﺣﺎﺳﺐ ﺑﺘﺎﻉ ﺍﻻﻣﺠﺎﺩ .. ﻭﻗﺎﻝ ﻟﻴﻬﻮ ﺑﻨﺘﺼﻞ ﻋﻠﻴﻚ ﺗﺠﻴﻨﺎ ﺭﺍﺟﻊ
ﻣﺎﺗﺒﻌﺪ .. ﺍﻟﻜﻼﻡ ﺩﻩ ﻗﺮﻳﺐ ﺍﻟﺴﺎﻋﺔ ﺧﻤﺴﺔ ﻣﺴﺎﺀ .. ﺩﺧﻠﻮ ﺟﻮﺓ ﻭﺧﺪﺭ ﻃﺒﻌﺎ"
ﻣﺘﻮﺗﺮ .. ﻭﻣﻨﺎﻫﻮ ﺑﺲ ﺍﻟﻨﺎﺱ ﺩﻳﻞ ﺳﺮﻳﻊ ﻭﻗﺒﻞ ﻛﻞ ﺷﻲ ﻳﻨﺎﺩﻭ ﻟﻴﻬﻮ ﺭﻏﺪ
ﻳﺸﻮﻓﻬﺎ ..
ﻻﻧﻮ ﺣﺎﺳﻲ ﺍﻧﻮ ﻣﺸﺘﺎﻕ ﻟﻲ ﻧﻈﺮﺓ ﻭﺍﺣﺪﺓ ﻓﻘﻂ ..
ﻭﻗﻌﺪﻭ ﻭﺣﺎﺝ ﻣﺼﻄﻔﻰ ﺍﻛﺮﻣﻬﻢ ﻛﺮﻡ ﺷﺪﻳﺪ .. ﻗﺎﻡ ﻋﻤﻚ ﺣﺴﻴﺐ ﻗﺎﻝ ﻟﻴﻬﻮ ﺧﺪﺭ
ﺩﻩ ﻋﺎﻳﺰ ﻳﺘﻜﻠﻢ ﻣﻊ ﺍﻟﺒﺖ ﺷﻮﻳﺔ ﻳﺎ ﻣﺼﻄﻐﻰ ..
ﻋﻤﻚ ﻣﺼﻄﻔﻰ ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﺒﺖ ﻫﺴﻲ ﻣﺎﺟﺎﻫﺰﺓ ﻳﺎ ﺣﺴﻴﺐ ..
ﻗﺎﻝ ﻟﻴﻬﻮ ﻣﺎﺟﺎﻫﺰﺓ ﻛﻴﻒ ﻳﻌﻨﻲ؟ .. ﺍﻟﻮﻟﺪ ﺩﻩ ﺟﺎﻱ ﻣﻦ ﻫﻨﺎﻙ ﻳﺎﻣﺼﻄﻔﻰ ..
ﻋﺸﺎﻥ ﻳﻘﻮﻝ ﻣﻌﺎﻫﺎ ﻛﻠﻤﺘﻴﻦ .. ﻋﻤﻚ ﻣﺼﻄﻔﻰ ﺑﻘﻰ ﻳﻘﻄﻊ .. ﻭﻳﺘﻤﺘﻢ ..
ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﺣﺎﺝ ﻣﺎﻋﺎﺭﻑ ﺍﻗﻮﻝ ﻟﻴﻚ ﺷﻨﻮ ..
ﻟﻜﻦ ﻣﻮﺿﻮﻉ ﻳﺘﻜﻠﻢ ﻣﻌﺎﻫﺎ ﺩﻩ ﺧﻠﻮﻫﻮ ﻫﺴﻲ .. ﻧﻜﺮﻣﻜﻢ ﻭﻧﺘﻮﻧﺲ ﺷﻮﻳﺔ .. ﻭﻟﻲ
ﻗﺪﺍﻡ ﺷﻮﻳﺔ ﺑﺘﻼﻗﻮ ﺍﻥ ﺷﺎﺀ ﺍﻟﻠﻪ .. ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻣﺼﻄﻔﻰ ﺍﻭﻝ ﻳﻮﻡ ﺗﺤﻴﺮﻧﻲ
.. ﻳﺎﺧﻲ ﺍﻟﺒﺖ ﺑﺘﻲ ﻭﺍﻟﻮﻟﺪ ﻭﻟﺪﻱ ﻟﻮ ﻓﻲ ﻣﺸﻜﻠﺔ ﻗﻮﻻ ﻟﻴﻨﺎ .. ﻗﺎﻝ ﻟﻴﻬﻮ ﻣﺎﻓﻲ ﺍﻱ
ﻣﺸﻜﻠﺔ .. ﻭﺍﻧﺎ ﻣﻮﺍﻓﻖ ﺑﻲ ﻧﺴﺒﻜﻢ ﻭﺑﺘﻲ ﻣﻮﺍﻓﻘﺔ ﻭﺍﻣﻬﺎ ﻭﺍﺧﻮﺍﻧﻬﺎ ﻣﺎﻓﻲ ﺍﻱ
ﺯﻭﻝ ﻋﻨﺪﻭ ﻣﺎﻧﻊ ﺑﺲ ﺍﻟﻠﻴﻠﺔ ﺧﻠﻮﻧﻲ ﻣﻦ ﻗﺼﺔ ﺗﺸﻮﻓﻮﻫﺎ ﺩﻱ ..
ﻋﻤﻚ ﺣﺴﻴﺐ ﻗﺎﻡ ﻋﻠﻰ ﺣﻴﻠﻮ .. ﻭﻗﺎﻝ ﻟﻴﻬﻮ ﺧﻴﺮ ﻳﺎﻣﺼﻄﻔﻰ ﺍﻟﻮﻛﺖ ﺍﺗﺎﺧﺮ ﻭﻧﺤﻦ
ﺑﻨﻤﺸﻲ .. ﻭﺧﺪﺭ ﻳﻌﺎﻳﻦ ﺑﻲ ﻋﻴﻮﻧﻮ .. ﺍﺻﻼ ﻻ ﻗﺎﻝ ﺧﻴﺮ ﻻ ﻗﺎﻝ ﺷﺮ .. ﺑﺲ ﻗﺎﻡ ﻣﻊ
ﺍﺑﻮﻫﻮ ﻭﻃﻠﻌﻮ .. ﻭﺍﺑﻮﺧﺪﺭ ﺷﻜﻠﻮ ﺯﻋﻼﻥ ﻣﻦ ﺍﻟﻤﻮﻗﻒ ﺑﺘﺎﻉ ﻣﺼﻄﻔﻰ ﺩﻩ ﺟﺪﺍ ..
ﺧﺪﺭ ﻗﺎﻝ ﻟﻴﻬﻮ ﻳﺎ ﺍﺑﻮﻱ ﻭﻻﺗﺰﻋﻞ ﻧﻔﺴﻚ .. ﺍﻟﺒﺖ ﺍﻧﺎ ﺑﺸﻮﻓﻬﺎ ﺑﻲ ﻃﺮﻳﻘﺘﻲ
.. ﻭﺍﻟﻠﻪ ﺑﺎﻛﺮ ﺑﻤﺸﻲ ﻟﻴﻬﺎ ﻓﻲ ﺟﺎﻣﻌﺘﻬﺎ .. ﻗﺎﻝ ﻟﻴﻬﻮ ﻣﺨﻴﺮ .. ﺍﻧﺎ ﺍﻟﻤﻮﺿﻮﻉ ﺩﻩ
ﺑﻄﻨﻲ ﻃﻤﺖ ﻣﻨﻮ ..
ﻗﺎﻝ ﻟﻴﻬﻮ ﻛﻴﻒ ﻳﺎ ﺍﺑﻮﻱ؟ ﻭﺍﻧﺎ ﻣﺎﺷﻲ ﻓﻲ ﺍﻟﻤﻮﺿﻮﻉ ﻋﺸﺎﻧﻚ ..
ﻋﻠﻴﻚ ﺍﻟﻠﻪ ﻣﺎﺗﻌﻤﻞ ﻛﺪﺍ .. ﺍﻧﺎ ﺗﺎﻧﻲ ﻣﺎﺑﻠﻘﻰ ﻟﻲ ﻣﺮﺍﺓ ﺑﺎﻟﺴﺎﻫﻞ .. ﻗﺎﻝ ﻟﻴﻬﻮ
ﻳﺎﺯﻭﻝ ﻳﻬﺪﻳﻚ ﺍﻟﺠﺎﻣﻌﺔ ﺍﻣﺸﻲ ﻭﺍﻧﺎ ﻣﺎﺑﻌﺘﺮﺽ .. ﺩﻩ ﻣﻮﺿﻮﻉ ﺍﻧﺎ ﺑﺪﻳﺘﻮ ﻟﻴﻚ
ﻭﺑﺘﻤﻮ .. ﻟﻜﻦ ﻣﺼﻄﻔﻰ ﺩﻩ ﺍﻟﻔﻴﻬﻮ ﺍﺗﻌﺮﻓﺖ .. ﻳﻌﻨﻲ ﻣﺴﺘﻜﺘﺮ ﻋﻠﻴﻚ ﺷﻮﻓﺔ ﺍﻟﺒﺖ
.. ﺍﻧﺎ ﻓﺎﻫﻤﻮ ﻣﺼﻄﻔﻰ ﺩﻩ .. ﻭﻋﺎﺭﻑ ﻗﺼﺪﻭ .. ﻋﻨﺪﻭ ﻧﻈﺮﻳﺔ ﺍﻟﻤﻤﻨﻮﻉ ﻣﺮﻏﻮﺏ ..
ﺩﺍﻳﺮ ﻳﻤﻨﻌﻚ ﺗﺸﻮﻓﻬﺎ .. ﻋﺸﺎﻥ ﺗﺘﻌﻠﻖ ﺑﻴﻬﺎ ﻭﺗﺠﻦ ﺑﻴﻬﺎ .. ﺷﻮﻑ ﺑﺎﻟﻠﻪ ﺍﻟﺮﺍﺟﻞ ﺩﻩ ..
ﺧﺪﺭ ﻗﺎﻝ ﻟﻴﻬﻮ ﻳﺎ ﺍﺑﻮﻱ ﺩﻩ ﻇﻦ ﺳﺎﻱ .. ﻫﺴﻲ ﺍﻧﺖ ﺍﺗﺎﻛﺪﺕ ﻛﻴﻒ ﻣﻦ ﺍﻟﻤﻮﺿﻮﻉ
ﺩﻩ؟؟ ﺍﺣﺘﻤﺎﻝ ﻳﻜﻮﻥ ﻓﻲ ﻋﺬﺭ ..
ﻗﺎﻝ ﻟﻴﻬﻮ ﺍﻟﻌﺬﺭ ﺷﻨﻮ؟؟ ..
ﻗﺎﻝ ﻟﻴﻬﻮ ﻳﺎ ﺍﺑﻮﻱ ﺍﻟﺒﻴﻮﺕ ﺍﺳﺮﺍﺭ ﻣﺎﻣﻌﺮﻭﻑ ﺍﻟﺤﺎﺻﻞ ﺍﻟﻤﻔﺮﻭﺽ ﻧﺤﻦ
ﻣﺎﻧﺘﻀﺎﻳﻖ ﻣﻦ ﺧﺼﻮﺻﻴﺎﺕ ﺍﻟﻨﺎﺱ .. ﻭﺍﻟﻠﻪ ﺍﻟﺒﺸﻮﻓﻚ ﻳﻘﻮﻝ ﺩﺍﻳﺮ ﺗﻌﺮﺳﻬﺎ ﺍﻧﺘﺎ
.. ﻳﺎﺥ ﺍﻧﺎ ﺍﻟﺠﺎﻱ ﻣﻦ ﻫﻨﺎﻙ ﻋﺸﺎﻥ ﺍﺷﻮﻓﺎﺍ ﻭﺍﻻﻗﻴﻬﺎ ﻣﺎ ﺍﺗﻮﺗﺮﺕ ﺯﻳﻚ ﻛﺪﻱ ..
ﺍﺑﻮﻫﻮ ﻗﺎﻝ ﻟﻴﻬﻮ ﺍﻧﺎ ﺍﻟﺸﻲ ﺍﻟﻀﺎﻳﻘﻨﻲ ﺷﻨﻮ ﻏﻴﺮ ﻛﺴﺮﺓ ﺧﺎﻃﺮﻙ ﺍﻧﺖ ..
ﻭﺗﺎﻧﻴﺎ" ﺍﻧﺎ ﻋﺎﻳﺰﻙ ﺗﻘﻨﻌﻬﺎ ﺳﺮﻳﻊ . ﺍﻧﻮ ﺍﻟﺰﻭﺍﺝ ﻳﺘﻢ ﻗﺮﻳﺐ ﻗﺒﻞ ﺍﻟﺘﺨﺮﺝ ﺫﺍﺗﻮ ﺑﻼ
ﺗﺨﺮﻳﺞ ﺑﻼﺟﺎﻣﻌﺔ ﺑﻼ ﻏﻢ ..
ﻗﺎﻝ ﻟﻴﻬﻮ ﺍﻧﺖ ﺑﺲ ﺍﺻﺒﺮ ﻟﻲ ﻻﺑﺎﻛﺮ ﻭﺍﻧﺎ ﺑﻤﺸﻲ ﻟﻴﻬﺎ ﻓﻲ ﺍﻟﺠﺎﻣﻌﺔ ﺧﻠﻲ
ﺍﻟﻤﻮﺿﻮﻉ ﺩﻩ ﻋﻠﻲ ..
ﻭﺭﺟﻌﻮ ﺍﻟﺒﻴﺖ .. ﺑﺎﻛﺮ ﺍﻟﺼﺒﺎﺡ ﺧﺪﺭ ﻻﺑﺲ ﺟﺎﻫﺰ ﻣﺎﺷﻲ ﺍﻟﺠﺎﻣﻌﺔ .. ﺍﺗﺼﻞ ﻋﻠﻴﻬﻮ
ﺍﺑﺮﺍﻫﻴﻢ ﺻﺎﺣﺐ ﺍﻟﻌﻤﻞ ﻭﻗﺎﻝ ﻟﻴﻬﻮ ﺍﻧﺎ ﻋﺎﻳﺰﻙ ﻫﺴﻲ ﺗﺒﻄﻞ ﺍﻱ ﺣﺎﺟﺔ ﻭﺗﺠﻴﻨﻲ
ﻓﻲ ﺍﻟﻤﻜﺘﺐ .. ﻗﺎﻝ ﻟﻴﻬﻮ ﻓﻲ ﺷﻨﻮ ﻳﺎ ﺍﺑﺮﺍﻫﻴﻢ .. ﻗﺎﻝ ﻟﻴﻬﻮ ﺑﺲ ﺍﻧﺖ ﺗﻌﺎﻝ .. ﻗﺎﻝ
ﻟﻴﻬﻮ ﺍﻧﺎ ﻋﻨﺪﻱ ﻣﺸﻮﺍﺭ ﻭﺍﻟﻠﻪ ..ﻣﺸﻮﺍﺭ ﻣﻬﻢ ﻭﻣﺼﻴﺮﻱ .. ﻗﺎﻝ ﻟﻴﻬﻮ ﺑﻘﻮﻝ ﻟﻴﻚ
ﻳﺎﺧﺪﺭ ﻟﻮ ﻓﻲ ﺯﻭﻝ ﻏﺮﻗﺎﻥ ﻣﺎﺗﻤﺸﻲ ﺗﻤﺮﻗﻮ ﺑﺲ ﺗﻌﺎﻝ ﻟﻲ ..
ﺧﺪﺭ ﺭﻛﺐ ﺳﺮﻳﻊ ﻣﺸﻰ ﻟﻴﻬﻮ ﻭﻗﺎﻝ ﻋﺸﺎﻥ ﻳﺤﺼﻞ ﺍﻟﺠﺎﻣﻌﺔ .. ﺍﻭﻝ ﻣﺎ ﻭﺻﻞ ﻟﻲ
ﺍﺑﺮﺍﻫﻴﻢ ﻓﻲ ﺍﻟﻤﻜﺘﺐ .. ﺍﺑﺮﺍﻫﻴﻢ ﻭﻗﻒ ﻟﻴﻬﻮ ﻋﻠﻰ ﺣﻴﻠﻮ ﻭﻗﺎﻝ ﻟﻴﻬﻮ .. ﺗﻌﺎﻝ ..
ﺗﻌﺎﻝ ﺧﺶ ﺳﻼﻡ ﺑﺎﻻﺣﻀﺎﻥ .. ﺳﻠﻢ ﻋﻠﻴﻬﻮ ﻭﻗﺎﻝ ﻟﻴﻬﻮ ﺍﻟﺒﺸﺎﺭﺓ .. ﺍﻟﺒﺸﺎﺭﺓ ..
ﺍﻟﻤﻮﺿﻮﻉ ﺍﺗﺤﻼ ﻭﺍﻧﺎ ﺯﻱ ﻣﺎ ﻭﻋﺪﺗﻚ ﻳﻮﻡ ﺍﻟﻤﻮﺿﻮﻉ ﻳﺘﺤﻞ ﺍﻧﺖ ﺑﺘﺮﺗﺎﺡ ﻓﻲ ﺣﻨﺎﻧﻚ
..
ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﺍﺗﺤﻼ؟؟ ﻛﻴﻒ ﻳﻌﻨﻲ ﻛﺪﻱ ﻗﻮﻝ ﻟﻲ .. ﻗﺎﻝ ﻟﻴﻬﻮ ﻭﺍﻟﻠﻪ
ﻳﺎﺧﺪﺭ ﺍﻧﺎ ﻳﻮﻣﻲ ﺍﻻﺗﺼﻠﺖ ﻋﻠﻴﻚ .. ﻭﻗﻠﺖ ﻟﻴﻚ ﺍﺩﻋﻲ ﻟﻴﻨﺎ .. ﻋﻠﻲ ﺍﻟﺰﻭﻝ ﺍﻟﺸﺎﻝ
ﺍﻻﺭﺽ .. ﺍﻧﺎ ﻛﻨﺖ ﻭﺍﺛﻖ ﺍﻧﻮ ﺩﻋﻮﺓ ﻣﻨﻚ ﻣﺎﺑﺘﻘﻊ ﻭﺍﻃﺔ .. ﻳﺎﺧﻲ ﺍﻧﺎ ﺑﻌﺮﻑ ﺍﻟﻨﺎﺱ ..
ﺍﻫﺎ ﺑﻘﻴﻨﺎ ﻛﻞ ﻣﺎﻧﻤﺸﻲ ﻟﻠﺰﻭﻝ ﺩﻩ ﻋﺸﺎﻥ ﻧﺘﻔﺎﻫﻢ ﻣﻌﺎﻫﻮ ﻧﻠﻘﺎﻫﻮ ﻓﻲ
ﻣﺴﺘﺸﻔﻰ .. ﻋﻨﺪ ﺩﻛﺘﻮﺭ .. ﻓﻲ ﺍﻟﻤﻌﻤﻞ ﺍﻟﻔﻼﻧﻲ .. ﺍﺧﻴﺮﺍ ﺗﺤﺖ ﺗﺤﺖ ﺳﻤﻌﺖ ﺍﻧﻮ
ﻣﺘﻬﻤﻨﻮ ﺑﻲ ﺳﺮﻃﺎﻥ .. ﻳﻤﺸﻲ ﻳﺤﻠﻞ ﻳﻘﻮﻟﻮ ﻟﻴﻬﻮ ﻋﻨﺪﻙ ﺳﺮﻃﺎﻥ .. ﻳﻤﺸﻲ ﻳﺤﻠﻞ
ﻓﻲ ﺣﺘﺔ ﺗﺎﻧﻴﺔ ﻳﻘﻮﻟﻮ ﻟﻴﻬﻮ ﺍﻟﻮﺭﻡ ﺣﻤﻴﺪ .. ﺟﺎﺑﻮ ﻟﻴﻬﻮ ﻣﺨﻮﻟﺔ ﻓﻲ ﺭﺍﺳﻮ .. ﻃﺒﻌﺎ"
ﺍﻧﺖ ﻋﺎﺭﻑ ﻫﺎﺟﺲ ﺍﻧﻮ ﻳﻘﻮﻟﻮ ﻟﻴﻚ ﻋﻨﺪﻙ ﺳﺮﻃﺎﻥ ﺩﻱ ﺻﻌﺒﺔ ﻛﻴﻒ .. ﻭﺑﺘﻜﻮﻥ
ﻣﺤﺘﺎﺝ ﻟﻲ ﺭﺑﻨﺎ ﻳﻘﻴﻒ ﻣﻌﺎﻙ ﺑﺎﻱ ﺷﻜﻞ ﻣﻦ ﺍﻻﺷﻜﺎﻝ .. ﺍﻫﺎ ﻳﺎﺯﻭﻝ ﺍﻟﺰﻭﻝ ﺩﻩ
ﻓﺠﺄﺓ ﻛﺪﺍ ﺍﺗﺼﻞ ﻋﻠﻰ ﺍﻟﻠﻠﻴﻠﺔ ﺍﻟﺼﺒﺎﺡ ﺍﻟﺴﺎﻋﺔ 7 .. ﻭﺍﻧﺎ ﻭﻛﺖ ﻗﺎﻝ ﻟﻲ ﻣﻌﺎﻙ
ﻓﻼﻥ ﻟﻤﻦ ﺍﺗﻬﺠﻤﺖ .. ﻗﺎﻝ ﻟﻲ ﺗﻌﺎﻝ ﻟﻲ ﻓﻲ ﺍﻟﺒﻴﺖ .. ﻣﺸﻴﺖ ﻟﻴﻬﻮ ﻓﻲ ﺍﻟﺒﻴﺖ
ﻗﺎﻝ ﻟﻲ ﻭﺍﻟﻠﻪ ﻧﺤﻦ ﻗﺮﺭﻧﺎ ﺍﻧﻮ ﻧﺘﻨﺎﺯﻝ ﻟﻴﻚ ﻋﻦ ﺍﻻﺭﺽ .. ﻭﻧﺤﻞ ﻟﻴﻚ ﻣﺸﻜﻠﺔ
ﺍﻟﻮﺭﻕ ﺩﻱ .. ﻻﻧﻮ ﻫﺴﻲ ﺍﻻﺭﺽ ﻻ ﺍﻧﺖ ﺡ ﺗﺴﺘﻔﻴﺪ ﻣﻨﻬﺎ ﻭﻻ ﺍﻧﺎ ﺡ ﺍﺳﺘﻔﻴﺪ ﻣﻨﻬﺎ
.. ﺍﻧﺎ ﺑﻜﻠﻢ ﻓﻼﻥ ﻳﻤﺸﻲ ﻳﺠﻬﺰ ﻟﻴﻚ ﺍﻭﺭﺍﻗﻚ .. ﻭﺍﻟﻠﻴﻠﺔ ﺍﻟﺴﺎﻋﺔ 2 ﺑﺠﻴﺐ ﻟﻴﻚ
ﺍﻟﻮﺭﻕ ﺟﺎﻫﺰ ﻭﺩﻋﻮﺍﺗﻚ ﻣﻌﺎﻱ ﺍﻧﺎ ﻣﺤﺘﺎﺝ ﻟﻴﻬﺎ .. ﻭﻣﺎﻋﺎﻳﺰ ﺍﻛﻮﻥ ﻇﺎﻟﻢ .. ﻭﺍﻧﺎ ﺯﻭﻝ
ﺑﻘﻴﺖ ﻋﻴﺎﻥ ﻭﻣﺴﺎﻓﺮ ﺍﺗﺎﻛﺪ ﻣﻦ ﻓﺤﻮﺻﺎﺗﻲ .. ﺩﺍﻳﺮ ﻣﻨﻚ ﺍﻟﻨﻴﺔ ﺍﻧﻮ ﺗﻄﻠﻊ
ﻓﺤﻮﺻﺎﺗﻲ ﻧﻀﻴﻔﺔ .. ﻭﺍﻟﻠﻪ ﻳﺎ ﺧﺪﺭ ﺍﻧﺎ ﻋﺮﻓﺖ ﻛﻴﻒ ﻗﻴﻤﺔ ﺍﻻﻧﺴﺎﻥ ﺍﻟﻀﻌﻴﻒ ..
ﺍﻟﺰﻭﻝ ﺩﻩ ﺑﻌﺪ ﻣﺎ ﻛﺎﻥ ﺑﺘﻨﻬﺮ ﻋﻠﻴﻨﺎ .. ﻭﻣﺎ ﺑﺴﻤﺢ ﻟﻲ ﺑﺎﻧﻲ ﺍﻗﺎﺑﻠﻮ ﺍﺳﺎﺳﺎ" .. ﺑﻘﻰ
ﺿﻌﻴﻒ ﻭﻣﺴﻜﻴﻦ ﺗﺤﻦ ﻋﻠﻰ ﺣﺎﻟﺘﻮ .. ﻃﻮﺍﻟﻲ ﺍﺗﺬﻛﺮﺗﻚ ﻳﺎﺧﺪﺭ ﻭﺍﺗﺬﻛﺮﺕ ﺩﻋﻮﺗﻚ
..
ﺧﺪﺭ ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺎ ﻓﻌﻼ" ﺩﻋﻴﺖ ﻟﻴﻚ ﺑﻨﻴﻪ ﺧﺎﻟﺼﺔ .. ﻟﻜﻦ ﺍﻧﺖ ﻣﻈﻠﻮﻡ ﺑﺮﺿﻮ
ﺩﻋﻮﺗﻚ ﻣﺎﺑﺘﻘﻊ ﻭﺍﻃﺎ .. ﻗﺎﻝ ﻟﻴﻬﻮ ﺍﻟﻤﻬﻢ ﺍﻧﺎ ﻣﻦ ﺑﻜﺮﺓ ﻋﺎﻳﺰﻙ ﺗﺠﻲ ﺗﺒﺎﺷﺮ ﺍﻟﺸﻜﻞ
ﻭﺍﻟﺸﻐﻞ ﺑﺎﻟﻨﺴﺒﺔ ﺯﻱ ﻣﺎ ﻭﺭﻳﺘﻚ .. ﻭﻋﺸﺎﻥ ﺍﺭﻳﺤﻚ
ﻭﺗﻜﻮﻥ ﻣﻄﻤﺌﻦ .. ﺍﻧﺎ ﻓﻲ ﺍﻟﻌﺸﺮﺓ ﻣﻮﺍﻗﻊ ﺍﻻﻭﻟﻰ .. ﺣﻖ ﺍﻟﻤﻮﺍﺩ ﻭﺍﻟﻌﻤﺎﻟﺔ ﻋﻠﻲ
.. ﻭﺍﻧﺖ ﻋﻠﻴﻚ ﺍﻟﻤﺘﺎﺑﻌﺔ ﺑﺲ ..
ﺧﺪﺭ ﻗﺎﻝ ﻟﻴﻬﻮ ﻣﺎﻣﻜﻦ ؟؟ ﻳﺎﺯﻭﻝ ﺍﻧﺖ ﺟﺎﺩﻱ ؟؟ ﻗﺎﻝ ﻟﻴﻬﻮ ﺍﻱ ﻭﺍﻟﻠﻪ ﺟﺎﺩﻱ ..
ﺧﺪﺭ ﺩﻩ ﻣﻦ ﺍﻟﻔﺮﺡ ﻻﻣﻦ ﻭﻗﻒ ﻋﻠﻰ ﺣﻴﻠﻮ .. ﻭﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺖ ﺑﻲ ﻛﺪﺍ
ﺑﺘﻜﻮﻥ ﻗﺪﻣﺖ ﻟﻲ ﺧﺪﻣﺔ ﻋﻤﺮﻱ ﻣﺎ ﺍﻧﺴﺎﻫﺎ ﻟﻴﻚ .. ﺧﺪﺭ ﻗﺎﻝ ﺳﺒﺤﺎﻥ ﺍﻟﻠﻪ ﺑﺎﻟﻠﻪ
ﺷﻮﻑ ﺍﺭﺯﺍﻕ ﺍﻟﻴﺘﺎﻣﻰ .. ﺑﺎﻟﻠﻪ ﺷﻮﻑ ﻓﻌﺎﻳﻞ ﺭﺏ ﺍﻟﻌﺎﻟﻤﻴﻦ ﻣﻌﺎﻱ ﺑﺪﺕ ﻣﻦ
ﻫﺴﻲ .. ﺍﻟﻠﻪ ﺍﻛﺒﺮ ..
ﻗﺎﻝ ﻟﻴﻬﻮ ﺧﻼﺹ ﻳﺎ ﺍﺑﺮﺍﻫﻴﻢ ﻭﺍﻟﻠﻪ .. ﻛﻤﺎﻥ ﺍﻧﺎ ﺍﺷﺘﻐﻞ ﻟﻴﻚ ﺷﻐﻞ ﺍﺧﻠﻲ
ﺍﻟﻤﺎﻳﺸﺘﺮﻱ ﻳﺘﻔﺮﺝ .. ﺑﺲ ﺍﻧﺎ ﻃﺎﻟﻊ ﻋﻨﺪﻱ ﻣﺸﻮﺍﺭ ﻣﻬﻢ ﻭﺑﺎﻛﺮ ﻣﻌﺎﻙ ..
ﺧﺪﺭ ﺩﺍﻳﺮ ﻳﻄﻠﻊ ﻛﺪﺍ .. ﺍﺑﺮﺍﻫﻴﻢ ﻗﺎﻝ ﻟﻴﻬﻮ .. ﺧﺪﺭ ﺍﻧﺎ ﺩﺍﻳﺮ ﻣﻨﻚ ﻃﻠﺒﻴﻦ ﻋﻠﻴﻚ ﺍﻟﻠﻪ
.. ﻗﺎﻝ ﻟﻴﻬﻮ ﻣﻦ ﻋﻴﻮﻧﻲ ﻭﺍﻟﻠﻪ ﻗﻮﻝ ﺑﺲ ..
ﻗﺎﻝ ﻟﻴﻬﻮ ﺍﻭﻻ ﺍﻧﺎ ﺩﺍﻳﺮ ﻣﻌﺎﻙ ﺧﻮﺓ ﻟﻮﺟﻪ ﺍﻟﻠﻪ ﻣﺎﻳﻔﺮﻗﻨﺎ ﺍﻻ ﺍﻟﻤﻮﺕ ..
ﻗﺎﻝ ﻟﻴﻬﻮ ﻭﺍﻟﻠﻪ ﺩﻩ ﺷﺮﻑ ﻟﻲ ﻭﺍﻧﺖ ﺭﺍﺟﻞ ﻣﺎﺳﺎﻫﻞ ﺭﺑﻨﺎ ﻳﺪﻳﻚ ﺍﻟﻌﺎﻓﻴﺔ ..
ﻭﺍﻟﻄﻠﺐ ﺍﻟﺘﺎﻧﻲ .. ﻗﺎﻝ ﻟﻴﻬﻮ ﺑﺲ ﻋﺎﻳﺰﻙ ﺗﺪﻋﻲ ﻟﻠﺰﻭﻝ ﺩﻩ ﺭﺑﻨﺎ ﻳﺸﻔﻴﻬﻮ ..
ﺧﺪﺭ ﻗﺎﻝ ﻟﻴﻬﻮ ﺭﺑﻨﺎ ﻳﺸﻔﻴﻬﻮ ﻋﺸﺎﻥ ﻳﺠﻲ ﻳﻘﻠﻊ ﻣﻨﻨﺎ ﺍﻷﺭﺽ ﺗﺎﻧﻲ .. ﻫﻬﻬﻪ
ﺍﻻﺗﻨﻴﻦ ﺍﺧﺪﻭﻫﺎ ﺿﺤﻜﺔ ﻗﻮﻳﻪ .. ﺧﺪﺭ ﻗﺎﻝ ﻟﻴﻬﻮ ﻳﺎﺯﻭﻝ ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﺸﻔﻴﻬﻮ
ﻭﻳﻠﻘﻰ ﻓﺤﻮﺻﺎﺗﻮ ﻧﻀﻴﻔﺔ ﻭﻳﺴﻠﻢ ﻟﻲ ﻭﻟﻴﺪﺍﺗﻮ .. ﻭﺗﺒﻘﻰ ﻟﻴﻬﻮ ﺑﻲ ﺗﻮﺑﺔ ﻣﻦ ﺣﻖ
ﺍﻟﻨﺎﺱ ﻭﺍﻟﻈﻠﻢ ..
ﺧﺪﺭ ﻭﺩﻉ ﺍﻟﺮﺍﺟﻞ ﻭﻣﺸﻰ ﺍﻟﺠﺎﻣﻌﺔ ﻭﺻﻞ ﻣﺘﺄﺧﺮ ﻭﻟﻘﻰ ﺍﻟﺠﺎﻣﻌﺔ ﻣﻘﻔﻠﺔ ..
ﻭﺿﺮﺏ ﻓﻲ ﺗﻠﻔﻮﻥ ﺭﻏﺪ ﻟﻘﺎﻫﻮ ﻣﻘﻔﻮﻝ .. ﻛﻞ ﻣﺎﻳﻀﺮﺏ ﺑﻠﻘﻰ ﺍﻟﺘﻠﻔﻮﻥ ﺩﻩ
ﻣﻘﻔﻮﻝ .. ﻭﺭﺟﻊ ﺍﻟﺒﻴﺖ ﻗﺎﻝ ﺑﺠﻲ ﺑﻜﺮﺓ ﺍﻟﺼﺒﺎﺡ .. ﻭﺍﺗﺼﻞ ﻋﻠﻰ ﻧﺴﺮﻳﻦ ﺑﺴﺄﻝ
ﻣﻦ ﺍﺣﻮﺍﻝ ﺍﻻﻃﻔﺎﻝ ﻭﺍﻣﻬﻢ .. ﻗﺎﻟﺖ ﻟﻴﻬﻮ ..
ﻭﺍﻟﻠﻪ ﺍﻟﺼﺒﺎﺡ ﻭﺍﻟﻤﺴﺎﺀ ﻣﻌﺎﻫﺎ ﺑﺎﻟﺘﻠﻔﻮﻥ ﻭﻛﻮﻳﺴﺔ ﻭﺍﻭﻻﺩﻫﺎ ﺗﻤﺎﻡ .. ﻭﺗﺸﻴﻞ
ﻭﺗﺪﻋﻲ ﻟﻴﻚ ﺑﺎﻟﺘﻮﻓﻴﻖ ﻓﻲ ﺣﻴﺎﺗﻚ .. ﻭﻟﻮ ﻓﻲ ﺍﻱ ﺣﺎﺟﺔ ﺍﻧﺎ ﺑﺮﺍﻱ ﺑﺘﺼﻞ ﻳﺎﺧﺪﺭ
ﻣﺎﺗﻘﻠﻖ ..
ﺗﺎﻧﻲ ﻳﻮﻡ ﺍﻟﺼﺒﺎﺡ ﺿﺮﺏ ﻟﻲ ﻛﻞ ﺍﻟﻌﻤﺎﻝ ﺍﻟﻮﻗﻔﻮ ﻣﻨﻮ ﻣﻦ ﻳﻮﻡ ﺧﻠﺺ ﺍﻟﺸﻐﻞ
ﺑﺘﺎﻉ ﺍﻟﻤﺮﺣﻠﺔ ﺍﻻﻭﻟﻰ .. ﻭﻗﺎﻝ ﻟﻴﻬﻢ ﻛﻮﻧﻮ ﻋﻠﻰ ﺍﺳﺘﻌﺪﺍﺩ ﻧﺤﻦ ﻳﻮﻡ ﺍﻟﺴﺒﺖ
ﻧﺎﺯﻟﻴﻦ ﺷﻐﻞ ﻋﻠﻰ ﻣﺴﺘﻮﻯ ﻋﺎﻟﻲ ..
ﺍﻫﺎ ﻳﺎﺯﻭﻝ ﺭﻛﺐ ﻣﺸﻰ ﻟﻠﺠﺎﻣﻌﺔ .. ﻭﺳﺄﻝ ﻣﻦ ﺭﻏﺪ ﻣﺼﻄﻔﻰ .. ﻗﺎﻟﻮ ﻟﻴﻬﻮ
ﺷﻜﻠﻬﺎ ﻣﺎﺟﺎﺕ ﺍﻟﺠﺎﻣﻌﺔ .. ﺩﻟﻮﻫﻮ ﻋﻠﻰ ﺻﺪﻳﻘﺘﻬﺎ ﺍﺳﻤﻬﺎ ﻟﺠﻴﻦ .. ﺑﺘﺎﻋﺔ ﺍﻟﻔﻜﺮﺓ
ﻣﺘﺬﻛﺮﻧﻬﺎ؟؟
ﻭﻛﺎﻧﺖ ﻓﻲ ﻣﺤﺎﺿﺮﺓ ﺍﻧﺘﻈﺮﻫﺎ ﺑﺮﻩ ﻭﻗﺎﻋﺪ ﺍﺗﺼﻞ ﻋﻠﻰ ﺗﻠﻔﻮﻥ ﺭﻏﺪ ﺑﺮﺿﻮ ﻗﻔﻮﻝ
.. ﺍﻫﺎ ﺍﻧﺘﻈﺮ ﻻﻣﻦ ﻃﻠﻌﺖ ﺍﻟﺒﺖ ﺍﻻﺳﻤﻬﺎ ﻟﺠﻴﻦ ﻭﺍﻟﺒﻨﺎﺕ ﻗﺎﻟﻦ ﻟﻴﻬﺎ ﻓﻲ ﻭﺍﺣﺪ
ﻫﻨﺎﻙ ﺑﺴﺄﻝ ﻣﻦ ﺭﻏﺪ .. ﺟﺎﺗﻮ ﺳﻠﻤﺖ ﻋﻠﻴﻬﻮ ﻗﺎﻟﺖ ﻟﻴﻬﻮ ﺍﻧﺖ ﺧﻀﺮ؟ ﻗﺎﻝ ﻟﻴﻬﺎ
ﻧﻌﻢ ... ﻟﺠﻴﻦ ﻃﺒﻌﺎ" ﺑﺖ ﻏﻴﺮ ﻣﺘﻮﺍﺯﻧﺔ ﻭﺷﻜﻠﻬﺎ ﻫﺒﻠﺔ ﻭﺑﺘﺘﻜﻠﻢ ﻭﺗﻌﺎﻳﻦ ﻫﻨﺎﻙ
.. ﻭﺷﻜﻠﻬﺎ ﺫﺍﺗﻮ ﻣﺎ ﻣﺮﺗﺐ ..
ﻗﺎﻝ ﻟﻴﻬﺎ ﻭﻳﻦ ﺭﻏﺪ ﺍﻟﻠﻴﻠﺔ ﻣﺎﺟﺎﺕ ﺍﻟﺠﺎﻣﻌﺔ ﻭﻻﺷﻨﻮ؟ ﻟﺠﻴﻦ ﺍﺭﺗﺒﻜﺖ ﻭﺑﻘﺖ ﺗﻘﻄﻊ
ﺑﺮﺿﻮ .. ﻗﺎﻟﺖ ﻟﻴﻬﻮ ﻭﺍﻟﻠﻪ ﻣﺎﻋﺎﺭﻓﺔ ﺍﻗﻮﻝ ﻟﻴﻚ .. ﻗﺎﻝ ﻟﻴﻬﺎ ﺍﺣﻜﻲ ﻟﻲ ﺧﻠﻴﻨﻲ
ﺍﻋﺮﻑ ﺍﻟﺤﺎﺻﻞ ﻋﻠﻴﻬﺎ ﻭﺍﻟﻠﻪ ﺑﺤﻔﻆ ﺳﺮﻙ .. ﺑﺲ ﺍﻛﻮﻥ ﻣﻄﻤﺌﻦ .. ﻭﺍﻧﺘﻲ ﺡ
ﺗﻜﻮﻧﻲ ﺻﺪﻳﻘﺔ ﻋﺰﻳﺰﺓ ﻋﻠﻲ .. ﺯﻱ ﻣﺎ ﺍﻧﺘﻲ ﺻﺎﺣﺒﺘﻬﺎ .. ﺑﺲ ﺩﺍﻳﺮﻙ ﻣﺎ ﺗﺪﺳﻲ
ﻋﻠﻲ ﺣﺎﺟﺔ .. ﺍﻧﺎ ﺣﺎﺳﻲ ﺍﻧﻮ ﻓﻲ ﺷﻲ ﻣﺎﻃﺒﻴﻌﻲ .. ﻃﺒﻌﺎ"
ﻗﺎﻟﺖ ﻟﻴﻬﻮ ﺑﻲ ﺻﺮﺍﺣﺔ ﺍﻧﺎ ﺑﺤﻜﻲ ﻟﻴﻚ ﺑﺲ ﺧﺎﻳﻔﺔ ﻣﻦ ﺭﺩﺓ ﻓﻌﻠﻚ .. ﻗﺎﻝ ﻟﻴﻬﺎ
ﻭﺍﻟﻠﻪ ﻟﻴﻚ ﺍﻻﻣﺎﻥ .. ﺍﺻﻠﻮ ﻓﻲ ﺷﻨﻮ ﻫﻮ ﻟﻮ ﻣﺎ ﻣﺼﺪﻗﺎﻧﻲ ﺧﻼﺹ ﻣﺎﺗﺤﻜﻲ ..
ﻗﺎﻟﺖ ﻟﻴﻬﻮ ﺧﻼﺹ ﺧﻼﺹ .. ﺑﺤﻜﻲ ﻋﺎﺭﻑ ﻳﺎ ﺧﺪﺭ ﺭﻏﺪ ﺩﻱ ﻃﺒﻌﺎ ﺑﺤﺐ ﻟﻴﻬﺎ ﻭﺍﺣﺪ
ﺍﺳﻤﻮ ﻋﻤﺮﻭ ﻭﻣﺘﻌﺎﻫﺪﻳﻦ ﺍﻻﺗﻨﻴﻦ ﻋﻠﻰ ﺍﻟﺰﻭﺍﺝ .. ﻭﻛﻞ ﺍﻟﺪﻧﻴﺎ ﻋﺎﺭﻓﺔ ﻛﺪﺍ .. ﺑﺲ
ﻣﺎ ﺍﺗﻘﺪﻡ ﻟﻴﻬﺎ ..
ﻗﺎﻝ ﻟﻴﻬﺎ ﻃﻴﺐ ﻟﻴﻪ ﻗﺒﻠﺖ ﺑﻲ ﻭﻭﺍﻓﻘﺖ . ؟ ﻗﺎﻟﺖ ﻟﻴﻬﻮ ﻭﺍﻟﻠﻪ ﺑﺲ ﻛﺪﺍ .. ﺗﺼﺮﻑ
ﺟﻨﻮﻧﻲ .. ﻟﻜﻦ ﺑﺼﺮﺍﺣﺔ ﻣﺎﻋﻨﺪﻫﺎ ﻟﻴﻚ ﺷﻲ .. ﺍﻟﺰﻭﻟﺔ ﺩﻱ ﻣﻊ ﻋﻤﺮﻭ ﻣﺎﺑﺘﻘﻮﻝ
ﺑﺤﺒﻮ ﺑﻌﺾ ﺑﺘﻘﻮﻝ ﻣﺘﺰﻭﺟﻴﻦ ﻋﺪﻳﻞ .. ﺣﺘﻰ ﺑﺘﻘﻮﻝ ﻟﻴﻬﻮ ﻳﺎﺭﺍﺟﻠﻲ ..
ﻭﻣﺴﺘﻌﺒﺪﻫﺎ ﺍﺳﺘﻌﺒﺎﺩ ﻭﻫﻮ ﺑﺘﺸﻮﻓﻮ ﺣﻴﺎﺗﻬﺎ .. ﻭﺍﻟﻠﻪ ﻣﺮﺍﺕ ﺑﺘﻤﺸﻲ ﻣﻌﺎﻫﻮ
ﺍﻟﻔﺘﻴﺤﺎﺏ ﻭﻛﺖ ﺍﻫﻠﻮ ﻳﻜﻮﻧﻮ ﻣﺎﻓﻲ .ﻭﺍﻟﺒﻴﺖ ﻳﻜﻮﻥ ﻓﺎﺿﻲ .. ﻭﺍﻧﺖ ﺍﻓﻬﻢ ﺍﻟﺒﺎﻗﻲ
..
ﺧﺪﺭ ﻧﻄﻂ ﻋﻴﻮﻧﻮ ﻭﻗﻤﺰ ﻻﻓﻮﻕ ﺯﻱ ﺍﻟﻔﻲ ﺩﺑﻴﺐ ﻃﻘﺎﻫﻮ ..
ﻗﺎﻝ ﻟﻴﻬﻮ ﻣﻌﻘﻮﻭﻭﻭﻭﻭﻭﻝ؟؟
ﻗﺎﻟﺖ ﻟﻴﻬﻮ ﺷﻨﻮ ﺍﻟﻤﺎﻣﻌﻘﻮﻝ ﻋﺎﺩﻱ ﺯﻱ ﺷﺮﺍﺏ ﺍﻟﺰﺑﺎﺩﻱ ﻳﺎ ﺍﻧﺖ ..
ﻗﺎﻝ ﻟﻴﻬﺎ ﺍﻫﺎ ﻭﺍﺻﻠﻲ ..
ﻗﺎﻟﺖ ﻟﻴﻬﻮ ﺍﻫﺎ ﺍﻭﻝ ﺍﻣﺒﺎﺭﺡ .. ﺟﺎ ﻟﻘﺎﻫﺎ ﺑﺘﺘﻜﻠﻢ ﻓﻲ ﺍﻟﺘﻠﻔﻮﻥ .. ﻭﺍﻟﻈﺎﻫﺮ ﺍﻟﺘﻠﻔﻮﻥ
ﻛﺎﻥ ﻣﻨﻚ ﺍﻧﺖ .. ﺍﻟﺼﺒﺎﺡ ﻛﺪﺍ ﻣﻮﺵ؟
ﻗﺎﻝ ﻟﻴﻬﺎ ﺍﻳﻮﺓ ﻫﻲ ﺍﺗﺼﻠﺖ ﻋﻠﻲ .
ﻗﺎﻟﺖ ﻟﻴﻬﻮ ﺍﻧﺎ ﻋﺎﺭﻓﺔ ﻳﺎﺧﺪﺭ ﻭﻗﺖ ﺍﺗﺼﻠﺖ ﻋﻠﻴﻚ ﺩﻩ ﻛﺎﻧﺖ ﻫﻨﺎ ﻓﻲ ﺍﻟﺠﺎﻣﻌﺔ ..
ﻭﻛﺎﻧﺖ ﺟﺎﺕ ﻣﻦ ﺍﻟﺒﻴﺖ ﺍﻟﺼﺒﺎﺡ ﺗﻀﺤﻚ ﻭﺗﺴﺘﻬﺰﺍ .. ﻭﻗﺎﻟﺖ ﻟﻲ ﺍﻟﻠﻴﻠﺔ ﺍﻟﺨﻄﻴﺐ
ﺍﻟﻤﺰﻭﺭ ﺟﺎﻳﻴﻨﻲ ﻓﻲ ﺍﻟﺒﻴﺖ .. ﺧﻠﻴﻨﻲ ﺍﺗﺼﻞ ﻋﻠﻴﻬﻮ ﻭﺍﺣﺒﻮ ﺷﻮﻳﺔ ..ﻋﺸﺎﻥ ﻳﺠﻲ
ﻓﺮﺣﺎﻥ .. ﻭﺍﺗﺼﻠﺖ ﻋﻠﻴﻚ ﻭﻫﻲ ﺑﺘﺘﻜﻠﻢ ﻣﻌﺎﻙ ﻛﺪﺍ .. ﺍﻭﻝ ﻣﺎﺧﻠﺼﺖ ﺍﻟﻤﻜﺎﻟﻤﺔ
.. ﻋﻤﺮﻭ ﻛﺎﻥ ﻭﺍﻗﻒ ﻭﺭﺍﻫﺎ .. ﻭﻣﺎ ﺍﺳﺘﺤﻤﻞ ﺍﻟﺨﻴﺎﻧﺔ ﻗﺎﻡ ﺿﺮﺑﻬﺎ ﻓﻲ ﻭﺷﻬﺎ ..
ﻭﻭﺷﻬﺎ ﺍﺗﻮﺭﻡ ﻭﻋﻴﻨﻬﺎ ﺑﻘﺖ ﻗﺪﺭ ﺍﻟﻠﻴﻤﻮﻧﺔ .. ﻭﺳﻘﻨﺎﻫﺎ ﻭﺩﻳﻨﺎﻫﺎ ﺍﻟﺒﻴﺖ .. ﻭﻫﻮ
ﻣﺸﻰ ﻣﻌﺎﻧﺎ ﺍﻟﺒﻴﺖ .. ﻓﻲ ﺍﻟﺸﺎﺭﻉ ﺑﻌﺘﺬﺭ ﻟﻴﻬﺎ ﻭﻳﺒﻜﻲ ﺯﻱ ﺍﻟﻤﺮﺍﺓ .. ﻭﻫﻲ ﺑﺘﻘﻮﻝ
ﻟﻴﻬﻮ ﺿﺮﺑﻚ ﺷﻔﺎ ﻳﺎﺣﺒﻴﺐ ﻋﻤﺮﻱ .. ﺑﺲ ﺧﻠﻴﻚ ﻋﺎﺭﻑ ﻳﺎﻋﻤﺮﻭ ﺍﻧﻮ ﺩﻩ ﺯﻭﻝ
ﺑﻐﺸﻐﺶ ﻓﻴﻬﻮ ﺳﺎﻱ ﻣﺮﺍﺿﺎﺓ ﻻﺑﻮﻱ ..
ﺷﻔﺖ ﺍﻟﻬﺒﻠﺔ؟ ﻭﺍﻟﻠﻪ ﺍﻧﺎ ﻟﻮ ﻛﻨﺖ ﻓﻲ ﻣﺤﻠﻬﺎ ﺗﺎﻧﻲ ﻣﺎ ﺍﻗﺒﻞ ﻋﻠﻴﻬﻮ .. ﺍﻫﺎ
ﻭﺻﻠﻨﺎﻫﺎ ﺍﻟﺒﻴﺖ ﻭﻗﺎﻟﺖ ﺿﺮﺑﺘﻬﺎ ﺍﻟﺮﻛﺸﺔ ..
ﺍﻟﻌﺼﺮ ﺍﺗﺼﻠﺖ ﻋﻠﻲ ﻭﻗﺎﻟﺖ ﺍﻧﺘﻮ ﺟﻴﺘﻮ ﺍﻟﺒﻴﺖ ﻭﻫﻲ ﻣﺎﻗﺪﺭﺕ ﺗﻘﺎﺑﻠﻜﻢ ﺑﻲ
ﺷﻜﻠﻬﺎ ﺩﺍﻙ .. ﻭﻗﺎﻟﺖ ﻟﻲ ﺍﺑﻮﻫﺎ ﺍﻧﺎ ﺧﺪﺭ ﺩﻩ ﻣﺎﻋﺎﻳﺰﺍﻫﻮ .. ﻻﻧﻮ ﻣﻦ ﻗﻠﺖ ﻋﺎﻳﺰﺓ
ﺍﻗﺎﺑﻠﻮ ﺿﺮﺑﺘﻴﻨﻲ ﺍﻟﺮﻛﺸﺔ .. ﻋﻤﻠﺖ ﺍﻟﺴﺒﺔ ﻓﻲ ﺍﻟﺮﻛﺸﺔ .. ﻭﻭﺻﻔﺖ ﺍﻟﺤﺎﺩﺙ
ﻭﺻﻒ ﺩﺭﺍﻣﻴﻜﻲ .. ﻗﺎﻟﺖ ﻛﻨﺖ ﺭﺍﻛﺒﺔ ﻓﻲ ﺍﻟﺮﻛﺸﺔ .. ﻭﺍﻟﺮﻛﺸﺔ ﻋﻤﻠﺖ ﻓﺮﻣﻠﺔ
ﻭﺍﻟﺴﻴﺨﺔ ﺍﻟﻘﺪﺍﻡ .ﺿﺮﺑﺘﻨﻲ ﻓﻲ ﻭﺷﻲ ..
ﺍﻫﺎ ﻗﺎﻟﺖ ﻟﻲ ﺍﻧﺎ ﻋﺎﻳﺰﺓ ﺍﻧﻬﻲ ﺍﻟﻠﻌﺒﺔ ﺩﻱ ﻻﻧﻮ ﺧﺪﺭ ﺩﻩ ﺯﻭﻝ ﻭﻣﺎﺑﺴﺘﺎﻫﻞ
ﺍﻟﻐﺸﻐﺸﺔ .. ﻭﺍﻧﺎ ﻗﻠﺖ ﻟﻴﻬﺎ ﻟﻮ ﻏﻠﺒﻚ ﺍﺩﻳﻨﻲ ﺗﻠﻔﻮﻧﻮ ﺍﻧﺎ ﺑﻔﻀﺤﻚ ﻟﻴﻬﻮ ﻻﻧﻲ
ﺯﻋﻼﻧﺔ ﻣﻨﻬﺎ .. ﻭﺍﻫﻮ ﺍﻧﺎ ﺣﻜﻴﺖ ﻟﻴﻚ ﻛﻞ ﺣﺎﺟﺔ ﻋﺸﺎﻥ ﺗﻜﻮﻥ ﻋﻠﻰ ﺑﻴﻨﺔ .. ﻋﻠﻴﻚ
ﺍﻟﻠﻪ ﻣﺎﺗﻘﻮﻝ ﻟﻲ ﺯﻭﻝ ..
ﻗﺎﻝ ﻟﻴﻬﺎ ﺟﺪﺍ" ﻭﺍﻟﻠﻪ ﻣﺎﺑﻘﻮﻝ ﻟﻲ ﺯﻭﻝ .. ﻟﻜﻦ ﺍﻧﺎ ﻫﺴﻲ ﺍﺻﺪﻗﻚ ﻛﻴﻒ ﺍﺣﺘﻤﺎﻝ
ﺑﺘﻜﺬﺑﻲ .. ﻭﻋﺎﻳﺰﺓ ﺗﻨﺘﻘﻤﻲ ﻣﻦ ﺭﻏﺪ؟
ﻗﺎﻟﺖ ﻟﻴﻬﻮ ﻛﻴﻒ ﻳﻌﻨﻲ ؟ ﻫﻲ ﻭﺍﻟﻠﻪ ﺻﺤﺒﺘﻲ .. ﻗﺎﻝ ﻟﻴﻬﺎ ﻳﺎ ﺍﻣﺎ ﺗﺜﺒﺘﻲ ﻟﻲ ﺍﻟﻜﻼﻡ
ﺩﻩ ﻳﺎ ﺍﻣﺎ ﺍﻧﺎ ﺑﻔﺘﻚ ﻭﺍﻓﺘﻬﺎ ﻫﻲ ﺫﺍﺗﻬﺎ ..
ﺍﻟﺒﺖ ﺧﺎﻓﺖ ﻃﺒﻌﺎ" ﻭﻗﺎﻟﺖ ﻟﻴﻬﻮ ﻃﻴﺐ ﺍﺛﺒﺘﻮ ﻟﻴﻚ ﻛﻴﻒ . ﻗﺎﻝ ﻟﻴﻬﺎ ﺍﺗﺼﻠﻲ ﻋﻠﻴﻬﺎ
ﻓﻲ ﺗﻠﻔﻮﻥ ﺍﻣﻬﺎ ﻻﻧﻬﺎ ﺗﻠﻔﻮﻧﻬﺎ ﻣﻘﻔﻮﻝ .. ﺧﻠﻴﻬﺎ ﺗﺘﻜﻠﻢ ﻭﺍﺳﻤﻌﻬﺎ .. ﻭﻗﻮﻟﻲ ﻟﻴﻬﺎ
ﺭﺍﻳﻚ ﺷﻨﻮ ﻓﻲ ﺍﻟﺤﻄﻴﺐ ﺍﻟﺠﺪﻳﺪ ..
ﻗﺎﻟﺖ ﻟﻴﻬﻮ ﺗﻠﻔﻮﻧﻬﺎ ﻓﺎﺗﺢ ﺑﺲ ﺿﺮﺑﺖ ﻟﻴﻚ ﺑﻲ ﺷﺮﻳﺤﺔ ﺧﺎﺭﺟﻴﺔ .. ﻋﺸﺎﻥ ﻛﺪﺍ ﻗﻌﺪ
ﺗﻠﻘﺎﻫﻮ ﻣﻘﻔﻮﻝ ..
ﻭﻓﻌﻼ ﺍﺗﺼﻠﺖ ﻋﻠﻴﻬﺎ ﻓﻲ ﺭﻗﻤﻬﺎ ﺍﻻﺻﻠﻲ .. ﻭﻗﺎﻟﺖ ﻟﻴﻬﺎ ﺍﺳﻤﻌﻲ ﻳﺎﺭﻏﺪ
ﺧﻄﻴﺒﻚ ﺍﻟﺠﺪﻳﺪ ﺟﺎﻳﻴﻜﻢ ﻣﺘﻴﻦ؟ ﻗﺎﻟﺖ ﻟﻴﻬﺎ ﺧﻼﺹ ﺍﻟﻤﺴﺮﺣﻴﺔ ﺍﻧﺘﻬﺖ ﻣﺎﺡ ﻳﺠﻴﻨﺎ
ﺗﺎﻧﻲ .. ﺍﻧﺎ ﺭﺍﺟﻠﻲ ﻋﻤﺮﻭ ﻭﺍﻧﺖ ﻋﺎﺭﻓﺔ ﻛﺪﺍ ﻟﻮ ﻗﺘﻠﻨﻲ ﻣﺎﺑﺘﺨﻼ ﻋﻨﻮ .. ﻟﺠﻴﻦ ﻗﻔﻠﺖ
ﺍﻟﺨﻂ ..
ﺧﺪﺭ ﻗﻌﺪ ﻳﺘﺒﺴﻢ .. ﻟﺠﻴﻦ ﺑﻘﺖ ﺗﻌﺎﻳﻦ ﻟﻴﻬﻮ ﻣﺴﺘﻐﺮﺑﺔ ﻗﺎﻟﺖ ﻟﻴﻬﻮ ﺑﺪﻝ ﻣﺎﺗﻜﻮﻥ
ﻣﺘﻀﺎﻳﻖ .. ﻛﻤﺎﻥ ﻓﺮﺣﺎﻥ ﻭﻣﺒﺴﻮﻁ ..
ﻗﺎﻝ ﻟﻴﻬﺎ ﺍﺗﺬﻛﺮﺕ ﺩﻋﻮﺓ ﺯﻭﻝ ﺩﻋﺎ ﻟﻲ .. ﻭﺭﺳﻞ ﻟﻲ ﺍﻟﺪﻋﻮﺓ ﺭﺳﺎﻝ .. ﻗﺎﻝ ﻟﻴﻬﻮ
ﻗﻮﻟﻮ ﻟﻲ ﺧﺪﺭ ‏(ﺍﻥ ﺷﺎﺀ ﺍﻟﻠﻪ ﻋﻤﺮﻙ ﻣﺎﺗﻼﻗﻰ ﺍﻟﺸﺮ ﻳﺎﺧﺪﺭ ‏) .. ﻃﺒﻌﺎ ﻟﻮ ﻣﺘﺬﻛﺮﻳﻦ
ﺩﻱ ﺩﻋﻮﺓ ﺧﺎﻟﺪﺓ ﻳﻮﻣﻮ ﺍﻻﺗﻜﻔﻞ ﺑﻲ ﺍﻭﻻﺩﻫﺎ .. ﻭﺍﻧﺎ ﺑﻘﻮﻝ ﺑﺮﺿﻮ ﺍﻻﺳﺘﺨﺎﺭﺓ
ﺍﻟﻌﻤﻼ ﻓﻲ ﺑﻴﺖ ﻧﺎﺱ ﺭﻏﺪ ﺟﺎﺑﺖ ﻣﻔﻌﻮﻟﻬﺎ ﺍﻻﻥ .. ﻻﻧﻮ ﻻﻳﻤﻜﻦ ﺍﻟﺰﻭﻝ ﻳﻄﻠﺐ ﻣﻦ
ﺭﺑﻨﺎ ﻳﺨﺘﺎﺭ ﻟﻴﻬﻮ .. ﻭﺭﺑﻨﺎ ﻳﺨﺘﺎﺭ ﻟﻴﻬﻮ ﺍﻟﺸﺮ ﻭﺍﻟﻔﺴﺎﺩ ..
ﻗﺎﻝ ﻟﻴﻬﺎ ﺍﻧﺘﻲ ﻋﺎﺭﻓﺔ ﻳﺎ ﻟﺠﻴﻦ ﺍﻧﺎ ﺩﻱ ﺍﻟﻤﺮﺓ ﺍﻟﺮﺍﺑﻌﺔ ﺑﺤﺎﻭﻝ ﺍﻻﻗﻲ ﺭﻏﺪ
ﻭﻣﺎﻗﺪﺭﺕ ﺣﺘﻰ ﺣﺴﻴﺖ ﺍﻧﻮ ﺭﺑﻨﺎ ﺻﺎﺭﻓﻨﻲ ﻣﻨﻬﺎ ﺻﺮﻑ ﻏﺮﻳﺐ ..
ﺧﺪﺭﻣﺸﻰ ﺍﻟﺒﻴﺖ ﻣﺮﺗﺎﺡ ﻧﻔﺴﻴﺎ .. ﺑﺲ ﺑﻄﻨﻮ ﻃﺎﻣﺔ ﻣﻦ ﺣﺎﺟﺔ ﺍﺳﻤﻬﺎ ﺭﻏﺪ ..
ﻭﺑﻘﻰ ﻳﻘﻮﻝ .. ﺳﺒﺤﺎﻥ ﺍﻟﻠﻪ ﻟﻠﻤﺮﺓ ﺍﻟﺘﺎﻧﻴﺔ ﻭﺍﻧﺎ ﺍﺗﺨﺪﻉ ﻣﻦ ﺍﻟﺒﻨﺎﺕ .. ﻭﺍﺗﻐﺸﻪ ..
ﻭﺍﻟﺤﺎﻟﺔ ﺷﺎﻳﻒ ﻧﻔﺴﻲ ﺫﻛﻲ ﻭﺷﺎﻃﺮ .. ﻭﺍﺣﺪﺓ ﺯﻱ ﺩﻱ ﺗﻠﻌﺐ ﺑﻲ .. ﻭﺗﻤﺴﻚ
ﺍﻟﺼﺪﺍﺭﺓ ﺑﻌﺪ ﻫﻨﺪ .. ؟؟ ﺭﺑﻨﺎ ﻛﺮﻳﻢ ..
ﺑﺲ ﺍﻟﺤﻘﻴﻘﺔ ﻳﺎﺟﻤﺎﻋﺔ ﺧﺪﺭ ﺍﺑﺪﺍ ﻗﺼﺔ ﺭﻏﺪ ﻣﺎ ﺍﺛﺮﺕ ﻓﻴﻬﻮ .. ﺑﺎﻟﻌﻜﺲ ﺣﺴﺔ
ﺑﺎﺭﺗﻴﺎﺡ ﻏﺮﻳﺐ ..
ﻭﺑﻘﻰ ﻳﺴﺮﺡ ﻫﻨﺎﻙ ﻭﻳﻘﻮﻝ ﺍﻧﺎ ﺍﻟﺰﻭﻝ ﺍﻟﺒﺮﻳﺪﻭ ﻭﺑﺤﺘﺮﻣﻮ ﻭﺑﻌﺰﻭ ﻭﺑﺠﻠﻮ ﺍﻥ ﺷﺎﺀ
ﺍﻟﻠﻪ ﻳﻘﺒﻞ ﺑﻲ .. ﻭﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﻜﺘﺒﻮ ﻣﻦ ﻧﺼﻴﺒﻲ .. ﻭﺗﻔﻜﻴﺮﻭ ﺍﻧﺼﺮﻑ
ﺍﻧﺼﺮﺍﻑ ﻏﺮﻳﺐ .. ﻟﻠﺰﻭﻟﺔ ﺍﻻﺻﻴﻠﺔ ﺍﻻﺳﻤﻬﺎ ﺧﺎﻟﺪﺓ .. ﺧﺪﺭ ﻣﺸﻰ ﺍﻟﺒﻴﺖ .. ﻭﺑﻘﻰ
ﻣﺎﺑﺠﻴﺐ ﺳﻴﺮﺓ ﻻﺑﻮﻫﻮ ﻭﺍﺑﻮﻫﻮ ﺳﺎﻛﺖ ..
ﺑﻌﺪ ﺍﺳﺒﻮﻉ ﺗﻘﺮﻳﺒﺎ ﺗﻘﺮﻳﺒﺎ" ﻋﻤﻚ ﺣﺴﻴﺐ ﻧﺎﺩﻯ ﺧﺪﺭ .. ﻗﺎﻝ ﻟﻴﻬﻮ ﺍﻧﺎ ﻋﺎﻳﺰ ﺍﺗﻠﻜﻢ
ﻣﻌﺎﻙ ﺑﻲ ﺻﺮﺍﺣﺔ .. ﺍﻧﺎ ﻋﺎﺭﻑ ﺍﻧﻲ ﺩﺧﻠﺘﻚ ﻓﻲ ﻗﺼﺔ ﻧﺎﺱ ﻣﺼﻄﻔﻰ ﺩﻱ .. ﻟﻜﻦ
ﻭﺍﻟﻠﻪ ﻳﺎﺧﺪﺭ ﺍﻧﺎ ﻫﺴﻲ ﺧﺠﻼﻥ ﻣﻨﻚ .. ﺗﺘﺨﻴﻞ ﺍﻟﺰﻭﻝ ﺩﻩ ﺍﺗﺼﻞ ﻋﻠﻲ ﺍﻟﺒﺎﺭﺡ ﻭﻗﺎﻝ
ﻟﻲ ﻧﺤﻦ ﺻﺮﻓﻨﺎ ﺍﻟﻨﻈﺮ .. ﻭﺍﻧﺎ ﺑﻴﻨﻲ ﻭﺑﻴﻨﻚ ﻟﻮ ﻣﺎﻫﻮ ﺻﺮﻑ ﺍﻟﻨﻈﺮ ﺍﻧﺎ ﻛﻨﺖ ﺡ
ﺍﺻﺮﻓﻮ .. ﺑﺲ ﻳﺎﺧﺪﺭ ﻣﺎﻋﺎﻳﺰﻙ ﺗﺘﺎﺛﺮ ﺍﻧﺎ ﻋﺎﺭﻑ ﺍﻟﺒﺖ ﻋﺠﺒﺘﻚ ﻭﺑﻨﻴﺖ ﻋﻠﻴﻬﺎ ﺍﻣﺎﻝ .
ﻗﺎﻝ ﻟﻴﻬﻮ ﻳﺎ ﺍﺑﻮﻱ ﺍﻣﺎﻝ ﺷﻨﻮ؟ ﺍﻧﺎ ﺍﻣﺎﻟﻲ ﻓﻲ ﺍﻟﺪﻧﻴﺎ ﻛﻠﻬﺎ ﺍﻧﺖ ﺑﺲ .. ﻭﻻﻳﻬﻤﻚ ..
ﺍﻟﺒﺖ ﺭﺑﻨﺎ ﻳﻘﺴﻢ ﻟﻴﻬﺎ ﻣﻦ ﺧﻴﺮ ﻭﺍﻧﺎ ﺭﺑﻨﺎ ﻳﻘﺴﻢ ﻟﻲ ﻣﻦ ﺧﻴﺮ .. ﻭﺍﻟﻤﻮﺿﻮﻉ ﺩﻩ
ﺗﺎﻧﻲ ﻣﺎﻋﺎﻳﺰﻳﻦ ﻧﺘﻨﺎﻗﺶ ﻓﻴﻬﻮ ﺑﺲ .. ﻓﻲ ﺣﺎﺟﺔ ﻋﺎﻳﺰ ﺍﻗﻮﻻ ﻟﻴﻚ .. ﺍﻧﺎ ﺳﻤﻌﺖ
ﻛﻼﻣﻚ ﻭﻣﺸﻴﺖ ﻣﻌﺎﻙ ﻓﻲ ﺍﻧﺴﺎﻧﺔ ﺍﺧﺘﺮﺗﻬﺎ ﻟﻲ ﺍﻧﺖ .. ﺍﻟﻤﺮﺓ ﺩﻱ ﺍﻧﺎ ﻋﺎﻳﺰ ﺍﺧﺘﺎﺭ
.. ﻭﺍﻧﺖ ﺗﺒﺎﺭﻙ ﻟﻲ .. ﻋﻤﻚ ﺣﺴﻴﺐ ﻗﺎﻝ ﻟﻴﻬﻮ ﺍﻓﻮ ﻭﺍﻟﻠﻪ ﻣﻌﺎﻙ ..
ﻗﺎﻝ ﻟﻴﻬﻮ ﺑﺲ ﺍﻧﺎ ﺧﺎﻳﻔﻚ ﺗﺮﻓﺾ .. ﻗﺎﻝ ﻟﻴﻬﻮ ﻭﺍﻟﻠﻪ ﻣﺎﺑﺮﻓﺾ ﻣﻮﺵ ﺣﺎﺟﺔ ﺍﻧﺖ
ﻋﺎﻳﺰﻫﺎ ﺑﺲ ﻗﻮﻝ ..
ﻗﺎﻝ ﻟﻴﻬﻮ ﺍﻧﺎ ﺭﻏﺒﺘﻲ ﻓﻲ ﻭﺍﺣﺪﺓ ﺑﻌﺮﻓﻬﺎ ﻣﻦ ﺳﻨﻴﻦ ﻭﻋﺎﺭﻑ ﺍﺧﻼﻗﻬﺎ ..
ﻭﺟﻤﻴﻠﺔ ﻭﻋﺎﺟﺒﺎﻧﻲ .. ﻭﺍﺻﻼ ﻟﻮ ﻣﺎﻛﻼﻣﻚ ﻭﺭﺑﻄﺔ ﻟﺴﺎﻧﻚ ﻣﻊ ﻋﻢ ﻣﺼﻄﻔﻰ ﺍﻧﺎ
ﻣﺎﻛﻨﺖ ﻓﻜﺮﺕ ﻓﻲ ﻏﻴﺮﻫﺎ .. ﺑﺲ ﺍﻟﻤﺸﻜﻠﺔ ﺍﻟﻤﻤﻜﻦ ﺗﺨﻠﻴﻚ ﺗﺮﻓﻀﻬﺎ ﺍﻧﻬﺎ . ﺍﺭﻣﻠﻪ
ﻭﻋﻨﺪﻫﺎ ﻃﻔﻠﻴﻦ ..
ﺍلى اللقاء