Alice in Zombieland

AIZ: Chapter 4

Matapos daanan ni Jiyo si Alice ay agad na siyang bumalik sa ginagawa. Muli niyang tinulak ang kariton na dala. Punong puno ito ng mga gulay na inani ng mga kababaihan kanina sa taniman. Nagprisinta si Jiyo na siya na ang magdadala ng mga ito kay Ginang Loridel. Tutal nama'y tapos na silang mangaso at sakto pa na napadaan sila roon ng kaniyang mga kasama.

Napatigil si Jiyo sa paglalakad nang magkumpulan ang mga batang naglalaro sa harapan ng kariton. Malalaki ang mga ngiti ng mga ito na tila ba galak na galak silang makita ang babae.

"Good morning, teacher Jiyosa!" Sabay-sabay nilang bati.

Napangiti naman si Jiyo at bumati rin sa mga bata. "Good morning, students! Oh, huwag ninyong kalilimutan ang mga takdang-aralin ninyo, okay?"

"Opo, teacher Jiyosa!" Magiliw na sagot ng mga ito. Napatawa naman si Jiyo dahil sa kabibohan ng mga bata.

"O sige, bumalik na kayo sa paglalaro." Sabi niya na agad naman na sinunod ng mga bata. Nang masigurong ayos na ang mga ito ay muling nagpatuloy si Jiyo sa kaniyang pupuntahan.

Aside from the fact that Jiyo is undeniably good at handling crossbows, she's also an elementary teacher. She was a teacher in a public school. Hindi man kataasan ang sweldong nakukuha niya noon, masaya naman siya na natuturuan niya ang mga bata.

Itinigil ni Jiyo ang kariton nang marating niya ang lutuan. Isang katamtaman sa laking bahay ang nagsisilbing kusina nila. Dito dinadala at iniluluto ang mga gulay at karne para ihain sa kanilang lahat. Karugtong naman ng bahay-lutuan ay ang kasing laki rin nitong bahay na nagsisilbing hapag kainan nilang lahat. Madalas na abala ang lugar na 'to lalo na't pang-malakihan palagi ang kanilang niluluto.

Itinaas ni Jiyo ang kamao upang kumatok. Ngunit napatigil siya nang bumukas ang pinto at bumungad sa kaniya ang nakangiting mukha ng isang lalaki na bagamat pawisan ay 'di maipagkakaila ang kakisigan nito. Kumabog ang puso ni Jiyo dahil sa kaba nang masilayan ang lalaki.

Pero pagkakitang pagkakita ng lalaking 'yon kay Jiyo ay agad na nawala ang ngiti nito. Masamang tingin ang ipinukol nito sa dalaga. Dahan-dahang napababa ang kamao ni Jiyo kasabay nang pag-iwas niya ng tingin.

Jiyo swallowed the imaginary lump in her throat. 'Sa dinami-dami ba naman ng makakasalubong, bakit si Lenon pa?' Ngiwing tanong ni Jiyo sa sarili. But she mentally slapped her face when she remembered that Lenon is also in charge of cooking.

Damn it! How can I forget that!?

"Lenon, anak, bakit ka ba nakaharang sa. . O Jiyo! Aba'y nariyan ka pa lang bata ka." Nag-angat ng tingin si Jiyo nang marinig niya ang boses ni Ginang Loridel. Nakita niyang bahagyang tinabing ng ginang si Lenon upang makadaan ito.

"Magandang araw po, Ginang Loridel. Dinala ko lang po dito yung mga naani sa taniman." Itinuro ni Jiyo ang kariton sa likod niya. Napasilip naman do'n ang babae at tuwang nagsalamat sa Diyos dahil sa ganda ng mga ani.

"O s'ya sige, ipasok mo na sa loob 'yan nang amin nang mailuto." Utos nito.

Napatango naman si Jiyo saka bumalik sa likod ng kariton at sinimulang itulak ito. "Sandali lang Jiyo, hindi ikaw ang magpapasok niyan."

Napatigil naman si Jiyo sa pagtulak. Tinapik ni Ginang Loridel si Lenon na tahimik lang na nakatayo at pinagmamasdan ang bawat galaw ni Jiyo. "Ikaw na anak ang magpasok niyan. Sumunod ka sa akin sa loob, Jiyo." Pagkatapos no'y pumasok na ang ginang sa loob.

Napatikom naman ng bibig si Jiyo saka nakayukong sumunod sa loob. Ngunit napatigil siya nang marahas na hinablot ni Lenon ang kaniyang braso. Dumulas mula sa balikat ng dalaga ang lalagyan ng kanyang pana.