Inaantok na ako pero hindi pa rin makatulog
Sa isipan ko'y mayroong nambubulabog
Puso'y tumatakas sa mapait na kahapon
Bakit ganon, sa kahapo'y laging nakukulong?
Mga alaalang pilit tinatakasan
Mga pangakong walang kinapuntahan
Pagmamahal na noo'y pinanghahawakan
Nandito ka noon, ngayo'y nasaan?
Marami nang beses tinanong sa sarili
Mahal ko, saan ba ako nagkamali?
Hindi na ba ako maganda sa iyong paningin,
Kaya pilit mo na lang iniwanan sa dilim?
Mayroon ka bang gusto kong gawin?
Gusto mo bang ikaw ay suyuin?
Pasensya na kung naiinis ka na sa'kin
Gusto ko lang naman ika'y muling mapasa'kin
Ayan ang nais kong gawin noon
Noong ika'y pumipiglas sa'kin palayo
Yakap-yakap kita noon sa likod mo
Ngunit tinulak mo't iniwan mo akong bigo
Ngunit ngayon ako'y unti-unting nakakalimot
Kalungkutan ay dahan-dahang binaon
Aking sarili'y pilit inaayos
Itong hinanakit, malapit nang matapos
Ngunit biglang papasok sa isip ang mga alaala
Tawanan, iyakan, mga pinagsamahan
Mga tubig sa mata'y biglang pumiglas
Ano ba'ng dapat kong gawin upang ang lahat ng ito'y lumipas?
Habang pinipilit ang mga mata na tumahan
Piliting ilubog ang kalungkutan ng dahan-dahan
Palitan ang hinanakit ng kasiyahan
Sarili'y akin munang ihihimlay
BINABASA MO ANG
Bigyan Mo ng Title ang Tula
RandomMga tulang hinugot ng isang simpleng tao sa kanyang malikot na kaisipan kung saan pinagsama-sama ang tamis ng realidad, pait ng pantasya, at sampal ng kanyang mundong ginagalawan. Samahan pa ng kanyang mga kaunting karanasan, mga hugot, mga kabaliwa...