Love On-Cam

Episode 6

Episode 6
A New Life with Brylle

Shannen

Friday. Nakalipas na ang dalawang araw nung simulang ipalabas yung first episode namin ni Brylle sa Love Air.

Si Brylle Jaeyo Yook lang naman ang virtual husband ko dun! Kaya pala hindi ako mapakali nun, dahil siya pala ang partner ko!

Ewan ko ba kung maiiyak ako o matutuwa eh. Well, gusto ko si Brylle diba? Kaso naloloka ako sa mga kalokohan niya! Ang sarap niyang iuntog sa puso ko, I mean sa pader!

Naiisip ko palang yung unang pagkikita namin, naloloka na ako!

Flashback
Sa araw na kung saan magkikita sina Shannen at Brylle

Nandito ako sa loob ng Milky's. Simple lang ang suot ko. Pikachu jacket at leggings. Mas gusto ko kasi na simple lang, pero may dating. May dala din akong rocky road cake na binake ko mismo, syempre nagpatulong ako kela Kyoko, hindi naman kasi ako ganun kagaling magluto.

Tahimik at walang tao sa loob Milky's. Napapaligiran ang buong shop na yellow boxes. Six boxes to be exact. Nilapag ko yung cake sa table at binuksan ang isa sa mga box.

Nagulat na na may Pikachu stuff toy na nakasuot ng police costume at may letter na kalakip sa Pikachu na yun.

Hey Miss Beautiful. I hope na nagustuhan mo ang surprise ko. Nakita mo ba ang isang box na katabi ng box na ito? Open it. At makikita mo ang next surprise ko.

Lumapit ako sa pangalawang box na sinasabi niya. Laman naman nito ay couple shirt. Blue at red. Katulad ng unang box may laman din itong Pikachu stuff toy na nakachef costume at letter. Kinuha ko yung couple shirt na yun at pumunta sa pangatlong box.

May isang maliit na box at Pikachu stuff toy na nakauot ng pajama. Necklace na star ang design.

Sa pang-apat naman na box ako pumunta. Isang Pikachu cake at Pikachu stuff toy na nakasuot naman ng pangdetective na suit.

Sa panglimang box naman, isang bottle na punong puno ng star shape na papel at Pikachu stuff toy na nakasuot ng jumpers.

At sa pinakahuli at pinakamalaking box, lumabas ang maraming balloon at may letter na nakatali sa isa sa mga balloon.

Do you like my surprise? Well isa sa mga tanong mo kung nasan ako? Lumingon sa likod mo. :)

Pagkalingon ko, tumambad sa akin ang isang Pikachu mascot.

"Omg! Ang cute!" Hindi ko na natiis yung cuteness ng Pikachu mascot at niyakap ko iyon.

Bumitaw ako sa pagkakayakap sa kanya. Alam kong siya yung nasa loob ng mascot. Dahan dahan kong iniangat ang ulo ni Pikachu.

"Omg Brylle?!"

"H-hi Shannen!" Nauutal na sabi ni Brylle na naliligo na sa pawis.

What the hell, seriously?! Si Brylle ang virtual husband ko?!