SARANGGOLA

Chapter 42 - Music Box

Samantala sina jansen at andrew ay nakarating na din sa sementeryo. Nagalay sila ng bulaklak at nagsindi ng kandila.

" Hello mama, kamusta po kayo dyan. Pagod na po ba kayo kahihiga hehehe. Mama birthday ko ngayon." (Jansen)

Si jasper at jannah ay nasa gilid ng dalawa at nakikinig.

" Ma eto po si daniel kasama ko na din sya sa wakas sa mismong kaarawan nya. Ma sana kasama ka pa rin namin ngayon ang saya siguro."(andrew)

" Mama may ikukuwento po pala ako sa inyo...."

Nang gumaralgal at humikbi ang boses ni jansen ay hinawakan sya ni jannah sa braso at inilagay ang baba sa balikat na tila niyayakap sya na nagsasabing ok lang.

" Mama....nakita ko na po yung nang abuso sa inyo. Wala man pong makapagsabi na sya ang ama ko kundi ang larawang iyon. Ay marami nagsasabi na magkahawig kami. Mama....hindi nya po ako tanggap..."

Tuluyan ng umiyak si jansen.

" Pero ok lang po. Hindi naman po sya kawalan maski hindi man nya ako kilalanin dahil may isang pamilya ang totoo at lubos na nagmamahal sa akin at kay kuya andrew."

" Ma, mamaya po pala selebrasyon sa bahay nina jansen. Punta po kayo ha."

" Me ganun kapatid! My god nakakatakot iyon baka magtakbuhan ang mga bisita kung makita nila ang multo ng mama mo!" ( Jannah)

Agad itong kinutusan ni jasper.

" Hehehe biro lang ate. Baka lang naman kung puwede."

Nagkatawanan ang apat at tahimik na nag alay ng dasal at nagpasyang umuwi.

------------------------------------------------------

Samantala si gener at jonas ay di tumitigil sa kahahanap kay andrew at jansen. Nauna nilang pinuntahan ang simbahan sa inaakalang magsisimba ang mga ito. Pero hindi nila nakita ang dalawa. Hindi nila ay doon naunang pumunta ang dalawa bago sa sementeryo na hindi rin nila alam na pupunta doon. Ang ginawa ng dalawa ay tumambay sa isang kanto na hindi mapapansin ng mga tao o ng mga taga mansyon. Pero nakikita nila ang mga taong pumapasok at labas doon.

" Puta naman tay kanina pa tayo ikot ng ikot, hindi natin makita ang dalawang iyon. Kating kati na akong masapak ang andrew na iyon!"

" Manahimik ka! Hindi nakakatulong ang kadaldalan mo dyan! Nagiisip ako kung paano natin dudukutin ang dalawang yun!"

" Mukhang engrande ang handaan dyan tay ah! Madaming trabahador ng farm ang dumarating at mga anak nila."

" Mga trabahador daw at mga bata ang imbitado kaya ganyan!"

------------------------------------------------------

Sa mansyon ay agad nilapitan ni alfred ang isang bagay na nakita nya. Nanginginig ang kamay at kinakabahan ay unti unti nya itong dinampot at umupo sa kama. Pinihit ang susian ng music box at tuluyan na itong tumunog kasabay ng pagpatak ng luha ni alfred nang makitang pamilyar ito sa kanya. At kung sino ang binigyan niya nito.

Bigla namang pumasok si minerva at angela. Na kitang kita ng dalawa ang pagpunas ni alfred ng mga luha nya.

" Hon bakit?"

Umiling lang ito sa asawa.

" Kuya anong nangyayari sayo, namiss mo ba itong kuwarto mo kaya ka senti ka dyan?"

Nakita ni minerva ang hawak ni alfred.

" Kanino ito minerva?"

" Sa palagay ko kay andrew yan. Nakita ko kasi dati na bitbit nya yan noong dito na sya nag stay sa kuwarto ng malamang magkapatid sila ni jaja."