ﺍﻭﻝ ﻣﺎﻭﺻﻠﻮ ﺍﻟﺒﻴﺖ ﻃﺒﻌﺎ ﺧﺪﺭ ﺍﻻﻥ .. ﻟﻴﻬﻮ 4 ﺷﻬﻮﺭ ﻭﻋﺸﺮﺓ ﻳﻮﻡ ﻣﻦ ﺟﺎ ﻫﻨﺎ ..
ﺃﻭﻝ ﻣﺎ ﻭﺻﻠﻮ ﺍﻟﺒﺎﺏ .. ﻓﺘﺤﺖ ﻟﻴﻬﻢ ﺍﻟﺸﻐﺎﻟﺔ .. ﺧﺪﺭ ﻗﺎﻝ ﻟﻴﻬﻢ ﺍﻧﺰﻝ ﻣﻌﺎﻛﻢ؟؟ ..
ﺍﻣﻮ ﻗﺎﻟﺖ ﻟﻴﻬﻮ ﻋﻴﺐ ﻳﺎﻭﻟﺪ .. ﺍﻟﻤﺮﺍﺓ ﻣﺎﻣﻌﺎﻫﺎ ﺭﺍﺟﻞ ﺍﻣﺸﻲ ﺍﻣﺸﻲ .. ﺑﻌﺪﻳﻦ
ﻧﺤﻦ ﺑﻨﻀﺮﺏ ﻟﻴﻚ ﺗﺠﻴﻨﺎ .. ﺍﻣﺸﻲ .. ﻗﺎﻝ ﻟﻴﻬﺎ ﺧﻼﺹ ﺟﻴﺒﻮ ﻟﻲ ﺍﻟﻮﻟﻴﺪﺍﺕ ﺍﺳﻠﻢ
ﻋﻠﻴﻬﻢ ..
ﺩﺧﻠﻦ ﺟﻮﺓ ﻭﺳﻠﻤﻦ ﻋﻠﻰ ﺧﺎﻟﺪﺓ .. ﻭﻗﺎﻟﻦ ﻟﻴﻬﺎ ﺧﺪﺭ ﺑﺮﻩ ﻗﺎﻝ ﻋﺎﻳﺰ ﺍﻻﻭﻻﺩ ﻳﺴﻠﻢ
ﻋﻠﻴﻬﻢ ..
ﺧﺎﻟﺪﺓ ﻗﺎﻣﺖ ﺟﻮﺓ ﻏﻴﺮﺕ ﻟﻠﺒﻨﻴﺔ ﺍﻟﺼﻐﻴﺮﺓ ﺍﺑﺮﺍﺭ .. ﻭﺑﺨﺨﺖ ﻟﻴﻬﺎ ﻓﻮﻗﺎ ﺣﺒﺔ ﺭﻳﺤﺔ ..
ﻭﻗﺎﻟﺖ ﻟﻠﺸﻐﺎﻟﺔ ﻫﺎﻙ ﺷﻴﻠﻲ ﺍﺑﺮﺍﺭ .. ﻭﺳﻮﻗﻲ ﻣﻌﺎﻙ ﺧﻠﻮﺩﻱ ﻭﺩﻳﻬﻢ ﻟﻲ ﺧﺎﻟﻮ
ﺑﺮﻩ ..
ﻗﺎﻟﺖ ﻟﻴﻬﺎ ( ﺣﺎﺩﺭ ﻣﺎﻣﺎ ) .. ﺷﺎﻟﺖ ﺍﻟﺒﺖ ﻭﺳﺎﻗﺖ ﺍﻟﻮﻟﺪ ﻭﻃﻠﻌﺖ ..
ﺧﺪﺭ ﺍﻭﻝ ﻣﺎﻋﺎﻳﻦ ﻟﻼﻭﻻﺩ ﻭﻫﻮ ﺭﺍﻛﺐ ﻓﻲ ﺍﻟﻌﺮﺑﻴﺔ .. ﺍﺗﺬﻛﺮ ﺍﻧﻬﻢ ﺡ ﻳﻜﺒﺮﻭ
ﻣﺤﺮﻭﻣﻴﻦ ﻣﻦ ﺣﻨﺎﻥ ﺍﻻﺏ .. ﻭﻗﻔﺖ ﻟﻴﻬﻮ ﺣﺎﺟﺔ ﻓﻲ ﺣﻠﻘﻮ .. ﻭﺷﺎﻝ ﺍﻟﺒﺖ ﺑﻲ ﻳﺪﻭ
ﺍﻟﺸﻤﺎﻝ . ﻭﻣﺴﻚ ﺧﺎﻟﺪ ﺑﻲ ﻳﺪﻭ ﺍﻟﻴﻤﻴﻦ .. ﻭﺿﻤﺎﻫﻢ ﻛﺪﺍ .. ﺧﺎﻟﺪ ﺑﻘﻰ ﻳﻌﺎﻳﻦ ﻟﻴﻬﻮ
ﻓﻲ ﻭﺷﻮ .. ﺧﺪﺭ ﻗﺎﻝ ﻟﻴﻬﻮ ﺍﻧﺖ ﻛﻴﻒ ﻳﺎﺧﺎﻟﺪ؟ .. ﻗﺎﻝ ﻟﻴﻬﻮ ﻛﻮﻳﺚ .. ﻋﻤﻮ ﺍﻧﺖ
ﺍﻟﻌﻠﺒﻴﻪ ﺩﻱ ﺣﺪﺗﻚ ؟؟ ﻗﺎﻝ ﻟﻴﻬﻮ ﺍﻳﻮﻩ ﺣﻘﺘﻲ ﻭﺍﻧﺖ ﻣﻌﺎﻱ ..
ﻗﺎﻝ ﻟﻴﻬﻮ ﺧﻼﺙ ﻓﺜﺤﻨﻲ ﺑﻴﻬﺎ .. ﻗﺎﻝ ﻟﻴﻬﻮ ﺣﺎﺍﺍﺍﺿﺮ ﻳﺎﺧﻠﻮﺩﻱ .. ﻫﺎﻙ ﺍﻣﺴﻚ
ﺍﻟﺪﺭﻛﺴﻮﻥ ﻋﺸﺎﻥ ﺗﺴﻮﻕ . ﻭﻃﻠﻊ ﺑﻴﻬﻢ ﺑﻲ ﻧﺺ ﺍﻟﺤﻠﺔ .. ﻭﻣﺸﻰ ﻛﺪﺍ ﻋﻠﻰ
ﺟﻴﻬﺔ ﻓﻨﺪﻕ ﺍﻟﻘﺼﺮ .. ﻭﺩﺧﻞ ﺑﻲ ﺷﺎﺭﻉ ﻛﺪﺍ ﻓﻲ ﻧﺺ ﺍﻟﺤﻠﺔ .. ﺍﺷﺘﺮﻱ ﻟﻴﻬﻢ
ﺣﺎﺟﺎﺕ ﻛﺪﺍ .. ﻭﺟﺎ ﺭﺍﺟﻊ ﺩﻗﺔ ﺍﻟﺒﺎﺏ .. ﻭﻓﺘﺤﺖ ﻟﻴﻬﻮ ﺍﻟﺸﻐﺎﻟﺔ ﺑﺮﺿﻮ .. ﺍﺩﺍﻫﺎ
ﺍﻻﻭﻻﺩ ﻭﻏﻤﺖ ﻟﻴﻬﺎ ﺧﻤﺴﻴﻨﺎﻳﺔ .. ﻭﻗﺮﺭﺭﺭﺏ ﻳﻘﻮﻝ ﻟﻴﻬﺎ ﻧﺎﺩﻱ ﻟﻲ ﺧﺎﻟﺪﻩ .. ﻟﻜﻦ
ﺍﺳﺘﺤﻰ .. ﺑﺲ ﺩﻭﺭ ﺭﺟﻊ ﺑﻲ ﻛﻤﻴﺔ ﺍﻻﺷﻮﺍﻕ ..
ﺍﻟﺸﻐﺎﻟﺔ ﺩﺧﻠﺖ ﻗﺎﻟﺖ ﻟﻲ ﺧﺎﻟﺪﻩ ﻣﺎﻣﺎ ﺩﻩ ﻣﻴﻦ ؟ ﻗﺎﻟﺖ ﻟﻴﻬﺎ ﺩﻩ ﺯﻱ ﺍﺧﻮﻱ ﻳﺎ
ﺯﻫﺮﺓ .. ﻗﺎﻟﺖ ﻟﻴﻬﺎ .. ( ﺗﻴﺐ ﻫﺒﺎﺏ ) .. ﻳﻌﻨﻲ (ﻃﻴﺐ ﻭﺣﺒﺎﺏ ) ﻫﻪ ..
ﺍﻟﻮﻧﺴﺔ ﺑﺘﺎﻋﺔ ﺍﻟﺤﺮﻳﻢ ﺟﻮﺓ ﻛﺎﻧﺖ ﺷﻐﺎﻟﺔ .. ﻭﺧﺎﻟﺪﺓ ﻛﺎﻧﺖ ﺑﺘﺤﻜﻲ ﻟﻴﻬﻢ ﺑﻲ
ﺍﻟﻤﺸﻜﻠﺔ ﺍﻟﺤﺼﻠﺖ ﻟﻲ ﺯﻭﺟﻬﺎ ﻭﺳﺒﺐ ﻣﻮﺗﻪ ..
ﻭﻏﺎﻟﻴﺔ ﺳﺄﻟﺘﻬﺎ .. ﻗﺎﻟﺖ ﻟﻴﻬﺎ ﻭﻳﻦ ﺻﺎﺣﺒﺘﻚ ﺍﻟﻜﺎﻥ ﺩﺍﻳﺮﻫﺎ ﺧﺪﺭ .. ﻋﺮﺳﺖ ﻭﻻ
ﻟﺴﻪ ؟ ﻗﺎﻟﺖ ﻟﻴﻬﺎ ﻭﺍﻟﻠﻪ ﻋﺮﺳﺖ ﻭﺍﻧﻔﺼﻠﺖ ﻣﻦ ﺭﺍﺟﻠﻬﺎ .. ﺍﻧﺘﻲ ﻋﺎﺭﻓﺔ ﻳﺎﺧﺎﻟﺘﻲ ..
ﻭﺍﻟﻠﻪ ﻻﻫﺴﻲ ﺧﺪﺭ ﻣﻌﺸﻌﺶ ﻓﻲ ﺭﺍﺳﻬﺎ .. ﻭﻣﺎﻗﺎﺩﺭﺓ ﺗﻨﺴﺎﻫﻮ .. ﻗﺎﻟﺖ ﻟﻴﻬﺎ
ﻣﻨﻮ ﻫﻲ؟ .. ﻳﺎ ﻳﻤﺔ ﺧﺪﺭ ﻭﻛﺘﻬﺎ ﺍﻟﻜﺎﻧﺖ ﻓﺘﺎﺓ ﻛﺎﻥ ﻛﺘﻴﺮ ﻋﻠﻴﻬﺎ .. ﻭﻣﺎﺑﺘﺴﺘﺎﻫﻠﻮ ..
ﺗﺠﻲ ﻫﺴﻲ ﺑﻌﺪ ﺑﻘﺖ ﻋﺰﺑﺔ ﻭﺍﻟﻠﻪ ﻳﺎﻫﻮ .. ﺧﺪﺭ ﻳﺎﻳﻤﺔ ﺍﻧﺎ ﺭﺍﺟﻴﺎﻫﻮ ﺑﺎﻟﺴﻨﻴﻦ
ﻋﺸﺎﻥ ﺍﻓﺮﺡ ﺑﻲ ﺟﺪﻳﺪﻭ ﻳﺠﻲ ﻳﻌﺮﺱ ﻟﻲ ﻭﺍﺣﺪﻱ ﻋﺰﺑﻪ؟؟ ..
ﻧﺴﺮﻳﻦ ﺩﻱ ﺩﺧﻠﺖ ﻓﻲ ﺿﻔﻮﺭﻫﺎ .. ﻏﺎﻟﻴﺔ ﺑﺘﺘﻜﻠﻢ ﺳﺎﻱ ﻭﻻﺧﺎﺗﺔ ﺑﺎﻟﻬﺎ ﺍﻧﻬﺎ ﺑﻲ
ﻛﻼﻣﻪ ﺩﻩ ﺑﺘﺴﺒﺐ ﺍﺣﺮﺍﺝ ﻟﻲ ﺧﺎﻟﺪﻩ .. ﻭﻟﺒﻨﻰ ﻻﺣﻈﺖ ﻟﻲ ﻧﺴﺮﻳﻦ ﻟﻘﺘﻬﺎ
ﻣﻨﻘﺮﺻﺔ .. ﻭﺧﺎﻟﺪﺓ ﺯﻱ ﺍﻟﻜﺄﻧﻪ ﺍﻟﻜﻼﻡ ﻣﺎﺑﻌﻨﻴﻬﺎ .. ﻗﺎﻣﺖ ﺩﺧﻠﺖ ﻋﻠﻰ ﻣﻄﺒﺨﻬﺎ ..
ﻭﻋﺮﻓﺖ ﺍﻧﻮ ﺍﻟﻤﺮﺍﺓ ﺩﻱ ﻣﺎﻋﻨﺪﻫﺎ ﺍﻱ ﻓﻜﺮﺓ ﻋﻦ ﻧﻴﺔ ﻭﻟﺪﻫﺎ .. ﻫﺪﺍﺕ ﺷﻮﻳﺔ ﻣﻦ
ﺍﻟﺘﻮﺗﺮﺍﺕ .. ﻭﺍﻋﺘﺒﺮﺕ ﺍﻟﺰﻳﺎﺭﺓ ﺯﻳﺎﺭﺓ ﻋﺎﺩﻳﺔ .. ﺍﻟﻤﻬﻢ ﺑﺲ ﺍﻧﺘﻬﺖ ﻛﻞ ﺍﻟﻮﻧﺴﺎﺕ
ﻭﺍﻟﻤﻌﺮﻓﺔ ..
ﻭﺩﺍﻳﺮﻳﻦ ﻳﺮﺟﻌﻮ .. ﻏﺎﻟﻴﺔ ﻗﺎﻟﺖ ﻟﻴﻬﺎ ﻭﺍﻟﻠﻪ ﻳﺎ ﺧﺎﻟﺪﺓ ﺭﺑﻨﺎ ﺑﻌﻠﻢ ﺩﺭﺗﻚ ﻣﻦ ﺟﻮﻩ
ﻗﻠﺒﻲ .. ﻋﻠﻴﻚ ﺍﻟﻠﻪ ﺗﺠﻲ ﺗﺸﺮﻓﻴﻨﺎ ﻓﻲ ﺯﻭﺍﺝ ﻟﺒﻨﻰ ﺑﺘﻲ ﺩﻱ .. ﻭﺍﻟﻠﻪ ﻣﻦ ﻫﻨﺎﻙ
ﺟﻴﻨﺎﻙ ﻋﺸﺎﻥ ﻧﺪﻋﻴﻚ .. ﻭﻻﻧﻚ ﻏﺎﻟﻴﺔ ﻋﻠﻰ ﻧﺴﺮﻳﻦ ﻭﻋﻠﻰ ﺧﺪﺭ ﻋﺸﺎﻥ ﻛﺪﻱ ﺍﻧﺘﻲ
ﻏﺎﻟﻴﺔ ﻋﻠﻴﻨﺎ .
ﺭﺑﻨﺎ ﻳﺪﻳﻚ ﺍﻟﻌﺎﻓﻴﺔ .. ﻭﻳﺴﻠﻤﻚ ﻟﻲ ﻭﻟﻴﺪﺍﺗﻚ .. ﻣﻊ ﺍﻟﺴﻼﻣﺔ ﻣﻊ ﺍﻟﺴﻼﻣﺔ ..
ﻭﺿﺮﺑﻮ ﻟﻲ ﺧﺪﺭ ﻳﺠﻴﻬﻢ ﺭﺍﺟﻊ ﻗﺎﻝ ﻟﻴﻬﻢ ﺍﻧﺎ ﻫﻨﺎ ﻗﺮﻳﺐ .. ﻓﻲ ﺷﺎﺭﻉ ﺍﻟﻤﻴﺮﻏﻨﻴﺔ ..
ﻭﺧﺎﻟﺪﺓ ﻗﺪﻣﺘﻬﻢ ﻟﻐﺎﻳﺔ ﺍﻟﺒﺎﺏ .. ﺍﻭﻝ ﻣﻦ ﺷﺎﻓﺖ ﻋﺮﺑﻴﺔ ﺧﺪﺭ ﺟﺎﺕ ﻣﻦ ﺑﻌﻴﺪ .. ﻓﻲ
ﺍﻭﻝ ﺍﻟﺸﺎﺭﻉ ﺩﺧﻠﺖ ﻭﻗﻔﻠﺖ ﺍﻟﺒﺎﺏ ..
ﻏﺎﻟﻴﺔ ﺧﺘﺖ ﺑﺎﻟﻬﺎ .. ﻗﺎﻟﺖ ﻟﻴﻬﺎ ﺍﻧﺘﻲ ﻳﺎﻧﺴﺮﻳﻦ؟ .. ﻭﻗﺖ ﺍﻟﺒﺖ ﺩﻱ ﺍﺻﻼ ﻏﺎﻟﻴﺔ
ﻋﻠﻰ ﺧﺪﺭ .. ﻭﺧﺪﺭ ﺑﻌﺰﻫﺎ ﻗﺪﺭ ﺩﻩ .. ﻟﻴﻪ ﻣﺎ ﺩﺍﻳﺮﺓ ﺗﺴﻠﻢ ﻋﻠﻴﻬﻮ؟؟ ..
ﻗﺎﻟﺖ ﻟﻴﻬﺎ ﻻﻻ ﻳﺎﺧﺎﻟﺔ .. ﺩﻳﻞ ﻧﺎﺱ ﻋﻨﺪﻫﻢ ﻋﺎﺩﺍﺕ ﻛﺪﺍ .. ﺍﻟﻤﺮﺍﺓ ﻟﻤﻦ ﺗﻜﻮﻥ ﻣﺎﺭﻗﺔ
ﻣﻦ ﺑﻴﺖ ﺍﻟﺤﺒﺲ ﺟﺪﻳﺪﺓ .. ﻣﺎﻻﺯﻡ ﺗﺸﻮﻑ ﺍﻱ ﺭﺍﺟﻞ ﻛﻢ ﻳﻮﻡ ﻛﺪﺍ ..
ﻗﺎﻟﺖ ﻟﻴﻬﺎ ﺍﻳﻮﺍﺍﺍﺍ ﻋﻠﻴﻚ ﺍﻟﻠﻪ؟؟ ﺍﻱ ﺍﻱ ﺍﻱ ﺧﻼﺹ ﻓﻬﻤﺘﺎ .. ﺍﻫﺎ ﺧﺪﺭ ﻭﺻﻞ ..
ﻭﺭﻛﺒﻮ ﻣﻌﺎﻫﻮ .. ﻭﻛﻞ ﺍﻟﺸﺎﺭﻉ ﻏﺎﻟﻴﺔ ﺗﺘﻜﻠﻢ ﻋﻦ ﺧﺎﻟﺪﺓ ﻭﻃﻴﺒﺘﻬﺎ ﻭﺳﻤﺎﺣﺘﻬﺎ ..
ﻗﺎﻟﺖ .. ﻛﺮ ﻋﻠﻰ ﻳﺎ ﻳﻤﺔ .. ﻋﻠﻴﻚ ﺍﻟﻠﻪ ﻋﺎﻧﻲ ﺍﻟﺰﻱ ﺍﻟﻔﻮﻕ ﺍﻟﺒﺖ ﺩﻱ .. ﻭﺍﻟﺴﻤﺎﺣﺔ
ﺍﻟﻔﻮﻗﻬﺎ .. ﺍﺗﻬﻤﻠﺖ ﻳﺎ ﻳﻤﻪ ﻓﻲ ﻋﺰ ﺷﺒﺎﺑﺎ ..
ﻭﺣﺎﺕ ﺍﻟﻠﻪ ﻳﺎ ﻟﺒﻨﻰ .. ﺍﻟﺒﺖ ﺩﻱ ﻭﻛﺖ ﺗﺎﺧﺪ ﻟﻬﺎ ﺑﺴﻤﺔ ﻛﺪﻱ ﺑﺎﻟﺠﻨﺒﻪ ..ﻭﺗﻈﻬﺮ
ﺍﻟﻮﺟﻨﺔ ﻓﻮﻕ ﺧﺪﻫﺎ ﺍﻧﺎ ﻗﻠﺒﻲ ﺑﻔﺮﻧﻲ .. ﻭﺧﺪﺭ ﻳﺴﻤﻊ ﻓﻲ ﺗﻌﻠﻴﻘﺎﺕ ﺍﻣﻮ .. ﻃﺒﻌﺎ"
ﺍﻣﻮ ﺍﺻﻼ ﻣﺎﺧﺎﺗﺔ ﺍﻧﻮ ﺧﺪﺭ ﺑﻔﻜﺮ ﻓﻴﻬﺎ .. ﻻﻧﻬﺎ ﻟﻮ ﻋﺎﺭﻓﺔ ﻛﺪﺍ ﻣﺎﺑﺘﻘﻮﻝ ﻛﻼﻣﻬﺎ ﺩﻩ
.. ﻟﺒﻨﻰ ﻗﺎﻟﺖ ﻟﻴﻬﺎ ﺍﻧﺘﻲ ﻟﻴﻪ ﻳﺎ ﺍﻣﻲ ﺍﺣﺮﺟﺘﻴﻬﺎ ﻛﺪﺍ؟؟ .. ﺑﺘﺘﻜﻠﻤﻲ ﻗﺪﺍﻣﻬﺎ ﺗﻘﻮﻟﻲ
ﺧﺪﺭ ﺷﻨﻮ ﺍﻟﺒﻌﺮﺱ ﻫﻨﺪ ﺍﻟﻌﺰﺑﻪ .. ﺍﻧﺘﻲ ﻣﺎﻋﺎﺭﻓﻪ ﺧﺎﻟﺪﺓ ﺑﺮﺿﻮ ﻋﺰﺑﺔ؟؟ ..
ﻏﺎﻟﻴﺔ ﻗﺎﻟﺖ ﻟﻴﻬﺎ ﺳﺠﻤﻲ ﻣﺎﻧﺴﻴﺖ .. ﺍﻧﺘﻲ ﻳﺎﻟﺒﻨﻲ ﻣﺎﻛﻨﺘﻲ ﺗﻠﻜﺪﻳﻨﻲ !!..
ﻗﺎﻟﺖ ﻟﻴﻬﺎ ﺍﻟﻜﺪﻙ ﺷﻨﻮ؟؟ ﺍﻧﺘﻲ ﺫﺍﺗﻚ ﻣﺎ ﺟﻨﺒﻲ .. ﻫﻬﻬﻪ .. ( ﻏﺎﻳﺘﻮ ﺍﺳﺮﺓ ﻃﻴﺒﺔ
ﻃﻴﺒﺔ ﺍﻟﻨﺎﺱ ﺩﻱ ﻛﻠﻬﻢ ﺑﺮﻳﺌﻴﻦ )
ﺍﻣﻬﺎ ﻗﺎﻟﺖ ﻟﻴﻬﺎ ﻭﺍﺭﻣﺎﺩ ﺧﺸﻤﻲ ﻳﺎﻣﺔ .. ﺍﻧﺎ ﻣﺎﻧﻲ ﻋﻮﻳﺮﺓ ﺳﺎﻱ !! ﻫﺴﻊ ﺍﻟﺒﺖ
ﺗﻠﻘﻴﻬﺎ ﺷﺎﻟﺖ ﻓﻲ ﺧﺎﻃﺮﺍ ﻣﻨﻲ ..
ﻭﺧﺪﺭ ﺳﺎﻳﻖ ﻭﺳﺎﻛﺖ ﺯﻱ ﺍﻟﻤﺎﺳﺎﻣﻊ ﺣﺎﺟﺔ .. ﻭﻧﺴﺮﻳﻦ ﺗﺴﻤﻊ ﻓﻲ ﺍﻟﻜﻼﻡ
ﻭﺗﻌﺎﻳﻦ ﻟﻲ ﺧﺪﺭ .. ﺍﻣﻮ ﺭﺍﻛﺒﺔ ﺟﻨﺒﻮ ..ﻭﻧﺴﺮﻳﻦ ﺑﻲ ﻭﻟﺪﻫﺎ ﻣﻊ ﻟﺒﻨﻰ ﺭﺍﻛﺒﻴﻦ ﻭﺭﺍ
..
ﺑﻌﺪ ﻭﺻﻠﻮ ﺑﻴﺖ ﻧﺎﺱ ﺧﺪﺭ .. ﺍﻭﻻ ﻧﺰﻟﺖ ﺍﻻﻡ .. ﻭﺗﺎﻧﻴﺎ ﻧﺰﻟﺖ ﻟﺒﻨﻰ ﻧﺴﺮﻳﻦ ﺍﺗﺄﺧﺮﺕ
ﺑﺎﻟﻘﺼﺪ .. ﻗﺎﻟﺖ ﻟﻲ ﺧﺪﺭ ﺍﺳﻤﻊ ﻳﺎﺧﺪﺭ .. ﻓﻲ ﻛﻼﻡ ﻣﻬﻢ ﺍﻧﺎ ﻋﺎﻳﺰﺓ ﺍﻗﻮﻟﻮ ﻟﻴﻚ ..
ﺍﻭﻝ ﻣﺎﺗﻔﻀﻰ ﺍﺿﺮﺏ ﻟﻲ .. ﺍﻧﺎ ﺑﻜﻮﻥ ﻗﺎﻋﺪﺓ ﻓﻲ ﺑﻴﺘﻜﻢ ﻟﻐﺎﻳﺔ ﺍﻟﻤﺴﺎﺀ
ﻋﺒﺪﺍﻟﻤﺠﻴﺪ ﺑﺠﻴﻨﻲ ﻫﻨﺎ ..
ﻗﺎﻝ ﻟﻴﻬﺎ ﺣﺎﺿﺮ ..
ﺧﺪﺭ ﻣﺸﻰ ﻃﻮﺍﻟﻲ .. ﻗﺒﻞ ﻣﺎﻳﺼﻞ ﻣﻜﺎﻥ ﺍﻟﺸﻐﻞ ﺭﻛﻦ ﻓﻲ ﺟﻨﺒﺔ ﺍﻟﺸﺎﺭﻉ
.. ﻭﺿﺮﺏ ﻟﻲ ﻧﺴﺮﻳﻦ .. ﻗﺎﻝ ﻟﻴﻬﺎ ﻓﻲ ﺷﻨﻮ ﻳﺎﻧﺴﺮﻳﻦ؟؟ .. ﺍﻧﺎ ﺷﺎﻳﻒ ﺍﻣﻲ
ﺍﻟﻤﻮﺿﻮﻉ ﻣﺎﺷﻲ ﻣﻌﺎﻫﺎ ﻛﻮﻳﺲ .. ﻭﺷﻜﻠﻬﺎ ﺯﻱ ﻣﺎﻗﺎﻝ ﻋﺒﺪ ﺍﻟﻤﺠﻴﺪ .. ﺧﺎﻟﺪﺓ
ﻋﺠﺒﺘﻬﺎ .. ﻗﺎﻟﺖ ﻟﻴﻬﻮ ﺩﻱ ﻣﺎ ﺍﻟﻤﺸﻜﻠﺔ ﻳﺎﺧﺪﺭ .. ﺍﻟﻤﺸﻜﻠﺔ ﺍﻧﻮ ﻫﻨﺪ ﺍﻟﻤﻔﻌﻮﺻﻪ .
ﺟﺎﺕ ﻟﻲ ﺧﺎﻟﺪﺓ ﻭﺗﺒﻜﻲ ﻭﺗﺤﻨﺲ ﻓﻴﻬﺎ .. ﻗﺎﻟﺖ ﻟﻴﻬﺎ ﺍﺗﻮﺳﻄﻲ ﻟﻲ ﻟﻲ ﺧﺪﺭ
..ﺧﻠﻴﻬﻮ ﻳﺮﺟﻊ ﻟﻲ .. ﻗﺎﻝ ﻟﻴﻬﺎ ﻣﻌﻘﻮﻝ ﻳﺎﻧﺴﺮﻳﻦ ﺍﻟﻜﻼﻡ ﺩﻩ ؟ ﺍﻧﺘﻲ ﻣﺘﺄﻛﺪﺓ ﻣﻦ
ﺍﻟﻜﻼﻡ ﺩﻩ؟
ﻗﺎﻟﺖ ﻟﻴﻬﻮ ﻭﺍﻟﻠﻪ ﺍﻟﻌﻈﻴﻢ ﺯﻱ ﻣﺎ ﺍﻗﻮﻝ ﻟﻴﻚ .. ﻗﺎﻝ ﻟﻴﻬﺎ ﻃﻴﺐ ﺧﺎﻟﺪﺓ ﺭﺩﺕ ﻟﻴﻬﺎ
ﻗﺎﻟﺖ ﻟﻴﻬﺎ ﺷﻨﻮ؟
ﻧﺴﺮﻳﻦ ﻗﺎﻟﺖ ﻟﻴﻬﻮ ﺧﺎﻟﺪﺓ ﺣﻨﺖ ﻋﻠﻴﻬﺎ .. ﻭﻗﺎﻟﺖ ﻟﻴﻬﺎ ﺑﻜﻠﻤﻮ ﻟﻴﻚ .. ﻭﺑﺤﺎﻭﻝ ﻣﻌﺎﻫﻮ
.. ﺧﺪﺭ ﺩﻩ ﺑﺎﻻﺳﺘﻴﺎﺀ ﻭﺍﻟﻀﻴﻖ ﻣﻦ ﻫﻨﺪﻭﻳﺔ ﺑﻄﻞ ﺍﻟﻌﺮﺑﻴﻪ ﻭﺍﻧﺘﻜﻞ ﻋﻠﻰ
ﺍﻟﺪﺭﻛﺴﻮﻥ ﻛﺪﺍ ..
ﻗﺎﻝ ﻟﻴﻬﺎ ﺍﺳﻤﻌﻲ ﻳﺎﻧﺴﺮﻳﻦ .. ﺑﻌﺪﻳﻦ ﺍﻟﻤﺴﺎﺀ ﺍﻧﺎ ﺑﺠﻴﻜﻢ ﻓﻲ ﺍﻟﺒﻴﺖ .. ﻧﺨﻠﺺ
ﻛﻼﻣﻨﺎ .. ﺍﻧﺎ ﻫﺴﻲ ﻣﺎﻗﺎﺩﺭ ﺍﺳﺘﻮﻋﺐ ﺍﻟﻜﻼﻡ ﺩﻩ .. ﺍﻧﺎ ﺭﺍﺳﻲ ﺩﺍﻳﺮ ﻳﻄﺮﺷﻖ ..
ﺑﺎﻟﻤﺴﺎﺀ ﻃﺒﻌﺎ ﻋﺒﺪ ﺍﻟﻤﺠﻴﺪ ﺟﺎ ﺑﻴﺖ ﻧﺎﺱ ﺧﺪﺭ .. ﺳﺎﻕ ﻧﺴﺮﻳﻦ .. ﻭﺧﺪﺭ ﻣﺸﻰ
ﻋﻠﻴﻬﻢ ﻓﻲ ﺍﻟﺒﻴﺖ ..
ﻧﺴﺮﻳﻦ ﻃﺒﻌﺎ" ﺣﻜﺖ ﻟﻴﻬﻮ ﺍﻟﻤﺸﻬﺪ ﺑﺘﺎﻉ ﻫﻨﺪ ﻣﻊ ﺧﺎﻟﺪﺓ ﻓﻘﻂ .. ﻭﺣﻜﺖ ﻟﻴﻬﻮ ﻗﺼﺔ
ﻳﺎﺳﺮ ﺍﻟﺪﻛﻤﺔ ﺍﻻﺗﻮﻓﻰ ﻓﻲ ﺍﻟﺤﺮﺍﺳﺔ ..
ﻟﻜﻦ ﻣﺎﺟﺎﺑﺖ ﻟﻴﻬﻮ ﺳﻴﺮﺓ ﺍﻧﻬﺎ ﺍﺗﻜﻠﻤﺖ ﻣﻊ ﺧﺎﻟﺪﺓ ﻓﻲ ﻣﻮﺿﻮﻋﻮ .. ﻭﺍﻧﻮ ﺧﺎﻟﺪﺓ
ﺭﺍﻓﻀﺔ ﺍﻟﺰﻭﺍﺝ ﻣﻨﻮ ..
ﺧﺪﺭ ﻗﺎﻝ ﻟﻴﻬﺎ ﺑﺲ ﺧﻼﺹ .. ﺍﻟﺤﻤﺪ ﻟﻠﻪ ﺍﻟﻜﻠﻤﺘﻴﻨﻲ .. ﺍﻧﺎ ﻻﺯﻡ ﺍﻣﺸﻲ ﺍﻓﺎﺟﺊ
ﺧﺎﻟﺪﺓ ﻭﺍﻃﻠﺐ ﻳﺪﻫﺎ .. ﻗﺒﻞ ﻣﺎﺗﺠﻲ ﺗﺘﻮﺳﻂ ﻟﻲ ﻫﻨﺪ .. ﺑﺎﻟﻠﻪ ﻋﻠﻴﻚ ﺍﻟﻠﻪ ﺷﻮﻑ
ﻣﺼﺎﻳﺐ ﺍﻟﺰﻣﺎﻥ .. ﺍﻧﺎ ﻳﺎﺟﻤﺎﻋﺔ ﻗﺸﺮﻭﻳﺔ ﺩﻱ ﺍﻟﺒﻔﻜﻨﻲ ﻣﻨﻬﺎ ﺷﻨﻮ . ؟ ﺩﻱ ﺷﺒﻜﺔ
ﺷﻨﻮ ﻳﺎﺟﻤﺎﻋﺔ؟ .. ﺯﻣﺎﻥ ﻣﺎﻗﺎﻟﺖ ﻣﺎﻋﺎﻳﺰﺍﻧﻲ؟؟ .. ﻫﺴﻲ ﺑﻘﻴﺖ ﻟﻴﻬﺎ ﺣﻠﻮ؟ .. ﺑﺲ
ﻳﺎﻫﺎ ﺯﺍﺗﻬﺎ .. ﻧﺠﻴﻜﻢ ﺗﻜﻮﺭﻛﻮ ﻣﻨﻨﺎ .. ﻧﻔﻮﺕ ﻣﻨﻜﻢ ﺗﻜﻮﺭﻛﻮ ﻟﻴﻨﺎ .. ﻧﺴﺮﻳﻦ ﻗﺎﻟﺖ ﻟﻴﻬﻮ
ﺍﺳﺘﻬﺪﻯ ﺑﺎﻟﻠﻪ ﻳﺎﺧﺪﺭ .. ﻭﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﺘﻢ ﻟﻴﻚ ﺍﻟﻔﻲ ﻣﺮﺍﺩﻙ .. ﺑﺲ ﺍﻧﺖ
ﺍﻟﻌﺐ ﻟﻌﺐ ﻣﻌﻠﻤﻴﻦ ﻛﺒﺎﺭ .. ﻣﺎﺗﺒﻘﻰ ﻋﻮﻳﺮ ﺯﻱ ﺧﺎﻟﺪﺓ ..
ﺷﺮﺏ ﻣﻌﺎﻫﻢ ﺍﻟﺸﺎﻱ ﻭﻗﺎﻝ ﻟﻴﻬﻢ ﺍﻧﺎ ﺑﻤﺸﻲ ﺍﻟﺒﻴﺖ ﺍﻻﻥ .. ﻭﺍﺗﻜﻠﻢ ﻣﻊ ﺍﻟﻮﺍﻟﺪﺓ ..
ﻭﺍﺷﻮﻑ ﺭﺍﻳﻬﺎ ﺷﻨﻮ؟ ﻭﺍﻧﺎ ﻣﺼﺮ ﻻﺯﻡ ﺍﻣﻲ ﺗﻮﺍﻓﻖ ..
ﺧﺪﺭ ﻣﺸﻰ ﺍﻟﺒﻴﺖ .. ﺍﻭﻝ ﺷﻲ ﺍﺗﻜﻠﻢ ﻣﻊ ﺍﺑﻮﻫﻮ .. ﻗﺎﻝ ﻟﻴﻬﻮ ﻳﺎ ﺍﺑﻮﻱ ﺍﻧﺖ ﻗﻠﺖ
ﻟﻲ ﺍﻧﺎ ﺑﻘﻴﻒ ﻣﻌﺎﻙ ﻓﻲ ﻣﻮﺿﻮﻉ ﺍﻟﺒﺖ ﺍﻡ ﺍﻻﻳﺘﺎﻡ .. ﺍﻫﺎ ﺍﻧﺎ ﺍﻟﻠﻴﻠﺔ ﻣﺤﺘﺎﺝ ﻟﻚ
ﺷﺪﻳﺪ ..
ﻗﺎﻝ ﻟﻴﻬﻮ ﻓﻲ ﺷﻨﻮ؟ ﺩﺍﻳﺮ ﺗﺘﻜﻠﻢ ﻣﻊ ﺍﻣﻚ ؟ﺧﺪﺭ ﻗﺎﻝ ﻟﻴﻬﻮ ﻧﻌﻢ ﻳﺎ ﺍﺑﻮﻱ ..
ﻭﻳﺎﺭﻳﺖ ﺍﻧﺖ ﺍﻟﻠﻴﻠﺔ ﺗﻈﻬﺮ ﻟﻲ ﺑﺮﺍﻋﺘﻚ ﻓﻲ ﺍﻻﻗﻨﺎﻉ .. ﺍﻟﻠﻴﻠﺔ ﺩﻩ ﻳﻮﻡ ﻣﺼﻴﺮﻱ ..
ﻋﻤﻚ ﺍﻟﺤﺴﻴﺐ ﻗﺎﻝ ﻟﻴﻬﻮ ﻫﺴﻲ ﻧﻘﻮﻡ ﻧﻤﺸﻲ ﻋﻠﻴﻬﺎ .. ﺍﻟﻠﻪ ﺍﻛﺒﺮ .. ﻣﺎﻓﻲ ﻛﻼﻡ ..
ﺍﻧﺎ ﺍﺧﻮﻙ ﺍﺕ .. ﻭﺍﻟﻠﻪ ﺍﻧﺎ ﻋﻨﺪ ﻛﻼﻣﻲ .. ﻭﺍﻟﺮﺟﺎﻝ ﺑﺮﺑﻄﻮﻫﺎ ﺑﻠﺴﺎﻧﻬﺎ ﺍﺭﺡ .. ﻫﻬﻪ
( ﺑﻮﺏ ﺣﻼﻟﻲ ﻳﺎ ﺍﻟﺤﺴﻴﺐ ﻋﺎﻓﻲ ﻣﻨﻚ ) ..
ﻗﺎﻣﻮ ﻣﺸﻮ ﻟﻠﻮﺍﻟﺪﺓ ﻏﺎﻟﻴﺔ ﺍﻟﻐﺎﻟﻴﺔ .. ﻋﻤﻚ ﺣﺴﻴﺐ ﻗﺎﻝ ﻟﻴﻬﺎ ﻧﺤﻦ ﺟﻴﻨﺎ ﻧﺸﺎﻭﺭﻙ
ﻓﻲ ﻣﻮﺿﻮﻉ .. ﻗﺎﻟﺖ ﻟﻴﻬﻮ ﻣﻮﺿﻮﻉ ﺷﻨﻮ؟؟ ﺟﻴﺘﻮﻧﻲ ﺍﻻﺗﻨﻴﻦ ﻣﻄﻴﺮﻳﻦ ﻋﻴﻮﻧﻜﻢ
ﻛﺪﻱ .. ﺯﻱ ﺍﻟﻮﺭﺍﻛﻢ ﻣﺼﻴﺒﺔ !!
ﺣﺴﻴﺐ ﻗﺎﻝ ﻟﻴﻬﺎ ﺧﺪﺭ ﺩﻩ ﻋﻨﺪﻭ ﻣﻌﺎ ﺷﻮﺭﺓ .. ﺷﺎﻭﺭﻧﻲ ﻓﻴﻬﺎ ﻭﺍﻧﺎ ﻭﺍﻓﻘﺖ ..
ﻗﺎﻟﺖ ﻟﻴﻬﻮ ﺷﻨﻮ ﻳﺎﺧﺪﺭ ﻣﺎﺗﺘﻜﻠﻢ ..
ﺧﺪﺭ ﻗﺎﻝ ﻟﻴﻬﺎ ﻳﺎ ﺍﻣﻲ ﺧﺎﻟﺪﺓ ﺍﻡ ﺍﻻﻳﺘﺎﻡ .. ﺍﻟﻜﻨﺘﻲ ﻣﻌﺎﻫﺎ ﻗﺒﻴﻞ ﺩﻱ .. ﺭﺍﻳﻚ ﻓﻴﻬﺎ
ﺷﻨﻮ؟ ﻗﺎﻟﺖ ﻟﻴﻬﻮ ﻣﻦ ﻳﺎﺗﻮ ﻧﺎﺣﻴﺔ ؟ ﻗﺎﻝ ﻟﻴﻬﺎ ﻣﻦ ﺍﻱ ﻧﺎﺣﻴﺔ .. ﻗﺎﻟﺖ ﻟﻴﻬﻮ ﻭﺍﻟﻠﻪ
ﺍﻟﻨﺼﻴﺤﺔ ﻟﻴﻚ ﻳﺎ ﺍﻟﻠﻪ .. ﻣﺮﺍﺓ ﻓﺎﻫﻤﺔ ﻭﻛﺮﻳﻤﺔ ﻭﺑﺸﻮﺷﺔ ﻭﻧﻀﻴﻔﺔ ﻭﻇﺮﻳﻔﺔ ..
ﻭﺳﻤﺤﺔ ﺳﻤﺎﺣﺘﻦ ﻻﻣﻦ ﻳﺒﻘﺼﻮ ﻣﻨﻬﺎ ..
ﻗﺎﻝ ﻟﻴﻬﺎ ﺍﻧﺎ ﻋﺎﻳﺰ ﺍﺗﻜﻔﻞ ﺑﻴﻬﺎ .. ﻭﺑﻲ ﺍﻭﻻﺩﻫﺎ .. ﻭﺍﺗﺰﻭﺟﻬﺎ ﻋﻠﻰ ﺳﻨﺔ ﺍﻟﻠﻪ
ﻭﺭﺳﻮﻟﻪ ..
ﻗﺎﻟﺖ ﻟﻴﻬﻮ ﻭﺍﻟﻠﻪ ﺧﻴﺮ ﻣﺎﻓﻌﻠﺖ .. ﻣﺎﻟﻮ ﻳﺎ ﻳﺎﺑﺎ؟ .. ﺍﺭﻳﺘﺎ ﺑﺖ ﺍﻟﺴﺮﻭﺭ .. ﻭﺣﺎﺕ ﺍﻟﻠﻪ
ﺍﻧﺎ ﺫﺍﺗﻲ ﺍﺗﻤﻨﻴﺘﺎ ﻟﻴﻚ .. ﻟﻜﻦ ﺧﻔﺘﻚ ﻣﺎﺗﻮﺍﻓﻖ .. ﻭﺗﻘﻮﻝ ﺩﺍﻳﺮ ﻟﻴﻚ ﻓﺘﻴﻪ ﻣﺎﻣﻌﺮﺳﺔ ..
ﻗﺎﻝ ﻟﻴﻬﺎ ﺍﻟﻠﻪ ﺍﻛﺒﺮ ﻳﺎ ﺍﻣﻲ .. ﻭﻗﺎﻡ ﻋﻠﻲ ﺣﻴﻠﻮ ﺳﻠﻢ ﻋﻠﻴﻬﺎ ﻓﻮﻕ ﺭﺍﺳﻬﺎ ..
ﻗﺎﻟﺖ ﻟﻴﻬﻮ ﻳﺎﻭﻟﺪﻱ ﺩﻩ ﻋﻤﻞ ﺧﻴﺮ .. ﻭﺍﻟﺒﻨﻴﺔ ﻣﺘﻮﺣﺪﺓ ﻭﻣﺴﻜﻴﻨﺔ .. ﻭﻣﺎﻋﻨﺪﻫﺎ
ﻭﺟﻴﻊ .. ﺍﻧﺎ ﻛﺎﻥ ﻣﻨﻌﺘﻚ ﻣﻨﻬﺎ ﺍﻗﺒﻞ ﻭﻳﻦ ﻣﻦ ﺭﺑﻲ؟؟ .. ﻣﺎﺩﺍﻡ ﺍﻧﺖ ﻋﻨﺪﻙ ﻓﻴﻬﺎ
ﺍﻟﺮﻏﺒﺔ .. ﻭﺍﺑﻮﻙ ﻣﻮﺍﻓﻖ ﻣﺒﺮﻭﻙ ﻳﺎﻭﻟﺪﻱ ..
ﺍﻫﺎﻏﺎﻟﻴﺔ ﺍﺧﺪﺕ ﻟﻴﻬﺎ ﺳﻜﺘﺔ ﻛﺪﺍ .. ﻭﺍﺗﺒﺴﻤﺖ ﻭﻗﺎﻟﺖ .. ﺍﺗﺎﺭﻳﻬﺎ ﺍﻟﺒﺖ ﺑﺘﺘﺨﺠﻞ
ﻭﻣﺎﺩﺍﻳﺮﺓ ﺗﻼﻗﻴﻚ .. ﻭﺍﻧﺎ ﻣﺎﺟﺎﻳﺒﺔ ﺧﺒﺮ .. ﻛﻤﺎﻥ ﻧﺴﺮﻳﻦ ﺑﺘﻐﺸﻨﻲ ﺗﻘﻮﻝ ﻟﻲ ﺩﻱ
ﻋﺎﺩﺍﺗﻬﻢ .. ﻏﺎﻳﺘﻮ ﺍﻧﺘﻮ ﻋﻨﺪﻛﻢ ﺟﻨﺲ ﺣﺎﺟﺎﺕ!! ﺑﺮﻱ .. ﺑﺮﻱ .. ﺑﺮﻱ ..
ﺧﺪﺭ ﻗﻌﺪ ﻳﻀﺤﻚ ﻣﻦ ﻛﻼﻡ ﺍﻣﻮ .. ﻭﻗﺎﻣﻮ ﻫﻮ ﻭﺍﺑﻮﻫﻮ ﻣﺘﻜﻴﻔﻴﻦ ﺍﺭﺑﻌﺔ ﻭﻋﺸﺮﻳﻦ
ﻗﻴﺮﺍﻁ ...
ﺧﺪﺭﺩﻩ ﺍﻟﻴﻮﻡ ﺩﺍﻙ ﻣﺎﺭﻗﺪ ﻣﻦ ﺍﻟﻔﺮﺣﺔ .. ﻭﺧﻼﺍﺍﺍﺍﺍﺹ ﺑﻘﻰ ﻣﺒﺴﻮﻁ ﺑﺴﻄﻪ
ﺍﺻﻠﻮﻣﺎﻣﻌﻘﻮﻝ .. ﻳﺎﺧﻲ ﺍﻟﺰﻭﻝ ﺩﻩ ﻟﻲ ﺍﻧﺼﺎﺹ ﺍﻟﻠﻴﺎﻟﻲ ﺭﺍﻗﺪ ﻭﻳﻌﺎﻳﻦ ﻟﻠﻨﺠﻢ ..
ﻭﻓﺮﺣﺎﻥ .. ﻭﻛﻞ ﻛﺮﺓ ﻳﻘﻮﻝ ﻳﺎﺭﺏ ﻳﺎﺭﺏ ..
ﻭﻣﻮﻋﺎﺭﻑ ﺧﺎﻟﺪﺓ ﺣﺎﻟﻔﺔ ﺍﻟﻘﺴﻢ .. ﻭﻣﻘﻮﻳﺔ ﺭﺍﺳﻬﺎ .. ﻭﺧﺪﺭ ﻟﻮ ﺑﻘﻰ ﺍﺧﺮ ﺭﺍﺟﻞ
ﻓﻲ ﺍﻟﺪﻧﻴﺎ ﻫﻲ ﻣﺎ ﺡ ﺗﻌﺮﺳﻪ .. ﻭﺧﺪﺭ ﺷﺎﻳﻒ ﺍﻟﻠﻴﻞ ﺍﻃﻮﻝ ﻟﻴﻞ ﻓﻲ ﺍﻟﺪﻧﻴﺎ .. ﻛﻠﻮ
ﻛﻠﻮ ﺍﺑﺎ ﺍﻟﺼﺒﺎﺡ ﻳﺠﻲ ..
ﻏﺎﻳﺘﻮ ﺑﻌﺪ ﻣﺠﺎﺑﺪﺓ ﻣﻊ ﺍﻟﻠﻴﻞ ﺍﻟﻄﻮﻳﻞ .. ﻫﻠﺖ ﺻﺒﺎﺣﺎﺕ ﺍﻟﻠﻪ .. ﺧﺪﺭ ﻗﺎﻡ ﺍﺳﺘﺤﻤﺔ
ﻭﺻﻠﻰ ﻭﻣﺎ ﺍﺗﺬﻛﺮ ﺍﻻﺳﺘﺨﺎﺭﺓ ﻛﻠﻮ ﻛﻠﻮ ..
ﻗﺎﻡ ﺑﺲ ﺟﺮﻱ ﻋﻠﻰ ﻋﺮﺑﻴﺘﻮ ﻭﻣﺸﻰ ﺍﺧﺪ ﺟﻮﻟﺔ ﻓﻮﻕ ﺍﻟﺸﻐﻞ ﻭﺿﺮﺏ ﻟﻲ ﻋﺒﺪ
ﺍﻟﻤﺠﻴﺪ ﻗﺎﻝ ﻟﻴﻬﻮ ﻣﺎﺗﻄﻠﻊ .. ﻗﺎﻝ ﻟﻴﻬﻮ ﺍﻧﺎ ﺍﻟﻠﻴﻠﺔ ﻣﺎﻃﺎﻟﻊ .. ﺧﺪﺭ ﻗﺎﻝ ﻟﻴﻬﻮ ﺍﻧﺎ
ﺟﺎﻱ ﺍﻟﺒﻴﺖ ..
ﺧﺪﺭ ﻭﺻﻞ ﺑﻴﺖ ﻧﺎﺱ ﻧﺴﺮﻳﻦ .. ﻭﺣﻜﻰ ﻟﻴﻬﺎ ﺍﻟﺒﺸﺎﺭﺓ ﺑﺘﺎﻋﺔ ﻣﻮﺍﻓﻘﺔ ﺍﻟﻮﺍﻟﺪﺓ ..
ﻋﺒﺪ ﺍﻟﻤﺠﻴﺪ ﺑﻘﻰ ﻳﺘﺒﺴﻢ .. ﻗﺎﻝ ﻟﻴﻬﻢ ﺍﻧﺎ ﺻﺎﺣﺐ ﺍﻟﻌﺒﻘﺮﻳﺔ ﺍﻟﻌﻘﻠﻴﺔ .. ﻟﻜﻦ ﺍﻧﺘﻮ ﻣﺎ
ﻣﻘﺘﻨﻌﻴﻦ ﺑﻲ .. ﺧﺪﺭ ﻗﺎﻝ ﻟﻴﻬﻮ ﻃﻴﺐ ﺧﻠﻲ ﺑﺎﻟﻚ ..
ﻫﺴﻲ ﺍﻟﻤﻔﺮﻭﺽ ﻧﻤﺸﻲ ﺍﻧﺎ ﻭﻧﺴﺮﻳﻦ ﻟﻲ ﺧﺎﻟﺪﺓ .. ﻭﻧﺘﻜﻠﻢ ﻣﻌﺎﻫﺎ .. ﺍﻧﺖ ﺭﺍﻳﻚ
ﺷﻨﻮ؟
ﻗﺎﻝ ﻟﻴﻬﻮ ﻻﻻﻻ .. ﺩﻩ ﺍﻛﺒﺮ ﻏﻠﻂ ﻛﻮﻧﻚ ﺗﺴﻮﻕ ﻣﻌﺎﻙ ﻧﺴﺮﻳﻦ .. ﺍﻟﻤﻔﺮﻭﺽ ﺍﻧﺖ
ﺗﻤﺸﻲ ﺍﻟﺒﻴﺖ .. ﻭﺗﺴﻮﻕ ﻣﻌﺎﻙ ﺍﻣﻚ ﻭﺑﺲ .. ﻋﺎﺭﻑ ﻟﻴﻪ ؟ ﻻﻧﻬﺎ ﻗﺪﺍﻡ ﺍﻣﻚ
ﻣﺎﺑﺘﻘﺪﺭ ﺗﻘﻮﻝ ﻟﻴﻚ ﻛﻼﻡ ﻫﻨﺪ .. ﻟﻜﻦ ﺍﻧﺖ ﻭﺍﻣﻚ ﺑﺘﻘﺪﺭﻭ ﺗﺘﻜﻠﻤﻮ ﻣﻌﺎﻫﺎ
ﻭﺗﻄﻠﺒﻮﻫﺎ ﺭﺍﻳﻚ ﺷﻨﻮ؟ .. ﺧﺪﺭ ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺖ ﺗﻨﻔﻊ ﻓﻲ ﺍﻟﻤﺠﻠﺲ ﺍﻟﻮﻃﻨﻲ
.. ﻫﻪ
ﻧﺴﺮﻳﻦ ﻗﺎﻟﺖ ﻟﻴﻬﻮ ﺧﺖ ﻓﻲ ﺑﺎﻟﻚ ﻳﺎ ﺧﺪﺭ .. ﺍﻟﺰﻭﻟﺔ ﺩﻱ ﺩﺍﻳﻤﺎ" ﺑﺘﻘﻮﻝ ﺍﻧﺎ ﻣﺎﻋﺎﻳﺰﺓ
ﻋﺮﺱ ﺍﻧﺎ ﻋﺎﻳﺰﺓ ﺍﺭﺑﻲ ﺍﻭﻻﺩﻱ ..
ﺧﺪﺭ ﻗﺎﻝ ﻟﻴﻬﺎ ﺍﻳﻮﺓ ﻋﺎﺭﻑ . ﺍﻱ . ﺍﻧﺘﻲ ﻗﻠﺘﻲ ﻟﻲ ﻛﺪﺍ .. ﻛﻮﻳﺲ ﺍﻫﺎ ﺗﺎﻧﻲ .. ﺷﻨﻮ
ﻳﺎﺟﻤﺎﻋﺔ ؟
ﻳﺎﺟﻤﺎﻋﺔ ﻭﺍﻟﻠﻪ ﺍﻧﺎ ﻣﺮﺗﺒﻚ .. ﻭﺧﺎﻳﻒ ﺍﻟﻤﻮﺿﻮﻉ ﺩﻩ ﻳﻔﺸﻞ ﻋﻠﻲ .. ﻟﻮ ﻓﺸﻞ ﺍﻧﺎ ﺑﺠﻦ
ﺑﻌﺪ ﻛﺪﺍ ﺧﻼﺹ ﻓﺎﺽ ﺑﻲ ..
ﻳﻌﻨﻲ ﺍﻧﺎ ﺡ ﺍﻗﻌﺪ ﺑﺎﻳﺮ ﻛﺪﺍ ﻭﻻ ﺍﻟﺮﺍﻱ ﺷﻨﻮ؟
ﺍﺧﺪ ﻧﻔﺴﻮ ﻛﺪﺍ ﻭﺿﺮﺏ ﺗﻠﻔﻮﻥ ﻟﻲ ﺍﻣﻮ .. ﻗﺎﻝ ﻟﻴﻬﺎ ﺍﺟﻬﺰﻱ ﺍﻧﺎ ﺳﺎﻳﻘﻚ ﻣﻌﺎﻱ
ﻣﺸﻮﺍﺭ .. ﻗﺎﻟﺖ ﻟﻴﻬﻮ ﻭﻳﻦ ﻳﺎﺧﺪﺭ؟؟
ﻗﺎﻝ ﻟﻴﻬﺎ ﻟﻤﻦ ﺍﺻﻞ ﺑﻮﺭﻳﻚ ...
ﺷﻮﻑ ﺍﻟﻜﻼﻡ ﺩﻩ ﺗﺎﻧﻲ ﻳﻮﻡ ﺑﺲ ﻣﻦ ﺧﺎﻟﺪﺓ ﻃﻠﻌﺖ ﻣﻦ ﺍﻟﺤﺒﺲ .. ﺧﺪﺭ ﻣﺸﻰ
ﺳﺎﻕ ﺍﻣﻮ ﻭﻃﻠﻊ .. ﻭﺑﺮﺭﺭﺿﻮ ﻣﺎ ﺍﺳﺘﺨﺎﺭ ﺍﻟﻠﻪ ..
ﻭﻗﺎﻝ ﻟﻴﻬﺎ ﺍﻧﺎ ﻋﺎﻳﺰﻙ ﺗﻤﺸﻲ ﺗﺘﻜﻠﻤﻲ ﻟﻲ ﻣﻊ ﺧﺎﻟﺪﺓ .. ﻻﻧﻪ ﻗﺎﻟﻮ ﻣﺎﻋﺎﻳﺰﺓ ﺗﺘﺰﻭﺝ
.. ﻭﻋﺎﻳﺰﺓ ﺗﺮﺑﻲ ﺍﻭﻻﺩﻫﺎ ..
ﻗﺎﻟﺖ ﻟﻴﻬﻮ ﺍﻟﻐﺒﻰ ﺍﻟﻴﻄﻘﻬﺎ .. ﻫﻲ ﻛﻤﺎﻥ ﻟﻘﺘﻚ ﺍﻧﺖ ﻣﻜﺴﻮﺭﺓ ؟؟
ﺍﻟﺒﻨﺎﺕ ﺷﺮﻕ ﻭﻏﺮﺏ ﻣﺘﻤﻨﻴﺎﺗﻨﻚ .. ﻗﺎﻝ ﻟﻴﻬﺎ ﻳﺎ ﺍﻣﻲ ﻫﻲ ﻃﺒﻌﺎ" ﻇﺮﻭﻓﻬﺎ
ﻣﺨﺘﻠﻔﻪ .. ﻭﺯﻭﺟﻬﺎ ﺍﻟﻠﻪ ﻳﺮﺣﻤﻮ .. ﻛﺎﻧﺖ ﻣﻌﺎﻣﻠﺘﻮ ﺻﻌﺒﺔ ..
ﺍﻧﺘﻲ ﺑﺲ ﺣﺎﻭﻟﻲ ﺍﺗﻜﻠﻤﻲ ﻣﻌﺎﻫﺎ ﺑﺎﻟﺤﺴﻨﻲ .. ﻭﻻﺯﻡ ﺗﻨﺠﺤﻲ ﻓﻲ ﺍﻟﻤﻮﺿﻮﻉ ..
ﺍﻫﺎﻭﺻﻠﻮ ﺍﻟﺒﻴﺖ ﺑﺘﺎﻉ ﺧﺎﻟﺪﺓ .. ﻭ ﺍﻟﺸﻐﺎﻟﺔ ﻓﺘﺤﺖ ﻟﻴﻬﻢ ﺍﻟﺒﺎﺏ ﺑﺮﺿﻮ .. ﺧﺪﺭ ﻗﺎﻝ
ﻟﻴﻬﺎ ﻗﻮﻟﻲ ﻟﻲ ﺧﺎﻟﺪﺓ .. ﺧﺪﺭ ﺟﺎﻱ ﺩﺍﺧﻞ .. ﻣﻌﺎﻫﻮ ﺍﻣﻮ ...
ﻣﺸﺖ ﻛﻠﻤﺘﻬﺎ .. ﻭﺍﻣﻮ ﻟﺴﻊ ﻣﺎﻧﺰﻟﺖ ﻣﻦ ﺍﻟﻌﺮﺑﻴﺔ .. ﺑﺘﺘﻜﻠﻢ ﻓﻲ ﺍﻟﺘﻠﻔﻮﻥ ..
ﺍﻟﺸﻐﺎﻟﺔ ﺟﺎﺕ ﻭﻗﺎﻟﺖ ﻟﻴﻬﻮ .. ( ﻗﺎﻟﻴﻜﻢ ﺍﺗﻔﺪﻟﻮ ) .. ﺩﺧﻞ ﺧﺪﺭ .. ﺍﻭﻝ ﻣﺎ ﻭﻗﻌﺖ
ﻋﻴﻨﻮ ﻋﻠﻲ ﺧﺎﻟﺪﺓ .. ﻻﺑﺴﺔ ﺗﻮﺑﻬﺎ .. ﻭﺷﺎﻳﻠﺔ ﺑﺘﻬﺎ .. ﻭﺍﻗﻔﺔ ﻗﺪﺍﻡ ﺑﺎﺏ ﺍﻟﻐﺮﻓﺔ ..
ﺣﻘﻴﻘﻲ ﺧﺪﺭ ﺩﻩ ﻟﻤﻦ ﺷﺎﻓﻬﺎ .. ﺣﺴﺔ ﺑﻲ ﻗﻠﺒﻮ ﺩﻩ ﻭﺻﻠﻮ ﺣﻠﻘﻮ .. ﻭﻗﺎﻝ ﺑﺮﺍﺣﺔ
( ﺍﻟﻠﻬﻢ ﺻﻠﻲ ﺍﻟﻨﺒﻲ ) .. ﻫﻬﻪ (ﺍﻣﺴﻚ ﺍﻋﺼﺎﺑﻚ ﻳﺎﺧﺪﻭﺭﻱ ) ..
ﻓﻌﻼ" ﺧﺎﻟﺪﺓ ﺍﺗﻐﻴﺮﺕ ﺳﺒﺤﺎﻥ ﺍﻟﻠﻪ .. ﻛﺎﻧﺖ ﻣﺎﺳﻜﺔ ﺧﻠﻮﺩﻱ ﻓﻲ ﻳﺪﻫﺎ .. ﺧﻠﻮﺩﻱ
ﺍﻭﻝ ﻣﻦ ﺷﺎﻑ ﺧﺪﺭ .. ﻧﺘﻞ ﻳﺪ ﺍﻣﻮ ﻛﺪﺍ .. ﻭﺟﺎ ﺟﺎﺭﻱ ﻟﻲ ﺧﺪﺭ .. ﻭﻫﻮ ﺑﻜﻮﺭﻙ
ﻋﻤﻤﻤﻤﻮ ﻋﻤﻤﻤﻤﻮ .. ﺍﻣﻮ ﺍﺳﺘﻐﺮﺑﺖ ﻭﻗﻌﺪﺕ ﺗﻌﺎﻳﻦ ﻟﻴﻬﻮ .. ﻻﻣﻦ ﻭﺻﻞ ﻟﻲ ﺧﺪﺭ
ﻭﺷﺎﻟﻮ ﻭﺿﻤﺎﻫﻮ ﻟﻲ ﺻﺪﻭ ﻛﺪﺍ ﻭﺷﺎﻟﻮ .. ﻭﻏﺎﻟﻴﺔ ﺑﺘﺴﻠﻢ ﻋﻠﻰ ﺧﺎﻟﺪﺓ .. ﻭﺧﺎﻟﺔ
ﻣﺴﺘﻐﺮﺑﺔ ﻣﻦ ﺍﻟﺰﻳﺎﺭﺓ ﺍﻟﻤﺎ ﻋﻨﺪﻫﺎ ﻣﻨﺎﺳﺒﺔ ﺩﻱ .. ﻭﻣﺴﺒﻌﺪﺓ ﺍﻧﻬﺎ ﺗﻜﻮﻥ ﺯﻳﺎﺭﺓ
ﻃﻠﺒﻴﺔ ..
ﺍﻟﻐﺮﻳﺒﺔ ﺍﻧﻮ ﺧﺎﻟﺪﺓ ﺣﺼﻠﺖ ﻟﻴﻬﺎ ﺣﺎﺟﺔ ﻋﺠﻴﺒﺔ .. ﺧﺪﺭ ﻟﻤﻦ ﻛﺎﻥ ﺑﺴﻠﻢ ﻋﻠﻴﻬﺎ ..
ﻋﺎﻳﻦ ﻟﻴﻬﺎ ﻋﻴﻦ ﻛﺪﺍ ﺟﻮﻭﻭﺓ ﻓﻲ ﻋﻴﻮﻧﺎ .. ﺣﺴﺖ ﺑﺎﻧﻬﺎ ﻧﻈﺮﺓ ﺑﺘﺨﺘﻠﻒ ﻋﻦ ﺍﻱ
ﻧﻈﺮﺓ ﺷﺎﻓﺘﻬﺎ ﻗﺒﻞ ﻛﺪﺍ ﻓﻲ ﺣﻴﺎﺗﻬﺎ .. ﺍﻟﺰﻭﻟﺔ ﺩﻱ ﺳﺮﺕ ﺟﻮﺍﻫﺎ ﺣﺎﺟﺔ .. ﻟﻤﻦ
ﺣﺴﺖ ﺑﻲ ﺟﺴﻤﻬﺎ ﺑﺮﺩ .. ﻭﻣﻮﺍﺯﻳﻦ ﻛﻴﺎﻧﻬﺎ ﻛﻠﻬﺎ ﺍﺗﻠﺨﺒﻄﺖ .. ﺑﺲ ﺍﻟﻤﺸﻜﻠﺔ ﺍﻧﻬﺎ
ﺯﻭﻟﺔ ﻋﻨﻴﺪﺓ .. ﻭﻣﺎﻣﻌﺮﻭﻑ ﻣﻮﺻﻼﻧﺎ ﻭﻳﻦ؟ ..
ﺩﺧﻠﺖ ﺟﺎﺑﺖ ﻟﻴﻬﻢ ﻋﺼﻴﺮ .. ﻭﺟﺎﺕ ﻗﻌﺪﺕ .. ﻭﺍﻻﻡ ﺳﺎﻛﺘﺔ .. ﻭﺧﺪﺭ ﺳﺎﻛﺖ ..
ﻭﺧﺪﺭ ﻛﻞ ﻣﺮﺓ ﻳﻌﺎﻳﻦ ﻟﻲ ﺧﺎﻟﺪﺓ .. ﻟﻤﻦ ﺗﻼﺣﻆ ﻟﻴﻬﻮ ﻳﻘﺒﻞ ﻛﺪﺍ .. ﺍﻭﻝ ﻣﻦ ﺗﻨﺸﻐﻞ
ﺑﻲ ﺑﺘﻬﺎ .. ﻳﺴﺮﺡ ﻓﻴﻬﺎ .. ﺗﻼﺣﻆ ﻟﻴﻬﻮ ﻳﺘﻠﻔﺖ ﻛﺪﺍ ﺳﺮﻳﻊ ..
ﺍﻟﻤﻬﻢ ﻋﻤﻞ ﻣﻨﺎﻭﺭﺓ ﺑﺘﺎﻋﺔ ﻣﻌﻠﻤﻴﻦ ﺑﺎﻟﺠﺪ .. ﺧﻼ ﺧﺎﻟﺪﺓ ﺩﻱ .. ﺭﺍﻗﺪﺓ ﺳﻠﻄﺔ ..
ﻭﺣﺴﺖ ﻓﻌﻼ ﺍﻧﻮ ﺍﻟﺰﻭﻝ ﻣﻴﺖ ﺑﻴﻬﺎ ﻭﻣﻜﺴﺮ ﻓﻴﻬﺎ .. ﻭﺍﻟﻠﻴﻠﺔ ﺑﺎﻟﺬﺍﺕ ﻋﺎﻳﺰ ﻳﻄﻠﺒﻬﺎ
.. ﻭﺍﺗﻮﻟﺪ ﺟﻮﺍﻫﺎ ﺍﺣﺴﺎﺳﻴﻦ ﻣﺘﻀﺎﺩﺍﺕ ﺗﻤﺎﻣﺎ" .. ﺍﺣﺴﺎﺱ ﺍﻟﻘﺒﻮﻝ ﻭﺍﻻﻣﺎﻥ ﻣﻦ
ﺟﻬﺔ .. ﻭﺍﺣﺴﺎﺱ ﺍﻟﺮﻓﺾ ﻭﺍﻟﺨﻮﻑ ﻣﻦ ﺟﻬﺔ ﺗﺎﻧﻴﺔ ..
ﻭﻧﺤﻦ ﻣﻨﺘﻈﺮﻳﻨﻬﻢ ﻳﺘﻜﻠﻤﻮ .. ﻭﻟﺴﻪ ﻣﺎﻣﻌﺮﻭﻑ ﺍﻟﺢ ﻳﺒﺪﺍ ﺍﻟﻜﻼﻡ ﻣﻨﻮ ﺧﺪﺭ ﻭﻻ
ﺍﻣﻮ ؟
.. ﺍﻟﻰ ﺍﻟﻠﻘﺎﺀ
أنت تقرأ
الأصابع الشريفة.. طارق اللبيب
Poesíaكل ما يمر الأيام .. و السنين تتوالى .. بتدي الانسان دروس و عبر في الحياة كل قصة تحصل قدام عينيك .. بتعلمك قوانين في الحياة ... كل شيء في الدنيا كأنه بتكلم ... البحر و النجوم و الرمال و الجبال و الشوارع و الحيطان و كل شي .. كانه يقول .. بالله الب...
